(روايـــــه نــــور وعــبــدالله)تزعل يراضيها يبوسها ويواسيها

عبدالله : ايش تبغين قولي وانا اعملك !
موضي : مابغى شي .. ابغى احس اني متزوجه .. ابغى احس انك تحبني !!
عبدالله غمض عيونه بالم وهو يقول بقلبه : الا هالشي ياموضي مقدر عليه
موضي تمت تناظر ويهه .. : ودني عند اهلي احسن
طلعوا الاثنين من البيت وكل واحد في قلبه افكار واشيا كثيرة .. موضي كانت مستغربه من ابتعاد عبدالله للحين عنها .. هو طبعه جذي ولا هي اللي مب قادرة تفهمه ..!!
عبدالله كان في جو غير ودنيا غير .. سؤال موضي اظهر جروح قديمه وحب كان يحاول ان يخبيه عن الناس وعن نفسه .. بس الظاهر ماقدر .. وهو يقول بقلبه .. ياليت الحب كلمة بهالسهلوله ننطق فيها ياموضي .. كان قلتها لك من زمان ..
وصلت موضي بيت ابوها
عبدالله : امرج متى ؟
موضي : على راحتك ..
عبدالله : خلص انا عندي كم شغله اخلصها وعلى الساعه 11 امرك طيب ؟
موضي من غير نفس : طيب
طلعت وسكرت الباب وراها
واول مااختفت عن عينه .. سند راسه على الكرسي .. وهو وده يرتاح من اللي اهو فيه .. وده لو يقدر يحبها .. على الاقل مب مثل نور .. بس يتقبل فكرة انها زوجته .. وتحتاج لانها تحس بالحب والموده .. بس وين !! هالشي كان اصعب مما كان يتصور
في بيت ام ضاحي
ام ضاحي : هلا ياابنيتي .. ها عبدالله بره ؟
موضي : لا عنده شغل مانزل
ام ضاحي : وماقلتليله ان الليله عندنا عشا ؟
موضي : الا يما .. بس عنده شغله مهمه ولازم يسويها
ام ضاحي بضيق : على راحته
ودخلت موضي الصاله الداخليه عشان لاحد يشوفها وقررت تدق على سارة تخبرها بكل شي
موضي : الو السلام عليكم
سارة : وعليكم السلام ورحمة الله وبركاته .. هلا والله بمضاوي
موضي : هلا فيج يالغاليه .. كيفك ؟
سارة : بخيرالله يسلمج وانتي شلونج ؟
موضي : تمام .. شلون العيال والكويت ؟
سارة : العيال بخير .. والكويت مشتاقتلكم .. وينه عبود الدب انا قايلتله يشوف له اجازة قريب وتجون تزورونا
موضي :.. سارة عبدالله مب جنبي .. الصراحه انا داقه ابي اكلمك بموضوع يخصه
سارة بقلق : ايش فيه موضي خوفتيني ؟
موضي : لا مافيه .. بس
سارة : شفيج ؟ تكلمي !!
موضي : عبدالله ياسارة .. مدري شفيه دايم ساكت وكلامه معي قليل .. مااعرف اذا هو يشكي من شي .. تعبان ولا لا .. بس احسه مب مرتاح او ؟
سارة اللي فهمت ان عبدالله للحينه مب متأقلم بزواجه : موضي حبيبتي .. خوفتيني .. الرياييل كلهم جذي بس مع العشرة يبدون يتغيرون
موضي : يعني هو طبعه كذا ؟
سارة مااعرفت شتقول : ايه عبدالله من النوع الهادي .. شوفي الريال ماتحسين انه بدى يتقرب من زوجته الا اذا ياب منها عيال .. ترى الولد يغيرالريال فوق تحت
موضي : بس هالشي مب بيدي ياسارة
سارة : انتي روح الطبيب وشوفي شنو يقولج .. طيعيني بس يدي انج حامل بتتغير معاملته وكلامه وكل شي .. واذا عليه اهو .. خلص انا مستعده اكلمه هاليومين .. واشوف شفيه
موضي : والله مب عارفه ايش اقولك . .بس انتي اخته ومااعرف اشكي او اقول لاحد غيرك
ساره : زين ماسويتي .. ماعليك .. الحين سوي اللي قلتلك عليه والباجي خليه على الله ثم علي
موضي : ان شالله

سارة : ولاتحاتين ..
موضي : تسلمين .. تعبتك معي يله تبين شي ؟
سارة : لاسلامتك .. سلمي
موضي : يوصل .. مع السلامه
سارة : مع السلامه
سكرت سارة من موضي وهي تقول بقلبها .. لازم احط حد لهالموضوع ..
وقامت ودقت على عبدالله وسلمت عليه وكلمته عادي .. ووصت انه يهتم بموضي بس ماحسسته انها دقت تشتكي لها
في بيت بوراشد
ام راشد : زين عيل كتبتي منو عندج ؟
نور : مم بيت عمي وبيت يدي وام عيسى وصديقاتج وام ناصر ومرت عبدالوهاب صبيحه ..وو بس
ام راشد : زيين .. فكري بعد في احد نسيناه ؟
نور : مم ماادري ..!!
ام راشد : اييه بنت عم ابوج .. سارة
نور بهدوء : بتعزمينها ؟
ام راشد : اكييد
نور : طيب .. جذي العدد اوكي .. بيت عمي ومرت يدي عندهم خبر عن ملجة هشام بس باجي ام ناصر وصديقاتج
ام راشد : هذيل سهلين .. الحين ادق عليهم واخبرهم ان شالله
نور : اوكي .. انا بروح مع ريووم نشتري جم شغله ناقصتنا .. وبدق على بشاير اذا ناقصها شي
ام راشد : زيين يماا .. روحوا مع السايق
نور : طيب .. اكلم ريم واخبرها
ام راشد : زين حبيبتي ..
وقامت نورتدق على ريم وخبرتها بتمرها بعد ساعه
وعقبها دقت على بشاير .. تشوفها اذا ناقصها شي عشان تييبه معاها بالطريج
عند بيت بوخالد
بيب بيييب
ريم من الدريشه : نطري نور .. دقايق وانزل
نور وهي تبتسم : انطرج .. لاتتأخرين
يرن تلفون نور .. المتصل ام راشد
ام راشد : هلا يما نور .. انتي وينج ؟
نور : انا عند بيت ريم ماما .. تبين شي ؟
ام راشد : لا .. بس ابوج يبي اوراق ضروري ويبي احد يوديهم المكتب بالشغل .. اقولج ردي البيت خذوا الاوراق وعقب روحوا السوق
نور : يي يما .. جذي اخاف نتأخر .. وين هشوم ولا راشد ؟
ام راشد : محد فيهم يرد علي .. وابوج يبي الاوراق ضروري
نور : طيب .. الحين يايه بيباي
وتوصل ريم
ريم : سووووري نوروه تأخرت ؟
نور : لا بس شوي خست بالحر .. ريوووم شتسوين عفيه .!.!
ريم : ههههههههه لا بس توه مشعل يابني بيت ابوي ..
نور : زين ريووم .. شوفي بتعبج معاي شوي معليه
ريم : افااا عليج جم نور عندنا احنا .. وحده بس
نور : ههههه تسلمين .. بس ابوي يبي اوراق ولازم اوديهم له المكتب يعني بمر البيت وعقب بروح المكتب وبعدين نروح السوق
ريم : معليه .. ماوراي شي .. بس هاا عاد على هالحوسه تعزميني على عصير او برد
نور : هههههههههه .. زين من عيوني
بعد اسبوع
الخميس .. ملجة هشام وبشاير
بشاير : يي نور .. شوفي طيب شعري من ورى اوكيه ؟
نور : والله والله حلو .. جناان
بشاير : نور .. شكلي اوكيه
نور : ههههه ياويلي والله بين هشام يوم يشوفج
بشاير : ههههههه .. لحظة خل افهم هذا مدح ولا ذم ؟
نور : ههههههههههههه والله مدح .. ليش فيج اصلا شي ينذم ؟
بشاير : فدييتج بعد قلبي والله
نور : زين انا بنزل اكيد في احد يه .. واشوفج بعد شوي
بشاير : نوروه وين رايحه .. بتخليني بروحي ؟
نور : ههههههه .. دقايق بس وارجع
وراحت نور توقف مع امها وتسلم على المعازيم بفرح وسعاده ماتوصف .. مو هذا احلى يوم اللي تشوف اخوها وصديقه عمرها بيكونون في بيت واحد .. وهالشي حسسها بالسعاده ونساها اشيا كثيرة كانت سبب دموعها شهور وايام
يرن تلفون نور
المتصل هشام
نور : اووف ذبحتني هشووم ...
هشام : زيين في وايد حريم ؟
نور : هههه شنو خايف منهم انتا ؟
هشام : أي والله .. كل وحده تخز من صوب .. شلون مااخاف
نور : هههه زين الحين انتا خلك ريلاكس حبيبي .. ولاتدق كل شوي .. انا لما ادق عليك تدش
هشام : زين اوو لاتعصبين .. اقولج .. مايصير اكلم بشاير الحين ؟
نور : لا قلتلها وقالتلي لا
هشام بخيبه : ليش عاد .. ملجنا احنا والحين صارت زوجتي رسمي
نور : ياعمي بتمل منها فكني الحين خلني اشوف شغلي
هشام : ايي روحي حبيبتي .. ضبطي عرسنا بعد قلبي
نور : ههههه طيب باي
دخلت بشاير وكانت طالعه جناان .. خصوصا ان تقاسيم وييها كانت جذابه والميك اب والفستان طلعها رهييبه
ام راشد تنادي نور : تعالي نور يما
نور : هلا ماما
ام راشد تكلم صبيحه : هذي هي .. شفتيها ؟
صبيحه : ماشالله تبارك الله .. والله بنيتج كبرت .. خابرتها يوم كانت صغيره تلعب مع فهد ولدي تذكرين ؟

ام راشد : ايي والله ايام .. الا فهد شخباره ؟
صبيحه : الله يسلمج فهد يدرس بجامعه عجمان بالامارات وماباقيله غير سنه ويتخرج ان شالله عاد انا قلت هالمرة ماراح يسافر من غير مااازوجه
ام راشد : الله يبلغج فيه ان شالله
صبيحه وعينه على نور : وجني لقيت البنت .. عسى الله يكتبها من نصيبه
ام راشد فهمت وماعلقت لانها عارفه رد نور .. اما نور فكانت تسمع بصمت وهدوء ..ومن غير أي تعابير
وعلى هالموضوع وصلوا المعازيم كلهم تقريبا .. واخيرا يت سارة اخت عبدالله
سارة : شلونج ام راشد .. مبروكين
ام راشد : الله يبارك فيج .. ليش عاد تأخرتي ؟
سارة : على مانام ناصر ييت على طول ..
والتفتت لنور .. : شلونج نور حبيبتي ؟ مبروكين على اخوج
نور وبعيون مشتته بعيدا عن ويه ساره : بخير الله يسلمج .. الله يبارك فيج
ام راشد : ها بشري شلون علي والعيال
سارة : كلهم بخير والله
ام راشد : وعبدالله مع زوجته .. عسى مرتاح ؟ مايبي يزوركم
نور لااراديا التفتت صوب سارة وامها من اسمعت اسم عبدالله وكأنها بتسمع اخبار تنطرها من شهور ..
سارة بصوت مسموع وهي تشوف نور وتقصدها بالكلام : والله شقولج .. بس لو يتزوجون .. عشان غيرهم يرتاح
ام راشد ماافهمت : منو اهما ؟
سارة ومصرة انها توصل اللي تبيه لنور : ناس يخربون حياة غيرهم .. لان حياتهم مختربه
ام راشد وهي للحين مو مستوعبه : شنو هي حزايه ياسارة ؟
سارة : لا ماعليج .. قوليلي انتي متى ان شالله عرس هشام ؟
نور كانت في صدمه .. او شبهه صدمه ان الكلام هذا كان فعلا موجهه لها .. وكأن سارة تقولها انتي سبب تعاسه عبدالله .. انتي سبب حزنه وضيقه ..
كانت مومستوعبه الى الان .. ان الحجي هذا كان من سارة .. بس هي ابتعدت عنه ..!! ومن يوم ماتزوج ولا عمرها فكرت تكلمه او حتى تشوفه . . كلشي بينها وبينه مقطوع من سمعت انه بيتزوج .. ليش الحين يلمونها على اشيا هي مو سببها . مب كافي العذاب والحزن اللي اهي فيه ؟ مب كافي انها خسرت حياتها وقلبها .. مب كافي ان الفرحه مثل باجي البنات ماتقدر تفرحها ولا تحس فيها .. وشو اكثر يبون يسوون فيها ..!!
راحت لغرفة بشاير وقعدت تبجي من الخاطر .. حتى بفرحتها باعز الناس لها .. حرموها منها
ريم : خالتي وين نور !!
ام راشد : والله ماادري .. كانت هني قبل شوي .. !!
ريم : ام بشاير تقول خل يدش هشام الحين !!
ام راشد : دقي عليها يماا.. اكيد تلقينها بمكان هني ولاهناك
ريم : صح .. خل ادق
وتدق ريم على نور
نور تشوف المتصل .. ريم
تمسح دموعها وترد
نور : الو
ريم : الو .. نوروه وينج انتي .. يله خالتي ام بشاير تقول خل يد ش المعرس الحين
نور وهي تحاول ان يكون صوتها طبيعي : يله كاني يايه .. كنت بغرفه بشاير
نسيت شي .. وشكلي خلص بتركه ومراح ادور عليه
ريم : ليش .. شنو مضيعه !! عسى مو شي غالي ؟
نور وهي تغمض عيونها : غالي حييل .. بس خلص ضاع ومراح القاه
ريم : زين تبيني ادوره لج !!
نور : لا حبيبتي .. كاني نازله الحين
نزلت نور واللي تحاول انها تظهر بانها طبيعيه وتضحك وترقص وتصور مع اخوها ولكنها من الداخل مجروحه ..
تمنت يومها انها تطلع من هالمكان .. بعيد عن عيون الكل وخصوصا سارة
في الطرف الاخر
هشام وهو قاعد يم بشاير يساسرها : مبروك
بشاير بحيا : الله يبارك فيك
هشام : حلو هاللون عليج .. ليش من قبل ماتلبسينه !!
بشايروهي تبتسم : هشام .. الليله احلى ليلة .. مافيني اعصب
هشام بضحكه جنان : احلى وانتي معصبه تدرين ..
بشاير : لا والله ..!!
نور تقترب منهم
نور وهي مبتسمه : مبروك لاحلى اخو واحلى صديقه بالدنيا
هشام وهو يبي يغايض بشاير : نوروه .. ويني عن كل هالبنات
بشاير تخزه بطرف عينها وعقب تقول : هشووم !!
نور : ياويلي .. حتى بهاليوم تتهاوشون ..!! ههههههه
هشام : ياعيون هشوم .. فديت اسمي اول مرة ادري انه حلو .. ياقمر
بشاير وهي مستحيه : شفتيه .. يقص علي بكلمتين .. وانا بسرعه ارضى عليه
نور : لانه مايقدر يزعلج .. زين بشور يت المصورة .. خل تاخذ لكم جم لقطه يله
في الطرف الثاني
في البوفيه

ريم كانت مقررة تفاتح نور بموضوع .. وشافتها قاعده بروحها فانتهزت الفرصه
ريم : هلا بنت عمي .. يصير اتعشى معاج
نور بابتسامه : افاا عليج .. المكان كله لج .. حياج
ريم : هههه لااصدق روحي عاد
نور : جم ريم عندنا احنا ..!! وحده بس
ريم : ياحبيبتي انتي .. نور .. معليه اكلمج بموضوع
نور : امم .. اكييد .. تفضلي
ريم : ممكن اعرف سبب رفضج للزواج ؟
نور سكتت شوي وهي تلعب بكوب الماي اللي يمها وعقب قالت : انا مب رافضه الزواج
ريم : عيل ليش قاعده ترفضين كل واحد يتقدملج .. وانتي ماشالله مب ناقصج شي .. في حد معين ببالج نور ؟
نور التفتت لها بسرعه : لا
ريم : عيل شنو السبب ؟
نور وباصرار غريب : كنت حابه اكمل دراستي .. بس الحين ماعندي مانع
ريم : وشنو اللي غير وجهه نظرج ؟
نور اللي تذكرت وش سمعت من سارة وغمضت عيونها بالم وعقب قالت : فكرت زين .. وامي اقنعتني
ريم : زين .. تدرين انج ونستيني
نور : ههه شدعوه .. قاعده على قلبج ؟
ريم : لا .. بس نور انتي بنت كاملة والكامل وجهه سبحانه .. والصراحه دامج مو رافضه الفكرة .. ودي اعرف رايج اذا تغير بخالد اخوي ولا لا .. ترى اهوا للحين يبيج
نور : شوفي ريم .. انا بقولج شي ماقلته لاحد .. انا احب خالد .. ولاني احبه ابيه يعيش بسعاده وراحه .. وصدقيني لو كنت اقدر اوفرله هالشي جان قبلت فيه .. خالد بمعزة هشام اخوي .. واجذب عليج ان قلتلج اني مااتمنى واحد زيه .. لكني مقدر اسعده .. صدقيني خالد اكبر خسارة لي .. بس ان شالله ربي يعوضه احسن مني
ريم اللي فهمت نور وعرفت رايها : خلص دام هذا رايج .. الله يوفقج ويوفقه ان شالله
نور بابتسامه : ريم .. انا والله احبكم
ريم :وييه فديتج وانا امووت فيج والله ..
وكملوا سوالف عن عرس هشام وشنو بيسوون .. وكانت ريم تتحجى لكن نور في عالم اخر .. وهي بالها انها تريح غيرها اذا كانت هي فعلا سبب عذابهم ..
بعد اسبوع من الملجه
في غرفه نور
نور : ماينيت
بشاير : لا انتي ميونه .. واذا تفكيرج جذي .. انا اول وحده بعارض هالزواج
نور : مو انتوا كنتوا تحنون علي عشان اتزوج .. ويوم وافقت تلوميني !!
بشاير : احنا كنا نبيج تتزوجين عن قناعه مب عشان سارة قالت لج هالكلام .. ترى محد بيخسر الا انتي
نور : انا ماارضى اكون سبب تعاسه غيري بشاير .. وزواجي من فهد بيخلي عبدالله ينساني .. مو هذا اللي تبيه سارة !!
بشاير : وحياتج .. ومستقبلج !! ماتفكرين بهالشي ؟
نور بالم : انا من بعد عبدالله ماعدت افكر بشي بشور .. كلشي بحياتي انتهى
بشاير : نور .. حرام عليج اللي تسوينه هذا والله حراام انتي قاعده تقسين على روحج
واذا فاكرة اللي قاعده تسوينه هذا انتقام .. ترى انتي قاعده تنتقمين من نفسج
نور : ابوي موافق ويقول انه ريال زين ..
بشاير : يعني ماكو فايده !!
نور : بشاير دخيلج .. هالموضوع انا خلصت منه ..
بشاير وبعيون ملاينه دموع : وبتتركينا وتسافرين الامارات ؟
نور : سنه وحده وعقب مايخلص بنرد الكويت
بشاير : خلص اذا انتي مقتنعه باللي قاعده تسوينه .. الف مبروك
نور بابتسامه : نسيتي انج قلتيلي لازم تنسينه .. يمكن فهد ينسيني ياه
بشاير : هههه يي شكلنا ارتحنا لفهد
نور :هههه ليش انا شفته اصلا .. باجر بيون وان شالله يصير خير
بشاير : نور .. ابيج تفكرين للمرة الاخيرة .. اذا كانت موافقتج بس عشان تقهرين سارة او عبدالله .. فمحد خسران غيرج .. واذا كانت عشان تبدين حياة يديده .. فربي يوفقج
نور اكتفت بابتسامه وعقب احضنت بشاير وهي تبجي بس ماتدري شنو السبب .. هل عشانها بتفارق اهلها سنه كامله وبتعيش بعيد مع ريال ماتعرفه ولا يعرفها ؟ .. ولا عشانها لازم تنسى عبدالله وذكريات عبدالله وماضيه ؟؟ ولا خوف من المستقبل والقرار اللي اتخذته غصبا عنها
اليوم الثاني
في بيت بشاير
بيب بيب
بشاير وهي تلبس عباتها بسرعه وتنزل ل هشام بالسيارة
بشاير : ييي شوي شوي هشام .. توك ياي ؟
هشام : دقيت عليج ثلاث مرات ليش ماتردين ؟
بشاير : كنت اسبح والله .. وماشفت التلفون الا يوم سمعت الهرن
هشام : مم زين نمشي الحين ؟
بشاير وهي تبتسم : ايه
هشام وهو يخزها ويناظر ويهها : شرايج ياقمر نكشت فيهم ونروح انا وياج على مطعم قعدته على البحر حلو ؟
بشاير : لا حرام .. اليوم خطبه نور ولازم اكون موجوده .. لاحقين على الطلعات
هشام : يماا منج .. ماتبي يطوفها شي
بشاير : هههه لا مو قصدي جذي .. بس رفيجتي حبيبتي لازم اكون معاها
هشام : ههههه زيين ذبحتينا درينا انها رفيجتج .. بس عاد مو حبيبتج
بشاير بثقه : الا حبيبتي
هشام بابتسامه تذوب : وانا ؟
بشاير : انت شنو ؟
هشام : انا مو حبيبج ؟
بشاير بحيا : لا
هشام : افاا .. كده حتزعليني منك بش بش
بشاير : هشووم بطل زيين
هشام : مابي .. شوفي ان ماتحجيتي ترى ماراح اوديج بيت رفيجتج حبيبتج هذي
بشاير : ههههههه يالنحييس
هشام : يله قولي
بشاير بخجل : شنو اقول ..!!
هشام : قولي زي ماتقول نور .. قولي احبك
بشاير : ههههههههه يحليلك .. قمت تقول لنزار .. عفيه يانور
هشام : مو مني .. ذبحتنا بمسلسل نزار .. من كثر ماتشوفه حفظت كل اشعاره
بشاير : زين حطلنا شي نسمع
هشام : ماكو لما تقولينها ؟
بشاير : انسى
هشام بخيبه : ليييييش يالنحيسه ؟
بشاير : ههه كيفي
هشام : زين انا احبج
بشاير ونظرها على ايدينها .. : زين حطلنا شي نسمع
هشام وهو يمسك ايدينها ويناطرها بحنيه جنان : تحبيني زي مااحبج .. !!
بشاير بخجل : ايه
هشام : قوليها طيب

بشاير : ههه مابي .. يله خل نمشي هشاام تأخرنا
هشام : اووف .. نحييسه
بشاير بغرور : ههههههه
يرن تلفون هشام
المتصل خالد
هشام : هلا وغلا بالحب كله .. اموت فيج انتي وينج ؟
بشاير اللي طلعت عيونها .. والتفتت له
خالد من الطرف الثاني : يامجرم ياقاسي .. هي يمك ..!!
هشام : آآآه والله وحشتيني
خالد : هههههههه يووز حرام عليك .. احاجيك .. يمديك الحين تيي تاخذ الاوراق اللي بغيتهم
هشام : أي يمدي ..!! وين ؟
خالد : انا الحين رايح الجمعيه .. محتاج جم شغله .. تعالي هناك
هشام : طيب .. يله مسافه الطريج
خالد : اوكيه .. يله حبيبي نشوفك
هشام : ان شالله .. وين بوستي
خالد : هههههههههههههه استح على ويهك .. ترى الحين بتقوم تكفخك بالجنطه
هشام : اوووف شكلها جذي
خالد : هههههههه تستاهل .. يله باي
هشام : باي
سكر هشام من خالد وهو ميت من الضحك .. شكل بشاير كان نكته وهي معصبه وتهز ريولها وعيونها المكحله تخزه بقهر .. حاول يمسك روحه ويكمل هالمسرجيه معاها
هشام : بسم الله شفيج معصبه ؟
بشاير : منو هذي ؟
هشام : وحده .. كنت احاجيها قبل مانتزوج
بشاير : والله ؟
هشام : بس اهي للحين تدق علي .. وتبي تشوفني بالجمعيه .. الصراحه ماقدرت اقولها لا
بشاير اللي بتبجي خلص : انتا ماتستحي على ويهك .. ردني البيت
هشام : هههههههههههههههههه
بشاير : ردني البيت اقولك
هشام : زين ليش تبجين ؟
بشاير : تردني البيت ولا وقف السيارة .. مابيك .. تفهم ولا لا ؟
هشام اللي ماقدر يمسك روحه : هههههههههههههههههههههه يالمينونه
بشاير اللي بجت خلص : اكرهك ..
هشام : هههههههه هذا .. خالد هههههههههه
بشاير : جذااب ..
هشام : ههههه والله خالد .. دخيلج شوفي شكلج وانتي معصبه مو طبيعي
بشاير اللي صارت تبجي : لاتقص علي
هشام كسرت خالطره : والله والله خلود .. بس كنت بعصبج شوي .. اسف خلص لاتبجين
بشاير :بلا انت قايل تبي تقابلها بالجمعيه
هشام : اهوا يبي يعطيني ااوراق وقالي انا بالجمعيه .. واذا مو مصدقتني الحين بنورح ونشوفين
بشاير وهي تناظره وبعوين مليانه دموع : مااحبك
هشام : بس انا امووت فيج ..
بشاير : ....
هشام : بش بش .. بشورة .. بشاير !! يالدلوعه انتي
بشاير :.....
هشام : زين ماتبين تردين علي.. عيل هالاغنيه الحلوة لج
وحط لها اغنيه دلوعتي لراشد الماجد
وقعد يغني مع راشد .. وهو يبتسم لها
بشاير : ....
هشام : للحين الحلو زعلان ؟
بشاير : لما اشوف بعيني عقب بسامحك
هشام : هههههه طيب يازعوله ..
في بيت بوراشد
في الصاله
ام راشد وبشاير وصبيحه ام فهد
اما في الديوانيه فكان بوراشد وراشد وهشام وبوفهد وفهد
ام راشد : حيالله من يانا .. والله من زمان مازرتونا ياام فهد
صبيحه : أي والله صاجه .. يله مافي احلى من هالمناسبه نشوفكم فيها .. بعد الحين صرنا اهل
ام راشد : ان شالله
صبيحه : الا وين نور ؟
ام راشد : نازله الحين .. بشاير روحي ناديها
في الديوانيه
بوراشد : بعد حنا مالازم نسأل عنكم .. نعرف بعضنا زيين ..
بوفهد : ههه شفت شلون .. بعد هالعيال كبرونا ولا احنا تونا صغار
بوراشد : هههههه .. الله يكتب اللي فيه الخير .. الا فهد يابوك انت شتدرس بالامارات ؟
فهد اللي كان طويل وعريض .. ابيض ومسوي سكوكه .. بشكل عام كان مقبول ومايعيبه شي
فهد : ادرس ادارة اعمال
بوراشد : ماشالله .. وشكثر باجيلك ؟
فهد : سنه ان شالله واخلص
بوراشد : وليش درست بالامارات بالتحديد
فهد يشوف ابوه
وعقب رد بوفهد : والله ليش هي الجامعه الوحيده اللي عادلتلها المواد اللي ماخذها وخبرك ديرة خليجيه احسن من دول هالاجانب ..

بوراشد : أي والله صاج ..

