(روايـــــه نــــور وعــبــدالله)تزعل يراضيها يبوسها ويواسيها

في بيت بوخالد

ريم تحاجي مشعل بالتلفون : وليش مستعيل وايد مشعل .. يدامنا ثلاث اشهر بعد
مشعل : مو مستعيل ياقلبي .. بس لازم ندور شقه من الحين
ريم : خلص على راحتك .. بتيي على الغدا اليوم ؟
مشعل : مم انتي تبيني ايي ؟
ريم : ههههه .. ياليت
مشعل : شوفي اذا بتوكليني بيض مثل ذاك اليوم .. ماني ياي
ريم :ههههههههه لا لا خلص اقول للطباخ يسويلك شي
مشعل : انا مابي الطباخ .. ابيج انتي تطبخين
ريم : مااعرف
مشعل : لاتقولين ماعرف .. ترى اتزوج عليج
ريم بعصبيه : نعم ..!!!
مشعل : ههههههههههههههههههههههه بل .. بطيتي اذني
ريم : عشان تحرم تعيدها
مشعل : وين الاقي مثل الريم .. حسن ودلال
ريم بحيا : ايي تسنع
مشعل : افاا .. انا شوشو حبيبج .. مااشوف غير عيونج والله
ريم وهي مبتسمه : طيب
مشعل : تعالي صج والله اخوج خطب اخت هشام ؟
ريم : أي والله .. وانت شدراك ؟
امس يوم كنت بالديوانيه عندكم اشوف هشوم يقوله عالبركه ومادري شنو
ريم : احلف ؟؟
مشعل : والله
ريم : عيل نوروه شكلها وافقت ..!! .. والله مادقيت عليها انا
مشعل : وليش ماتروحين لها ؟ اولا اهي بنت عمج وبعدين بتصير مرت اخوج ..
ريم : أي والله .. انا انشغلت هاليومين بس استغربت منها مادقت ولاسألت مو عادتها
مشعل :البنت تعرف الاصول .. تدري انج توج مالجه واكيد مشغوله مع ريلج
ريم : تدري عاد مشعل .. انا كنت اتمنى من كل قلبي انها تكون لخالد .. نور مافي منها ماشالله
مشعل : الله يكتب اللي فيه الخير ان شالله
ريم : ان شالله .. يله تبي شي ..!! ابي ادق على نور
مشعل : سلامتج حبيبتي .. مع السلامه
ريم : مع السلامه

في بيت بوراشد
تلفون نور يرن .. المتصل ريم
نور بقلبها .. يي اكيد ريم بتسألني عن رايي في موضوع اخوها .. شسوي ارد عليها !!
وتمت نور تفكر الين ماسكرت ريم ..
وردت دقت مرة ثانيه وقررت نور ترد عليها
ريم : هلا بزوجه خالد
نور اللي انزعجت من الكلمه : للحين ماصار شي
ريم : ان شالله بيصير.. دام الموضوع موافقين عليه بعض الناس مبدئيا
نور باستغراب : منو قال ؟
ريم : هشوم اخوج
نور اللي انصدمت ان الموضوع صار مفروغ منه والكل يتحجى بموافقتها وهي ماتدري : متأكده ان هشوم اللي قالج ؟
ريم : ههههه شنو يعني مستحيه مني .. !!
نور : لا مو جذي .. بس انا للحين ماوافقت
ريم بمكر : تدلع ياحبيبي تدلع علينا .. بس ترى خلود مايتحمل هالدلع
نور اللي حست انها مو قادره تتحجى مع ريم من قهرها من هشام : ريم حبيبتي خلينا من هالموضوع .. قوليلي شلون مشعل وياج ؟ وشلونج انتي والله وحشتيني
ريم : الحمدلله كلنا بخير والله ..
وقعدوا يسولفون ربع ساعه جذي بس نور كان بالها مشغول بالحجي اللي صاير .. وخايفه للحين من مواجهه ابوها اذا درى انها مو موافقه
ريم : نور .. نور .. احاجي منو انا ؟؟
نور : هاا .. لا وياج حبيبتي .. كملي
ريم : الظاهر حبيب القلب ماخذ التفكير كله
نور بقهر : لا
ريم : هههههههههههههه
نور : لاتضحكين ريوم والله انا مو متحمله شي
ريم بخوف : شفيج نور .. شكلج مو مستانسه
نور : مافيني شي حبيبتي .. لاتحاتين بس شوي مصدعه
ريم : سلامتج حبيبتي .. خلص انا اخليج واكلمج وقت ثاني
نور : اسفه ريم ..ان شالله بعد جم يوم اكلمج
ريم :ولايهمج .. ماتشوفين شر .. مع السلامه