هشام يساسر راشد : شكله مامشى بالكويت ودزوه بره
راشد : شكله جذي ..
بوراشد : قوم هشام ييب الجاي والقهوة
هشام : تامر يبا

في غرفة نور
بشاير : تدرين .. يقولون عمره 29 سنه
نور من غير اهتمام : طيب
بشاير : مم ماسألتيني شلون صاير شكله ؟
نور : ليش انتي شفتيه ؟
بشاير : ايه واحنا داشين بيتكم .. اهما دخلوا
نور : اهاا
بشاير :ماتبين تعرفين شلون صاير ؟؟ .. مم طويل قصير .. ابيض ..مزيون جيكر ههههه
نور : هههههههههه عادي
بشاير : اشوف عيونج يالنصابه
نور : هههههههههه
بشاير : نور .. حاولي تبدين حياة يديده
نور : قاعده احاول صدقيني ..
بشاير : يله زين ننزل

نزلت نور وقعدت بالصاله شوي .. عقب دخت الديوانيه وشافت فهد وشافها . والاثنين كانت نظرتهم لبعض جدا عاديه .. مافيها أي رفض او قبول ..
وكأن الاثنين مغصوبين بس بطريقه غير مباشرة .. نور طلعت من الديوانيه بنفس الشعور اللي دخلت فيه .. اما فهد فشاف نور انها مش بطاله وحلوة .. وهذا اهم شي والزواج شي لابد انه يصير عالاقل يدام اهله لكنه في الحقيقة مغصوب عليه ولا فكر انه يتزوج

راحت ام فهد وراح الجميع .. وصعدت نور غرفتها .. سكرت الباب واستندت عليه وهي تتذكر شلون كانت هي وعبدالله يخططون لهاليوم وش هو بيسوي .. وشنو اهوا بيسوي .. شلون كان شوقهم لهالوقت .. يوم مايكونون لبعض
تذكرت يوم قالها عبدالله .. مستحيل تكونين لاحد غيري ..
تذكرت اشيا كثيرة .. كانت تحاول تنساها طول هالوقت .. لكنها ماقدرت
بس هالحين يه الوقت اللي تودع فيه نور كلشي يربطها في عبدالله .. حتى ابسط ذكرياتها معاه

خلاص الماضي ودعته
محيت ذكراه من قلبي
انا من باعني بعته
ولا دربه يجي دربي
خلاص الماضي ودعته
تعاند كل احاسيس
وابدا خطوة النسيان
متى مازارني طيفك
اقوله روح ياخوان
خلاص الماضي ودعته
صبرت اكثر من اللازم
صبرت ومابقى بي حيل
وعمري صار بس ذا بك
بقايا للسهر والليل
خلاص الماضي ودعته
في بيت بوراشد
راشد يكلم هشام : ماادري ليش احس هالريال مو خالي
هشام : منو تقصد ..!! فهد ؟
راشد : ايه .. ماتحس انه غامض شوي
هشام :بلى .. بس يمكن اهو طبعه هادي .. في ناس جذي
راشد : ماادري .. يجوز
هشام :يقولون نور موافقه ؟
راشد بصدمه : والله ..!!
هشام : ايه بشاير قالتلي
راشد : غريبه .. مع انه يوها ريايل احسن منه مليون مرة .. شللي خلاها توافق عليه ؟.. تظن امي اثرت على رايها ؟
هشام : مااعتقد .. امي ماتغصبنا على شي .. بس اكييد اهي فكرت من نفسها
راشد : زين .. الله يكتب اللي فيه الخير .. نور غاليه والصراحه انا مومرتاح له هالفهد
هشام : رشوود لاتوسوس الريال ماشفنا عليه شي .. وسألنا عليه وقالولنا خوش ريال .. بعد ليش توسوس !!
راشد : ماادري هشووم .. الله يقدم اللي فيه الخير لهالبنت .. نور ماعادت زي اول .. نور الحبوبه الطيوبه اللي حسها مالي البيت كله .. صايرة دوم تسرح وضايق خلقها .. وجنها حابسه دموعها وباي لحظة تنزل .. هالبنت محيرتني
هشام : رشوود لاتكبر المواضيع .. ماافيها الا العافيه .. صحيح الفترة الاخيرة صرنا مانشوفها دايم .. بس يمكن شي بالدراسه مضايقها .. تدري نور شلون تحرص على دراستها ..
راشد وهو مو مقتنع : يجوز

هشام : وينها اهي الحين ؟
راشد : بغرفتها اكييد .. تعال خل نروح لها
هشام : يله ..
وصعدوا اثنينهم جناح البنات فوق ..
راشد : الا فروح وينها ؟
هشام : فروحه نايمه بدار امي
راشد : ههههههههه احلف ؟
هشام : والله
راشد : هذي متى تكبر ؟
هشام : هههه والله ماادري .. واللي حارني امي عبالها للحين عمرها 4 سنين
راشد : يحليلها
هشام وهو يطق الباب
طق طق طق
نور : حياج يما ..
هشام وهو يضحك : ان شالله يماا .. ليش قاعده بروحج يابنيتي
نور وهي تفتح الباب وتضحك : هههههههههههههه .. مو متعود تطق الباب بذرابه قلت اكييد امي
راشد : هههههه متعوده علينا نفتح الباب على مصراعيه .. مانستحي
نور : افاا عليك راشد الغرفه غرفتك
هشام وهو يقط ويهه : بعد قلبي اختي .. والله ادري
نور :ههههههه الا انتا ... لازم تاخذ موعد قبل لاتدش .. اوافق او لا ؟
هشام : لييش يالدبه ؟؟
نور : كيفي لانك نحييس .. ماوديت بشور اليوم المشغل
هشام : بسم الله .. مسرع ماقالتلج .. اوووف اناالغلطان تزوجت رفيجتج .. الحين بس تتشكى عندج
نور : هههه اهي ماتشكت .. انا حسيت فيها ..
راشد : ها نور .. تسمحين لاخوانج اليوم يدردشون معاج شوي ؟
نور بفرح : اكيييد
راشد : زين .. شرايج بفهد ؟
نور من غير أي تعابير : زين
راشد : شنو يعني زين ؟
نور : يعني زين ..
راشد : موافقه ؟ .. تبين تقعدين معاه مرة ثانيه
نور بجواب سريع : لا .. مابي اقعد معاه كفايه
راشد : ليش احس انج موافقه غصبن عنج .. في احد غاصبج ؟
نور اللي تبي تخفي شعورها وتتصنع السعاده : شفيك راشد .. محد غاصبني ..
راشد : يعني خلص اقول لابوي رايج
نور وهي تاخذ نفس وكأن الكلمة موراضيه تطلع منها وتحاول تجر حروفها غصب : ايه
هشام : يماا منكم انتوا .. حسد اللهم ياكافي .. بس تزوجت هي وخالد الحقوني
نور : ههههه والدور على رشود ان شالله
راشد : لا ويين .. انا خلوني مع مرضاي وايد ابرك
نور : الا ماتدري عن شوق شصار لها ؟
راشد باسف : لا والله .. من هذيج السالفه ماتجرأت اسأل عيسى
نور : تبيني ادق عليها رشود .. !!
راشد : لا ماله داعي نور .. خلص
ويلتفت لهشام : انت ياي تكلم نور ولا تدزز مسجات
هشام اللي لاهي بتلفونه : نوروه بسألج سؤال .. هالبنت شنو كانت طفولتها !! شكلها تعيسه وبتحط حرتها فيني
نور : هههههه منو بشوور !!
هشام : يننتني .. اراضيها تزعل .. ازعلها ترضى هههههه
نور : شوف عاد بشاير اذا زعلتها تحمل ماييك من وراها
هشام: امووت واعرف هالحريم شلون يفكرون ..
راشد : هشوم اترك التلفون شوي .. قاعدين نسولف احنا
هشام : هلا قول
راشد : الا شخبار عبدالله مادرى انك ملجت ؟
هشام : بلا دقيت عليه وخبرته وباركلي يحليله .. كان وده يي بس ماعنده اجازه الحين
نور تحاول انها تتأقلم مع هالاسم عشان تتعود انه مايأثر عليها
راشد : والله خوش ريال تدري ..
هشام : أي ماشالله عليه .. اقولك شي وماتضحك .. قبل لما كنا نقعد وياه كنت اقول لخلود هالريال يذكرني بنور
نور لا اراديا رفعت راسها تبي تسمع اكثر
راشد : ههههه شكو ؟
هشام : ماادري والله ههههه حتى خلود قعد يضحك علي .. احسهم نفس التفكير سبحان الله
نور : زين قومو خل ننزل عند امي شوي .. تلقاها قاعده بروحها الحين
راشد : امي يابعد عين امج نايمه يم بنتها فروحه بالغرفه
نور : ههههههههه قول والله ؟
هشام : شفتي نوروه .. المفروض امي تعوضني .. بعد جم شهر ماراح اكون بهاللبيت .. تنوم يمها هالدلوعه
وتقولها قصص ليلى والذيب
نور : ههههههههههههههه
راشد : استح لاتعيب على اختك
هشام : بذمتك اللي امي تسويه صح ؟
راشد : معليه فروحه الصغيرة .. خلها تدلعها انت شحارك ؟
هشام : الا حارني .. محد يدلعني ..
نور : ههههه اووف عندك الحبن بشاير تدلع عليها على كيفك
هشام : أي والله .. مافي غيرها فديتها والله .. اروحلها احسن
راشد : وانا بعد اقوم عندي جم شغله اخلصها
نور : زين .. كل يوم تعالوا مروني هني
هشام : هههه والله حاطه لروحج اعتبار واهميه ياست الحسن .. وليش ماتنزلين انتي من مملكتج وتزورينا في يواخيرنا
نور :ههههههههههههههه لا ان شالله لارحت القفص الذهبي بزورك
راشد : اووف انتا شكثر تهذر يله ننزل
في بيت بوعبدالله
موضي : مااشوفك مستانس ؟
عبدلله : الا مستناس .. مبروك
موضي : ببرود جذي ؟
عبدالله : والله مستانس ياموضي .. شفيج ؟
موضي : زين تعال مي بكره عندي مراجعه وابيك تجي معي
عبدالله : وليه امك ماتبي تجي معك ؟
موضي : وليه امي اللي تجي .. انت مو زوجي ؟
عبدالله : طيب .. خلص يصير خير لي بكره ..
موضي : اييه صح .. نسيت اخبرك كلمت سارة اليوم وقالت ابلغك تدق عليها
عبدالله : وليه لما تدق سارة ماتقوليلي ؟
موضي : وليه لازم اقولك ؟
عبدالله بنظره : انتي شاكيه لها شي ؟
موضي : لا
عبدالله : موضي .. اذا انا مقصر معك تعالي كلميني انا .. مااحب حد يدخل بحياتنا
موضي : بس هذي سااااار
عبدالله : ولو كانت امك .. أي شي مب عاجبك او مزعلك .. تعالي وكلميني مفهوم ؟
موضي بخوف : طيب
وقام عبدالله ودق على سارة
سارة : هلا بالابو الجديد .. هلا بومحمد
عبدالله : ههههه مسرع مادريتي ؟
سارة : افاا عليك . .انا اختك الف الف مبروك
عبدالله : الله يبارك فيك .. تقول موضي تبيني خير ان شالله
سارة : كنت باقولك .. دريت ان هشام ملج قبل اسبوعين !!
عبدالله : ايه ادري .. هو دق علي يحليله وباركتله الله يوفقه .. هشام يستاهل
سارة واللي كانت قاصده في اتصالها هالخبر : ونور بعد انخطبت وملجتها بعد يومين
عبدالله بصدمه : مييييين!!
سارة : نور انخطبت
عبدالله وهو يبتعد شوي عن موضي : خالد ؟
سارة : لا مب خالد .. ولد رفيج ابوها بالدوام
عبدالله اللي حس الدنيا كلها تسكرت بويهه .. معقوله نور بتكون لريال ثاني .. معقوله نستني بهالسهوله .. لا مالازم اصير اناني .. بس انا للحين احبها .. للحين
سارة : عبدالله .. الو ... !!
عبدالله : معاج

سارة : انا تعمدت اقولك هالخبر عشان تنساها عبالك انا مدري عن شي .. مدري انك للحين تفكر فيها !!
عبدالله : ....
سارة : عبدالله .. انسى نور الحين .. تراهي صارت لريال غيرك .. فكر بموضي وابنك اللي جاي
عبدالله وهو ينطق بألم : طيب ..
سارة اللي عرفت مافي فايده من اخوها .. : زين عطني موضي اكلمها
عبدالله ينادي موضي : موضي .. تعالي سارة عالتلفون تبيك
وطلع برة البيت ومسك تلفونه ودق على هشام
هشام : هلا وغلا بأهل الدمام ..
عبدالله وهو يجر الحروف جر : هلا هشام كيفك .. ايش اخبارك !
هشام: بخير عساك بخير .. انتا شلونك شمسوي ؟
عبدالله : تمام الله يسلمك .. كنت بس ابغى اباركلك لخطبه اختك ..
هشام : الله يبارك فيك .. ماتقصر يااخوي .. بس جذي من بعييد .. نبي نشوفك الغالي
عبدالله : ودي اجي والله . بس هالحين ماعندي اجازة
هشام : زين شرايج تجي بعد اسبوع .. على ملجة نور لان احنا مسوين عشا بيتمون يوم وعقب بيسافرون الامارات تقعدون يومين بالويك اند .. شرايك ؟
عبدالله اللي في خاطره يودع نظر عينه نور : ملجتها بعد اسبوعين ؟
هشام : اييه لانها بتسافر عقبها الامارات ريلها يدرس هناك ..
عبدالله وهو يطلع السجارة الاخيرة اللي بالعلبه ويشعلها : يعني بيتمون هناك ؟
هشام : اييه .. يله عاد عبدالله وحشتنا والله ..
عبدالله : خلص اشوف الاهل واعطيك خبر هاليومين
هشام : ان شالله انا ناطر ردك الغالي ..
عبدالله : يله سلم على عمي والاهل كلهم ..
هشام : وصل حبيبي ..
عبدالله : مع السلامه
هشام : مع السلامه
سكر عبدالله من هشام وهو يتنهد من الخاطر .. يقول بقلبه : آآه يانور .. وش سوى فينا الزمن .. كلمن راح بدرب ثاني
وشلون بتحمل اشوفك من رجال غيري .. وشلون اقدر اخليك تروحين من يدي .. غمض عيونه بألم وهو يدي ربه ينسه نور شان يقدر يكمل حياته
بعد اسبوعين
ملجة نور وفهد
في بيت سارة
سارة : خلص موضي اذا مافيك تروحين مب لازم
موضي : والله ودي سارة بس احس روحي تعبانه شوي
سارة : معليه حبيبتي .. انا بروح واعتذر عنج .. انتي نامي وارحتاحي شوي
موضي : طيب .. بس بشوف عبدالله بيروح العشا ؟
سارة : دقي عليه وشوفي .. يله تبين شي حبيبتي ؟
موضي : لا سلامتك .. وسلمي عليهم
سارة : وصل حبيبتي .. مع السلامه
موضي : الله وياك
في غرفة نور
كانت نور زي القمر .. من غير لا تكشخ وتلبس .. وشلون لما تكون عروس !!
كل رفيجاتها يوم دخلوا عليها يباركون لها .. كانوا يقولون يابخت من بياخذها .. الكل حاسده على هالبنت من كافه النواحي ..
بشاير وهي تلولش : كلولولولولولولوووووش
نور بابتسامه : بشوور ينيتي ؟
بشاير : الحين لما ايبب اكون ينيت .؟
ماشالله لا اله لا الله .. نور قريتي على نفسج !!
نور : قريت ..
بشاير : ماادري ليش ماتبين عرس .. عالاقل جان نطرتوا عقب العيد وسويتو عرس نوروه
نور : انا مابي عرس بشور .. انتي تدرين
بشاير : خلص مانبي نفتح هذا الموضوع
نور : سارة يت ؟
بشاير بنظرة : ليش يهمج ؟
نور : ايه
بشاير : اهي تحت . وماتتصورين فرحتها
نور وهي تمض عيونها : اكييد .. ريحت اخوها .. اكييد بتستانس
بشاير : مو وقت هالحجي .. الحين بس نبي نفكر بفهد زين ؟
نور بايجاب مزيف
نور : زوجته مايت ؟
بشاير : لا .. تقول تعبانه .. لانها حامل بالشهر الثاني .
نور : وعبدالله ؟
بشاير : هشام قالي انه يه العشا ..
نور سكتت ماتدري ليش فضولها يه في وقت غير مناسب .. طول هالوقت ماكانت تسأل عنه ولا عن سارة ولا زوجته
طول هالوقت كانت تحاول تخفي حبه وتدفنه .. والحين في هالليله اللي الفروض ماتفكر فيها الا بفهد .. تسألأ عنه !!
معقوله هي للحين مانسته !!
بشاير : نوروه .. شفيج سرحانه ؟
نور بابتسامه كأنها مغصوبه عليها : ادعيلي بشور اني احب فهد .. ادعيلي انه ينسيني عبدالله
بشاير : يارب .. تحبينه وتنسن عبدالله وماضيه كله
يله زهبي روحج عشان بتنزلين
في الجانب الاخر
عبدالله دخل الديوان وكل خطوة يتذكر فيها ضحكة هالنور .. بسمتها .. سوالفها .. ذكرياتها .. شلون بيودعها وبتصير لريال ثاني ..
قعد يناظر زوجها .. وفي خاطرة لو يقدر انه يبعده عنها ..
حط يده بيده .. وباركله .. باركله بأن سلب منه روحه .. غرس فيه الف الف خنجر .. وكتم انفاسه اللي كان عايش عشانها .. بعده عن حياته وهواه وقلبه .. بس وش يقدر يقول غير .. قدر ومكتوب
أبد .. ما جيت ابارك ولكن جيت باوصّيك
على الله ناوي ٍ تدخل بها الليله .. مُعذّبْتي
ترى لولا الظروف اللي عطتْك وحدّت محاكيك
قسم بالله ما تدخل عليها لو على رْقبْتي
ولكنّ النصيب اقوى ولا ادري ويش اسوّي فيك
نعم .. صارت معزّبتك .. ولا صارت معزّبْتي
كذا شاءت بنا الأقدار تحرمني لجل تعطيك
كذا لازم عشان تفوز إنت .. أخسر بتجربْتي
تراها غاليه جداً .. وتكفى .. والله يخليك
تدللها .. تدلعها .. تنسّيها مصاحبْتي
أنا من كثر ما اغليها أحس اني بديت اغليك
ولا تسأل بأيّة حق ولا ّ وش مناسبْتي
لإنك لو بتسألني بتسمع شيء ما يرضيك
لذا ياخوي لا تسأل ولا تسمع لأجوبْتي
أبيك تحطها في داخل عيونك وبين ايديك
وهي دلوعه اعتادت على كثرة مداعبْتي
فداعبها شوي شوي حتى تشتهي طاريك
وشاغبها إلين تقول لك: بطّل مشاغبْتي
واذا هي مالها خلقك..ولا تضحك ولا تسلّيك
تحمّلها وإسألها: يا عمري ليه عصّبْتي
وبالك اسمع انّك يوم تضربها وهي تشكيك
ما يحتاج اورّي لك بفن الضرب موهبْتي
صحيح انك بتملكها ومعك الصك بالتمليك
وانا عارف حدود الله ومن حقك معاقبْتي
ولكن قلّها المجنون وصّاني وهو يعنيك
يقول انّه بينتظرك ولو شيّب وشيّبْتي
وانا مجنونها اللي ما نساها وانت ما يمديك
تغطّي ذكرياتي في هواها.. وربْع تجربْتي
أحس اني تماديت بكلامي.. والغضب حاديك
ولو انّك في مكاني ما تفكّر في محاسبْتي
كفاك اني تركت الليله اشغالي عشان اجيك
دخلت القاعه برجلي ولا ادري ويش عاقبْتي
وانا ما جيت اخرّب عرسك الليله ولا أذّيك
أنا جيتك عشان اخاطبك واسمع مخاطبْتي
توصّى..وانتبه..واحرص عليها والله يهنّيك
ترى كل الكلام اللي طلَع من ضيقيَ وكبْتي
ولكن ما قدرت انّي أقوله وانت ما يخفيك
أخاف انّي إذا قلته تقوم وتقطع رْقبْتي

في المطار
يوم سفر نور وفهد للامارات .. الطيارة ماباجي عليها شي
صوت موظفة الطيران يملي ارجاء المطار وهي تقول : الرجاء على المسافرون على رحلة رقم 268 التوجهه الى بوابه رقم 6 وشكرا
ريم وخالد وهشام وبشاير وراشد وام راشد وفرح وام فهد وابوه .. كلهم كانوا هناك

ريم وهي تسلم على نور وتحضنها بقوة : مبروك يالغاليه .. سمعينني اول ماتصير عندكم اجازة تعالوا الكويت .. دقي علي علطول .. وحطي بالج على روحج
نور بدموع : ان شالله .. سلمي على عمي والبنات .. راح توحشوني
ريم : وانتي اكثر نوروه . لاتبجيني

خالد وهو يكلم ريم : خلص ريم .. لاتسوونها فلم هندي الحين ..
نور تبتعد عن ريم ويمسحون دموعهم اهما الثنتين
خالد بنظرة لنور : مبروك .. الله يوفقج يانور .. لج وحشه والله
نور بابتسامه : الله يبارك فيك خالد . . الفال لك ان شالله
خالد : ههه على ايدج يلله .. اذا بتيبيلي وحده تشبهج .. انا من الحين راضي
نور نزلت عيونها وعقب قالت : تستاهلك وحده احسن من نور بمليون مرة .. انت بس أشر
خالد : هههههه نور جذي اصدق بعدين
نور : صدق .. وربي اتكلم جد
خالد براحه : الله يوفقج نور

فروحه حبيبتي لاتبجين
يحضنون بعد هالاختين الي مالهم غير بعض ..
نور : كل يوم بكلمج .. زين
فرح وهي تبجي : ابي ايي معاج
نور : ياليت .. بس معليه اول ماتيينا اجازة على طول بيي

ام راشد تقرب وتحضن نوربقوة .. ودموعها اسبقتها واخنقت الحروف اللي لازم كل ام تقولها لابنتها اذا يت تتزوج .. حست انها تسرعت يوم وافقت نور تبتعد عنها .. شلون بتقدر تفارق بنتها الكبيرة وسندها واختها ودنيتها كلها
هشام وهي يهدي الوضع : يماا ترى الامارات كاهي .. البنت مو رايحه المريخ الله يهداج
بشاير وهي تنقز هشام وخانقتها العبرة : خل خالتي تودع بنتها مراح تشوفها سنه بحالها
هشام وهو يسلم على نور : حطي بالج على روحج .. ودقي علينا نور مااوصيج
نور وهي تمسح دموعها وتعدل الكحله اللي خربت شوي من كثر البجي : ان شالله .. وانت بعد حط بالك على روحك وعلى بشاير .. وامي مااوصيك على امي هشووم
هشام وهو يمسح دموع نور : لاتوصين .. راح توحشيني وايد .. الله وياج
بشاير : نور بعد قلبي لاتبجين ترى انا بروحي مو متحمله
نور وهي تلمها : بكلمج كل يوم
بشاير بشويش : ابدي من جديد معاه .. ولاتفكرين الا فهد زين ؟
نور : يارب يقدرني
بشاير : مرتاحه نور ؟
نور تهز راسها بايجاب وعقب تقول : اذا زعلج هشام خبريني هاا
هشام : هههههههههههه شنو هالاجرام اللي انتوا فيه
نور ترد عليه : والله ان سمعت انك مزعلها ترى ماعندي مشكله ارد من الامارت
هشام بنظرة : حشى مو رفيجات ريا وسكينه .. انا اخوج ياظالمه .. دنا غلبان
نور تبتسم غصبن عليها وتلتفت لراشد
وهو يناظرها من بعييد .. وتيي ترتمي بحضنه اهوا .. اهو الوحيد اللي نور تعبر عن حزنها او فرحها على طبيعتها
راشد : شوفي اذا بتبجين .. من الحين ماراح اخليج تسافرين مع فهد
نور تبجي
راشد اللي دمعت عيونه بس مسك جتف نور وقالها : الوقت اللي تحسين فيه انج مو مرتاحه قوليلي .. نور مااوصيج حطي بالج على روحج .. وان صار شي خبرينا ..
نور : ان شالله
راشد : الله يوفقج ..

ومسك ايد هالبنت .. حس انه مثل ابوها .. مو اخوها الكبير .. وحطها بايد فهد وهو يوصيه وجنه يهدده
راشد : مبروك يافهد .. هذي نور امانه عندك حط بالك عليها مااوصيك
فهد : اكييد ياراشد لاتوصي .. يله سلم على عمي .. فمان الله

في الطيارة
كانت مقعد نور بجانب فهد كان ودها تقوله تبي تقعد يم الشباك بس استحت ..
من اول ما ركبوا الطيارة ولا حديث دار بينها وبينه .. كانت بقلبها مستانسه على هالوضع وشكله اهو بعد مرتاح
خذا الجريده اللي يمه وقعد يقرا ولاجنها يمه

فهد
يارب بس هالزواج مايعطل حياتي ويخرب روتيني اللي انا متعود عليه .. شكله اخوانها موهينين .. الله يعيني

نور
ان شالله يكون هذا طبعه .. جذي احسن خله اهوا بعيد وانا بعيد.

نور تلتفت له : فهد .. خذيت اوراقي عشان اكمل انتداب بجامعه عجمان ؟
فهد : هاا .. ايه اوراقج معاي .. بس هالكوررس ماراح تداومين .. تبدين من السنه اليايه .. معليه نتأخر كورس بس
نور : بس .. انت قلتلي هالكورس ؟
فهد : والحين اقولج الكورس الياي
نور انصدمت .. تقول بقلبها : من اولها بدييت .. وانا اول شروطي كانت الدراسه ..
التفت نور بضيق الصوب الثاني وقعدت تشوف الرايح والراد .. بقهر .. ليش وعد ابوها واخوانها بشي وعقب جذب عليها .. اول مااوصل الامارات بدق على راشد يكلمه . . هين يافهود

بعد ساعه
نور كانت بيدها ورقه وقلم وتكتب ابيات وفهد كان نايم
المضيفه : do you wont tea madam
نور : no thanks
المضيفه : what about sir ?
نور بقلبها .. اسأله !! ماادري
نور هي تقعده بشويش : فهد .. فهد ؟؟
فهد بنعس بعد الجريده عن ويهه : هلا
نور : تبي جاي ؟
فهد : نايم انا .. تقعديني عشان تقوليلي تبي جاي ؟
نور بصدمه .. شفيه هذا !! يزاي انا قعدتك .. مالت عليك عساك ماقمت
نور : اسفه
وتكلم المضيفه : thank you
اووف متى نوصل .. زهقت ..

في الدمام
عبدالله وفراس محتاسين .. ابو عبدالله تعب عليهم فجأة واضطروا ييبونه المستشفى
فراس : عبدالله دخيلك كلم سارة ترى ذبحتي من كثر ماتتصل .. مدري مين قايلها ؟
عبدالله : هذي اكييد موضي .. زين خل اكلم موضي واشوف اذا قالتلها ولا لا
يدق عليها
عبدالله : الو .. موضي ؟
موضي : هلا عبدالله .. ها طمني شصار معاكم ؟
عبدالله : انتي قايله لسارة ؟
موضي بتردد : هاا .. اهي دقت وو
عبدالله بصراخ : وليه قلتليلها .. ماتدرين ان سارة بتحاتي هالحين ابوي .. ليه تصرفين من كيفك انتي ؟
موضي : لاتصارخ بوجهي .. جزاتي انا قاعده احاتي ابوك
عبدالله سكر بويهها .. مايدري ليه صرخ عليها .. الموضوع مايسوى .. وهم الحين في موضوع اهم . ليه يحط حرته فيها .. مو كفايه انها متحملته فوق معاملته الجافه لها !!!
فراس : عبدالله خذ سارة .. تدق من اليوم
عبدالله خذا التلفون : هلا سارة
سارة وهي تبجي : شفيه ابوي ؟
عبدالله : مافيه الا العافيه لاتحاتين .. شوي تعب بس وحالته بتحسن ان شالله
سارة : وليه ماقلتولي .. هو طايح من امس بالمستشفى
عبدالله : قلتلك شويه تعب .. والدكتور طمنا .. شفيك !!
سارة : عبدالله دخيل قلبك أي شي يصير بلغني .. انا بكلم علي يجيبني الدمام اليوم او بكره
عبدالله : خلص طيب ولا يهمك .. يله مع السلامه
سارة : مع السلامه

الامارات
وتحديدا في دبي
شقه فهد ونور .. اللي جهزت من قبل ام فهد قبل اسبوع .. وكانت شقه روعه كبيرة وبوسط دبي .. وفخمه
دخل فهد الغرفه وهو يقول : نور هذي بيتج خذي راحتج .. انا بنام شوي
نور بقلبها .. احسن
افترت بالشقه وعقب خذت ملابسها واحتارت وين تحطهم .. اخيرا لقت غرفه ثانيه غير الغرفه اللي نام فيها فهد ..لانه كان قافل الباب حطتهم وغيرت ملابسها ولبست تنورة قصيرة بيضا مع توب اوف وايت هادي ورفعت شعرها بطريقه عاديه بس كانت طالعه حلوة ..
وقعدت بالصاله تشوف تلفزيون
بعد ساعه
فهد داش الصاله : صباح الورد
نور بصدمه .. بسم الله هذا كل شوي بوضع غير : صباح النور
فهد بنظرة اعجاب : شهالجمال !!
نور من غير اهتمام : مشكور
فهد : زين ماتبين تطلعين مكان ؟
نور : كيفك
فهد : اذا ماتبين تطلعين .. ترى انا بطلع بروحي
نور .. شهالاسلوب .. يعني اكييد بقولك كيفك .. تبيني من اول يوم اكلمك فيه اقولك ايي عفيه دخيلك طلعني : روح
فهد : على راحتج .. يله انا بلبس وبطلع
نور باستغراب تشوفه .. عقب التفتت بقهر وهي تهز ريولها وتتابع برنامج وودها لو تاخذ هالريموت اللي بيدها وتكفخه فيه .. شهالبرود !!
دخل فهد يغير ملابسه .. وعقب ناداها
فهد : نور !!
نور من غير نفس : هلا
فهد : وين ملابسج !!
نور : بالغرفه الثانيه
فهد باستغراب : وليش حاطتهم بالغرفه الثانيه ؟
نور : وين احطهم ؟
فهد بنظرة استنكار : بغرفتنا
نور : انت كنت قافل الباب
فهد : زين .. شيلهم وحطيهم بالغرفه
نور .. صج ماتستحي .. وليش انتا ماتشيلهم .. تبيني اشيل هالجنطه مرة ثانيه يااخي ماافيك احساس : طيب
فهد : دقي علي اذا تبين شي .. باي

نور بقهر .. هيين يهدني بروحي .. ويطلع من اول يوم .. لا ويبيني بعد ارد هدومي الغرفه .. تحلم يافهد !!