سكرت ريم من نور وهي تحس ان البنت فيها شي والسالفه مو سالفه صداع .. وعلى هالتفكير دق خالد باب غرفتها
ريم : ادخل خالد
خالد : شدراج ان انا ؟
ريم : لان مافي غيري وغيرك بالبيت ؟
خالد : ليش ابوي وينه ؟
ريم : ابوي راح الشاليه .. وخواتي مو يايين اليوم .. ومشعل بيتغدى في بيت اخوه
خالد بتردد : زين انا ياي اسألج سؤال
ريم :ههههه ادري شبتقول
خالد : هههه والله .. شنو
ريم : نور ؟
خالد : ماشالله عليج ذكيه .. طالعه على اخوج
ريم : افا عليك .. شبيه اخوي انا
خالد : الا بالجمال .. ماتيين ربع جمالي
ريم : ههههههههههههه يما يالمغرور
خالد: يله قولي
ريم اللي ماحبت تضيق خلق اخوها بافكارها اهي حست ان نور مو مستنانسه بس ماتدري من شنو : توني مكلمتها .. بخير والله زينه
خالد : زين ماسأليتيها .. او عرفتي اذا موافقه ولا لا ؟
ريم : لا والله .. تدري نور تستحي مو مثلي انا هههههه
خالد : صدقتي .. شياب نور .. حقج
ريم : خلوود .. صج ماتستحي .. هذا ويهي اذا قلتلك عنها شي .. يله اذلف
خالد : ههههههه لا اضحك معاج .. بعد عمري اختي
ريم : صج نصاب .. انتوا يالريايل بياعين حجي بس
خالد : زين .. يله انا بمشي
ريم : وين ؟
خالد : بروح عند هشوم
ريم : ببيتهم ؟
خالد : أي بيتهم عيل وين ؟
ريم : لا خلود لاتروح بيتهم .. بهالظروف لازم انتا تبتعد شوي عن البنيه عشان تفكر زين
خالد بحزن واضح : اووف ليش عاد ؟
ريم : بس جذي .. لاترز ويهك اربع وعشرين ساعه
خالد بضيق : زين .. بس هشوم صاير مايطلع من البيت ماادري شفيه هذا بعد .. يله باي
طلع خالد وسكر الباب وراه وهو للحين محترق يبي يعرف راي نور باقرب وقت