بالكويت
بشاير : هشام رقم نور غيرته ولا نفسه ؟
هشام : نفسه ليش ؟
بشاير : ابي ادق عليها
هشام : الحين؟
بشاير : اييه الحين . .
هشام :يمكن نايمين ولا طالعين مكان ؟ اول يوم تبين تدقين عليها
بشاير : اووف مافيني صبر ابي اكلمها .. ابي اطمن عليها
هشام : من صجج .!! .. لا عيب فشله
بشاير بخيبه : اووف
هشام : يسلمي اللي ضايق خلقهم
بشاير : والله ولهت عليها .. الكويت ماتسوى من غيرها ابله نور
هشام : ياكبرها يالدبه .. وانا ايش مو تارس عينج . الله لنا
بشاير : ييي تغار من نور !!
هشام : واغار من الهوى لين لامس ويهج .. وشلون ماتبيني اغار من نور
بشاير تبتسم
هشام : ادري محد بيفتح نفسج غيرها .. خلص دقي عليها
بشاير بفرح : حبيييييبي انتا ..

قامت بشاير وراحت بعييد شوي .. ودقت على نور

في الطرف الثاني
نور تحوس بالصاله منقهرة .. الساعه 11 وللحين مايه ولا اتصل .. صج مايستحي .. هيين يافهود
شوي ولا تلفونها يرن
المتصل بشاير
نور : هلا بشوور .. زين انج دقيتي
بشاير : وحشني هالصوت .. فدييته
نور : وانتي بعد وحشتيني .. شلونكم وشلون هشام وامي وراشد وفروحه
بشاير : كلهم بخير .. انتي طميني عنج
نور : بمووت يابشور .. بمووت
بشاير اسمله عليج .. ليش !!
نور وهي تحكي لها كلشي صار .. بقهر وغضب واضحين
بشاير : اقولج شي وماتزعلين ؟
نور : قولي
بشاير : انتي حييل بارده معاه
نور : ... أنأ !!
بشاير : اييه .. ماتحسسينه انج تبينه او متقبلته
نور : شتبين اسوي اكثر .. اقوله دخيلك ابي اطلع معاك .. ؟
بشاير : مو بهالاسلوب نوروه .. انتي فاهمتني .. خلج مرنه شوي
نور بالم : مو بيدي بشور
بشاير : شقلنا نور .. خلص .. انتي بديتي حياتج .. وحياتج االحين فهد .. فهد وبس
نور وهي مو متقبله اسمه .. ياااه شنو فرق بينك وبين عبدالله ..شكثر الفرق بين هالريال وغيره .. معقوله للحين احبه !! بعد كل هالاشهور والايام ..!!
بشاير : نور ؟
نور : خلص اليوم بس ييي بحاول
بشاير وهي مستانسه : ايي خلج جذي يالدبه
نور : هههه ان شالله

سكرت نور من بشاير وراحت الغرفه ونقلت ملابسها وعقب لبست شي حلو وسرحت شعرها وحطت مكياج خفيف وطلعت جنان .. وكانت مفكرة انها تنطره وتقعد معاه اليوم

بعد ساعتين
نور بالصاله نايمه .. والتلفزيون شغال .. انفتح الباب
وصفعه الباب خلتها تقوم
نور بنعس : وصلت فهد ؟
فهد : انتي للحين مانمتي
نور : كنت انطرك .. تأخرت وين كنت كل هالوقت ؟
فهد وهو بحاله مايعلم فيها الا الله : شششش مرة ثانيه لاتنطريني .. حطي راسج ونامي
نور بصدمه : ليش !!
فهد وهو يقرب منها اكثر : جذي .. حياتي انا جذي مااحب احد يسألني وين كنت .. وليش تأخرت ؟ وليش مادقيت ..
نور وقلبها يدق بقوه .. هالشخص مو طبيعي : فهد شفيك !!
فهد : راااايق بعد شفيني
نور وهي تبجي .: أ أ أ نت سكراان !!
فهد : لا .. شارب ههههههه
نور تبجي وتهز جتفه : ليييش حرام عليك ..
فهد : شنو حراام .. تعالي زيين
نور وهي تبتعد عنه : وخر عني احسن لك
فهد : مو على كيفج ..
نور ركضت الغرفه وسكرت الباب وراها وقفلته
فهد من ورى الباب : نور .. فتحي الباب
نور بصراخ : ماابي .. تفهم يعني شنو مابي ..
فهد : نوروه انا نعسان ياحبي .. خلينا نقعد مع بعض شوي
نور : انتا ماتستحي على ويهك .. انتا مستحيل يكون عندك قلب .. خاف الله اول ليله متزوج فيها ترد لزوجتك سكران !!
فهد :هههه بتعودين ياحبي .. باجر انتي بعد بتعودين
نور وهي مستندة على الباب.. وتبجي بقوة .. حتى انها دموعها عيت توقف .. وجنها حزنانه على وضع هالبنت اللي لا بحب ارتاحت ولابزواج وريال مثل العالم ..
قعدت تبجي وتطلع كل آلامها .. وهي تقول .. أكرهك .. أكرهك .. انتا السبب باللي انا فيه .. انتا

بعد ساعتين ونص
فهد نايم بره يم الباب .. ونور بالغرفه مابين نايمه وصاحيه
قعدت على صوت الاذان .. قامت توضت وصلت .. وعقب افتحت الباب
كان فهد ممدد بطريقه خلت نور تكره حياتها .. قررت انها تقعده
نور : فهد .. فهد !!
فهد : هممم
نور : قوم نام عالسرير
فهد : ...
نور شافت انه مافي فايده .. شوي شوي .. خذته واسحبته ونومته على الكنب ..ويابت لحاف وغطته
وادخلت غرفتها وهي تسحب جروحها وراها .. البنت لاتزوجت تبي حد يهتم فيها ويدلعها ويحبها ويحسسها انه كلشي لها بهالدنيا . هي تزوجت عشان تريح عبدالله .. وتحط بالها على ...
حست بهالليله ودها تتم مع روحها شوي .. تمت قاعده بثوب الصلاه على السجاده .. حاضنه ريولها بايدينها الصغيرة ومخبيه راسها بينهم وتبجي .. وتدعي ربها يخلصها من اللي اهيا فيه .. فكرت انها تبلغ اهلها .. شلون تقدر تعيش مع واحد يشرب .. والله العالم غير هالشي شنو بيكون مخبي بعد ..

رفعت ايدينها ودعت من قلبها .. يارب تخلصني من اللي انا فيه .. يارب ماعندي غيرك ألجأله ياربي

اليوم الثاني
الصباح 9 ونص
دبي ..
كان النور مغطي ارجاء الصاله .. وعلى صوب واحد مغطى بلحاف ومو حاس بأي شي
كان التعب عقب ذيج الليله مخليه ينام .. وينام بعمق

نور كانت صاحيه من ساعه .. بس خايفه تطلع
بشويش افتحت الباب على صوت تلفون فهد وهو يرن للمرة العاشرة
نور بقلبها .. يمكن اليوم عنده شغل ولا جامعه .. أروح اقعده !! بس خايفه شسوي ؟

افتحت الباب .. واتجهت للصاله
نور بتردد وهي ترفع اللحاف عن ويهه
فهد .. فهد !!
فهد يفتح عينه بالحيل : الساعه جم الحين ؟
نور : تسعه ونص الصبح .. ماعندك جامعه اليوم ؟
فهد : تو الناس ليش مقعدتني الحيين !!
نور : انتا قلت دوامك بيبدى من باجر!!
فهد : اوووف ذبحتيني انتي .. انا مااداوم خليني انام
نور ابتعدت وهي شبهه مصدومه : شنو يعني ماتداوم ؟
فهد : نور .. ترى نعساان حدي
نور بنبره اعلى : انا ابي افهم .. انت ليش جذبت علينا ؟
فهد : .....
نور بصراخ : رد علييي!!
فهد : سكتي ترى حدي مالي خلق ملاقتج ..
نور : ماني ساكته لما تقولي انتا شقاعد تسوي .. شنو قاعد يصير من وراي .. امس يايني سكران واليوم تقولي ماادوام .. معليه تقوم وتفهمني !!
فهد بعصبيه قاام : اييه .. امس كنت سكران وازيدج من الشعر بييت .. انا ماااداوم .. بعد سنه برد الكويت من غير شهاده .. شتبين الحين ؟
نور وعيونها المليانه دموع : انتا لو كنت رياال .. ماسويت اللي سويته هذا كله
فهد وهو يمد ايه على خدها المتوهج : جب ريال غصبن عنج
نور هني انهارت .. ماتدري تبجي على حظها .. ولا على هالريال .. ولا على شنو .. شنو بقى بعد ..
نور : تمد ايدك عليي !!
فهد : واكسر راسج سامعه ..
نور ركضت الغرفه وسكرت الباب وقبل ماتقفله دلخ عليها فهد
فهد : هييي انتي ..
نور وهي تبجي : اطلع بره
فهد : مو قبل مااخذ التلفون .. سمعي لا اسمع انج داقه على احد وقايلتله وتشكين ..
نور : شتني فيني .. انا مابيك .. اكرهك تفهم .. مابيك برد الكويت
فهد من غير مايلتفت لها .. طلع وسكر الباب ..
وجنه صفعها مرة ومرتين وثلاثه .. حست روحها منهارة .. مافيها تتحمل اكثر شللي قاعد يصير .. !!
ودخلت في نوبه بجي طووويله بهاليوم
الكويت
بيت بوراشد
ام راشد وهشام وراشد في الصاله
راشد : زين عيل دق عليها
هشام : من اليوم ادق على رقمها بس مافي حد يرد
راشد : طيب دق على فهد ..!!
ام راشد : أي واللي سلمك هشوم ترى للحين انا ماكلمت بنيتي .. ابي اطمن عليها
هشام : زين يماا شفيج . توها ماصارلها يومين من سافرت
راشد : يابرود اعصابك انتا .. دق زيين
هشام : طيب ..
ويدق هشام على تلفون الاثنين بس محد يرد

في دبي
نور في الغرفه
وفهد يدق عليها الباب
فهد : شلون يعني .. فتحي الباب ابي اغير ملابسي
نور : .....
فهد : نوروه .. فتحي دام النفس عليج طيبه
نور : مابي
فهد : زين ماتبيين تغدين ؟
نور : وفي احد يقدر يسم ولا ياكل معاك شي ..
فهد : شوفي احترمي نفسج احسن لج ..
نور : ....
فهد اللي يسمع التلفون يرن بالصاله وعرف انه هشام
فهد : زين طلعي ماتبين تكلمين هشام ؟

نور من غير تردد اركضت للباب وفتحته بشويش
نور : وييينه ؟
فهد : ماتسمعين التلفون ؟
نور : زين عطني ياه
فهد : ههههه لا حبيبتي انتي .. تعالي يميي وتحجي
نور باصرار اكثر ودموع : واللي سلمك فهد خلني اكلمه .. دخيلك
فهد وهو يلوي ايدينها ومقرب يم اذنها بشكل مرعب : خذي كلميه بس والله والله يانور ان قلتيله شي ياويلج .. تعرفين شراح اسوي فيج
نور من غير ماترد عليه خذت التفون : الو هشام؟
هشام : هلا وغلا بالنور كله .. وينج انتي عيزنا واحنا ندق عليج انتي وفهد محد فيكم يرد
نور وهي تناظر فهد ودموعها على خدها : ماسمعنا التفون
هشام : شلونكم شخباركم شمسوين ؟
نور بصوت مبحوح : بخير الحمدلله .. انتوا شلونكم وشلون امي وراشد وابوي .. فروحه فديته شلونها ؟
هشام : كلهم بخير ويسلمون عليج ..
هشام بصوت واطي : شفيه صوتج ؟
نور تحاول تتماسك : مافي شي هشام .. بس مشتاقتلكم
هشام : تشتاق لج العافيه .. خذي امي تبي تكلمج
ويعطي التلفون لام راشد : هلا حبيبتي نور
نور اللي ماقدرت تمسك روحها وقعدت تبجي
فهد يرص على ايدينها اكثر
نور : هلا يما
ام راشد وهي تمسح دموعها : والله الكويت ماتسوى من غيرج يابنتيتي .. ليش مادقيتي علي اول ماوصلتوا ؟
نور : ماقدرت يماا .. كنا مشغولين حيل انتي شلونج شولون ابوي ؟
ام راشد : كلهم بخير ويسلمون عليج .. مرتاحه يابنيتي ؟؟
نور ترد تحط عينها بعين فهد بقهر وخيبه وعقب تقول وهي تجذب على روحها وعلى امها : الحمدلله يما مرتاحه
ام راشد : وفهد ؟ عسى مو مقصر معاج بشي
نور تغمض عيونها بألم وتزل الدمعات المبلله عيونها : يماا .. فهد مافي منه
ام راشد : الحمدلله طمنتيني .. هذا راشد يبي يكلمج
نور : وينه راشد عطيني ياه
ويسحب فهد التفون منها بقوة : هلا راشد شلونك ؟
راشد : بخير عساك بخير .. شلونكم انتوا شخباركم .. خوفتونا عليكم
فهد : والله تدري ماصارلنا يومين واصلين .. وطول الوقت طالعين .. كنت ناوي ادق عليكم بس انتوا سبقتونا
راشد : اهم شي انكم مرتاحين .. ونور شلونها هي يمك ؟
فهد : ايي يميي .. بس ذبحتنا بجي .. خلص كلمها بوقت ثاني .. تدري من كلمتها عمتي وهي تبجي
راشد بخوف : معليه خلني اكلمها
فهد بضجر : يله شوي وخليها تدق على تلفونك ان شالله
راشد باستغراب : طيب .. سلم عليها .. تامرونا على شي ؟
فهد : لا سلامتك حبيبي .. سلم على الاهل .. فمان الله

سكر راشد من فهد وهو حاس انه نور فيها شي
راشد : هشووم .. شلون نور .. شقالتلك ؟
هشام : بخير والله .. تسلم عليكم
راشد : من صوتها تحس انها مرتاحه ؟
هشام : اييه بس شكلها ولهانه علينا
راشد سكت .. وقرر انه يدق عليها بعد نص ساعه حتى لو اهيا مادقت

في الطرف الثاني
فهد : توقعتج تبجين .. تصارخين !!
نور شافته بطرف عينها باحتقار وقامت من مكانها تبي تدخل الغرفه
فهد : ماتبين تتغدين ؟
نور كانت يوعانه بس تكابر : لا
فهد : بتموتين يووع !!
نور : الموت ارحملي من العيشه معاك
فهد : هههههه شدعوه نور .. كل هذا عشاني اشرب !!
نور بصدمه : وليش هالشي سهل .. !!
فهد : كل الشباب يشربون .. حتى اخوانج
نور بعصبيه : استح على ويهك .. اخواني يسونك ويسون عشرة من امثالك .. لاتيب طاريهم بالشينه سمعت
فهد : ههههههههه زيين ماتبين تتغدين ؟
نور بصراخ : مابي .. قلتلك مابي ماتفهم انتا .. شتبي فيني ماتقولي .. ليش ماخليتني اقول لاخواني ييون ياخذوني لييش !!
فهد : تبيني اييب الفضيحه لنفسي .. اقول تركي عنج هالسوالف .. انتي الحين لازم تتعودين وبعدين انا للحين مخليج على راحتج عشانج عروس يديده .. لاتخليني اوريج الويه الثاني
نور : وليش بعد .. فيه ويه ثاني غير اللي شفته .. في شي غيره للحين مخبيه ؟
فهد بكل برود .. : انا بروح اتغدى .. بيباي
نور بصراخ وبجي بصوتها التعبان : فهد ... فهد !!
وهو من غير مبالاه طلع من الشقه وترك هالبنت تبجي على هالحظ اللي مب راضي يبتسم لها .. اوحتى يتركها تعيش بحالها ..
طاحت بمكانها وقعدت تبجي الين ماملتها الدموع والبجي مل من حالها .. الين متى بتم جذي يارب .. الين متى !! تعبت والله تعبت ماعاد فيني اتحمل اكثر .. معقوله بتم مع هالانسان سنه بحالها .. لا حب يجمعني معاه ولا احترام
آآآه يارب .. ارحم حالتي وفرجها علي

بعد خمس اشهر من الاحداث السابقه
الامارات
نور وفهد في شقه وحده .. بس مايربطهم شي .. حاولت نور انها تتسلى باي شي عشان يشغلها عن فهد وحياته .. اشتركت بدورة كمبيوتر .. وتعرفت على بنات اماراتيات حبوبات .. كانت تقضي اغلب الوقت معاهم عشان تنسى بلاويها وبلاوي فهد .. وبعد تنسى حب عبدالله للي للحينه يحاول يظهر بين فترة والثانيه

اما فهد فكان لادراسه ولا شغل ولا حتى اخلاق .. كل يوم يرجع ويه الفير .. ونور تقريبا تعودت عليه وصار جزء من بؤسها وحياتها ..

في يوم كانت نور في دورة الكمبيوتر قاعده مع صديقتها حمده
نور : زين عيل شرايج نروح انا وانتي السوق ؟
حمده : ياليت نور .. بس ماروم اليوم لاني ماخبرت امي اني باروح السوق وهي مخبرتني من امس بنسير عند خالتي بالشارجه
نور : عادي حبيبتي ولا يهمج .. يوم ثاني
حمده : فديت المتمللين .. شورايج تسيرين ويانا الشارجه ؟
نور : هههههه ولله ؟
حمده : هيه .. تعاي امي من زمان في خاطرها تشوفج ؟
نور : ان شالله بس مو اليوم .. يوم ثاني .. عاد تدرين مالي خلق ارد الشقه كلش
حمده : ليش ريلج مب في البيت ؟
نور : بلى عشان جذي مالي خلق ارد البيت
حمده : للحينه يشرب نور ؟
نور : ياليت هي يايه على الشرب وبس .. شقول بس . خليها على الله
حمده : وشلي مصبرنج عليه ؟
نور : بالاول كان يهددني ان قلت لاهلي أي شي .. مر شهرين وانا وياه مانكلم بعضنا .. وعقبها تعودت على وضعه ..
حمده : بكل هالسهوله نور .. انا لو مكانج ماقعد عنده ولا دقيقه وحده
نور بيأس : عندي امل انه يتسنع .. وبعدين هذا نصيبي .. فيه سعاده لغيري ياحمده ..
حمده : مب فاهمه .. !
نور : ولا راح تفهمين .. اصلا لو فهمتج بتقولين مينونه
حمده : والله قعدتج معه هي الينون بحاله
نور تكتفي بابتسامه وبعيون مشتاقه للماضي ولنور القديمه وتقول بقلبها

تلحفت الوجع لاجلك وصرت دمي الجاري....تبعتك لو امل كاذب يضحكني ويبكيني
نويت وكانت القصه بدا والحزن مشواري....كأن جروح خلق الله غدت عقبك عناويني

حمده : نور .. وين رحتي !!
نور : ولا مكان .. يله اشوفج باجر ان شالله
حمده : طيب .. اشوفج يالغلا .. مع السلامه
طلعت نور من المعهد واللي كانت مقررة انها تروح السوق .. لكنها بالنهايه فكرت ترجع الشقه مالها نفس بشي
فتحت الباب بهدوء .. واستغربت عدم وجود فهد بالصاله كالعاده ..
قطت شيلتها وعباتها .. واتجهت للغرفه وفتحت الباب وياليتها مافتحت الباب !!
تجمع الدم كله بويهها .. وصارت الدموع تنزل من غير أي صوت وبهدوء .. وبصدمه ماعاد قلبها الصغير يتحملها
ناظرته وناظرت اللي يمه على السرير باحتقار .. وعقب قالت : حسافه اني في لحظة حسبت ان حياتي معك بتستمر وانت بتحسن .. كل شي اتحمله واسكت عليه الا هالشي
سكرت الباب وامسحت دموعها .. وامسحت معهم بقايا حياتها مع فهد .. وطلعت من الشقه مثل مادخلتها وهي تدق على حمده
حمده : هلا نور ..
نور بدموع : حمده .. معليه ايي بيتكم الحين ؟
حمده : شو مستوي نور .. خبريني ليش تصيحين ؟
نور : دخيلج حمده .. محتاجتلج
حمده : هييه تعالي الحينا .. انا ناطرتج يلله
نور وهي تمسح دموعها : طيب
ماتدري ليش بجت .. حراام هالدموع تنزل عليك يافهد والله حراام .. حرام الشهور اللي قضيته معك .. وفي بالي اني يمكن احبك بيوم .. او يمكن انت تحبني
حست ان الطريج طوويل لبيت حمده .. رغم انه مايبعدها عن شقتها غير شارعين ..

في السعوديه
موضي تعبت فجأة واضطر عبدالله يوديها المستشفى
دخلوها الطوارئ بسرعه لان حالتها كانت تعابنه حييل
بعد نص ساعه كانت ام ضاحي وبوضاحي بالمستشفى .. كلهم ينتظرون الدكتور يطمنهم عن حالتها اللي ماكانت تسر

طلع الدكتور وهو يكلم عبدالله : انتا زوجها ؟
عبدالله بخوف : ايه دكتور طمنا !!
الدكتور : سبق وخبرتكم ان اللي مثل حالة موضي الحمل بالنسبه لهم صعب .. لان حالتهم الصحيه ماتتحمل
عبدالله بصدمه : أي حاله دكتور ؟
الدكتور : اعتقد انتا عندك خبر ان زوجتك فيها ثقب بالقلب .. وللي مثل حالتها الولادة لازم تكون قيصريه وتحتاج لعمليه .. وفي هالحاله بعد .. بيكون في خطر على الام والطفل
عبدالله بنظرات مبهمه : بس ... انا ماكان عندي علم بالموضوع
الدكتور وهو يلتفت لام ضاحي : اعتقد سبق والتقينا انا والوالده وزوجتك وفهمتهم على كل شي .. لكنهم يظنون ان كلام الدكاترة كله مبالغه وماله داعي
عبدالله وهو يلتفت لامضاحي بسرعه : صحيح اللي يقوله الدكتور خالتي ..!! صحيح ان موضي عندها ثقب بالقلب .. !!
ام ضاحي وهي تبجي : ايه ياوليدي .. بس هذا كلام دكاتره .. مافيه حرمه ماتقدر على الحمل والولاده .. وحنا ظنينا ان الامر عادي والدكتور يبالغ
عبدالله بعصبيه وصراخ : وشو يبالغ وعادي .. ياخالتي موضي حالتها بخطر .. تفهمين وشو يعني بخطر .. حسبي الله ونعم الوكيل .. حسبي الله ونعم والوكيل .. وليه محد خبرني ؟
ام ضاحي بخوف اكثر على بنتها : ماظنيت ان الموضوع بهالخطورة .. انا اللي فهمتها ان هالشي عادي .. ياويل قلبي على بنيتي ان صار فيها شي ..
سند راسه عبدالله على الجدار اللي وراه .. وغمض عيونه بتعب وعقب اتجهه مع الدكتور عشان يوقع اوراق العمليه اللي المفروض تكون باجر ..

في الكويت
راشد بالعياده .. كانت عنده جم شغله بيخلصها ويرد البيت ورن تلفون على رقم غريب
راشد : هذي فتحة خط الامارات .. يمكن نور
شال التفون
راشد : الو
نور بحروف مغصوصه ودموع مليانه عيونها : الو راشد ؟
راشد بخوف : هلا نور .. شفيج ؟؟
نور اللي انفجرت بالتفون تبجي وتصيح وراشد استخف عليها ..
راشد : نور شفيج قوليلي ؟
نور : دخيلك راشد تعال اخذني .. ماعاد اقدر اعيش معاه الله يخليك
راشد : شصاير خبريني ؟
نور ببجي : تعال اخذني .. ابوس ايدك .. ماعاد فيني اتحمل
راشد : طيب نور لاتبجين .. انتي وينج الحين ؟
نور : انا ببيت رفيجيتي ..
راشد : وفهد وينه
نور : لاتيب لي طاريه .. بس خلص ماعا ابي حتى اسمع اسمه هالحقير
راشد تخوف من الخاطر .. نور اكييد فيها شي .. عمرها نور ماتصرخ وتبجي مثل ماسمعها هاليوم .. هو كان حاس من الاول لكن كان يبي دليل واحد بس : خلص اليوم ان لقيت حجز راح اييج ..
نور : طيب ..
راشد : يله تحملي بروحج .. شوي وادق عليج بس الاقي حجز .. مع السلامه

وماحس بروحه الا وهو عند السفريات حجزله على طيارة الساعه 7 المغرب ورجع البيت بلغ هشام بس ووصاه مايقول لام راشد شي الين مايفهم هو السالفه
هشام : ومافهمت شفيها ؟
راشد بضيق وهو يحط اغراضه بالجنطه : ماادري هشوم .. الله ياخذه ماادري شسوى بالبنت .. تخيل من اليوم ادق عليه مايرد علي الحقير
هشام بعصبيه : صج حقير .. طمني اول ماتوصل رشود الله يخليك
راشد : ان شالله .. انت حط بالك على البيت .. انا ماشي الطييارة باجي عليها ساعتين .. بروح احجزلي فندق من الكويت الين مايي موعد الطيارة
هشام : اوكي .. الله معاك

الساعه 11 بليل توقيت الامارات
راشد يدق على نور : ها نور .. عطيني عنوان شقتكم
نور : انا مب بالشقه .. انا عند رفيجتي
راشد : ادري .. بس بروح لهالحقير اللي أمناج عنده وبشوف شسالفته
نور خافت راشد يشوف فهد بحاله سكر ولا بلوة من بلاويه : لا راشد لاتروح
راشد : لازم اشوفه .. ولا عباله عشان انتي مالج حد يرخصج جذي
نور باصرار اكثر :راشد دخيلك لاتروح .. تعال اخذني وردني الكويت
حس راشد ان نور تعبانه .. : خلص الحين باخذج واوديج الفندق وعقب بروحله
نور بيأس : طيب .. خذ العنوان

اليوم الثاني
راشد : زين ليش مو راضيه تتحجين ؟
نور : .....
راشد : نور .. شنو فيه قوليلي .. شللي صاير بينج وبينه اللي مخليج توصلين لهالحاله خوفتيني .
نور : راشد .. هالريال ماقدر اعيش معاه ولا تسألني عن الاسباب .. بس تأكد لو عرفت انت اللي بتصر اني اهده
راشد : افهم من كلامج انج تبين تطلقين
نزلت عيونها نور .. مهما يصير تظل هالكلمه مرة وصعبه حتى انها تنطق فيها : ايه
راشد : زين .. عموما بس نرجع الكويت لنا حجي ثاني مع ابوه .. طيارتنا بتمشي بعد نص ساعه .. عندج مفتاح شقتج ؟
نور : ايه .. ليش ؟
راشد : بروح معاج تيبين اغراضج كلها وعقب نروح المطار
نور بتردد لكنها مجبورة .: طيب

الدمام
المستشفى
الدكتور : مبروك .. جتك بنت زي القمر
عبدالله : وموضي .. موضي شلونها ؟
الدكتور : احنا نسوينا اللي علينا .. والله مدري شلون اخبركم
عبدالله بخوف من الاجابه : ايش دكتور !! دخليك طمنا ؟
ام ضاحي ببجي وابوضاحي بحاله يأس
الدكتور : البقا براسكم .. عطتكم عمرها .. بس ربي عوضكم ببنت مثل القمر اخ عبدالله
عبدالله بصدمه .. ماكان متوقع هالشي يصير .. ماكان متوقع انه الحزن بيرافقه طول عمره .. حتى ام بنته تركته وراحت .. ليه الفراق مكتوب له من وعى على هالدنيا .. ليه كل ماحاول انه يتأقلم مع الحياه ويعيش زي الناس ولو كان مجبور .. تنسرق منه السعاده ..
نزل غترته من راسه وهو يصيح ويقول .. سامحيني ياموضي .. سامحيني

في بيت بوراشد
بوراشد وهو يوقف على حيله معصب : شللي تقوله هذا هشوم ؟
هشام بخوف : يبا . دخيلك لاتدري امي وطي صوتك
بوراشد : شهالخرابيط .. بس قعدت تبجي راح اخوك الغبي يركض يبيها .. هذي ياهل ياهشوم وطبيعي بتصير مشاكل بينها وبين فهد اول سنه من زواجهم ..
هشام : يبا الموضوع مثل مافهمني راشد عود .. وشكلها المشكله كبيرة بعد
بوراشد : دق على اخوك هذا وخلني اكلمه
يدق هشام على راشد بس كان جهازه مغلق
هشام : يبا الجهاز مغلق .. تلقاهم الحين بالطريج يايين
بوراشد : حسبي الله ونعم الوكيل ..