في بيت سارة

عبدالله راح يسافر باجر لان ماتسوى قعدته بالكويت بعد اللي صار .. وقرر يقطع اجازته ويرد الدمام
سارة : ليش عاد عبود ؟
عبدالله : سارة بذمتج انتي عارفه انا ليش جاي الكويت . . والحين مافيه فايده من جلستي هنا .. خليني ارد الدمام ولما تتحسن الظروف راح اجي ان شالله
سارة : على راحتك يااخوي
طلع عبدالله من عندها وتوجه لمكتب السفريات عشان يحجز له تذكره لبكره .. وعقبها دق على نور
نور : الو
عبدالله : هلا حبيبتي
نور : هلا فيك .. شلونك ؟
عبدالله : انا بخير دامك بخير ياقلبي
نور : دوم يارب
عبدالله :نور ترى بكرة راح ارد الدمام
نور : ليييش ؟
عبدالله : قطعت اجازتي .. وقلت ارد بدري .. وانتي قوليلي عن اخر التطورات وش بيصير .. لان احس قعدتي مالها داعي
نور : وتتركني وانا بهالظروف
عبدالله بصوت مليان حزن : انا مقدر افارقك دقيقه وحده .. والود ودي .. اخذك اليوم معي الدمام .. بس وش تبيني اسوي .. ماراح اقدر اخطبك وانتي بهالظروف .. ابوك راح يرفضني لازم ننطر
نور بصوت مبحوح : لاتتركني بروحي .. ماعرف شسوي عبدالله من غيرك
عبدالله اللي ماتحمل يسمع نور تترجاه : نور .. عشانك مستعد اتم بالكويت طول عمري مب بس اسبوع
نور وهي تمسح دموعها : صج ؟
عبدالله : خلص هذا المكتب مب رايحله بعد امريني يانور القمر
نور : مايامر عليك عدو .. تعال معانا الشاليه
عبدالله : ههههه وين ؟
نور : هالاسبوع بنروح الشاليه .. تعال انتا وسارة وعلي .. وانا بقول لامي تعزم سارة
عبدالله : يااي ونااسه عشان نقعد انا وانتي على الشاطئ قريب الفجر كذا
نوراللي كانت بتطفره : هههههههههههه .. الا قول انا وخالد
عبدالله : مييييين ..!! اييه تحلمين .. عشان ارميك انتي معه بالبحر
نور : ههههههههههههههه ترميني انا ؟
عبدالله : اييه
نور : ماتبيني ؟
عبدلله : ارميك وبعدين اجي اخذك .. ونخلي خالد يغرق
نور : هههههههههههه يامجرم لاحرام
عبدالله : تدرين نور .. والله خالد طيب وحبوب .. بس من دريت انه خطبك .. ماعدت احبه ههه
نور : والله خالد ماينعاب والف بنت تتمناه
عبدالله بفضول : وانتي من الاف ؟
نور : مممم لا .. انا وحده مافي بقلبها غيير واحد
عبدالله بحب : ميين ؟
نور : واحد شايب
عبدالله ضحك من قلبه : هههههههههههههههههههههههههههههههه
نور : ههههه .. شايب بعد شنو
عبدالله : وهالشايب قلبه حب بنوته صغيرة .. ومب عارف وش يسوي
نور : الله يكتب اللي فيه الخير .. زين عبدالله اذا امي دقت على سارة وعزمتها قولها توافق بلييز
عبدالله : ان شالله حبيبتي
نور : يله حبيبي تبي شي ؟
عبدالله : سلامتك ..
نور : بيباي
عبدالله : باي

سكرت نور من عبدالله وراحت غرفه هشام لقته نايم
نور : هشاااام .. هشووووم .. قوم ابي اكلمك
هشام بنعس : شتبين ؟
نور : ليش قايل حق العالم اني موافقه على خالد
هشام : انا ماقلت حق احد .. قلت لخالد ومشعل كان قاعد .. قلته ان الاهل موافقين اقصد ابوي وامي
نور : مرة ثانيه لاتتليقف وتطلع اشاعات
هشام اللي رفع اللحاف عن ويهه : وانتي مو وافقه على خالد ؟
نور : لا
هشام اللي حسب اخته تتدلع : ويييع مايلوق عليج الدلع
نور بقهر : ليش محد راضي يفهمني .. واتجهت للباب تبي تطلع
هشام بتردد : نور !!
نور : شتبي ؟
هشام : ش شخبار بشاير رفيجتج ؟
نور : وانتا شتبي فيها ؟
هشام : نسأل يعني مايصير ؟
نور : زينه مدامها بعيده عنك
هشام بعصبيه : والله رفيجتج هذي مغروره وشايفه روحها .. شوفي قوليلها اني من اليوم ورايح مالي شغل فيها خير شر .. المكان اللي تكون فيه انا ماراح اقعد ..
وغطى روحه باللحاف وهو مقهور .. هذي ليش مغروره جذي .. هين يابشور هيين ان ماخليتج تندمين مااكون هشام

في الصاله
كانت فرح وام راشد قاعدين يطالعون برنامج فوزيه الدريع ..
دخلت نور الصاله .. واتجهت لوين موقاعده امها ..
نور : يما ..
ام راشد وهي مندمجه بالبرنامج : هلا
نور : احنا صح بنروح الشاليه بعد يومين ؟
ام راشد : ايه
نور : شنو المناسبه ؟ من زمان مارحنا الشاليه
ام راشد : عمج مسوي عزيمه وقلنا نروح نبات يومين هناك
نور: زين شرايج لو ندق على سارة وعيالها وريلها ييون معانا
ام راشد : والله ماادري يما .. العام يوم عزمناها مايات .. اقول يمكن تستحي
نور : هذا شاليه العايله .. وماشالله الشاليه كبير والريايل بعيد عن الحريم .. دقي عليها حرام تستانس
ام راشد : على قولتج .. وسارة ونيسه ماشاالله عليها
نور : زين ميخالف اقول لبشاير وامها ييون ؟
ام راشد : يايبنيتي قوليلهم
نور بفرح : زين .. عالاقل نستانس انا وياها
تمت نور ساكته شوي .. تبي تفتح مع امها موضوع خالد .. ودها تعرف اذا ابوها درى انها مو موافقه لا لا
نور : يما .. فلتلي لابوي اني مو موافقه على خالد
ام راشد اللي الفتت لنور وبصوت واطي : أي يما قلتله .. بس تدرين ابوج يبيله وقت عشان يقتنع مو بهالسهوله .. قالي راح يكلمج بالموضوع
نور بخوف : لا مابي .. لايكلمني
ام راشد : ليش ؟
نور : مابي مابي يما .. اخاف من ابوي
ام راشد : يانور . . انتي كبيرة واذا ماتبين خالد روحي قولي لابوج انا تعبت معاه ..
نور اللي راح تبجي : والله لو شيصير خلود ماراح اخذه يعني ماراح اخذه
ام راشد : الله يهديج بس .. خلص لاتحنين .. بعد الشاليه راح اكلم ابوج واحاول فيه مرة ثانيه

نور بخيبه الم واضحه عليها طلعت من الصاله .. ولحقتها فرح تبي تعرف سالفه خالد اللي ماتدري عنها
ام راشد كانت متاضيقه على نور بنتها .. لكن مو بيدها شي وهي تدري اذا ابو راشد قال كلمه مايثنيها
وعلى هالتفكير .. افتقدت راشد ولدها .. وتذكرت شلون ابو راشد كان بيزوجه سلوى بالغصب وهو ماكان يبيها ..
وهي تقول بقلبها .. الله يهديك بس ليش تسوي بعيالك جذي ..
ام راشد : خل اقول لهشوم يدق على لراشد من زمان ماكلمته
اتجهت لغرفة هشام وطقت الباب
ام راشد : يما هشام انتا قاعد ؟
هشام اللي كان يلبس بعد مادق عليه خالد وبيطلع معاه : هلا يما .. حياج دخلي
ام راشد : وين بتروح ياوليدي ؟
هشام : عند خالد
ام راشد : .. زين يما دق على اخوك ماادري عنه من زمان ابي اكلمه
هشام : يه يه يه .. ولهتي على الدكتور ؟
ام راشد : أي والله فديته ماادري متى بيخلص هالكورس مو جنه طول ؟
هشام : هذا كله من الوله والشوق . . ولا الايام اهيا نفسها نفسها ياام راشد
ام راشد : اووو انتا شكثر تحن .. دق على رشود ومن غير حجي زايد
هشام : زيين زيين لاتزفين
دق هشام على راشد وكلمه شوي عقب عطى التلفون حق امه وكلمته وتطمنوا عليه
ام راشد : متى بتيي يما ؟ جنك طولت ؟
راشد : ان شالله كلها اسبوعين يالغاليه وايي الكويت
ام راشد : ان شاللله الكويت والديرة بتنور بييتك يالغالي
هشام وهو يلزق يم امه : نحن هنا .. احم احم والله مادريت اني مظلم عليج كل هالمده
ام راشد تسكر من راشد
ام راشد : ياربي .. انتا متى بتعقل !! الله يعين اللي بتاخذها
هشام : الا الله يعيني عليها ,,!!
ام راشد : على منو؟
هشام وهو سرحان : بش بش
ام راشد : منو ؟
هشام : بعدين بعدين يما .. هههه
ام راشد : الحمدلله والشكر .. روح روح الله يعطينا العقل بس
هشام : ههههههه .. مقبوله منج ياام راشد .. كل حاجه من بؤك حلو ياجميل
ام راشد : لاتنسى تجهز اغراضك للشاليه بعد يومين بنروح ؟
هشام : ليش بتنامون هناك ؟
ام راشد : يومين .. تدري من زمان مارحنا الشاليه وبعدين عمك محرص علينا ننام
هشام : وابوي بيروح ؟
ام راشد : بيي على وقت العزيمه بس
هشام : أي ريلج هذي سوالفه ..
ام راشد : استح على ويهك هذا ابوك هشوم
هشام وهويضحك : ياخوفي بس ريلج متزوج عليج اربع فلبينيات وانتي ماتدرين
ام راشد : هشووووووووومو ويهد .. اذلف يله
هشام وهو يضحك : ههههههههههههههههههههههههههه خلص خلص لاتزفين طلعنا