وطلع من الديوانيه وهو يقول : اول مايوصولون خبرني
هشام وهو متضايق من لهجه ابوه : ان شالله
ويقول بقلبه .. ياناس هذي بنته مو وحده من الشارع .. شلون يرضى ريال غريب يهينها وينزل دموعها ويبينا نسكت ونطالعه .. الله يهيدك بس يايبا

الدمام
في بيت بوضاحي
عبدالله : البنت بتم عندي .. يعني بتم عندي
بوضاحي : وش ذا الهرج اللي تقوله ياعبدالله .. البنت تحتاج لرعايه
عبدالله : حرام عليكم ياعمي .. مابقالي غير هالبنت بتحرموني منها بعد ؟
بوضاحي : ومين قال هالكلام ياولدي .. البنت بنتك ومتى مابغيت تجي تشوفها وتطمن عليها .. هذا بعد بيتك الثاني
عبدالله باصرار : لا ياعمي .. البنت باخذها معي البيت .. وانا اللي بهتم فيها
بوضاحي : وشلون بتهتم فيها يعني !! انت عندك دوام وامك الله يرحمها متوفيه ومافيه حد بيحط باله عليها .. ذي جاهل وتحتاج عنايه
عبدالله : مرت اخوي فراس موجوده .. وانا بس اجي من الدوام بكون فاضي لها .. دخيلك ياعمي كفايه الناس اللي فقدتهم ..
بوضاحي وهو متاضيق من حال عبدالله : ياولدي .. اذا انا رضيت البنت تكون عندك .. خالتك ام ضاحي ماهيب راضيه
عبدالله باصرار اكثر : خلص اذا جذي .. البنت وقت دوامي تكون عندكم وبس اجي من الدوام اخذها معي واجيبها اليوم الثاني
بوضاحي : والله مدري شقولك ..
عبدالله : لا تقول شي ياعمي .. بنتي مقدر افقدها .. زي مافقدت امها وغيرهم
بوضاحي اللي حس كلام عبدالله معقول ومستحيل يقتنع بغيره : اللي تشوفه ياولدي
عبدالله : حطوا بالكم عليها مااوصيك ياعمي
بوضاحي : الا ماقلت ياعبدالله شنهو بتسميها .. ميصير البنت تتم من غير اسم للحين ؟
عبدالله قبل لاتتوفى موضي كان مقرر يسميها نور .. بس هالحين حس انه واجب عليها يسميها على امها : موضي
بوضاحي : خير ماسميت ياولدي .. الله يرحمج يابنيتي ويجعل مثواج الجنه
عبدالله : اميين . يله انا ماشي .. تامرني على شي ؟
بوضاحي : سلامتك .. الله وياك حافظك الله

الكويت
بيت بوراشد
دخلت نور البيت هي وراشد .. حست ان هالجو وهالمكان فقدتهم من زمان .. يااه شكثر مشتاقه .. بيتنا وغرفتي واوارقي وكليتي ورفيجاتي .. حست جنها اول مرة تتنفس من خمس اشهر .. اول مرة تحس بالراحه

هشام اللي سمع صوت الباب : هلا نور الحمدلله على سلامتج . . طمنيني عنج شصاير ؟
نور ارتمت بحظنه وهي تبجي
هشام : حسبي اللله ونعم الوكيل .. لاتبجين مايسوى دموعج يالغاليه
ام راشد من على الدري سمعت صوت بجي : شصاير هش و !!!
وبصدمه تطيح عيونها على نور : هلا وغلا بدنيتي وناسي تو مانورت الكويت .. وتروح تحضنها بقوة
ام راشد : الا وين فهد ؟
راشد : يما .. انا امس رحت يبت نور من الامارات ..
ام راشد : شصاير ؟ ليش ..!! عسى ماشر قولي نور ؟
نور بدموع : مابيه يما .. مابيه أذناني وايد
ام راشد وهي تبجي : ياويل قلبي عليج يابنتيني .. قوليلي شنو السبب ؟
نور بقلبها .. ياليت اقدر اقول .. بس ربي ستر عليك يافهد وانا بستر عليك : ......
ام راشد : خلص يما الحين روحي ارتاحي بغرفتج وبعدين لنا كلام بهالموضوع
بوراشد وهو داخل البيت : ها وصلت يا راعي البيت ؟
وعم الهدوء من دخلته البيت
راشد وهو يلتفت لابوه : هلا يبا ..
بوراشد : شنهواللي سويته هذا ماتقولي .. وشلون تتصرف على كيفك من غير لاتاخذ شوري
راشد يتعوذ من بليس : يبا .. نور دقت واشتكت عندي .. تبيني اسكت !! .. الا اروحلها طيران بعد
بوراشد : لا عفيه عليك .. ماشالله .. وليش انا مالي كلمه هني ؟
راشد : الكلمة لك يابوراشد .. بس بعد نور هذي اختي وماارضى دموعها تنزل وحنا نتم ساكتين
بوراشد وهو يلتفت لها : وانتي تعالي هني .. شنهي الجريمه اللي سواها فهد عشان تدقين على اخوج وتخرعينا معاه
نور وهو خايفه : ....
بوراشد : ماتحجين .. ولا بس شاطره تبجبجين وتدقدقين تلفونات .. هذي اخره الدلع ياعايشه .. عيالج حتى بيوتهم مب قادرين يحافظون عليها ..
نور منصدمه وتألم من الخاطر . .آآه ياييبا لو تدري وش صارلي .. : ....
بوراشد : هشوم دق على بوفهد وعطني ياه ..وانتي مثل مايبتي جنطتج بتردينها الامارات عند ريلج
نور ببجي : مابيه يبا مابيه دخيلكم مابي ارد له
بوراشد : تركي عنج الدلع .. وهالمشاكل بتنحل ان شالله
راشد وهو يكلم نور : نور قوليلنا طيب السبب .. مافيه شي من غير سبب انتي مو حابته يعني او مو متقبلته ؟
بوراشد : وشهالكلام وهالخرابيط اللي تقولها انتا ؟ أي حب واي بطيخ ..!!
نور بانهيار : لا ياراشد .. انا مقدر اعيش مع واحد سكير اربع وعشرين ساعه .. مقدر اعيش مع واحد يخوني كل ليله مع وحده بغرفتي .. مقدر اعيش مع واحد جذاب .. قص علي قالي انه يدرس بالامارات وطلع لا يدرس ولاشي.. حتى دراستي ماخلاني اكملها .. تعبت ماعاد فيني اتحمل .. كل هذا وتميت ساكته وصابرة قلت معليه يمكن يتحسن .. بس كلشي وصل حده ..
وانهارت على الارض تبجي وام راشد يمها وهي تقول : حسبي الله عليك جانك سويت كل هذا ببنيتي
راشد بعصبيه وليش ماقلتلينا من الاول؟
نور : اهوا هددني اني مااقولكم ولا شي .. ابوس ايدك يبا مابي ارجعله اذا رجعت راح امووت
ابوراشد كان مصدوم بس بعد شوي قال : هشام دق على بوفهد خلني اكلمه

مرت سنتين على طلاق نور .. حست فيهم انها كبرت عشر سنين .. مهما يكون اسم مطلقه على بنت ماتجاوز عمرها 22 سنه مؤلم وايد .. الكل كان يحاول يحطيها بحنانه واهتمامه .. حتى ابوها بوراشد اللي معروف عنه انه قاسي وصعب بعد اللي مرت فيه بنته نور مع فهد حس بالذنب .. والغريب ان مع انها كانت مطلقه الا ان فرص الزاواج كانت مفتوحه يدامها .. بس يمكن اللي مرت فيه نور من بلاوي خلاها تصرف عن فكرة الزواج ومحد كان يغصبها عليها .. لعلمهم بان اللي شافته هالبنت ماهو شوي ..
وبهالسنتين انخرطت بالدراسه وتخرجت بمعدل عالي بس عشان تشغل روحها وماتفكر بشي ..
تزوجت بشاير وهشام وشرط بشاير كان انهم يتمون في بيت بوراشد لانها حابه تكون يم نور .. وجودها بروحها بيخليها تفكر وهالشي مب زين لها

عبدالله كانت موضي الصغيرة بالنسبه له كل حياته ..كان في الواقع يناديها نور بينه وبينها لكن بالاوراق الثبوتيه كان اسمها موضي
نور ماغابت ولا لحظة عن باله بس مادرى انها تطلقت ولا عرف باللي صار لها .. كانت سارة متعمدة ماتقوله بعد ماعرفت عزوف نور عن الزواج .. لان هالشي بيخليه يتعلق بأمل ضعيف

الكويت
بيت سارة
سارة وهي تكلم عبدالله : يله عاد عبود مازرتنا من زمان .. ابي اشوف موضي الصغيرة
عبدالله : تصدقين سارة .. خاطري اجي الكويت .. من زمان ماجيت .. حتى هشام يقولي تعال
سارة بقلق : انتا تكلم هشام ؟
عبدالله : ايه يحليله . هو بين فترة والثانيه يدق ويسأل علي
سارة : وو قالك شي ؟
عبدالله باستغراب : عن ايش !!
سارة : هاا .. لا ولا شي .. بس
عبدالله : وش فيه سارة .. انتي تدرين عن شي ومخبيته عني ؟
سارة بارتباك : لا
عبدالله باحساسه اللي مايخيب : نور ؟
سارة : وش جاب طاري نور هالحين .. !!
عبدالله : مدري .. حسيت ان الموضوع يتعلق فيها
سارة : يااه ياعبدالله .. للحينك تحب نور ؟؟
عبدالله : الين بكره .. ماتدرين هالبنت وش تعني لاخوج ياسارة .. نور هي النبض اللي انا عايش عليه في هالدنيا ..
سارة بقلبها .. ياوليلي لو تدري وش صار فيها ياعبدالله وش بيصير فيك : عبدالله انا حاسه بتأنيب الضمير
عبدالله : ليه ؟
سارة : عبدالله .. اذا قلتلك ماتعصب علي ؟
عبدالله : وش فيه ياسارة تراك اقلقتيني ؟
سارة : بس والله اللي سويته هذا لصالحك .. وانا مابيك تفكر بشي الامل فيه مفقود
عبدالله بجديه : قولي مانيب زعلان
سارة : نور تطلقت من سنتين .. بعد ماتوفت موضي الله يرحمها باسبوع .. اللي سمعته ان ريلها كان سكير واذاها وايد .. وانا ماحبيت اقولك لاني سبق ودريت انها رافضه تتزوج نهائيا .. من جذي ماقلتلك عشان ماتتعلق فيها
عبدالله بصدمه : حراام عليكم .. كل هذا يصير لنور وانا اخر من يعلم !!
سارة : سامحني يااخوي .. بس اضطريت اخبي عليك عش ااا
عبدالله بعصبيه : الله يساحمك ياسارة .. الله يسامحك ..
سارة : انا اسفه عبدالله والله غصبن علي خبيت عليك
عبدالله : وشلي نزل عليك الوحي وخلاكي تنطقين ؟
سارة : يعني اذا انت جيت الكويت اكيد بتعرف .. ووو ماابي تعرف من غيري بعدين بتزعل علي
عبدلله باهتمام : وهي كيفها الحين ؟ .. وش صار لها خبريني كل شي
سارة : عبدالله .. لاتخليني اندم اني قلتلك
عبدالله : شوفي بالاول حرمتوني منها .. بس لاتفكرين انكم تقدرون تحرموني منها مرة ثانيه
سارة اسكتت .. وفي خاطرها تساعد اخوها خبرته بكل شي صار لنور ..
سارة : والحين هي تشتغل
عبدالله : وين ؟
ساره : ههههه يوو ياعبدالله .. حتى المكان اللي تشتغل فيه تبي تعرفه ؟
عبدالله بسعاده لاتوصف : كلشي .. ياسارة .. كلشي
سارة خايفه على اخوها من صدمه ثانيه : تشتغل مدرسه رياض اطفال في الروضه .. تبي اسم الروضه بعد ؟
عبدالله : هههه لا راح اعرفها بنفسي .. ياااه ماتدرين شكثر احس بالنشوة الحين .. كأني رجعت مراهق او طفل صغير يدور على امه اللي فقدها من زمان .. ولقاها بعد ثلاث سنين من العذاب والصبر
سارة : وش بيفيد هالحين ياعبدالله لما عرفت اخبارها ؟
عبدالله : اشيا كثيرة .. اول شي الحقير فهد هذا انا راح اعرف اعلمه شلون يبكي نور قلبي ..
سارة : عبدالله .. انت جنيت ؟
عبدالله : لا ..معلينا .. انا في العيد جايكم ان شالله
سارة بفرح : والله ؟
عبدالله : ايه .. سارة .. طلبتك لاترديني
سارة : قول
عبدالله : اذا ودك اخوك يعيش باقي عرمه مرتاح .. طلبتك اخبارها اول باول تجيبينها لي
سارة : اكييد تهمني مصلحتك .. ان شالله
عبدالله : مع السلامه
سارة : مع السلامه

سكر عبدالله من سارة .. والدنيا كلها موشايلته من الفرحه .. نور واخيرا بتكون لي .. الحمدلله لك يارب
وانت يافهد حسابك معي عسير .. لاتظن ان من يلمس شعره من شعر نور بيتهنى بحياته ..

من بعيد .. موضي الصغيرة : بابا ليه تضحك !!
عبدالله يبتسم لي هالصغيرة اللي بالكاد تنطق حروفها الاولى : بابا اسعد انسان في الدنيا يانور .. بابا بعد كمن اسبوع بيشوف نظر عينه .. بس تعتقدين هي للحينها زعلانه علي وماتبي تشوفني !!
موضي تبتسم
عبدالله : احبها .. والله العظيم للحين احبها

في بيت بوخالد
كانت الزواره كل خميس تتم هناك بعد طلاق نور اشيا كثيرة تغيرت .. ابوخالد كان لها الاب الثاني .. وبعد ملجه خالد على مشاعل صارت العلاقات احسن بينهم ..
ريم تكلم نور : نوروه .. حطي صينيه البشاميل حق الرياييل .. لاني حطيت الصينينه الثاني حقنا
نور : اوكي شيف ريووم .. يه يه يه مااعبر شنو هالسوالف ترى مافيني اصبر بروح اكل
ريم : هههههه اييه شنسوي كله من الزواج .. ماتشوفيني يااطبخ يااحوس ورى سعود الصغير
نور : فدييت قلبه سعود .. مسكين كله نايم عن العيارة
ريم : ياااي نور والله دنيا .. منو يصدق ان انا صرت مسؤله عن ياهل صغير ..!!
ويدش خالد المطبخ : الا منو يصدق ان ريوووم اللي ماتعرف تطبخ غير البيض قامت تسوي مجابيس
ريم ورنور : هههههههههههههههه
نور : اييه ايام الدلع راحت يابنت بوخالد
ريم : لا ياقلبي للحينهم يدلعوني ..
نور : هههههههههههه
خالد : يلله شقاعد تسون انتو للحين .. الرياييل ماتوا من اليوع
نور : انطر شوي خلود ... باجي السلطه
خالد : اوو صج نسيت .. نوروه ابوي يبيج قالي اناديج
نور تطق خلود بالملعقه اللي بيدها : يالدب توك تتذكر
وطلعت بره ولقت ابوخالد ينطرها
نور : السموحه عمي ترى ولدك الدب توه يقولي
ابوخالد وهو يضحك : معليه يابنتيني . شلونج شخبارج ؟ طميني عنج ؟
نور بابتسامه ماتوصف : بخير فديتك الحمدلله .. انتا شلونك ؟ والله ولهت عليك
ابو خالد : والله لو ولهتي على عمج جان ييتي زرتيني
نور : سامحني بس تدري الدوام متعب شلون ..
ابو خالد : الله يعطيج العافيه .. شوفي نور مابي اعيد الكلام كل مرة .. انا عمج بس تحسين بضيق تعالي قوليلي
نور : اكييد .. وانا من لي غيرك ياعمي .. ودامك يمي دووم بكون بخير
ابو خالد : عسى يابنتي .. يله اشوف انا الرياييل بالديوانيه
نور : الله وياك .. عمي ذوق السلطه ترى انا مسويتها هههه
ابو خالد : ههههههه من غير لااذوقها تسلم ايددج
نور : ههههههه الله يسلمك احم احم

دخلت نور وتغدا الجميع .. وعقب الغدا قعدت هي وبشاير وريم يزهبون الجاي والحلو .. وعقب قرروا يطلعون يتسوقون حق العيد
بشاير وهي تنطرهم بالسيارة : بيب بيب
نور وهي تدخل السيارة : شفيج فضحتنينا سعود نايم وريوم ماتبيه يقوم يأذيها بعدين
بشايير : يلله ترى انا خست بالشمس . .ساعه شقاعدين تسون
نور : انا قعدت ادور شيلتي لاني كنت الاعب اليهال وضيعوها ..
وريوم راحت تاخذ من مشعل فلوس
بشاير : وانتي فلوسج معاج .. هاا ترى مااسلف احد
نور : ههههههههه ويعه .. شقالولج منتفه .. حبيبتي انا من غير من أخذ شي من احد معاشي عندي .. مو مثلكم اطر
بشاير : ههههههههههه الله ياخذ بليسج صدقتي
نور : انا بعرف شلون قص عليج هشوم وخلاج ماتشتغلين
بشاير : اخوج بعد ماتعرفينه .. عشرة مايقدرون عليه ماادري شلون يفر راسي
نور : ههههه تدرين عاد قبل كنتي رقيقه الحين صايرة دفشه عليه
بشاير تطالع نور : انا ؟؟؟ !! هيين بشوف من يوديكم
نور :ههههههههههههههه والله اضحك معاج .. تعالي هههههه
بشاير : ماارضى لما تعبين سيارتي بنزين
نور : اوووف اكد على عميان انا .. زيين قعدي هههههه
بشاير : فديتج اضحك معاج هههه
ريم تدش السيارة .. هاا تأخرت عليكم ؟
بشاير :لا بس طبخنا تحت الشمس شوي
ريم : ههههه .. شسوي مشعلوا ساعه على مايطلع من الديوانيه .. وغيرت لسعود وييت
بشاير : يلله مشينا ياهوانم
نور وريم : يلله ..
ريم : حطيلنا شي نسمعه عااد
بشاير : زيين بسم الله ..
وتغير الموجه وتطلع اغنيه معجبه لنانسي عجرم
وتعلي الصوت بشاير ..
نور : هههه يالمينونه والله شكلنا شبهه
بشاير : الله وناسه تذكرت ايامنا قبل شكثر كنا نقز انا وياج
ريم : ايه والله صدقتوا .. احلى ايام قبل الزواج
نور : هههههههه محد قالكم تزوجوا ..
ريم : ايه والله صاجه .. يله شنسوي
بشاير : شر لابد منه ههه
ريم ونور : هههههههههههههه
بشاير : يله وين تبون تروحون ؟
نور : ابي المارينا . .في شغلات حلوة نازله وخاطري اتسوق هناك
بشاير : زين شرايكم نروح المرينا .. عقب بوديكم مشغل عجييب فيه دراعات تينن
ريم : ايه جذي اوكي
بشاير : احم احم والعشا من عليه ؟
ريم : هههههه بدينا شغل هشووم .. صج من عاشر القوم
نور : ههههههههههههههههه
بشاير : خلص فضحتوني .. انا عازمتكم
نور وريم : درينا على فلافل هههههههههههههههه
بشاير : ههههههههههههههه

راحوا هالبنات تسوقوا وعقب رجعوا وكلهم بنفسيات احلى واحلى .. كانت نور لما تتم معاهم تنسى الدنيا ومافيها ..
نور وهي تنادي ريم : ريووووم سعود قعد تعالي اخذيه
ريم : زين كاني يايه
بشاير : نطروني .. بي وياكم
صعدوا هالثلاثه غرفة ريم وكانت نور ماسكه سعود وتحوس فيه لانه كان يبجي
نور : حرام عليج ميت من اليوع
ريم : بعد قلبي وليدي خليه عندج نور بروح اسويبه حليبا
ريم وهي تزهب الرضاعه: صج ماقلتلكم . . اخو سارة عبدالله .. بيي على العيد
بشاير التفتت لنور على طول وشافتها تلهي روحها مع سعود
ريم : عاد بييب بنته موضي .. تقول سارة بنته جناااان ماشالله عليها ..
بشاير : يحليلها .. وهي الحين عند منو عايشه ؟
ريم : الصبح تكون عند يدتها .. وبعد الدوام اهوا يي ياخذها للبيت
بشاير : وليه مافكر يتزوج ؟
ريم : تقول سارة حاولو فيه وايد بس مارضى
بشاير : الله يوفقه ان شالله
ريم وهي تكلم نور : هههه نوروه تذكرين لما طلعتليله بالغلط يوم عزيمه الرياييل ببيتنا
نور بابتسامه : ... ايه اذكر
ريم : تدرون يكسر خاطري
نور ماتحملت اكثر .. : ريم خذي سعود بدل هالسوالف او يبي الرضاعه انا بعطيه
ريم : اووف زيين يبيه .. اوديه عند ابوه احسن ..
ورنزلت ريم وتمت نور وبشاير تطالها بنطرة : شفيج ؟
نور : مافيني شي انتي شفيج تشوفيني جذي ؟
بشاير : ماارتحتي لانج عرفتي اخباره
نور : ماتهمني اخباره
امشي ننزل تحت ..
بشاير بصدمه : اوكيه

بعد اسبوعين
هشام : كل عام وانتي احلى ام بالدنيا
ام راشد : وانت بخير وصحه وسلامه
راشد وهو كاشخ بالغتره والدشداشه : كل عام وانتي بخير يما
ام راشد بابتسامه : وانتا بخير ياوليلي
هشام وهو يبارك لراشد وعقب يقول : ياويلي من ولدج يماا .. لا يوقف يمي بعدين ياخذ معجبيني على هالكشخه
راشد : هههه راحت عليك حبيبي الحين انت متزوج ..خل المعجبين حقي
هشام : هههههههه يحقلك .. اروح ابارك لابوي .. يما ابوي وينه ؟
ام راشد : راح صلاة العيد الحين ياي
هشام : طيب شنو مسويتله فطور يالغلا ..!!
ام راشد : كلشي تحبه .. فيه خبز رقاق من الصبح انا ونور سويناه وفيه بيض وبلاليط العيد بعد اذا تبي
هشام : الله ونااسه ..
راشد : راشد روح قعد فرح .. عيزت وانا اقعدها
هشام : بشور وينها من الصبح مالقيتها ؟
ام راشد : راحت اهي ونور صلاه العيد معاي وعقب راحوا الصالون
هشام : بل بل .. حرييم يموتون على الصالونات .. حتى بالعيد !!
ام راشد : افتح التلفزيون وانا امك .. خلنا نشوف الدنيا شلون معيده .. وخلصوا ريوق عشان بنمر بين ابوي وعقب بنروح بيت عمكم بوخالد .. حرص علينا نيي مبجر
هشام : تامرين ام راشد .. اقول يماا .وين عيديتي ؟
راشد : هههه استح على ويهك .. محامي طول وعرض تبي عيديه
هشام : كيفي امي .. للحين بعيونها صغير صح يما ؟ حتا انتا لازم تعطيني عيديه
راشد : هههههههههه ان شالله عمي
الساعه 11 صباحا من اول يوم من ايام العيد
في سيارة راشد متجهين لبيت بوخالد
راشد وفرح ونور بسيارة راشد وعايشه وابوراشد بالسيارة الثانيه وهشام وبشاير راحو لبيت امها تسلم عليها وعقب بيون بيت بوخالد
راشد يكلم فرح : فرووحه جم يمعتي ؟
فرح وهي تعد فلوسها : ممم قول مشالله اول
راشد : ههه ماشالله .. قولي جم عاد ؟
فرح : ممم للحين مع عيديه امي صار عندي60 دينار
راشد : بل بل بل ..
فرح وهي تطق راشد من ورى : قول مشالله
نور وراشد يضحكون : ههههههههه
راشد : فروحه شرايج تعطيني ياهم استثمرهم وثالث يوم العيد بعطيج ياهم وفوقهم فوائد
فرح وهي مغمضه وبثقه : الفوائد حرام
نور : ههههههههههههه عفيه فرووحه
راشد : سكتتني هههههههههه
فرح تكلم نور بشويش : قوليله يطلعنا اليوم
راشد : شفيكم توشوشون ؟
نور تبتسم : فروحه ودها تطلب منك طلب
راشد : افاا بس طلب واحد .. تامر الشيخه فرح
فرح : واللي سلمك رشود طلعنا اليوم عقب الغدا
راشد : فروح اليوم اول ايام العيد وكل مكان زحمه ويين تبين تروحين يعني ؟
فرح : مم نروح السينما فلم كتكوت يقولون حلو رشود وعقب نروح حديقه الشعب
راشد : ممم على شرط .. العزيمه عليج
فرح وهي معصبه : رشوووود
راشد : ههههههه عيل شحقه هالعيديه ماتقوليلي !!
نور : اووو ياراشد ودها حرام عليك
راشد : زين وانتي ماتبين تطلعين ؟
نور تبتسم : لا انا باخذ اليهال وبوديهم المركز العلمي ..
راشد : انا ماادري شلون تتحملين حنه اليهال .. ياويلي يصدعون الراس
نور : حرام عليك .. اصلا العيد حق هاليهال يستانسون
راشد : يحليلج .. صج مدرسه روضه
نور : انفع هاا !! هههههه