راح هشام وقامت ام راشد تدق على سارة وتخبرها عن عزيمه الشاليه .. وحرصت على انها تيي

في بيت سارة مرت علي
عبدالله يلاعب ناصر : ياربيييي هالولد بيجنني ... ميصير اخذه معي الدمام ؟
سارة بمكر : تبي تاخذه اهو ؟
عبدالله وهو يطالعها : ايي ابي اخذه بس صاكين علي
علي : ومنو صاك عليك ؟
سارة : هههههههههههههههههه اقول ؟
عبدالله : هههههههههه ترى والله اخطف نصوري ولدج ان تحجيتي
علي : اووو .. عيال محمد عندهم اسرار اليوم
سارة : يي ذكرتني .. ترى ام راشد دقت علي وعزمتني على الشاليه بعد يومين مسوين عزيمه عشان ريم ومشعل
علي : اييه دق علي بوخالد وخبرني
سارة : ها بتروح ؟
علي : أي انا باخذ عبدالله وبروح
سارة : ماادري .. انا ماودي اروح تدري نصور صغير وبيأذيني هناك
عبدالله : الا روحي سارة بتستانسين ؟
سارة : هههههه انا اللي بستانس هاا ؟
عبدالله : ههههههه اييه
ساره : وتبي صج انا استحيت من ام راشد .. كل مرة تعزمنا ونعتذر ..
علي : خلص عيل روحي
سارة : وانت قلتها .. ان شالله
ناصر اللي بدى يبجي ..
عبدالله : شوفي هالصايع ولدج .. من سافج بتقومين قعد يصيح
سارة : يحب امه فديته
عبدالله : الا يحب الحريم طالع على خاله
سارة وعلي : ههههههههههههههههههههههههههههههههههههه

في بيت بوخالد
الوقت الساعه 9 ونص صباحا
ريم بالمطبخ مع حصه وفاطمه يجهزون الغدا والاغراض اللي بياخذونها
مشعل وصالح ريل حصه وسالم ريل فاطمه قاعدين بالديوانيه
خالد يكلم ريم بالمطبخ : ريم يله شتسوين .. الحين بنمشي ترى ؟
ريم من المطبخ : خالد حصة تقول انتا اوبوي والخدامات روحوا قبلنا علشان ينظفون الشاليه
خالد : وانتوا بتيون مع منو ؟
ريم : سالم وصالح ومشعل هني .. احنا بنيي على وقت الغدا .. الين مايخلص الغدا
خالد : اوكيي ..
يكلم ابوه : ها يبا مشينا؟
ابو خالد: يله انا جاهز .. حط الميدرا والخيط
خالد : ان شالله

راحوا خالد وابوخالد والخدامات اول ووصلوا الشاليه الساعه 10 ونص ..
الشاليه عبارة عن جناحين كبار .. جناح لبيت بوخالد وجناح لبيت بوراشد هذا الشاليه كان جزء من الورث بناه اليد العود لعياله
وفيه ديوانيه كبيرة .. وصاله استقبال للحريم حلوة ... الشاليه كان مكان تجمع الاهل قبل سالفه راشد وسلوى .. ومن هذيج السالفه ماعاد الاهل يتجمعون مثل اول .. كانوا الشباب يروحون بروحهم
بس خطبه خالد لنور .. حسنت العلاقات بين العايلتين .. وحس بوخالد ان العايله لازم تتجمع مثل اول واحسن .. نور خالد اهما حلقة الوصل

في بيت بوراشد
فرح : يمااا .. بلوزتي الفوشيه وينها ؟
ام راشد : لاتاخذينها .. اخذي القميص الزهري احلى
نور: يما خليها تاخذ على راحتها مو ياهل اهيا
ام راشد وهي تشوف جنطه فرح : شوفي شنو ماخذه .. الله يهديج فروح شيلي هالجينز واخذي هذا الفستان ناعم وحلو
نور اللي مو عاجبها تحكم امها بفرح وطمسها لشخصيتها : يماا .. خليها تاخذ اللي تبي .. شوي شوي بتعلم انا بساعدها
ام راشد : فرح صغيرة وماتعرف ؟
نور : لا موصغيرة شوفيها حرمه ماشالله
ام راشد : زيين خلص كيفكم .. وين هشام ؟
نور: من الصبح طالع يبي يصلح الجت سكي ماله ..لان بياخذه معاه
ام راشد : وبشاير رفيجتج بتيي ؟
نور : اووو ذكرتيني .. انا كلمتها بس للحين ماعطتني ااوكي .. خل ادق عليها

وتدق نور على بشاير
نور : الو صباح الخير
بشاير : صباح النور .. هلا وغلا
نور : هاا .. زهبتي اغراضج مو تتأخيرين بنمشي مبجر
بشاير : نور.. من صجج انتي .. ماني يايه
نور : ليييييش ؟
بشاير : مالي خلق
نور : مالج خلق ولا ماتبين تتواجهين مع هشام
بشاير : زين عرفتي بروحج
نور : شوفي امس وانا اكلم هشام .. سألني عنج وقلتله مالك شغل فيها .. قالي قوليلها اني من اليوم ورايح مراح اكلمها ولا ايي صوبها .. رفيجتج ليش مغروره جذي هههههههه
بشاير بفضول : اهوا قال جذي ؟
نور : اييه
بشاير : احسن .. فكيتني
نور : الحين بتيين ؟
بشاير : ماادري
نور : اوووف صج هالبنت مغروره .. امج وكلمتها امي وعزمتها .. شنو اللي بيمنع ييتج انتي ؟
بشور .. عطيني امج بكلمها
بشاير : هههههه خلص خلص . بيي .. زين متى بتمشون لانه احنا ماندل ؟
نور : انتوا تعالو بيتنا الساعه 12 .. ونركب يميع مع السايق لان هشام بيروح قبلنا وابوي بيي بليل
بشاير : اوكي
نور : يله مو تتأخرين .. بيباي
بشاير : باي