في بيت بوخالد كانت ذبايح العيد والناس والزحمه .. فعلا جو عائلي بحت وحلو
البنات نور وبشاير وريم ومشاعل وفرح كانوا شايلين العزيمه
ريم تكلم نور : نوروه تعالي سلمي في حريم يسألون عنج
نور: ان شالله يايه بس انوم سعود ولدج
ريم : للحين مانام ؟
نور : لا من ازعاج اليهال بعد قلبي مانام
ريم : عطيني ياه يمكن يبي حليبا
نور : زين .. خذي
خل اروح اسلم .. في حد يه ؟
ريم : ايه جاراتنا .. واهل امي وام صهيب وسارة مرت علي
نور وقفت عند كلمه سارة .. بس عقبها كملت طريجها لصاله الاستقبال وكانت لابسه حراير فوشيا مع اوف وايت وتحتها جينز فاتح شوي وقصت شعرها الاسود الين حد جتفها مع مكياج خفيف .. بشكل عام كانت روعه
سلمت نور على الحريم وعلى سارة
نور : عيدج مبارك
سارة بقلبها .. ماشالله كل مالج وتحلوين يانور : عساج من العايدين والفايزين
وطاحت عين نور على بنت صغيرة كانت قاعده يم سارة عمرها سنتين وشكلها ذكرها بشخص ماكان غايب عن بالها ولا لحظة
ولا اراديا قالت : هذي بنتج ؟
سارة بفضول من اجابه نور وبعيون تتفحص رده فعلها قالت : لا بنت عبدالله .. يو امس وعيدوا معانا اليوم
نور وهي طاير قلبها على هالبنت : ماشالله عليها تينن
تكلمها وتمد لها ايدها : السلام عليكم
موضي الصغيرة تبتسم وتخبي راسها قرب سارة
نور بابتسامه : شنو اسمج ؟
موضي : نور
نور انصدمت وارتفعت عيونها لسارة عقب رجعت وقالت لموضي : انتي اسمج موضي ولا نور ؟
موضي : نور
سارة وهي تناظر نور وبشويش : ابوها يناديها نور
نور ارتبكت مااعرفت شتسوي .. بس بعدين قالت : انا بودي اليهال كلهم المركز العلمي .. خل .. موضي تيي معاهم بتستانس
سارة : والله ماادري اقول لعبدالله اول .. اخاف مايرضى تدرين موضي صغيرة
نور : على راحتج انا رايحه البس
ابتعدت نور وبفكر سرحان قالت : يله الكل يلبس بنروح الحين
اليهال اللي كانوا يلعبون بالحديقه بره وبصراخهم : هياااايله خاله نور بتطلعنا
بشاير : والله انتي مو صاحيه .. هذيلي بيطلعولج قروون
نور : ههههه حرام عليج .. والله محد يطلعلي قرون غيرج انتي ولا هذيلي مالهم حس
بشاير : يماااااا هذيلي مالهم حس .. قوليلي ينانوه
نور : اسمله عليهم لاتقولين جذي .. اذا فيج حرة تعالي معانا
بشاير : ههههه لا حبيبتي .. هشوم قايل بيطلعني بعد مايردون من الصلاه
نور : عشتوو .. طيعيني تعالي ترى هشوم ماله امان كل شوي كلمة
بشاير : لا لا روحي .ز لو اقعد بالبيت ماراح ايي مع هالمزعجين
نور : هههههههه زين اذا ماطلعتي لاتروحون مكان .. نطورني زين
بشاير : اوكي بس لاتتأخرين
نور : اوكي

في الطرف الثاني
سارة تكلم عبدالله : انتا وينك ؟
عبدالله : تونا جايين من الصلاه
سارة : طيب .. نور بتطلع كل اليهال .. شرايك اخلي موضي تروح معاهم
عبدالله : ميين !! .
سارة بشويش : ها قول يلله تراهم ينطرون بالسيارة
عبدالله : ايه خلها تروح ..
سارة بصدمه : غريبه .. انت ماتخلي موضي تطلع مع أي احد .. ليه امس ماخليتها تروح مع علي والعيال ؟
عبدالله اكتفى بابتسامه وعقب قال : هذي النور
سارة : طيب يله خلني البسها
عبدالله : طيب بيباي
سارة : باي

نور وحوالينها اليهال تكلم سارة : بتي موضي معانا ؟
سارة : ايه ابوها رضى .. يله روحي مضاوي
موضي للحينها ماسكه بسارة
نور تبتسم لها وبيدينها لعبه : همم موضي تعالي بنروح العاب هذي حقج بعد
موضي تطالع سارة : اروح عمتي !!
سارة : ايه روحي ماما
تركض موضي وتاخذ اللعبه وهي مستانسه واليهال حوالينها وشعور هالبنت الصغيرة ماينوصف .. اول مرة تشوف اطفال حوالينها يضحكون ويلعبون هي طول عمرها وحيده
نور الدنيا ماكانت شايلتها .. وعينها على هالبنت الصغيرة .. حبتها ماتدري ليش .. فيها من عبدالله كثير عيونها وصوتها وابتسامتها ..
وهي تشوفها بهالسعاده .. كانت تحس بالسعاده .. تعلقت فيها بشكل جنوني ..

زينه بنت فاطمه : خاله نور يصير نشوف السمج اللي هناك ؟
نور : اييه حبيبتي روحي .. خذي موضي معاج
موضي وهي تضحك : وشو هذا !!
نور وهي تكلمها : هذا اسمه سمج
موضي : ابغى اروح هناك خاله نور
نور وهي ميته على هالبنت .. فديت اللي تقول خاله نور .. ياول قلبي اول مرة ادري ان اسمي حلو : روحي ياقلبي

الكل كان مستانس من اليهال .. نور كانت تناظرهم بحب بس موضي كانت سعادتها خلا نور تتعلق فيها بشكل غير طبيعي .. حست ان هالبنت قلبت كيانها .. معقوله لانها من ريحه عبدالله ..!! لا مستحيل

اليوم الثالث من ايام العيد
في بيت سارة
سارة : طيب وين بتروح
عبدالله : مشوار سارة ضروري .. وبرجع ان شالله
سارة : طيب خذ سيارتي
عبدالله : لا ابغى اروح مع واحد صاحبي
سارة : اوكيه لاتتأخر
عبدالله : ان شالله

وطلع عبدالله مع صاحبه يعرفه يدرس بالكويت
بندر : اهو وين يشتغل ؟
عبدالله : في كي او سي .. اعتقد شركه البترول .. واللي عرتفه ان هالشركه تحافظ على سمعه الموظفين .. يعني لازم يكون الموظف حسن السيرة والسلوك .. وطبعا هالشي ماينطبق على فهد
بندر : طيب .. وفيه أي دليل عندك على انه سمعته مو شي
عبدالله : ايه .. لقيت عليه كم قضية سكر وبقدمها لللمسؤل
بندر : بس مو حرام تقطع رزقه !!
عبدالله : لاتخاف هذا ماراح ينقطع رزقه .. بس ابي اعلمه ان بنات الناس مب لعبه .. مهما يكون ذي بنت عمي وماارضى حد يهينها وبعيد ميصير ناس مثل فهد تمسك وزارات .. انسان سكير وخمير وش تبي يطلع منه !
بندر : اوكي .. اذا جذي اجل يستاهل كل الاوراق معاك ؟
عبدالله : ايه .. بس اتجهه الحين للشركه
بندر : طيب

يمكن هالمشوار حسس عبدالله بالراحه على انه انتقم لنور ولو بجزء بسيط . .بعد ما شاف المسؤول واطلع على القضايا اللي على فهد وكلها بتواريخ قريبه وطالع بكفاله وتعهد .. خبر عبدالله انه كان مرشح لرئاسه القسم واشكره وايد لان سمعه الشركه بتأثر بموظف مثل فهد .. وبنفس الوقت وقع على قرار رفعه من الشركه وتفنيشه

في بيت سارة
عبدالله : ها غداج زاهب ياامحمد !!
سارة : وش عندك الفرحه مب شايلتك .. مين شفت بهالمشوار ؟
عبدالله : الا قولي وش سويت بهالمشوار ؟
سارة : هههه وش سويت قول ؟
عبدالله : ههههههههه سر
سارة : يماا منك قول عاد ؟
عبدالله : الا موضي وينها ؟
سارة : تلعب مع العيال بالحديقه
عبدالله : ناديها دخيلج مشتاقلها
سارة : شوي ويدخلون .. خل اروح ازهب الغدا علي على وصول
عبدالله : طيب انا بغير ملابسي وانزل

شوي وعلي يوصل
وسارة تنادي العيال من الحديقه وتنادي عبدالله
عبدالله وهو نازل : كاني نزلت .. وشو مسويتلنا سارونه اليوم
علي : احم احم .. نحن هنا .. تونا يايين من الدوام وتعبانيين
عبدالله : هههههههه .. هلا علي السموحه ماشفتك والله
علي : يله لنا الله .. انت من تشوف اختك تنسانا
عبدالله وهو يشبل موضي : الا من اشوف هالبنت انسى دنيتي كلها
موضي تضحك وعبدالله يلاعبها
علي بقلبه .. الحمدلله اللي رزقك هالبنت تملي عليك حياتك .. والله ماتستاهل اللي يصيرلك ياعبدالله بس شنو نقول .. نصيب
موضي : بابا ابغى اروح عند خاله نور
عبدالله بصدمه وكأنه ماسمع : ايش حبيبي !!
موضي تعلي صوتها وعلى بالها ابوها ماسمع : ابغى اروح عند خاله نور
عبدالله وهو يناظر سارة ويرد لموضي وعيونه تحمل اشيا كثيرة ويقول بقلبه .. لاتلوموني يوم حبيتها .. حتى موضي حبتها : ان شالله بابا بنروح قريب
علي : هاا ابو موضي .. سمعنا انك ناوي تخطب بنت بوراشد الكبيرة
عبدالله : مسرع ماقالتلك
علي : هههههههههه ايه مفيش حاقه تتخبى ياحبيبي
عبدالله : ان شالله .. الله يكتب اللي فيه الخير .. انا كلمت ابوي وخبرته وهو استانس وقال بيكلم ابوها خلال هاليومين
علي : على خير ان شالله

تغدا الجميع .. وعبدالله باله بعييد .. يفكر بنور ياترى بتوافق ولا بترفضه .. ياترى بيجتمع هو معاها ولا للحينها زعلانه عليه ومب راضيه .. لا مستحيل تكون نست الحب اللي جمعني بها ثلاث اسنين ..
آآآآه يانور .. وش سويتي فيني .. سنين من العذاب والحرمان عشتها انطر يوم يحن علي القدر ويجمعني معك ولو في الاحلام .. واخير بيصير حقيقه .. خلي هالحلم يتحقق يانور .. وانسي اللي فات
شغل اغنيه اكثر من اول احبك حقت احلام .. وغفت عيونه جنب موضي الصغيرة

في غرفة نور
نور : انا ماني موافقه
بشاير بصدمه : نعم !!
نور وبعيون مليانه الكثير : ......
بشاير : انت من صجج تحجين !! .. مو هالشي كنتي تنطرينه من زمان .. ثلاث سنين من العذاب يانور ماذقيتي فيهم طعم السعاده ويوم وصلت الين عندج تقولين ماني موافقه !! ليش ؟
نور بألم : مابيه
بشاير : نور كلميني بجد شوي
نور : انا ماامزح بهالامور يابشاير .. عبدالله هو سبب التعاسه اللي عشتها طول عمري .. هو سبب كل اللي صارلي
كثر ماكنت احبه .. كثر ماااكرهه الحين
بشاير : لا يانور .. عبدالله مب اهوا السبب هذا النصيب وانتي تدرين انه ابوه هو السبب وبعدين لو اهوا مايبيج جان ماتقدملج بعد هالسنين .. نور عبدالله يحبج مثل ماانتي للحين تحبينه .. كفايه ريحي روحج وريحيه معاج
نور وهي تصيح : مااحبه .. اكرهه مابيه بشاير مابيه
بشاير : جذابه .. انتي بس للحينج معصبه منه وزعلانه عليه ولا انتي للحين تحبينه
نور بكبرياء : لا
بشاير : شوفي انا ماني قايله لهشام انج مو موافقه .. بقوله انج بتفكرين ..
نور باصرار : ...... مراح افكر هذا قراري
بشاير : لاتتاخذين قرار تندمين عليه طول عمرج .. يانور ادري اللي صارلج مو شويه ويمكن لو وحده مكانج ماكانت راح تسامح عبدالله .. بس انتي بعد قدري ظروفه .. حسي فيه خلي كلشي يرد مثل ماكان
نور : ......
بشاير وهي تقرب من نور وتمسك جتوفها : نور .. عبدالله يحبج .. ريحيه !
نور غمضت عيونها وعقب قالت : مابيه
وطلعت من الغرفه وهي تصييح من الخاطر .. ماتدري ليش تبجي ولا تدري ليش ارفضت .. شي داخلها يحن له يقولها هذا حبج يانور .. عبدالله اللي ذقتي المر عشانه ترفضينه !!
بس تحس بالقهر بالغضب .. اكرهك ياعبدالله اكرهك واكره اليوم اللي قلبي حبك فيه .. انت سبب تعاستي كلها

ثلاث ايام وبشاير تحاول في نور بس ماكو فايده .. هالسنين اللي عاشتهم نور كانوا كفيلين بأنهم يخلونها تكره اسمه بس ماتدري ليش فيه شي باعماقها يبيه
بشاير : نور .. اخر كلام عندج ؟
نور : ايه
بشاير : خلص انا بروح ابلغ هشام واهوا يقول لعمي بوراشد .. بس هذا انا اقولها لج انتي اللي بتندمين

صوت من الصاله تحت : نور .. نور !!
بشاير : هذا مو هشام ؟
نور : بلى .. ليش يصارخ ؟
بشاير : ماادري قومي نور ..
ونزلوا تحت لوين ماكان هشام واقف
بشاير ونور بخوف : شفيك ..!!
هشام : ابوي بالمستشفى .. بشور روحي يبي فرح من المدرسه الحين تطلع .. ونور لبسي يله لان امي بروحها بالمستشفى
نور بخوف : ابووي !! شفيه ؟
هشام بضيقه وكلمات بالغصب تطلع : ابوي خسر بالاسهم مليونين دينار وو وتعب شوي ونقلوه المستشفى
نور بصياح : ياويل قلبي على ابوي .. دقايق البس عباتي وايي
هشام والدنيا صاكه فيه : انا انطرج بالسيارة

في المستشفى
نور وهشام وراشد وام راشد
هشام : ها راشد طمنا .. عسى مافي خطورة ؟
راشد بقلب متألم وحروف مغصوصه : .. أأابوي صارت له جلطه بالقلب وهالشي سببله شلل
نور قعدت تصيح وهي حاضنه امها اللي كانت شبهه منهارة
هشام : لا حول ولا قوة الا بالله .. يايما تعوذي من ابليس .. ماينفع البجي اهوا محتاج دعائكم . .راشد خذ امي وردها البيت
ام راشد ودموعها غرقتها : وين تبون تاخذوني .. ابي اشوف ابوراشد .. دخيلك هشام .. راشد .. دخيلكم خلوني اشوفه .. هذا الغالي .. هذا ابوي وامي ودنيتي كلها . .
راشد وقلبه متقطع على امه : يماا الزيارة ممنوعه الحين .. انتي روحي البيت وصليلج ركعتين وادعي ربج يفج هالكربه ويقومه بالسلامه .. الصياح ماينفع
ام راشد تصيح ..
راشد يلتفت لنور : نور الله يهداج انا خابرة قويه .ز نبيج تساعدين امي تقومين انتي تبجين !!
نور تبجي وعقب تقول : هذا ابوي ياراشد .. والله مااقدر .
راشد يقرب منها : نور دخيلج هدي امي .. اخذيها وردوا البيت وانا ببلغكم بكل شي ان شالله
نور وهي تمسح دموعها : ان شالله
خذا هشام نور وام راشد ووصلهم البيت عقب رجع المستشفى عند راشد
ام راشد كانت في حاله انهيار وبجي .. بوراشد كان يعني لها كلشي وبيوم وليله يطيح من طوله كانت لها صدمه اما نور فكانت تخفف على امها وهي اللي فيها يكفيها وزياده ..

المستشفى
راشد كان يكلم الدكتور وهشام جنبه
راشد : طيب معناه ان الشلل اللي صارله بالعضلات بس .. !!
الدكتور : نعم دكتور راشد .. ولا تخافون الموضوع يبيله خمس او ست اشهر بالعلاج الطبيعي والتدليك بيمشي
راشد : وفيه أي أثر على عضلات الظهر او العمود الفقري
الدكتور : من حسن الحظ ان الجلطه ماكانت قويه .. وهالشي سببله شلل موضعي في اعضاء الحركه
راشد : طيب وبالنسبه للعلاج متى الوقت اللازم عشان تبتدون فيه ؟
الدكتور : والله يادكتور راشد انت تدري ان العلاج الطبيعي يحتاج اختصاصيين جيدين واذا تبي نصيحه دكتور .. انا انصحك بدكتور الماني شاطر .. تقدر تكلمه
راشد : ومتى لازم نبدى العلاج ؟
الدكتور : بعد اسبوع ان شالله
راشد : خلص بهاالاسبوع خلنا ندق على الدكتور ونشوفه اذا موجود بالمانيا عشان احجز على اول طيارة
الدكتور : مثل ماتريد دكتور راشد .. والحين تقدر تروح لان الوالد تحت العنايه وبس يقوم بنعطيك خبر
راشد : ان شالله .. مااوصيك دكتور رائد ..
الدكتور : افاا عليك .. الوالد في ايدي امينه لاتحاتي

طلع راشد وكان شبهه مشتت .. ابوه في يوم وليله طاح من طوله .. ابوه اللي طول عمره بهيبته يشوفه الحين طريح الفراش لا يقدر يتحرك لا يتكلم .. والله دنيا !! الحمدلله على كل حال
في السيارة
هشام : راشد .. شنو قالك الدكتور ؟
راشد وهي يتنهد : مثل ماسمعت ؟
هشام : يعني ماكو فايده ؟
راشد : احمد ربك ياهشام .. صحيح اللي ابوي صارله مب شوي .. لكن الحمدلله انه الشلل اصاب العضلات والجلطه ماكانت قويه .. ولا ماكان فيه امل تشوف ابوي يوقف على ريوله
هشام :الحمدلله على كل حال .. تعتقد ابوي بيمشي مرة ثانيه !!
راشد : ان شالله .. بس نحتاج شويه صبر ووقت .. والباجي على رب العالمين
هشام : خلص يعني بنسافر المانيا ؟
راشد : انا اللي بسافر معاه .. انتا بتم هني البيت ميصير من غير ريال ..
هشام : وامي ؟
راشد : امي بحاول نقنعها انها ماتيي
هشام : وانتاصاج .. امي بروحها تعبانه وريولها ماتتحمل وبعدين انتا تدري شكثر فرح متعلقه فيها ماتقدر تهدها ولا تروح معاها وهي عندها مدارس
راشد : صح .. عشان جذي انا قلت امي تقعد .. بس ان شالله توافق
هشام : وبتروح بروحك ؟
راشد : ايه
هشام : طيب خذ معك نور ؟
راشد : نور عندها دوام .. وليش اخذها ؟
هشام : راشد انتا ماتقدر بروحك ..وابوي محتاج عنايه .. خلها تاخذ اجازة ولو من غير راتب
راشد : صح كلامك ..
هشام : والله مليونين مو شوي .. هذي صدمه كبيرة
يرن تلفون راشد ..

المتصل ابوخالد
راشد : هذا عمي .. اكيد درى بالسالفه
راشد : هلا عمي
ابوخالد : شسالفه ياراشد .. شفيه ابوك !! عسى ماشر ؟
راشد : ماشر ياعمي لاتخاف .. بس !
ابوخالد : شسالفه تكلم ياراشد .. تراك خوفتني
راشد مو عارف شلون يقول لعمه الموضوع مب بهالسهوله
ابوخالد : طيب هو باي مستشفى .. انا يايكم مع خالد الحين
راشد : لا لا ياعمي مافي داعي احنا تونا طالعين من المستشفى .. ومافيه الا العافيه
ابوخالد : يعني اهوا طلع من المستشفى ؟
راشد : هاا .. لا بيتم جم يوم عشان الفحوصات ..
ابوخالد : زين ومتى وقت الزيارة ؟
راشد : باجر ان شالله انا بمرك وبتشوفه ياعمي
بوخالد اللي كان متخوف على اخوه وحاس انه فيه شي : طيب ياراشد .. طمني شنو يصير ها !!
راشد : طيب ان شالله .. مع السلامه
بوخالد : فمان الله

هشام : ليش ماقلته رشود .. الحين بيحاتي حرام ؟
راشد : والله بغيت اقوله .. بس مااعرفت شلون هشوم .. الموضوع مو سهل والله
يرن تلفون هشام . .المتصل خالد
هشام : شفت هذا خالد دق اكيد حاسين انه في شي
هشام : الو .. هلا خالد
خالد : ها هشوم .. شسالفه شفيه عمي ؟
هشام : والله ماادري شقولك ..
خالد : قول عسى ماشر ؟
هشام بضيقه : جلطه ياخالد
خالد بصدمه : لا حول ولا قوة الا بالله .. شنهو السبب عاد ؟
هشام : خسرنا بصفقه الاسهم مليونين دينار وهالشي سببله جلطه في القلب بس ربك ستر
خالد : والحين وضعه شلون ؟
هشام : هالاسبوع يبين راح نحجز على اول طيارة لالمانيا وبيروح راشد معاه وان شالله خير
خالد : مايشوف شر عمي .. مايستاهل بس هذا شي مكتوب وربي يقومه بالسلامه
هشام بنبره تعور القلب : ان شالله يارب
خالد : لاتضيق خلقك هشوم .. ازمه وتعدي ان شالله .. كله اجر عند الله
هشام بضيق : هذا ابوي ياخالد .. تخيل ابوك تشوفه طايح لا يتحجى ولا يتحرك .. شنو يصير فيك ؟.
خالد : والله داري .. ترى مثل ماهو ابوك .. هو ابوي انا بعد .. بس مالازم نيأس من رحمه الله .. ادعوله وربي بيفرجها ان شالله
هشام : ان شالله .. خلود دخيلك انت قول لعمي مو عارفين شلون نقوله
خالد : خلص انا ببلغه لا تحاتون .. طمنونا اول بأول .. بعد الصلاه بييك الديوانيه
هشام : ناطرك .. يله مع السلامه
خالد : الله وياك

راشد يلتفت لهشام : هشوم .. ماني خابرتك ضعيف جذي !!
هشام : ماادري اول مرة احس اني احب ابوي
راشد يبتسم : هذا ابونا ياهشام .. شفيك !!
هشام بنبرة ضيق : ودي اسوي أي شي عشان يرد يمشي ..
راشد وهو يناظر الفراغ : الله يسمع منك

في بيت بوراشد
الوضع متأزم .. والكل قاعد على اعصابه .. راشد حاط التلفون يمه ينطر أي اتصال من الدكتور رائد اما ام راشد قعدت تصلي وتدعي ربها ونور وهشام وبشاير بالصاله وفرح اللي ماخبروها بشي قاعده تكتب واجبات المدرسه
فرح : نور تعالي شوفي هالمسأله .. والله ابلتنا ماشرحتها زين !!
نور وبالها وفكرها مو معاها : زين عطيني أي وحده ؟
فرح : السؤال الثاني ..مال المثلثات
نور تحاول تركز بس موقادرة : يي يافرح ماادري .. خلص خليها اشرحها لج بعدين
فرح : انتو شفيكم !! بسم الله مو عادتكم ساكتين
هشام : فروحه سكتي واللي عافيج
فرح بزعل : زين لا تزف
شالت كتبها وراحت غرفتها تكمل باجي شغلها
تلفون راشد يرن
راشد : هلا دكتور وائل
الدكتور : بغيت اخبرك اني دقيت على مستشفى ميونخ وسألت عن الدكتور هايزن وخبروني انه الحين في مستشفى السعودي واخذت منهم رقمه ...
راشد : طيب
الدكتور : انا كلمته وخبرته عن حاله الوالد وقالي انه بيكون في السعوديه لمده سنه عنده دورة هناك .. وتقدرون تدزون الوالد الحين واهوا بشرف على الحاله بنفسه
راشد : طيب عطني اسم المستشفى
وعطاه الدكتور اسم المستشفى
راشد : والله ماادري شلون اشكرك تعبتك معاي دكتور رائد
الدكتور : هذا واجبنا .. واذا مو عشان الصداقه ترى هالشي واجب مهني ولا نسيت
راشد : تسلم . . وانت سويت الواجب واكثر والله .. نقدر نزوره الحين ؟
الدكتور : انا افضل تيون باجر لانه الحين اهوا تعبان حيل
راشد باسف : خلص مثل ماتشوف
الدكتور : طيب دكتور ..لاتحاتون الله كريم ان شالله
راشد : ان شالله .. شاكرلك مرة ثانيه .. مع السلامه
سكر راشد من هشام وخبره باللي قاله الدكتور
هشام : زين ليش ماتسأل عبدالله اهوا للحين بالكويت .. اعتقد باجر بيسافر !
راشد : أي والله .. ماادري وين هالمستشفى .. !!
هشام : لحظة ادق عليه
ويدق هشام على عبدالله

عبدالله .. هذا هشام يارب داق عشان موافقه نور : هلا وغلا
هشام : هلا حبيبي شلونك !
عبدالله : بخير .. عسى ماشر وش فيه صوتك !!
هشام : والله .. ابوي تعب علينا ووديناه المستشفى
عبدالله : لا تقول .. مايشوف شر ان شالله .. لا حول ولا قوة الا بالله .. والحين هو كيفه !!
هشام : ماادري شقولك .. الله كريم هذا راشد يبي يكلمك .. بيسألك عن مستشفى عندكم بالسعوديه قايلين فيه دكتور شاطر
عبدالله : طيب
ويكلمه راشد
راشد : يعني تعرف المستشفى ؟
عبدالله : ايه اهو في المنطقه الشرقيه .. عندنا وصحيح هالمستشفى تخصصي والدكاترة اللي فيه جيدين
راشد : زين عيل طمنتني
عبدالله : طيب ومتى بتسافرون ؟
راشد : الدكتور قالنا يبتدي العلاج بعد اسبوع يعني اذا نروح بعد ثلاث ايام جذي زين
عبدالله : اجل خلص .. لاتحاتي شي ياراشد
راشد : لا افاا عليك .. خيرك سابج
عبدالله : لا تقولي ولا اقولك .. شوف التذاكر اليوم تكون عندك والسكن بيتكم الثاني موجود بالدمام طيب !!
راشد : من صجك عبدالله ..!! لا جذي وايد حنا اخوان واهل صحيح بس هذا وايد
عبدالله : لا واجد ولا شي .. لاتخليني ازعل منك ..
راشد : لا عبدالله متقصر حبيبي بس لان اختي بتكون معانا فنحتاج سكن ولا فندق
عبدالله من سمع هالخبر اعتفس : ها .. طيب خلص على راحتك والله حبينا تنورن البيت بجيتكم
راشد : تسلم حبيبي هذا من اصلك الطيب .. حنا بس نبيك تدلينا المستشفى
عبدالله : خلص انا مسافر بعد كم يوم .. اخلي حجزي معاكم واوصلكم الين المستشفى ان شالله
راشد : والله ماادري شقولك عبدالله .. خجلتني
عبدالله : ازعل منك راشد . حنا اهل لا تقول كذا
راشد: هذا العشم فيك .. انا اخبرك بحجزنا اليوم ان شالله
عبدالله: على خير حبيبي .. ومايشوف شر بوراشد
راشد : الشر ماييك ان شالله .. فمان الله
عبدالله : فمان الله

سكر عبدالله من راشد وهو مب عارف وش بيسوي .. تضايق عشان بوراشد وتضايق بعد لانه ماعرف للحين راي نور .. كلشي بيتوقف الين مابوراشد يقوم بالسلامه
بس معليه بكون انا معاك يانور .. بمكان واحد .. يالله هالشي يكفيني وبيصبرني ..