سكرت نور من بشاير وراحت تحط باجي الاغراض الناقصه وفي بالها ميه فكرة فكرة .. بس تبي هالشاليه يمر على خير
ام راشد بالمطبخ تشوف الغدا .. وعقب راحت تدق على بوراشد لكن مارد عليها
وبعد عشر دقايق دق عليها
ام راشد : الو
بوراشد : الو .. هلا عايشه داقه علي ؟
ام راشد : أي والله انتا وينك ؟
بوراشد : بالدوام .. كان عندنا اجتماع .. للحين مارحتوا ؟ا
ام راشد : لا والله قاعدين نزهب اغراضنا بنصلي الظهر ونمشي
انتا متى بتيي ؟
بوراشد : بلليل .. والله مشغول حييل بس مابي بوخالد يزعل مني ..
ام راشد بضيق : وليش ماتيي معانا الحين ؟ والله نبيك ويانا من زمان ماطلعوا العيال معاك
بوراشد : انتي تدرين شكثر انا مشغول .. بس اوعدج ايي مبجر اليوم
ام راشد اللي تعودت على ريلها وطبعه : على راحتك يله تبي شي ؟
بوراشد : لاسلامتج .. حطي بالج على العيال .. مع السلامه
ام راشد : مع السلامه

سكرت التلفون .. وراحت تشوف فرح بغرفتها ..
وهي صاعده شافت نور لابسه وجاهزة ..
نور كانت لابسه جينز من النوع الغالي وتوب مشمشي فيه حركات وحزام فيه اكسسورات قريبه من لون التوب وماخذه معاها جكيت طويل اذا بغت تطلع بره تلبسه فوقه
كانت منزله شعرها على جتوفها ولامه الجزء اللي فوق بس بكلبس صغير مع مكياج خفيف يلوق على طلعات الشاليه وكان شكلها فعلا طالع روعه

ام راشد : يما شفتي فرح اذا خلصت ولا لا ؟
نور : ايي شفتها تغير ملابسها الحين تلقينها تنزل
ام راشد : زين انتي وين عباتج ؟
نور : بغرفتي بس انطر الخدم ياخذون جنطتي يودونها السيارة
ام راشد : زين دقي على هشوم شوفيه وينه ؟ نبي نماشيه الين الشاليه وعقب دقي على بشاير خليهم يصلون الظهر عندنا
نور : يما وماتبين تدقين على خوالي ولا مرت يدي ؟
ام راشد : بيني وبينج انا كنت بدق عليهم بس بعدين ترددت .. تعرفين مرت يدج لسانها طويل وخفت تسمعني كلمه ولا شي .. واخاف ابوج يعصب
نور : ماادري يما .. بس اخاف يعرف يدي ويزعل
ام راشد : ماراح يعرف .. الا اذا مرته العقربه قالتله ..
نور : لا خلص لاتقولين ولا شي .. مالنا خلق مشاكل .. اذا درى قوليله ماكنا ناوين نروح والطلعه صارت بسرعه
ام راشد بنظرة تعور القلب : وتعتقدين يدج بيسأل ولا شي ؟ يدج من اول ماتزوج نساني ولاجني بنته وحيدته واكبر عياله .. الله يسامحه بس
نور اللي عورها قلبها على امها : بعد عمري يما .. احنا نكفيج وزود بعد .. بنكون حوالينج ومانهدج ان شالله
ام راشد : الله يحفظكم ولا يحرمني منكم يارب