بعد يومين
بيت بوراشد
راشد : يما انتي ماتقدرين تيين معانا .. شوفي شلون تتعبين كل يومين وبعدين نسيتي فرح !! منو بتم عنده
ام راشد وهي معصبه : مستحيل .. تبيني اخلي بوراشد بهالحاله واتم انا بالكويت !! شنو تقول ياراشد
راشد : يما .. فهميني انتي ماتقدرين .. وصدقيني بس تتحسن حاله ابوي راح نكمل علاجه بالكويت
ام راشد وهي تصيح : حرام عليكم .. هذا بوراشد .. شلون تبوني اخليه وهو محتاجلي
راشد بشويش : يماا . واحنا وين رحنا انا ونور بنكون معاه
ام راشد سكتت .. كلام راشد كله صح اهي ريولها ماتساعدها على التعب والسفر وفرح ماتقدر تخليها !!
ام راشد : زين بس اول يومين تدزولي اييكم
راشد يوافقها عشان تقتنع : ان شالله

موعد السفر
في الطيارة
راشد ونور ابو راشد طبعها مع ستاف طبي
عبدالله وموضي الصغيرة في درجه رجال الاعمال
راشد : هلا عبدالله شلونك .. ها متى وصلتو ؟
عبدالله : تونا دخلنا .. تأخرنا تدري سارة تبي تدز اغراض لابوي وفراس يوو ابلشتنا
راشد يبتسم : يحليلها ..
عبدالله : خبرني شلون الوالد .. اخباره ؟
راشد : الحمدلله احسن .. الحين يعرفنا انا ونور ويتحجى بس بشويش يبيله فتره
عبدالله وعيونه تدور نور .. لقى بنت قاعده جنب سرير ابوراشد لابسه عباه وشيله .. ووجه كان واحشه ثلاث سنين بحالها .. ياه يانور .. ماتغير فيك شي .. الا حلويتي زياده .. نفس الوجه الطفولي الجذاب اللي احبه موت .. نفس العيون اللي عذبتني طول هالسنين .. بس من غير ابتسامه .. ياليت اقدر انزع هاله الحزن عن هالوجه القمر يانور القمر
راشد : ها وين قاعد انت ؟
عبدالله : حنا بالاين اللي قدامكم ..
وحط عيونه بعيون نور اللي كانت تخبي اشيا جهلها وماعرف أي تفسير لها .. ومسرع ماشاحت بعيونها عنه ولهت باي شي حوالينها
موضي وهي جنب ابوها : بابا ابغى اروح عند خاله نور !!
راشد بابتسامه : يحليلها لاتقولي هذي بنتك ؟
عبدالله : ههه ايه
راشد : هههه تعرف نور !!
عبدالله بقلبه .. وتحبها زي مايحبها ابوها واكثر : ايه خذتهم مرة المركز العلمي وابلشتني من ذاك اليوم
راشد بشويش : ترى موضوعك تأجل .. تدري اللي صار لابوي .. يعني الوضع مايسمح حاليا
عبدالله : لا تقول كذا ياراشد.. الله يقوم الوالد بالسلامه .. وان شالله مايصير الا اللي يبيه ربك
راشد بقلبه .. والله انك خوش ريال ياعبدالله : ان شالله
موضي وهي تهز دشداشه عبدالله : بابا .. معليه اروح !!
عبدالله يحط عينه بعين نور مرة ثانيه : مدري والله .. خلي خاله نور ابوها تعبان
موضي باصرار وهي مب فاهمه : بابا !!
راشد : خلها تروح .. تعالي حبيبي
وتركض موضي لنور اللي من شافتها وهي تبوس فيها وتلاعبها وتمت طول الوقت معاها
عبدالله يشوف هالثنتين ويقول بقلبه .. لو ادري ان موضي بتخليني اشوف هالابتسامه اللي وحشتني .. كان من زمان جبتها لك ... متى بس اشوف هالابتسامه عندي بالبيت .. ولي انا !!
دخيلك يانور لاتخيبين ظني .. انتي السعاده اللي ابيها .. دخليلك خليني اعيش بسعاده ولو لحظات من عمري

قعد على الكرسي وسند راسه وهو تعبان منهد حيله .. يحس بنغزه بصدره وتوجعه بقوه
تذكر نور .. تذكر وجهها وضحكتها .. تذكر ان موضي بعد شوي بتجي وبتحمل شي من عطرها وبقاياه بيدينها
وتمت صورتها في باله مافارقته ولا دقيقه

وترحل تحسبني لارحلت اقدر على النسيان !
وانا اللي لاطرا طاري رحيلك ضعت بشتاتي

دخيلك ،،بسألك لارحت منهو فيننا الخسران
أنا والاّ انت ؟،،جاوب قبل ماتكتب بي آهاتي

أنا اللي من عرفتك والسما قوس ، وغلاك الوان
وأرضي تعزف اهزوجة فرح لاجتْك خطواتي

وصوتك غيمة ٍ أحيت جفافي ، والوصل هتّان
وحزن عمري يموت بضحكتك ياكل بسماتي

تعرف انك غلاي وراحتي ، وان التعب لابان
يموت ان جيتلك ياللي هواك اجمل حكاياتي

وتعرف اني على بساط انتظاري أجمع الأحزان
واكبّلها اذا وصلك اخذني من متاهاتي

انا من قبل اعرفك مالقيت لهالعمر عنوان
سوى : حزن وأمل ضايع ،ويأسي هو مداراتي

أنا من قبل اعرفك كنت اقول ان الغلا حقران
واقول ان الهوى كذبه ،،قناعاتي كما الآتي :

قليل اللي صدق ،،واللي يخون بهالزمن كسبان
كثير اللي يمرون ،،وقِناعاتي قناعاتي

وجيت انت وعرفت اني بحكمي كنت انا الغلطان
وصرت انت القناعات ،،وحنيني إتجاهاتي

دخيلك ،،مابقى فيني شعور ٍ يحتمل خذلان
دخيلك لاتخليني أسير ليأس راياتي

أنا مدري عن اللي لي تشيل بداخل الوجدان
شعور بحب ،أو رغبة تشمّت بانكساراتي

وكل اللي ابي تعرف: انا مااقدر على النسيان
لأني جيت لك كلي ،،وصعب آعيش بشتاتي

في المستشفى
عبدالله وراشد يكلمون الدكتور بره
نور عند بوراشد في غرفه المستشفى
الدكتور : don’t worry doctor rashed
راشد : thanks doctor

عبدالله : ها بشر شقالك !!
راشد : يقول ان الجلطة اللي سببتله الشلل ماكانت قويه وراح يبدى بالعلاج الطبيعي باجر ..
عبدالله : وبيطول العلاج الين مايمشي !!
راشد : اهوا قال ثلاث اشهر بالكثير .. اذا ابوي ساعدنا وتقبل العلاج
عبدالله : ان شالله كلها كم شهر ويرجع لنا بوراشد زي اول واحسن لاتحاتي
راشد : الله يسمع منك ان شالله
عبدالله : طيب انتو للحين مااكلتوا شي .. ترى ابوي موصيني عشاكم الليله عندنا
راشد : حبيبي ماتقصر .. بس تدري ابوي مانقدر نهده .. شوي واييب لنا عشا من بره .. خبرك انا انام عند ابوي ونور بوديها الفندق وعقب اتعشى ..
عبدالله : لا كذا وربي ازعل منك .. حياك انت والاهل .. تعشوا عندنا وعقب افراج
راشد : ههههههه والله
عبدالله : راشد ترى البيت بيتك وماله داعي اعزمك ولا احرص عليك
راشد انحرج وحس انه لازم يقبل بالعزيمه . عبدالله ماقصر معاهم وميصير يرده جذي : خلص اكلم الاهل واعطيك خبر
في غرفة بوراشد
نور كانت تناظر ويه ابوها اللي منسدح على فراش ابيض .. وتقول بقلبها
يبا . .ياليت تقدر تكلمني .. ابي اقولك اشيا كثيرة يبا .. ابي انام بحضنك الحنون واصييح
ابي ارجع نور الصغيرة اللي همها بس العابها .. ماتدل درب الحب ولا عذابه
آآآه يايبا .. ليه الاحزان تجي مرة وحده !!
ويدخل راشد
راشد : نور احاجيج .. عبدالله عازمنه على العشا عندهم .. ماادري استحيت اقوله لا . . وقلتله اكلم الاهل واقولك
نور : روح انتا انا بتم عند ابوي
راشد : احنا بنرد المستشفى مرة ثانيه .. فشله نور ابوعبدالله جم مرة عزمنه واحنا نتعذر . . ميصير اخاف يزعلون
نور : طيب انتا روح .. انا ليش اروح !!
راشد باستغراب : وليش ماتبين تروحين !
نور : بتم عند ابوي راشد . خلص انتا روح
راشد : فشله ترى ..
نور حست انها فشله شنو بيقولون عنها بس بعد ماتبي تشوفه .. مب غصب
راشد : شوفي اذا درى ابوي انج مارحتي راح يزعل نوروه .. عيب ترى
نور باستسلام : طيب

في بيت عبدالله بالدمام
المجلس
فراس : حياك الله ياراشد .. تفضل البيت بيتك
راشد : الله يسلمك .. يلتفت لابوعبدالله اللي كان قاعد مايقدر يقوم
راشد : شلونك عمي .. شخبارك ان شالله بخير
بوعبدالله : هلا ياولدي .. كذا صارلكم يومين من جيتوا ولا تمرون ولا تسألون !
راشد : والله تدري عمي .. ابوي والمستشفى وحوسه الدكاتره ..
بوعبدالله : طيب وهو الحين كيفه .. طمنا عن صحته ياولدي .. ترى ابوك غالي علينا مرة
راشد : احسن .. الحين يتكلم بس بشويش ..
بوعبدالله : اجل بكره من الصبح نجي انا وعبدالله نزوره ان شالله
راشد : ماله داعي عمي .. كفايه سؤالكم
بوعبدالله : وشو ماله داعي .. هذا بوراشد .. حنا مثل الاخوان.. هذا واجب ياولدي
راشد : طول عمرك راعي واجب عمي .. ماتقصر

في الطرف الثاني
اميرة زوجه فراس : وهو شلونه الحين ؟
نور : بخير الحمدلله .. الدكتور طمنا عن حاله ويقول بتحسن
اميرة : ان شالله .. حياكي الله وشلون شفتي الدمام .. عسى حبيتيها ؟
نور بابتسامه : والله مارحت مكان .. من المستشفى الين الفندق ومن الفندق الين المستشفى
اميرة بغرور : الا بتعجبك .. احلى من الكويت مليون مرة
نور انصدمت .. بس عقب قالت : اكيد كل مكان له جمال وحلاة وماشالله الدمام حلوة زي ماالكويت حلوة بعد
اميرة بقلبها .. يي فرق بينها وبين سارة .. تعرف وشلون تتحجى وتذكرت مرة قالت لسارة ان الكويت مب حلوة حر هبت بويهها وصرخت عليها
نور تبتسم : ماعندج غير صبا ؟
اميرة : ايه .. كفايه صبا صغيرة الحين
نور : لا حرام عليج يبيلها اخت ولا اخو بتونس معاهم
اميرة : اهي وموضي خوات .. كفايه
نور اللي اشتاقت لموضي : وينها صحيح !!
اميرة : يلعبون فوق ..
وتلتفت الين الدري : كاهم انزلوا
موضي من بعيد : خاله نور !!
نور زادت ابتسامتها اكثر : هلا وغلا
موضي تقرب من نور وتوبسها وعقب تقعد جنبها : وين لعبتي !!
نور : هههههه نسسيتها ! لج حق تزعلين
اميرة تبتسم : تدرين ان موضي ماتحب الغرب .. نادرا ماتجي عن حد من الحريم كذا
نور ماحبت كلام اميرة .. هي ماتحس انها غريبه على موضي .. تحس انها قطعه منها .. موضي جزء من عبدالله واي شي يكون من عبدالله نور لاشعوريا تتعلق فيه ..
نور : بس احنا اصدقاء من زمان .. صحيح مضاوي ؟
موضي وهي تضحك : اييه
اميرة استغربت تعلق موضي بنور .. صحيح هالبنت تنحب .. بس اللي يشوف نور شلون متعلقه فيها يقول انها تعرفها من زمان
اميرة : وهذي بنتي صبا
نور تشوف صبا اللي كانت ماتبتسم زي موضي ومتخبيه ورى امها : اهليين صبا .. السلام عليكم
صبا : ...
اميرة : روحي سلمي على خاله نور ماما
وتسلم صبا وعقب تقعد جنب امها
موضي : خاله نور .. ابغى اوريكي شي
وتركض الين المجلس وتدخل
عبدالله : هلا حبيبي
موضي وهي تحط يدينها بمخابي عبدالله
عبدالله : ههه شبغيتي
موضي بحروف البنت الصغيرة : ابغى ... مسباح
عبدالله اللي يعرف شكثر موضي تحب تلعب بمسباحه الذهبي : وش تبغين فيه !!
موضي : اعطيه خاله نور
عبدالله اختبص من سمع اسمها .. وهو يشوف راشد يشوفه
عبدالله : بعدين بابا .. روحي الحين
موضي باصرار : بابااا !!
ودخلت يدها في مخباه وخذت المسباح واركضت بسرعه
عبدالله كان من غير شعور .. وعقبها ضحك .. مايدري ليش بس هالبنت أي شي تسويه ولو كان غلط يخليه يضحك من الخاطر
راشد : ههههههه بنتك ماشالله عليها دمها عسل
عبدالله : ايه طالعه على ابوها ههه
والكل يضحك : ههههههههههههه

بعد العشا
راشد يكلم نور : يله انا بره
نور : طيب الحين اطلع
اميرة اللي حبت نور .. : والله تو الناس هذا احنا قاعدين
نور : لاا وين تأخر الوقت .. سهرناكم معانا
اميرة : لا سهرتونا ولا شي .. وبعدين لكم جيه ثانيه مب كذا تمشون بسرعه
نور : بعد قلبي .. ماقصرتوا
اميرة : انا اكلمك ان شالله وتجين انا وانتي نروح السوق تغيرين جو بدل جو هالمستشفيات
نور : ان شالله .. يله مع السلامه
اميرة : الله وياكي يالغلا

وطلعت نور هي وراشد اللي خذله سيارة تأجير من اول ماوصلو المطار
راشد : يحليلهم والله ناس طيبين
نور : ايه
راشد وهو يضحك : والله بو عبدالله طلع دمه خفيف طول القعده ضحك وسوالف
نور : ..
راشد : وانتي شسويتي ؟
نور : والله اميرة خوش مرة .. بس يعني لازم الواحد يعرف شلون يتحجى معاها
راشد : ههه ليش ؟
نور : مسكينه من عذرها سارة دايم تتشكى منها .. بس بيني وبينك البنت زينه بس نعرف شلون نتصرف معاها
راشد : كل انسان فيه بذره زينه وبذرة شينه .. والشاطر فينا اللي يقدر يبرز الزين في الشخص اللي يدامه
نور : صحيح .. كلامك
راشد : اما موضي بنت عبدالله هذي .. فلم فلم ثاااني ههههههه
نور تفاعلت مع موضوع موضي : ايييييه .. تينن
راشد : ههههه ايه ابله نور .. .
نور : هههههه
راشد : يله نزلي .. معاج مفتاح الغرفه صح ؟
نور : عند الرسبشن .. يله انت بترروح المستشفى ؟
راشد : ايه
نور : طيب .. باجر تعالي مبجر
راشد : طيب .. يله تصبحين على خير
نور : وانت من اهله

نزلت نور من السيارة ودخلت الفندق وراحت غرفتها
وهي تحس انه في شي بداخلها مرتاح .. لكن لا.. ماتبي هالراحه تستمر
لان سببها عبدالله .. ومستحيل ترضى ان الراحه هذي تتغلب عليها او حتى تخليها تفكر انها يمكن تعيش معه او تتقبله مرة ثانيه
مستحيل ياعبدالله .. انت الحين ولا شي بالنسبه لي .. كلشي انتهى بيني وبينك ولايمكن شي يرجع زي اول
تذكرت ايام فهد والعذاب اللي شافته معاه .. تذكرت السجن اللي كانت محبوسه فيه .. تذكرت كلام سارة
تذكرت قلبها المكسور اللي من عقبه مادل طريج الحب .. تذكرت كل الحزن اللي عاشتهم هالسنين
وعقب قالت .. انت سبب كلشي
غيرت ملابسها وعقب افتحت التلفزيون شوي .. وطلعت اغنيه .. عبد المجيد عبدالله .. والله ماكان الفراق اختياري
وانتبهت لشي بشنطتها .. يي هذا مسباح عبدالله .. الله يهديج ياموضي .. قلتلها رديه بس الظاهر حطته بجنطتي
خذت المسباح وتلاعبت فيه حن قلبها له .. قربته من خدها وقعدت بمكانها تبجي على اطلال الماضي وذكريات مب قادرة تنساها .. حست بالاستسلام .. بالضعف يدام أي شي ولو كان بسيط بس انه من ريحه عبدالله
والله ماكان الفراق اختياري
ولا عمري اخترت الفراق ولقيته
وانا اعشقك عشق المطر للصحاري
مهما قسى وقتك علي مانسيته
اليوم الثاني
نور كانت بالمستشفى جنب ابوها
وراشد عند الدكتور يسأله عن بعض الامور الطبيه

نور : همم يبا يلله .. اخر لقمه والله والله
ابوراشد : بس نور .. شبعت الحمدلله
نور: زين خلص مالي شغل الحين اذا يه راشد بقوله انك مااكلت
ابوراشد وهو يشوف نور : انتوا مالكم ذنب تتعبون روحكم عشاني ..
نور : لاتقول جذي يبا .. اذا احنا مانسويلك ولا نتعب عشانك .. انسوي ليمن عيل ؟؟
ابوراشد: لو كان هالابوا يستحق التضحيه
نور وعيونها تبرق انكسار : انتا اكثر ابو يستحق انه نضحيله ..
بوراشد : ...
نور : بابا .. احنا من غيرك مانسوى شي .. دخيلك هالحجي لاعاد اسمعه مرة ثانيه
بوراشد يبتسم : وين راشد ؟
راشد : مم عند الدكتور ..

بره الغرفه
عبدالله : تفضل يبا .. اكيد هو الحين ماعنده حد ..
ابوعبدالله : يله وانا ابوك ..
دخلوا الاثنين ..
ونور كانت داخل ..
بوراشد ماانتبه بسبب ضعف النظر .. اما عبدالله فتسمر مكانه وحس بالاحراج
نور وقفت على حيلها .. وطاحت عيونها بعيون عبدالله
تموا هالاثنين ثواني على هالحال .. وكل منهم في داخله اشيا كثيرة مب عارف لها تفسير
طلعت نور من الغرفه والدموع على وشك انها تنزل ..
عبدالله طلع وراها
عبدالله بتردد وبصوت واطي : .. نور
نور غمضت عيونها تحاول تزيح شعورها بالراحه بس تسمع اسمها ينطقه لسانه
ومن غير لاتلتفت : ..
عبدالله ماعرف شيقول ولا عرف ليش ناداها ولا ليش لحقها .. ماقدر يتحمل اكثر . . حس انه حروفه ماتطاوعه والكلام اختفى ..
عبدالله : ادخلي .. انا بتم بره انطر راشد
نور بقهر .. مين حاسب نفسك تقولي ادخل ولا اطلع ومن غير لاتلتفت له ادخلت الغرفه مرة ثانيه لانها حست انه لازم تدخل وقفتها بره مو عدله
عبدالله سند راسه للجدار وفي باله اميه فكرة وفكرة .. يالله يانور .. حتى المكان اللي انا فيه ماتبينه .. شكلي عرفت ردج قبل لايوصلني ..

مر شهرين وحال بوراشد في تحسن مستمر .. كان يمشي لكن بمساعده العكازات وطبعا جلسات العلاج الطبيعي الثلاثه باليوم كان لها مفعولها .. بوراشد استجاب للعلاج ولكنه تعالج بعد من شي ثاني .. في شي حسه هالشهرين اللي طاح فيهم عمره وحياته ماشعر فيه ..
راشد .. راشد مو ولده الكبير وذراعه اليمين وبس .. راشد ابو .. ابو لنور وفرح وهشام
كان يشوف لهفة عياله بس يحاجون راشد غير عن لهفتهم له .. كان يشوف شلون راشد يسهر الليل بالنهار ايام ماكانت حالته سيئه .. وهو شنو سواله .. !! شنو عطاه !! .. لو واحد مكان راشد مب ملزوم يتم معاي هالشهور وانا عاجز .. عاجز عن الابوه وعاجز عن المشي والحركه

في المستشفى
نور تدخل وابوها منسدح على فراشه : السلام عليكم .. ازايك يابا !!
بوراشد : هههه الحمدلله بخير .. وانتي شلونج ؟
نور : كلوو تمام .. ههه امس انا وراشد شفنا فلم مصري حلو يبا يضحك
بوراشد : الله يخليلكم راشد ان شالله
نور : ويخليك لنا بعد ..
بوراشد : انا خلص مابقى من عمري شي .. كلها جم سنه بنعيشها .. وراشد فيه البركه
نور : كلام يديد هذا !! .. بابا انتا بترد تمشي زي اول واحسن وراشد اخونا صحيح .. لكن انت ابونا اللي مانعوضك بشي
بوراشد : نور .. عشان خاطر ابوج .. وافقي على عبدالله
نور انصدمت ... ليش ابوي يقول جذي .. شياب طاري هالموضوع اللحين : يبا انت عارف رايي بهالموضوع
بوراشد : يابنيتي .. تركي لج كل هالسنين من غير سبب .. مابيه يتكرر .. واتركج بعد لكن بسبب اقوى مني ومنج
نور : ليش تقول هالكلام .. الله يعطيك طولة العمر
بوراشد : نور .. عبدالله خوش ريال واهله بعد زينين ومنه وفينه ... لاتزعليني عليج .. وافقي عشان ابوج
نور بتصيح .. وتقول بقلبها مابيه .. دخيلك يايبا لاتغصبوني : يبا انا !!
بوراشد : ابي اطمن عليج .. قبل ربج لاياخذ امانته .. ابي اطمن عليكم يانور
نور وهي تصيح : دخيلك يايبا لاتقول هالكلام .. خلص اللي تبيه يصير
بوراشد وهو يحضن بنته : الله يرضى عليج يابنيتي . . واشوفج مرتاحه بحياتج

بيت بوعبدالله
الدمام

بوعبدالله : اجل ماعطوك خبر للحين ؟
عبدالله : يبا .. تعرف الظروف اللي يمرون فيها .. مدري . .احس مب وقته
بوعبدالله : الحمدلله الحين بوراشد حالته احسن من اول .. افتح الموضوع مع راشد
عبدالله اللي خايف من الاجابه .. وحاس ان نور مب موافقه .. عشان جذي يحاول يطول الموضوع ومايسأل راشد : ان شالله
بوعبدالله : طيب اليوم بعد صلاة العصر خذني ابي ازور بوراشد وعقب نمر انا وانتا بوضاحي من زمان ماشفته
عبدالله : خلص يبا اللي تشوفه
وهو في قلبه مستانس انه بيشوف نور .. صارله اسبوع ماشافها ولو من بعييد .. حتى موضي دايم تسأل عنها

في المستشفى
راشد يكلم الدكتور اللي طمنه عن حالة بوراشد وقاله انهم يقدرون يستكملون العلاج بالكويت .. ووصاه على اختصاصي هناك بيفيده وايد

راشد : خلص يبا الدكتور يقول كلها اسبوع وترد الكويت ..
بوراشد براحه : الله يطمن قلبك ياوليدي .. والله ريحيتني
راشد : هههه ها بوراشد مليت منا ؟
بوراشد : الا مليت من قعده المستشفيات .. ولهت على البيت
راشد : بس البيت !!
بوراشد: وعلى ام راشد والعيال وبوخالد .. على ربعي والدوام
راشد بابتسامه : اقولك شي .. الصراحه انا حاسدك ههه
ماشالله تدري يايبا من اول مايينا وهالشهرين اللي تميت فيهم بالمستشفى .. تلفوني ماسكت .. الكل يدق علي يسأل عنك .. والله عندك معارف وايد ومسؤلين كبار تفاجأت باتصالاتهم وكلهم يبوني ابلغهم متى بترد الكويت
بوراشد : هههه الله يهديك ياراشد .. اذا انت تحسدني على هالشي .. فانا احسدك على اشيا كثيرة ..ياليت اخوانك يحبوني زي مايحبونك
راشد حس انه ابوه فاقد شي .. ويمكن حب هالعالم كله له مايعوضه عن حب عياله له : يبا .. يوم طحت بالمستشفى بالكويت ..تدري هشام شنو قالي ..!!
قال اول مرة احس اني احب ابوي حييل .. ودي اسوي أي شي عشان يرد مثل اول اوحسن
بوراشد ماتتصورون شعوره بهالكلمه .. كانت سعاده وفرح ماينوصفون
بوراشد : هو قال جذي !!
راشد يبتسم : يبا .. لاتتصور انك مب غالي علينا
بوراشد سكت شوي عقب قال : راشد .. انا ادري اني مب القدوة اللي لازم تقتدي فيها .. واعرف بعد اني مااصلح اكون ابو .. بس انا ابيكم تصيرون احسن مني .. وخصوصا انت ياراشد
راشد : ليش تقول هالكلام يايبا .. انت قدوتنا وسندنا وعزوتنا بعد
بوراشد : عمرك شفتنا نقول عن مدمن المخدرات انه قدوة لعياله
راشد باستغراب : لا
بوراشد : شلون تبينا نقول عن ريال فاتح له شقه لل
ماقدر بوراشد يكمل هالكلمه .. حس انه مغصوص فيها .. شنو بيقول لولده .. بشنو بيواجهه فيه .. مايدري اصلا ليش فتح هالموضوع .. بس كل اللي حسه انه راشد اقرب له من روحه ووده يقوله كل شي
راشد : لاتكمل يبا .. انا عارف هالموضوع من زمان
بوراشد انصدم : تدري !!
راشد : تذكر يوم خطبتلي سلوى بنت خاله خالد ولد عمي .. تذكر وقتها كنت صغير .. يومها انتا طردتني من البيت لاني رفضت اتزوجها وكنت ماادري وين اروح .. احوس بالشوارع .. شفت سيارتك واقفه عند وحده من العمارات
ماادري شللي خلاني اتم بالسيارة الين انتا ماطلعت ووو .. كانت معاك وحده .. و
بوراشد : خلص ياراشد لاتكمل ..
راشد حس انه كسر بأبوه : يبا .. مااقصد اضايقك بس .. انا اسف
بوراشد : والله ياراشد اني من عقب اللي صار لاختك بطلت كل شي .. حسيت اني مسؤل عن كل اللي مرت فيه نور
راشد سكت .. كلام ابوه صح ..
بوراشد وهو يناظر ولده بخيبه : اكييد من داخلك تلوم حظك اللي عطاك ابو مثلي
راشد : يبا .. الحين بس افتخر ان عندي ابو مثلك
بوراشد يبتسم ويحظن ولده بقوة .. يحظنه وكأنه كان فاقد شعور الابوه من زماان
راشد وهو يضحك : اول مرة نتفق على شي ههههه
بوراشد : هههه وبيدوم هالاتفاق ..
راشد يبتعد عن ابوه شوي : زين انا بروح اييب نور لانها ذبحتني تلفونات
بوراشد: على طاري نور .. ترى هي موافقه على عبدالله
راشد باستغراب : شلون ؟
بوراشد : انا اقنعتها .. عبدالله خوش ريال والنعم فيه وانا ابي اطمن عليها وقعدتها من غير زواج جذي مقلقتني
راشد : كلامك عدل يبا .. اهم شي تكون اهي مقتنعه .. وبيني بينك انا كنت متحمس لهالزواج اكثر منك .. عبدالله ريال زين وبنضمن بنتنا بتكون مرتاحه عنده
بوراشد : زين يله روح ييب نور خل اشوفها وعقب خذها وودها السوق مسكينه من اول مايات ماطلعت الا مرتين ولا ثلاث
راشد مرتاح من الخاطر من التغير اللي صار لابوه .. تذكر كلام هشام يوم قاله يمكن يجي يوم ابوي يتغير فيه .. وقتها ماصدقه واعتبره خيال ..
راشد : صار يبا .. خالتي ليلى دقت علي وقالتلي اييب نور عندها واهم بيطلعون يميع
ويرن تلفون راشد ..
المتصل نور
نور : انتا وينك ؟
راشد : اووو زين والله ياي اخذج
نور : يله ترى مليت مابقى فلم بالتلفزيون ماشفته .. حتى التنظيف خليتهم يرتبون الشقه ثلاث مرات
راشد : هههههههه زين يالمطفوقه .. كاني ياي
نور : هههه يله
راشد وهو عنده خط ثاني : نوروه يله باي عندي خط
نور : اوكي بيباي
راشد يرد على الخط الثاني . . المتصل كان عبدالله
راشد : هلا والله عبدالله
عبدالله : هلا راشد .. كيفك .. وش اخبار عمي وو الاهل !!
راشد : بخير عساك بخير وانت شلونك .؟ ومضاوي شخبارها ولهنا عليها يامعود ؟
عبدالله : ههههه .. كلنا بخير يالغالي .. شبغيت اقوللك .. انا جايب ابوي اليوم بعد صلاه العصر المستشفى
راشد : حياكم الله حبيبي .. أي وقت تيون فيه
عبدالله اللي يبي يعرف اذا نور بتكون موجوده ولا لا : اخاف نزعج الاهل
راشد فهم عبدالله شنو يبي : مافيها ازعاج حبيبي .. انا باخذ نور بوديها عند خالتي ليلى وبتم هي هناك
عبدالله بفضول : عندك خاله هنا ؟
راشد : ايه اخت امي من ابوها .. وطول الوقت نور عندها
عبدالله بخيبه : يعني نجي بدري شوي معليه ؟
راشد : هههههههه عبود .. شتبي ؟
عبدالله : هههههه مابي شي .. بس يااخوك مدري اذا الكلام بهالموضوع مناسب ولا لا ؟
راشد يبتسم : أي موضوع ؟
عبدالله : موضوعي انا .. يعني بس لو اعرف اذا الاهل موافقين ..
راشد بخبث : ليش !!
عبدالله : عشان نرتاح هههه
راشد : تطمن الاهل موافقين .. بس انطر هالاسبوع بنرد فيه الكويت الدكتور طمنا عن حاله الوالد وبالكويت نتفق على كل شي
عبدالله اللي للحين ماصدق الكلمه اللي سمعها .. ماسمع عقبها ولا شيي .. الاهل موافقين !!
معقوله نور وافقت !! معقوله الحلم اللي كنت استناه سنين .. راح يتحقق .. الحمدلله يارب .. الحمدلله انه السعاده بتنفتح لي من جديد .. يااه يانور .. مين بيصدق انك بتكونين لي .. لي انا بس .. ومافيه أي قوة بالدنيا بتاخذك مني
راشد : عبوود .. !!
عبدالله : هلا معك
راشد : ويي انت حالتك ماتسر
عبدالله : شهرين الله يهداكم .. وربي قاعد على اعصابي
راشد : طيب لاتطولون اليوم .. تعال مبجر ..
عبدالله اللي الدنيا موشايلته من الفرحه : ان شالله .. انت تامر
راشد اللي يضحك من وناسه عبدالله : طيب .. مع السلامه
عبدالله : مع السلامه

سكر عبدالله من راشد وهو من فرحته مايدري شيسوي .. دق على سارة وخبرها بالموضوع اللي اهي بعد ماتوقعت ان نور توافق .. كانت من داخلها تحس انها ظلمتها حييل .. لكن موافقتها تحسسها بان نور نست الماضي ..
في الكويت
مر اسبوع و موعد وصول بوراشد من السفر
الكل كان في المطار .. يستقبله .. من صغير الين الكبير
هذا غير ربعه وموظفيه ..
كان المطار حافل .. ماشالله كان محبوب من الكل وعلاقاته كثيرة .. بس كان مايدري عن بيته لكن يمكن هالصدمه اللي مر فيها وعته وفتحت عيونه على اشيا هو كان غافل فيها .. وكنز غالي مايتعوض .. وهو راشد

في بيت بوراشد
الكل كان فرحان برجعته .. الديوانيه كانت مليانه من ناس مهمين واهل ورياييل .. الورد كان مالي البيت وام راشد كانت الدنيا مب شايلته من الوناسه .. رجعة حبيبها واللي لها بهالدنيا تسوى انها تفرح فيه مب يوم ..الا العمر كله
بيت بوخالد كانوا مسوين عزيمة كبيرة بعد جم يوم في الشاليه .. باختصار .. بوراشد كمل فرحه عايله فقدت السعاده من زمان

الساعه 12 ونص
الديوانييه
اغلب الريايل مشوا .. ومابقى غير بوخالد وخالد وهشام وريل ريم وبقيه رياييل العايله
بوخالد قاعد يم بوراشد ويكلمه بشويش : ها يااخوي .. وجنك ماخسرت شي بالبورصه .. واعتبر المليونين اللي راحوا بالاسهم رجعولك وزود
بوراشد :لا اوانااخوك .. صحيح اللي خسرته كله كان شقا عمري .. بس صدقني اني ربحت اشيا كثيرة .. ماتتعوض بفلوس الدنيا كلها
بوخالد مرتاح من علاقة راشد بابوه : انت مثل ماتعرف فلوس الورث للحينها بالبنك .. تقدر تاخذهم وتستثمرهم وانت ماشالله عندك معرفه طويله وخبره جبيرة .. استثمرهم بالعقار .. او حتى ابني الارض اللي نملكها بلندن
بوراشد : بوخالد الله يهداك .. نسيت اني املك للحين ضعف هالمبلغ . . مابي اورطك بشي يابوخالد .. ماشالله عندك ولدك اولى ان يكون مسؤل عن هالفلوس .. هذا حلالهم
بوخالد : لا .. العيال مايفهمون بالعقار شي .. انت اولى .. انشالله بس تشد حيلك هالشهرين .. اعطيك توكيل بكل شي .. نبي هالعايله ترد تلتحم من يد ويديد
بوراشد : ان شالله .. الله كريم
بوخالد : الا ماقلتلي شصار على موضوع نور .. عسى وافقت ؟
بوراشد : ابشرك وافقت .. وان شالله بيملجون هالشهر
بوخالد اللي ارتاح من الخاطر ... : الحمدلله .. مبرووك الله يوفقها ان شالله .. وعبدالله منه وفينا .. والقريب اولى من الغريب وانا اخوك
بوراشد : على قولتك .. الله يوفقهم ان شالله

في صاله الاستقبال
نور : يييي تعبت بروح اغير ملابسي .. تعتب من هالدراعه
ريم : ايواا ياواد انتا .. شهالزين يانور .. كلهذا عشان عبااادي
نور بضيق : شكو .!! اقولج لاتروحون بغير ملابسي وارد
ريم : تأخر الوقت حبيبتي .. وسعود نايم
نور : بشور وللي يرحم والديج .. مسكيها لاتنحاش ماني مطوله
ريم : هههههههههههه وااي هالببنت من ردت من الدمام ولسانها طايل
بشاير : الله يعينا اذا تزوجت .. بتاكلنا هههههه
نور : ههههه اسكتي انتي وياها ..
بشاير حاسه ان نور مرتاحه لكنها ماتحب تتكلم بموضوع عبدالله .. حتى انها يوم درت انها موافقه سكرت على الموضوع وقالت لها انها وافقت عشان ابوها بس .. معقوله للحين تكابر ..!! معليه يانور .. باجر بس ترتبطين فيه بيرد هالحب مرة ثانيه

راحت غيرت نور ملابسها .. ونزعت الساعه اللي يابها لها عبدالله بعيد ميلادها قبل سنتين .. ماكانت تبي تلبسها بس بشاير اصرت لانها تناسب الدراعه الفوشيا .. فما حبت تقولها انها من عبدالله وماتبي تلبسها لهالسبب

افتحت الدرج وحطت الساعه وطاحت عينها على مسباح ذهبي تمووت فيه .. مسكته بيدينها .. حست انها ضعيفه ياربي شسوي .. شلون وافقت اني ارتبط فيك ياعبدالله .. وليش مرتاحه الحين !! ليش مااحس بشعور الكره زي مااكنت احسه وانا مع فهد ..
رجعت المسباح مكانه .. ونزلت بعد ماغيرت ملابسها للبنات تحت توريهم الشغلات اللي شرتهم من اسواق الدمام

بعد فترة
بوعبدالله : الف مبروك يابوراشد
بوراشد : الله يبارك فيك .. تسلم
بوخالد : مبروكين .. وربي يبارك فيهم ان شالله
الكل يبارك لعبدالله .. حس انه رجع شاب من جديد .. تذكر امه لو كانت عايشه شلون بتفرح فيه وبنور .. تذكر نور شلون بتكون مستانسه بليله خططنا لها سنين .. يااااه يارب مايكون حلم
بوراشد : مااوصيك ياولدي .. ترى نور غاليه حطها بعيونك
عبدالله : لاتوصي ياعمي .. نور بعيوني وزود ..
راشد وهشام وخالد باركوا لعبدالله وكانوا مستانسين ومرتاحين غير فرحتهم بزواجها من فهد
راشد يكلم هشام : تدري احس الحين بس اني مرتاح ومطمن على نور
هشام : مو قلتلك هالريال احسه يشبهه نور ههههه
راشد : وانتا صاج .. شكثر بيقعدون هني ؟
هشام : عبدالله يقول بيتمون يومين عقب بيروحون الدمام ومن هناك بيروحون ماليزيا
راشد : ان شالله .. الله يوفقهم يارب
هشام : خلني اشوف نور .. جنه عبدالله بيدخل الحين
راشد : يله

في الجانب الاخر

بشاير من فتحه الباب : لاتدخل هشوم فيه حريم
هشام : فديت هالصوت .. ابي اشوف الكاشخه انا
بشاير استحت : يووز عني مو وقتك يله .. بيدش عبدالله الحين ؟
هشام وهو بخاطره يطفرها : ياويل قلبي على هالعيون .. بشور صكيتي على حليمه بولند
بشاير : هههههه انتا صاحي ولا شفيك
هشام يبتسم : ميصير اغازل مرتي يعني !!
بشاير بحيا : مب وقته طيب .. يله قولي
هشام بحب : احبج
بشاير : ييي هشووم .. قولي بيدش عبدالله الحين ؟
هشام : ههه ايه .. يله خلكم جاهزين ..
بشاير : طيب

دخل عبدالله وقعد شوي مع نور وعقب ركبوا السيارة اهم الاثنين وراحوا لفندق الرايه اللي كان حاجزه عبدالله من فترة .. وبيقعدون يومين عقب بيروحون الدمام .. موضي كانت عند سارة بهالفترة .. وهالشي ماكانت تدري عنه نور

بالسيارة
مشغل اغنيه لقيت روحي لنوال الكويتيه
عبدالله وهو بالسيارة والدنيا كلها مب شايلته : مبروك يااحلى نور بهالدنيا كلها
نور بشعور مب فاهمه شنهو : الله يبارك فيك
عبدالله : ماتتصورين فرحتي اليوم .. احس انه حلم يانور . وماصدقت متى بيتحقق
نور ومشاهد السنين الفاتت كلها صارت يدام عيونها .. ماتدري ليش تذكرت يوم ماقالها عبدالله ابوي خطبلي .. وبتزوج .. حست انها نفرت منه حييل .. كرهته .. حست بنها ذليله وكأنها فضله رضى فيها بعد ماتسكرت كل الابواب بويهه .. اهي تدري بقرارة نفسها انه يحبها .. بس يمكن لانها للحين ماطابت نفسها ورضت عنه بعد

ماتدري ليش تذكرت صفعه فهد لها لاول مرة بحياتها .. ماتدري ليش تذكرت كاسات الخمر وايام الامارات اللي عاشتهم بذل..
نور : عبدالله بقولك كلمه مانيب عايدتها مرة ثانيه .. لاتتصور اني رضيت فيك بنفسي .. انا رضيت لان هذي كانت رغبه ابوي .. وماكنت ابي اكسر بخاطره ولا ازعله مني
نور كانت تقول هالحجي وهي مغمضه عيونها المكحله .. كانت تصييح من الداخل .. ماتدري ليش تقسي عليه جذي .. ماتدري ليش هالمشاهد تيي دايم على بالها ..
التفت صوب الدريشه ماتبي تشوف اثر كلماتها القاسيه على ملامح عبدالله .. ولا بعد تبي تواجه نور القاسيه اللي الزمن خلاها تنسى عبدالله وتكلمه بكل جفا

في الطرف الثاني
صارت هالكلمه ترن في باله ... >> انا رضيت لان هذي رغبة ابوي <<
سكت بعد ماكان متفاعل وفي اوج وناسته .. وكأنه صفعه قويه الجمته عن الحديث .. كان وده يطير بنور ويضحك معها زي اول واكثر .. كان وده يقولها عن حياته شلون كانت كئيبه من غيرها .. شلون مرت هالسنين من عمره ما حس فيهم بطعم الراحه .. كان وده يصرخ باعلى صوته من غير لايخاف من احد .. احبج يانور .. وربي احبج .. بس الكلام اللي قالته خلته اشبهه بالمصدوم .. بعد ماكان بينه وبينها حواجز كثيرة القدر كان راسمها .. صارت هالحواجز هي من تحطها وهي من ترسمها ..

كان الطريج طوويل الين الفندق .. نور كانت ماسكه دموعها ماتبي تطلع بموقف الضعيفه ..
اما عبدالله فكان ينطر منها أي حرف .. أي كلمه تخبره فيهم انها ماتقصد الكلام اللي تقوله .. ينطر أي تعبير على هالويه اللي يمووت فيه يدل على انها مرتاحه

في الفندق
كان عبدالله حاجز سويت كامل .. بس كان فعلا سويت روعه .. الغرف فخمه والمكان راقي حيل
نور كانت لابسه فستان قصير لونه اوف وايت زي فستان نانسي وفيه كرستالات من فوق وعلى الاطراف مع تسريحه جنان ومكياج لبناني خفيف يناسب الحفله المحفوفه اللي سووها في بيت بوراشد
اما عبدالله فراح يشوف الشنط تحت
غيرت نور ملابسها ولبست فستان نوم عادي حييل .. بس هي طالعه جنان فيه
عبدالله والشنط معاه : نور ادخلي السيرفس بيدخلون الشنط
نور من غير لاترد عليه ادخلت الغرفه
عبدالله : thank you
وتوجه للغرفه
عبدالله : اسمحيلي بحط اغراضي هنا .. لكني بنام بالصاله اذا هالشي يريحك
نور من غير لاتشوفه خذت شنطتها ورتبت اغراضها
عبدالله تم يناظرها بحب .. كان وده هالليله تكون ليله عمره .. يااه شكثر كان ينطرها
نور : وين موضي ؟
عبدالله باستغراب : ببيت سارة .. لما نبي نروح الدمام بناخذها معنا
نور : معليه يبها باجر .. انا مقدر اتم من غير موضي
عبدالله : طيب .. تعشيتي !!
نور : مب يوعانه
عبدالله : نور .. شنو تبغيني اسويلك عشان ترضين .. انتي تدرين اني للحين احبك .. ولو مااحبك ماكنت انا وياك مع بعض ..
نور : عبدالله كفايه .. انا مكسورة .. مجروحه من الداخل مافيني ارجع طبيعيه زي اول .. مافيني انسى الماضي بهالسهوله ..
عبدالله بعصبيه : وش تبيني اسويلك طيب .. انا لوكان بيدي ماعيشتك بكل هذا .. انتي تدرين شكثر انا عانيت بعد .. خلينا نعيش من جديد .. وش اللي بيضرك .. !!
نور : لاتصرخ .. اطلع اصلا انتوا كلكم نفس بعض .. انت زي فهد ماتختلف عنه بولا شي
وقعدت بمكانها تصيح .. عبدالله ماعرف شون صرخ عليها .. حس بالذنب .. نور كلشي بحياته ويوم صارت له يقوم يعصب عليها جذي .. وقف متسمر مكانه .. وده يكفكف دموعها ويمسحها .. مايبي هالويه اللي طول عمره يمووت فيه يتوهج حزن وتبلله الدموع .. طلع و
قعد بالصاله رايح وراد .. مب عارف ينام .. الساعه 2 ونص ونور الغرفه للحين مفتوح عند نور .. معقوله للحين صاحيه !!
في الغرفه
كانت نور في نوبه بكاء .. وحوالينها مسباح عبدالله خذته وقطعته بس طلع منها .. تمت على السرير متاضيقه .. هي ماتدري ليش تسوي معه جذي .. بس ليش يصرخ عليها
خذت حبيبات المسباح الذهبي ودخلتهم بالخيط مرة ثانيه .. وربطته وحضنته بيدها وخذها النعاس ونامت بمكانها
عبدالله من بره يطق الباب بشويش
عبدالله : نور .. نور !!
تجرأ وفتح الباب .. ولقاها نايمه على السرير وبيدينها شي
قرب منها وشاف مسباحه الذهبي اللي خذته منه موضي عشان توريه نور ..
قرب من ايدينها اللي حاضنه فيهم المسباح .. وباسها حس روحه ضعيف يدام هالبنت .. مايدري ليش
غطاها بشويش وباسها على راسها وسكر الليت وراح الصاله ونام هناك
اليوم الثاني
الساعه 9 ونص
صحت نور بدري .. ويدينها توجعها .. كانت نايمه عليها غلط امس
انتبهت انها للحين ماسكه المسباح .. خذته وردته الدرج .. وعقب فتحت الباب بشويش تشوف عبدالله اذا صاحي ولا نايم
الهدوء عم الصاله .. وهالشي خلاها تتجرأ وتطلع
لقت واحد طويل وعريض نايم على الكنبه يدام التلفزيون واللحاف طايح منه ..
ماتدري ليش ياها الفضول انها تشوفه وهو نايم .. لاشعوريا قربت منه وطلت بويه بشويش
كان فعلا مستغرق بالنوم .. وباين عليه التعب ..
ضحكت على شكله شلون نايم بعمق ..
غطته باللحاف وعقب راحت سبحت على السريع وغيرت ملابسها ونطرته يقوم عشان يروح ييب موضي من بيت سارة

بعد ساعه
نور بالغرفه قاعده تسرح شعرها الاسود .. كان تحفه من الجمال .. رفعته بشكل سريع بس جذاب
وعبدالله اللي توه صحى من النوم واقف على الباب ومتنسد عليه من غير ماتحس هي عليه ويناظرها باعجاب
قرب شوي شوي .. نور وهي ماسكه المشط بيدينها وتشوف عبدالله من المرايا
حط ايده على شعرها .. وقرب منها وعقب قال : صباح الورد
نور لا اراديا اوقفت من مكانها .. وابتعدت عنه كانت مرتاحه بس ماتدري شللي خلاها تقوم .. صباح الخير .. لاتنسى تييب موضي اليوم ..
عبدالله بخيبه : انا اسف .. ان شالله بس اسبح واروح ايبها
نور بفضول : بتأخر ؟
عبدالله عجبه السؤال : يمكن
نور بفضول اكثر : شكثر يعني ؟
عبدالله : بتغدى عند سارة وعقب اجي مع موضي
سارة عازمتني انا وانتي على الغدا ..
نور .. جذي يعني .. هي عازمتني وموقايل لي : وليش ماقلتلي !!
عبدالله وهو يطلع فوطته : انتي مب طايقه اخوها .. ابتقبلين عزيمه الغدا !!
نور من غير لاتلتفت له : هي اللي عازمتني .. مب انت
عبدالله يقرب منها شوي : يعني اذا انا اللي عزمتج ماتجين !!
نور بعناد : اكيد مراح ايي
عبدالله ياخذ نفس : طيب انا بسبح واطلع القاج جاهزة !!
نور بقلبها وشو قالولك عني .. تبيني البس بربع ساعه يعني ..
وعلى السريع طلعت لها تنورة بيج مع توب ابيض وجكيت بيج جنان فيه قصات وكان روعه عليها .. حطت مكياج ناعم يناسب بيت سارة ولبست عباتها اللي كانت طالبتها تفصال من الامارات ..
طلع عبدالله بسرعه متعمد يبي يربكها ..
عبدالله : يلله انا انطرك باللوبي تحت
نور : بشويش .. للحين ماخلصت طيب
عبدالله يضحك من الداخل شلون هي محتاسه .. كان يدري انها مستحيل بتخلص بربع ساعه
عبدالله : حلوة يانور .. وربي حلوة
نور التفت له بغرور عقب قالت : مب محتاجه شهادتك
عبدالله تضايق .. على كل كلمه تنرفزة وتعصبه .. اهو شنو قال عشان تكلمه بهالاسلوب .. بس معليه بتحمل .. وبمسك اعصابي ..

بالسيارة
عبدالله كان ساكت .. مقهور وحاز بخاطره اللي قاعد تسويه نور .. بس يقول بقلبه كلشي يهون عشانج
نور مستغربه من هدوءه ..
نور : معليه تمر السوبر ماركت شوي ؟
عبدالله : ليه بغيتي شي ؟
نور : ايه ابي اشتري كم شغله لموضي
عبدالله كان مرتاح من الخاطر لشي واحد بنور . . وهو اهتمامها بموضي .. هالشي كان يخليه يرضى عنها رغم كل اللي تسويه .. هو نفسه نسى موضي . بس هي تذكرتها : طيب
نور وهي تشوف عبدالله طلع سجارة من العلبه واشعلها .. ودها تقوله ودها تاخذها منه وترميها .. بس تكابر
واخيرا قالت
نور : من متى تدخن ؟
عبدالله يبي يحنن قلبها عليه : من اول ماتركتك
نور : ماتدري ان التدخين يضر بصحتك !!
عبدالله ببرود : ادري
نور : طيب لاتدخن
عبدالله اللي قام يسعل ويكح : ...
نور سكتت .. بس عقبها مااقدرت تسكت : لاتدخن يدامي زين
عبدالله : لاتخافين على روحج .. مابيصير فيج شي
نور عصبت وتنرفزت .. هي كانت خايفه عليه بس ماحبت تقولها له عشان لايحس .. ليش يقول جذي يعني

في بيت سارة
سارة : هلا وغلا .. حيا الله المعاريس .. الف الف مبروك
تسلم على نور وعلى عبدالله
سارة : تو مانور البيت والله
عبدالله راح الديوانيه اما نور فتمت عند سارة ..
سارة : ها بشري .. شلون عبدالله معاج عسى ما اذاج بشي ؟
نور بابتسامه : الحمدلله
الا وين موضي ؟
سارة : تلعب مع العيال بره .. الحين بيون ..

وقعدوا على سوالف وجاي وقهوة عقب الغدا .. نور نست كلشي قالته سارة .. لكن سارة للحين تحس بتأنيب الضمير وهالشي خلاها تبين اهتمام زايد بنور ..
سارة : طيب خلو موضي هني .. وانتوا عقب ماتردون من ماليزيا خذوها ..
نور : شنقولين سارة .. اساسا البنت صغيرة .. مدري شلون عبدالله بيرضى يخليها ويسافر .. وبعدين شنو بيضرنا اذا اخذناها معانا ..
سارة اللي انصدمت من نور .. وحده بعمرها ماتفكر تاخذ معها ياهل بعمر موضي بتأذيها وماتخليها تتونس بشهر عسل مايتعوض
سارة : والله انتي عبدالله اتفقوا .. وموضي بنتكم
نور استانست من الخاطر من كلمه سارة .. موضي بنتكم .. وربي زي بنتي واعز : اكييد
موضي : خاله نور !!
نور : هلا وغلا .. وحشتيييني
موضي تمسكها من ايدينها : تعالي
نور تضحك : وين ؟
موضي تسحبها من ايدها : هنااك ..
نور قامت وياها وهي تضحك .. ودخلت غرفه
انصدمت .. كان عبدالله نازع دشداشته وقاعد بالمكسر والفنيله .. يطالع مباراة

نور استحت وماعرفت وين تروح .. موضي للحينها ماسكه ايدها ..
نور : اسفه .. موضي .. ماكنت ادري .. انا
عبدالله ضحك : شفيج ؟ههههه
نور ويهها قلب الوان : يله موضي نطلع
موضي : انا مع خاله نور بابا .. يله نلعب
عبدالله : فديت اللي تبي تلعب .. قولي لخاله اذا تلعب معانا !!
نور لحينها مرتبكه : لا انا بطلع مضاوي .. لعبي مع بابا وعقب تعالي نلعب بره
عبدالله : نور ..
نور التفت له : هلا
عبدالله : تبين نمشي !!
نور : على راحتك
عبدالله : طيب .. البس دشداشتي واجي
نور هزت راسها واطلعت ..
ماتدري ليش طلعت مبتسمه .. يمكن لانها اول مرة تشوف عبدالله بهالوضع .. حست بالتعب .. ودها تكون نور اللي عهدها بس مو بيدها .. كلما تحن له ويرجع حبه في داخلها يشعل .. تجمعت كل مشاهد البؤس بحياتها يدام عيونها ..

بيت بوراشد
ام راشد وفرح وبشاير وراشد بالصاله
ام راشد : رشود حبيبي .. قوم دق على نور شوفهم بيون اليوم الليل ولا لا ؟
راشد : يوو يماا ... شوي بس خل تخلص المباراة .. ماتشوفين ولدج شلون يشوت الكرة .. نبي هدف
ام راشد: انا ماادري شلون رضيت انه يلعب هالخرابيط ..
راشد : يمااا الرياضه مو خرابيط تقوي البدن .. ماتذكرين شكثر انا كنت العب
ام راشد : الا اذكر .. وعقب تركت الرياضه وقمت تشيل مدري وش تسمونهم حديد ..
راشد : هههه اثقال يماا ..
ام راشد : عاجبك جسمك جذي يعني ؟
راشد : اكييد .. كل الرضا .. وبعديه الرياضه بانواعها ماتضر . .اللي يضر اهو الرياضه القاسيه والادويه الابر
فرح : اوووف رشوود اسكت شوي ... ترى ماقمنا نركز
بشاير : ياويل قلبي طاح هشووم شوووفو ؟
راشد : هههه الا طيح الخصم .. شوفي اللاعب الثاني شلون قاعد يتلوى جنه سمجه
فرح : ايييييه صح
راشد : وين يقدرون يطيحون هشوم .. هههه
بشاير : اسمله عليه الرحمن الرحيم .. قول ماشالله
راشد : هههه ماشاالله ماقلنا شي ..
فرح : بشوور .. شوفي البنات اللي هني قاعدين يشجعون
بشاير بقهر : ادري بس لاتذكرني .. ماادري ليش مارحت الاستاد
فرح : شحقه !!
بشاير : اشوف اذا هشوم عيونه تروح هني ولا هناك .. عشان اشلعهم
راشد ملتفت بصدمه : حشى مو حريم .. وحوش اعوذ بالله
فرح : هههههههههههههه عدل عدل بشوور
ام راشد : اوووف انتوا بعدين معاكم .. صدعتوا راسنا بهالمباراة .. دقو على نور
فرح : انا بدق عطيني التلفون بشاير يمج
بشاير : هاج
فرح تدق على نور
نور : هلا وغلا .. بفرح قلبي ودنياي انتي
فرح : هلا نور شلونج شخبارج .. ترى امي اذتنا تسأل متى بتيين ؟
نور : ماادري يمكن اليوم بلليل على العشا بنيي
فرح : والله ؟
نور :ايه .. بشاير وهشام هني ؟
فرح : هشام عنده مباراة الحين بتخلص وبشاير هني
نور : فيه احد بيي بعد ؟
فرح : ايه بيت عمي
نور: خلص ان شالله مانتأخر
فرح : حيااج نور .. لاتتأخرين
نور : ان شالله .. امي يمج ؟
فرح : ايه . هاج ياها
وتكلم نور ام راشد
ام راشد : هلا ماما
نور : هلا يما .. شلونكم ؟
ام راشد : بخير ياقلبي .. انتي شلونج وشلون عبدالله ومضاوي
نور : كلهم بخير يماا .. ان شالله اليوم على العشا بنكون عندكم طيب
ام راشد : ان شالله يماا .. ابوج يسلم عليج .. اهوا نايم الحين بس يقعد اخليه يحاجيج
نور : طيب .. سلمي عليهم
ام راشد : وصل .. مع السلامه

سكرت نور من ام راشد وكانت بالسيارة في طريقهم للفندق .. موضي كانت نايمه ورى ..
عبدالله : ترى باجر طيارتنا بدري ..
نور من غير اهتمام : طيب
عبدالله : مب بخاطرج نطلع مكان اليوم ؟
نور : لا
عبدالله اخذ نفس وعقب طلع سجارة يبي يدخن
نور التفتت لها بسرعه واخذت منه السجاره .. ماتدري ليش سوت جذي .. يمكن رد قعل طبيعي او .. ماتدري
عبدالله طالعها باستغراب واعجاب .. ماتوقع تسويها ..
نور تداركت الامر : موضي نايمه .. لاتدخن مب زين
عبدالله بخيبه : وانا اللي عبالي خايفه علي
نور : مافيه شي يخليني اخاف عليك
عبدالله انصدم وناظرها بعين وعقب غمضها بالم وقال : مشكورة
نور كرهت روحها اكثر على الكلام اللي قاعده كل يوم تقوله ياه .. ماتصورت انها بتكون بهالقسوة

في بيت بوراشد
الساعه 8 ونص الليل
الكل كان مجتمع .. حصه وفاطمه وريم وسارة وبشاير وام راشد وفرح وبقيه حريم العايلة المقربين
الديوانيه كانت مليانه بعد .. كان اليوم عشا بمناسبه زواج نور وعبدالله
وطبعا الكل كان مرتاح غير هالاثنين ..

في الفندق
نور كانت تغير لموضي .. وكانت هي لابسه جينز مع توب اسود من غير اكمام وفاتحه شعرها ولامته بكلبس .. ومتكحله كحل خفيف وهذا كان يكفي لانه يبرز جمال عيونها .. فكان شكلها جنان
نور : يله مضاوي تعالي نلبس
موضي : ماابغى .. ابي اروح كذا
وتأشر على ملابسها .. كانت قاعده بالبجامه وماتبي تغير
نور : مم شوفي شرايج نلعب لعبه وبعدين نلبس
موضي تناقز من الوناسه : اييييييييه
نور : ههههه .. طيب انا بتخبى وانتي دوري علي اوكيه ؟
موضي مب فاهمه : طيب
نور : يله غمضي عيونج وعدي من واحد الين العشرة .. وانا بتخبى
موضي تضحك ونور تمسك بيدينها وتحطها على عيونها وعقب راحت لغرفة التحضير وتخبت ورى الباب

خلال هالوقت
عبدالله اللي توه داخل السويت يسمع موضي تصارخ
موضي : خلص خاله نور !!
نور : اييييييه يله دوريني
عبدالله بقلبه : ههههه قاعدين تلعبون .. طيب يانور انا اللي بدورك مب موضي
وتحوس موضي بالغرفه تدورها اما عبدالله فعلطول اتجهه لغرفه التحضير بسبب الحركه اللي شافها ومصدر الصوت اللي سمعه
نور وهي تضحك : انا مو هنااا هههه
عبدالله يفتح الباب بشويش ويطل وراه مع ابتسامه جنان
نور كانت تضحك لكنها انصدمت ان عبدالله اللي فتح الباب هي حسبت انها موضي .. استحت حييل من لبسها .. على اساس هي بتلبس الحين وعبدالله مب هني فخذت راحتها
عبدالله يطالعها باعجاب وعقب يأشر على قلبه : انتي .. هنااااا
نور كانت مرتبكه من لبسها .. وتموا هم الاثنين بهالوقفه الين مايات موضي
موضي بوناسه : يي بابا يلعب معنا
نور تبتسم لموضي : يله حبيبتي الحين نلبس طيب !!
موضي وهي مبرطمه : ابغى العب بعد
نور : طيب نلبس اول عقب نلعب اوكيه !!
عبدالله يشوف هالثنتين شلون مستانسين ويضحكون ينسى الدنيا ومافيها
نور وهي تلتفت لعبدالله : متى بنمشي ؟
عبدالله : شوي بس دشداشتي بالمصبغه .. اجيبها وانتوا البسوا ونمشي
نور : طيب ..
وخذت نور موضي عشان تلبسها وهي تلاعبها الين الغرفه
عبدالله : نور !!
نور تلتفت بويها المنحرج من لبسها : نعم !
عبدالله : الجينز يجنن عليك
نور اكتفت بابتسامه هي نفسها ماتدري ليش ابتسمت ..
وطبعا هالشي كان يكفي عبدالله وزود اللي من شافها مبتسمه وهو حاس انه طاير من الفرحه عالاقل احسن من انه يسمع كلام يعور القلب .. معليه اليوم ابتسامه وبكره تنسى .. هانت ياعبدالله ..

في بيت بوراشد
نور تدش الصاله وبشاير كانت مزهبتلها زفه راشد الماجد كان الكل فرحان ومستانس لنور .. هي فعلا انظلمت وهي صغيرة وشافت اشيا مالازم بنت بعمرها تشوفها بحياتها ..
نور ماكان يعني لها كل هذا الا فرحه امها وابوها .. كانوا بجد فرحانين وهي تدري بقرارة نفسها انهم عارفين ان عبدالله زين ومافي منه .. بس فكرتها معه كزوجه ماكانت للحين تقدر تتقبلها .. صعبه ترد المياة لمجاريها بعد كل اللي صار

نور كانت لابسه فستان مشمشي بسيط كوكتيل وكانت خامته من النوع الغالي ام راشد طالبته لها من محلات هارودتز اللي بلندن وكانت طالعه نور فيه زي الاميرات مع مكياج خفيف ومسرحه شعرها مع اكسسوار ناعم على صوب
ماكانت مزهبه روحها بس كلشي امها كانت مزهبته لها .. حتى الفستان ماكانت حاطه بباله انها تلبسه لولا اصرار امها عليها
نور من غير لاتكشخ وتلبس كانت جنان فشلون لما تكشخ .. الكل كان طاير عقله فيها

بشاير : يه يه يه شنو هالكشخه .. ليش ماقلتلي عشان اكشخ انا ؟
ريم : وانتي شكو اهي العروس مب انتي ؟
نور : هههههه هذا الفستان حبيبتي امي شرته لي بيوم الملجه ..
بشاير : بس والله جنان نور .. مو جذي ريم ؟
ريم : والله نور هي اللي محليته .. وماشالله كلشي عليها حلو
نور بغرور: هههه شوفو عاد لاتمدحوني وايد بعدين اغتر بروحي
بشاير :يحقلج .. ياحظ عبادي بس
ريم : هههههه
نور تلاشت الضحكه لاشعوريا من على ويهها .. وعقب قالت بقلبها .. ياه ياعبدالله كنت استنى هاليوم يي من زمان ويوم تحقق وصار .. مب فرحانه فيه
فرح : نور .. ماما تقول تعالي لصاله الاستقبال فيه حريم يايين
نور : يووو مالي خلق والله
فرح : يله نوروه امي تنطرج
نور : طيب يايه
وراحت نور للصاله اللي امتلت تقريبا .. وسارة كانت في اوج وناستها .. تشوف الناس تمدح بنور وتشهد بجمالها وهي تحمد ربها انه رزق عبدالله وحده زيها
سارة : والله ياخالتي ام راشد ماله داعي ترى نور بنتنا .. وانتي عارفه انها بتكون بعيوننا
ام راشد بخوف :بس ميصير محد يروح معاها
سارة : اهي كلها اسبوع بيتمون بالدمام عقب بيروحون ماليزيا .. وبعدين بيردون الكويت تشوفينها .. واذا بخاطرج ردي معاهم الدمام تطمني عليهم
ام راشد : والله ابوراشد والعيال يقولون جذي بعد بس !!
سارة : لابس ولا شي .. واحنا عندنا اغلى من نور .. لاتخافين هي بعيوننا وزود
ام راشد براحه : تسلم عيونج بعد عمري ..

في الجانب الاخر
نور وبشاير وريم بالصاله المقابله لصاله الاستقبال .. يريحون شوي من الحريم وازعاجهم
يرن تلفون نور
المتصل عبدالله
بشاير وهي تشوف التلفون : تعالي ياليللى .. قيس على التلفون
نور من غير اهتمام : عطيني
ريم تغمز لبشاير : شوفي تسوي روحها مب مهتمه .. من وين هالعيارة نوروه ؟
نور غصبن عليها ضحكت : هههههههه منج ريم هاانم
ريم : بشور .. شفتي شنو مسميه عبدالله بتلفونها ؟
بشاير : ياحظي شقالولج عبالج انا ولا انتي .. مسميته عبدالله
ريم : هههه وييه اذكر انا ايام الملجه واول ماتزوجت كنت مسمية مشعل .. حبيبي وحياتي
نور : هههههه بعض الناس .. اقووول !!
وتقصد بشاير
بشاير انحرجت : ياويلج
ريم : اووو فيها اسرار .. قولي يله هههه شكله شي يفشل
نور : ههههه الله يسلمج كانت مسميته
بشاير قاطعتها باستغراب : نور .. تلفوج اكثر من مرة رن .. ليش ماتردين عليه ؟
نور ماتبي ريم تحس عليها : طيب شوي وارد عليه
بشاير بجديه : قومي كلميه وعقب قولي فضايحي
ريم : ههههههههههه حلوة فضايحي
بشاير تخز نور .. تبيها تقوم لازم تتغير هالبنت .. لي متى بتم كارهه الريال ومب حاطتله أي اهتمام او اعتبار
نور من غير نفس ردت عى التلفون : الو
عبدالله اول مرة يكلمها بالتلفون من اول ماتزوجوا .. تذكر ايامه معاها قبل .. كانوا مايسكرونه الا قريب الفجر .. يسولفون بكل شي .. ويضحكون .. فعلا فقد هالايام وده لو نور تساعده ويرجعون زي اول احسن
عبدالله : هلا نور .. وين كنتي اكثر من مرة دقيت عليك !
نور : هلا عبدالله .. سوري كنت مع البنات بغيت شي ؟
عبدالله : لا بس بغيت اسأل عن موضي
نور : يي موضي نامت من ساعه ..
عبدالله : والله !! .. زين الحمدلله كنت احاتيها
نور : .....
عبدالله : طيب .. متى تبينا نمشي !!
نور : خلنا شوي .. يعني بكرة بسافر ابي اسهر هنا اليوم
عبدالله : خلص على راحتك .. تبين شي ؟
نور بجفا : لا
عبدالله بخيبه .. ولا حتى سألتني ابي شي .. شسويت !! : طيب اول ماتبين نمشي دقي علي
نور : اوكيه بيباي
عبدالله بضيق : بيباي
سكر عبدالله من نور وهو متاضيق .. تعبتيني يانور معك .. متى بنرتاح انا وانتي ؟؟ متى !!

صغيره..بس فيها من الشقاوه ما يهد الحيل..

شقيه..تتعب اللي في الهوى ينوي يحاسبها..

تكون أقرب من عروقي..وهي آخر خيوط الليل..

تكون أغلا بشر عندي..وأكون أغلا حبايبها..

تعذبني..تلوعني..وأنا اللي رافقًً بالحيل..

ولا ودي تجي لحظه..تعاتبني فأعاتبها...

أخاف أني أعاتبها...وينزل دمعها ويسيل..

أخاف أجرح مشاعرها بكلمه من سبايبها..

أفارقها..أضم الجرح..أقابلها يزيد الويل..

أعانقها .. يقف عمري على هلة ذوايبها..

أزاعلها تصير أبعد عليه من طلوع سهيل..

أراضيها..وأصير أقرب قريب من قرايبها..

صحيح أن الغلا سلطه..صحيح أن الهوى تذليل..

صحيح أن المحبه كايدها..ما أكثر مصايبها..

صحيح أن الخفوق اللي تمناها عليه الميل..

نزف جرحه..ولابين من الفرقا صوايبها..

أنا عبد غريب..وموطني حضن به التدليل..

به أنسى لوعتي..وأنسى من الدنيا نشايبها..

أنا عبد كتب شعره من أشواق تهد الحيل..

كتب لعيون مزيونه..عساه الحظ جايبها..

الساعه وحده ونص الليل
الحريم كلهم مشوا والريايل بعد ماظل غير هشام وراشد وعبدالله ونور ام راشد وابو راشد
بشاير وفرح صعدوا ينامون بعد هاليوم المتعب
فدخلوا الريايل البيت بما انه مافي احد غريب
راشد وهو يمزح مع نور : نوروه .. شنو ناويه تنامين هني اليوم ؟
نور وهي ودها تبجي : ياليت
هشام : ماعليك منها بعد شهر ولا شهرين بتقولك ما اقدر انام من غير عبدالله
الكل يضحك
الا نور وعبدالله
كان هو يناظرها .. معقوله بيي اليوم اللي تقول فيه نور جذي !! يااه ياليت
نور استحت .. ماكانت تبي تبين أي شي بينها وبين عبدالله يدام اخوانها .. فضطرت تقعد يمه وتسولف معه عادي
عبدالله : يله نمشي نور ؟
نور : طيب .. معليه تيي تشيل موضي نايمه بالغرفه
عبدالله : طيب
شالها عبدالله وسلموا على بوراشد وام راشد والشباب واتفقوا يوصلونهم المطار وعقب اتجهوا للباب الرئيسي يبون يطلعون
ركبوا السيارة ..
عبدالله : تعشيتي ؟
نور ماكانت ماكله شي .. وميته يوع بس استحت تقول : ايه
عبدالله : عاد انا ميت من الجوع مااكلت شي ؟
نور باهتمام : ليش !!
عبدالله يطالعها بحب واعجاب : مشتهي اتعشى معاك اليوم
نور سكتت .. اهي يوعانه واهو بعد مااكل شي .. عشا ماراح يضر : طيب
عبدالله فرح من الخاطر .. : طيب نروح الفندق وننوم موضي عقب نطلع أي مطعم تبين
نور : لا مافيني اسيب موضي لحالها .. يمكن تقوم ولا شي ماتلقانا .. اطلب العشا الين الفندق احسن
عبدالله بابتسامه : تامرين

في الفندق
نور للحينها بعباتها قاعده .. راحت حطت موضي بفراشها وعقب طلعت للمطبخ تبي تشرب لها ماي
عبدالله بحب : نور ممكن تجلسين هنا شوي .. بخاطري اسولف معك
نور .. بقلبها . لاتحسب اني رضيت اتعشى معك معناه اني رضخت لك ورضيت بالامر الواقع : فيه شي مهم !
عبدالله : مايصير نسولف يعني .. !!
نور : مافي بينا سوالف
عبدالله : الا فيه .. فيه حب وفيه قلوب تعذبت ثلاث سنين لاجل تلتقي .. فيه واحد ماقدر ولا قدر يتعايش ولا يحب غيرك ..
نور تسمرت بمكانها ماعرفت شتقول .. جواب عبدالله ماكان متوقع كلش
عبدالله : نور .. بكرة راح نسافر .. وبعد اسبوع بنروح ماليزيا بنتم على هالحال كثير !! ارحمي حالي .. وربي اني اتعذب لما اشوفك مب مرتاحه ..

غمضت عيونها ماتبي تسمع اكثر ولا تبي شي يأثر على موقفها .. بس بعد عبدالله عنده حق
عبدالله قام وقرب منها شوي .. الين ماصار يدامها بالضبط
مسكها من جتوفها بشويش : نور .. ارجوكي .. خلينا نعيش باجي العمر مرتاحين .. خلينا نذوق السعاده اللي كنا نستناها سنين .. مب هالشي كنا انا وانتي نخططله !! ونرسمه وحنا الدنيا كلها ماتسعنا من الفرحه .. نسيتي !!

نور : هذاك اول
عبدالله : والحين ؟
نور : مافي شي يجمعني معك .. لاذكريات ولا حب
قالت هالكلمه ودخلت غرفتها .. تلوم روحها وتلوم قلبها القاسي .. ودي ياعبدالله بس مب قادرة
لا جيت أنا ب سامحك..
تبكي الجراح ما ودها..
مشتاق ودي أصافحك..
عيت يدي لا مدها...
آه. .يا لجراح .. راح اللي راح ..
وراحتي .. من يا ترى بيردها ..
يا حب.. ياذ كرى واسم..
مدري انا ابكي عليك من العذاب اوابتسم..
صدقني في يأسي .. نفسي تبي نفسي تبيك ..
لا يا دفا شمسي تبيك..
ليه خنتني ..الله عليك ..
آه يا الجراح .. راح اللي راح..
وراحتي .. من يا ترى بيردها ..
لا تحاكي عيوني .. يمطر سحاب الملح ..
ولا تلمس أشجوني .. ينبت في قلبي جرح ..
ناظرني يا خلي .. جرح انا كلي ..
وشلون أب ارضى الصلح ..
صار الخريف حبي ..حزن وورق أصفر..
...ودعني يا قلبي..وخل العذاب أقصر..
آه يا الجراح .. راح اللي راح..
وراحتي .. من يا ترى بيردها ..

عبدالله انصدم .. لا حب !! .. معقوله
معقوله الحب يجي مكانه كل هالكره يانور .. مسك راسه بألم وهو مب قادر يوقف على ريوله
تم يحوس على علبه السجاير ومالقاها .. حس روحه مخنوق ومب قادر يتنفس .. هالكلمه كانت اقسى عليه من كلشي مر فيه بحياته .. كلشي يتحمله الا ان نور ماعادت تحبه ..
تم نايم على الكنبه بالصاله وهو مو نايم .. يحس بالضيق .. وكأن شي كاتم على صدره .. وهو على هالحال ساعه بس بعدها فز مرة ثانيه وقعد يدور أي سجارة تطفي النار اللي شاعله بقلبه وتنسيه هالحقيقه المرة .. بس ماحصل .. السجارة هي اللي تريحه من هالالم ..
ويوم شاف روحه بهالتعب .. راح لغرفه نور فتحها بشويش .. لقاها نايمه جنب موضي .. كان وده يجي وينام جنبهم .. هالاثنتين هم اللي بقوا له في هالدنيا .. لكن كل مايتذكر كلمه نور .. لا حب !! يحس وجنه سكاكين تمزق قلبه ..
قرب من نور شوي خذا ايدينها ولمهم بقوة .. حس بالضعف .. حاول يقوم بس شاف نفسه ماقدر يوقف على حيله ولا عاد يشوف شي ,,الدنيا اسودت بويهه . .وكلشي حوالينه يدور ..
الجانب الثاني
نور ماكانت نايمه .. لكنها ماكانت تبي تواجهه عبدالله باي شي .. فلما حست انه دخل الغرفه غمضت عيونها
وهي تحس ان عبدالله يقرب منها وكلما قرب قلبها يدق اكثر .. خذا ايدينها ولمهم .. حست بالكره لنفسها .. ليش اسوي فيك جذي مب عارفه .. وشوي .. خف احتضان عبدالله لايدينها .. وراحت اصابعه تبتعد بشويش
نور وهي تفتح عيونها : عبد اللله !!!

قامت ترجف .. وتصيح .. تصييح بالقوة وتنادي عليه تحاول تقومه بس مافيه فايده
نور : عبدلله .. دخيلك قوم .. شفيك !!
ياويل قلبي عليك ..
وبسرعه قامت ودقت على امها وخبرتها اللي على طول وصلوا ونقلوه المستشفى

المستشفى
بشاير : نور خلص كفايه حبيبتي .. لاتسوين بروحج جذي
نور وهي في حاله انهيار وصياح : ياول قلبي اذا صار فيه شي بشاير .. انا راح امووت
بشاير : اسمه عليج وعليج .. مافيه الا العافيه .. تلقينه هبوط بسيط ولا ضغطه نازل وان شالله دقايق ويطمنا الدكتور
نور وهي تمسح دموعها : موضي وحدها بالفندق ؟
بشاير : لا خالتي خذتها للبيت .. شوي وتيي
نور تذكرت اخر كلامها معاه .. تذكرت شلون تألم منها .. شلون كان يوعان وماتعشى شي .. بسبتها
تذكرت يوم حضن ايدها بقوة والحزن بادي عليه من اثر كلامها القاسي
رجعت في نوبه صياح موطبيعيه
بشاير اللي خافت على نور : نونو حبيبتي لاتصيحين
نور : كله مني .. انا اللي سويت فيه جذي
بشاير وهي تحضن نور وتقرا عليها .. : ششش ياقلبي ادعيله ربي يقومه بالسلامه
نور تدور تلفونها .. وتدق على راشد
بشاير : تدقين على منو ؟
نور : راشد .. دخل مع الدكتور وللحين ماطلع
بشاير سكتت .. ودها لو احد يطمن نور عن عبدالله وترتاح من اللي اهي فيه
نور ودموعها خنقتها مب قادرة تتكلم : الو . .راشد ّ!
راشد : نور لاتصيحين .. كاني طالع الحين
نور : عبدالله شلونه ؟
راشد : كل خير ان شالله .. يله باي
وطلع راشد من غرفة الملاحظة وكان مع الدكتور
نور اركضت له من غير لاتحس بروحها .. حست انها بتفقد عبدالله .. يارب اشفيه ياربي .. مااقدر اعيش من غيره .. مافيني ..
راشد وهو يحضن نور : نور حبيبتي امسكي روحج شوي .. ترى ماله داعي كل هالبجي
نور : دخليك راشد شلونه ؟ شفيه !! طمني الله يخليك .. ابي اشوفه
راشد : مافيه الا العافيه تطمني .. بس انتي تدرين ان عبدالله يدخن والظاهر تعب شوي .. وحاشه هبوط حاد ..
الحين اهوا بالملاحظة ..
نور تصييييح بالم .. مب قادرة تتخيل ان عبدالله مريض .. وهي قاعده ماتقدر تسوي له شي
نور : ابي اشوفه الله يخليك ..
راشد : اذاا بتمين تبجين .. الدكتور ماراح يرضى تشوفينه .. وبعدين الحين ركبناله مغذي نطري عليه ساعتين جذي وبيصحى وبتكلمينه ولا جنه فيه شي .. لا وبيرد البيت بعد
نور : معليه .. ابي اتم يمه .. دخيلك ياراشد .. انا ماعندي اغلى منه دخيلك
راشد تألم من الخاطر على حال نور .. كان صياحها مو طبيعي وعيونها ملايانه دموع : خلص دخلي بس من غير صوت .. بعد الساعتين راح يصحى وتقدرين تكلمينه طيب !!
نور تهز راسها بالايجاب .. تكون قريبه منها ولو اهوا مايحس عليها هالشي عالاقل يطمنها
يرن تلفون راشد
المتصل هشام
راشد : هلا هشام
هشام : ها طمني شلونه ؟
راشد : ماكو الدكتور يقول معاه هبوط حاد .. حطله مغذي وكلها ساعتين وبيصحى ان شالله لاتحاتون
هشام : الحمدلله .. شي مو جايد .. عيل امر اخذ بشاير واردها البيت وعقب اييكم
راشد : ماله داعي تيي .. انا قاعد مع نور .. روح ارتاح باجر وراك دوام انتا واليوم كان عندك مباراة ..
هشام : أي والله تعبان ياراشد .. طمني عليه بس يصحى
راشد : ان شالله
هشام : ونور شلونها ؟
راشد : اسكت ذبحتنا من الصياح .. كسرت خاطري والله
هشام حز بخاطره حال نور .. توها ماصار لها يومين متزوجه وهذا ريلها طاح بالمستشفى
راشد : الو .. هشوم ؟ شفيك ساكت ؟
هشام : معوره قلبي اختك
راشد : صدقت .. يله الله يقومه بالسلامه

بالغرفه
نور كانت قاعده جنب عبدالله .. تنطره بس يصحى .. عشان تقوله احبك .. وربي احبك ومافيني على فراقك
حطت يدها على راسه وقعدت تقراى المعوذات عقب خذت القرأن اللي جنب السرير وصارت تقرا ةتدعي ربها يشفيه ويقومه بالسلامه .. كان ويهها متوهج من البجي .. نست كلشي .. نست الدنيا كلها كان تفكيرها محصور بس بعبدالله

راشد اللي كان بالاستراحه قاعد يقرا مجله طبيه .. ويشوف ساعته كل شوي ..
راشد : مرت ساعه .. خلني اطل على نور يمكن تبي تشرب كوفي ولا شي .. ولا يمكن عبدالله قعد
ويتجهه راشد لغرفه عبدالله .. وشاف نور قاعده تقرى قرأن بصوت مبحوح من البجي وخدود متورده من الدموع
راشد : ها نور .. ماصحى
نور بحزن : لا
راشد : خليه يرتاح .. بيصحى ان شالله لاتحاتين
نور تهز راسها وبقلبها تدعي الله .. يارب خلك معه ياربي
راشد : زين ماتبين كوفي ولا شي ؟
نور : لا راشد مب مشتهيه
راشد : شوفي انا ان ماشربت الحين راح انام .. بروح ايب لي وايبلج اوكيه
نور ماردت عليه ... سكتت وعقب قالت بعيون كلها يأس متعلقه بأمر الله : راشد .. عبدالله فيه شي ؟
راشد قرب من نور وهو حاز بخاطره اللي فيها : نور حبيبتي .. عبدالله مافيه شي تعب بسيط .. وبيقوم بالسلامه
نور وهي تلوم روحها والدموع خانقتها .. انا سبب اللي انت فيه .. انا سبب تعبك ياعبدالله : ان شالله

طلع راشد من هني .. دقايق وعبدالله يصحى ويفتح عيونه بشويش
نور كانت تقرا بصوت مسموع ..
عبدالله بتعب وصوت يالله ينسمع : نور !
نور ماصدقت .. وبسرعه رفعت القرأن الكريم على الطاوله اللي يمها والتفتت لعبدالله اللي كانت عيونه شبهه مفتوحه
نور ودموعها تسيل على ويهها الابيض : عبدالله .. صحيت حبيبي !!
عبدالله حاول يرفع راسه بس ماقدر : آآه احس بدوار !
نور: خلك حبيبي لاتقوم .. شلونك الحين ؟
عبدالله يناظر نور : شللي صار ؟
نور : مااعرف .. تعبت شوي ونقلناك المستشفى ..انت لا تتحجى الحين ارتاح حبيبي
عبدالله : حبيبي !!
نور : وقلبي وروحي ودنيتي ..
عبدالله رفع ايده بشويش ومسح دموعها : ليه تصيحين ؟
نور تمسك ايده وتبوسه : اوعدني تشد حيلك وتقوم .. دخيلك
عبدالله بصوت تعبان : تخافين علي نور !!
نور : اذا مااخاف عليك .. على مين اخاف اجل !!
عبدالله : نور .. دخيلك مااتحمل هالكلام .. وربي قلبي تعبان
نور : هههه اهم شي انك تقوم بالسلامه .. وكلشي بيرد زي مااتبي ..
عبدالله : لو ادري ان طيحتي بالمستشفى بتردلي نور قلبي .. كان من زمان مرضت
نور تحط ايدها على فمه : شش لاتقول جذيه . .اسمله عليك ربي يحفظك
عبدالله : نور .. تحبيني !
نور : مووت .. وربي احبك مووت ولا عمري كرهتك ولا حبيت غيرك
عبدالله : ياويل قلبي .. حرام عليك انا تعبان مافيني على هالكلام
نور بتأنيب الضمير : يعني مب زعلان علي !!
عبدالله : ازعل من روحي .. من الدنيا كلها .. ولا اسمح لنفسي ازعل منك
نور بابتسامه تذوب : طيب الحين ارتاح شوي .. بروح ادق على راشد يي يكلم الدكتور
عبدالله : خلص انا مافيني شي .. ابغى اقوم الحين
نور : ههههههه لا
عبدالله : ابغى اقعد معك .. اسولف واضحك .. بعد بغير وجهه السفر .. وين تبين ؟
نور : ممم مصر .. زي ماكنا نحلم زمان .. وتركبني خيل زي ماوعدتني بعد
عبدالله : يارب يقدرني واسعدك
نور بابتسامه وتحط ايدها على ايده اللي على خدها : ويقدرني انا بعد .. واسعدك انتا وموضي
عبدالله بحب رغم التعب : أحبج يانور القمر
نور : لا قول .. أحبج وبس زي ماكنت تقولها لي قبل
عبدالله قرب راسها وباس عليه .. وعقب قال : الحين بس اقول اني اسعد انسان بالدنيا كلها

تعبك راحه واحبك مهما تتعبني @@شفت الغلا كيف سوا من التعب راحه

وسلامتـــــــــــــــكم انتهت القصـــــــــة

مشكووورة حبيبتي على الرواية الرائعه

ابدعتي

دمتي و دام قلمك