دخل هشام البيت
هشام : السلام عليكم
نور وامها : وعليكم السلام والرحمه
نور : وااااي عمرك طووووويل .. بل بل معمر
هشام : قل اعوذ برب الفلق .. هذي امي بس من كثر ماتحبني تحس فيني ههههه
ام راشد : توني اقول لنور دقي على اخوج شوفيه وينه ؟ ليش جذي تأخرت
هشام : والله يا ام راشد .. انا حالف لازم اركبج الجت معاي
ام راشد : منو يطلع هذا بعد ؟
نور : هههههههههههههههههههه .. اتخيل شكلك انتا مركب امي وراك بعباتها
هشام : هههههههههههههههههه ترى اسويها والله
ام راشد : وشنو هذا عاد اللي قاعدين تتضحكون عليه ؟
نور : يماا هشوم بيركبج سيكل بس يمشي على الماي
ام راشد : الله يقطع بليسك ياهشوم .. تركب امك سيكل هاا ؟
هشام : جذابه نور ماعليج منها .. الا بركبج يخت ووديج فيلجا بعد شتبين ؟
نور : انا جذابه هاا .. زيين هيين
ام راشد : يله بسكم انتوا الاثنين خل اروح اشوف هالطباخات شنو قاعدين يسوون ..
تلفون نور يرن .. المتصل بشاير
نور تبي تحر هشام : هلت علينا البشاير .. هلا وغلا
هشام اللي سوى روحه مو مهتم يبي يصعد غرفته ونور واقفه على الدري
نور بصوت عالي : ايي حبيبتي تعالي هشام ماراح يكون معانا بيروح بروحه وبعدين اهوا قالي مالي شغل برفيجتج من اليوم ورايح
هشام اللي طلعت عيونه وقعد يقرص نور وبصوت واطي : هييين اوريج ماتقدرين تمسكين لسانج شويه يالملقوفه
وبشاير من الطرف الثاني : شنو مافهت .. اقولج متى بنيي .. تقوليلي هشام ماادري شنو ؟ شفيج نوروه
نور وهي ميته من الضحك : هههههههه .. ادري ادري انج تكرهينه ماله داعي تقولين
هشام تم متسمر في مكانه وهو يخز نور بحقد : قوليلها انا اكرهها بعد
بشاير : نوروه شفيج ؟
راح هشام وهو متحقرص من نور وبشاير وهو يقلدها : ادري ادري انج تكرهينه
مالت عليها .. شدعوه انا ميت عليها بس .. هيين يانوروه والله اوريج

نور وهي تكلم بشاير : ههههه لا بس هشوم كان يمي وبغيت احره شوي
بشاير : وقلتيله اني اكرهه هاا ؟ ههههههههه
نور : اييي سكتي مات من الحره
بشاير : احسن احسن . .يايي مستانسه انا واخيرا انتقمت منه
نور : هههه .. اقولج امي تقول تعالوا صلو الظهر عندنا
بشاير : اوكي امي بعد قالت جذي .. يله ربع ساعه واكون عندكم ..
نور : اوكي
بشاير : باي
نور : باي

في بيت بوخالد :

حصة وعيالها مع صالح ريلها ..
وفاطمه وولدها وبنتها مع سالم
وريم مع مشعل

بسيارة مشعل
ريم : بيون سارة وريلها ؟
مشعل : ايي اتوقع
ريم بفرح : والله ؟ زين واخيرا تصدق كل مرة نتيمع بالشاليه ونقولهم بس ماييون
مشعل : أي اخوي يستحي ماشالله عليه .. يعرف الاصول مايبي يثقل عليكم
ريم : هههه في هذي انا اشهد .. ماشالله عليه علي الكل يمدح باخلاقه
مشعل : احم احم .. وانا طالع عليه بعد
ريم : هههه ياليت
مشعل : خل ادق على امي ووضحه اختي اشوفهم جاهزين ولا لا ؟
ويكلم مشعل امه ويقوله انه بعد عشر دقايق بيكون عند الباب

وصلوا البيت ويات ام مشعل وقعدت يدام وقعدت ريم ووضحه وبنتها ورى
ام مشعل : شلونج يما ريم شخباج ؟
ريم وهي تبوس راس خالتها قبل لاتقعد بالسيارة : بخير فديتج انتي شلونج عساج بخير ؟
ام مشعل : الحمدلله دامج طيبه .. ها قوليلي عسى مشعلو مو مأذيج
ريم وهي تضحك وتطالع مشعل : لا خالتي مشعل مافي منه
وضحه : قولي ريم .. اخوي واعرفه ادري فيه عليه سوالف
ريم : هههههههههه لا والله مو مقصر
مشعل وهو مستانس : بعد قلبي والله هههه لاتقولين هاا
ريم : لاتخاف بستر عليك واجري عند رب العالمين
الجميع : هههههههههههههههههههههه
ام مشعل : الله يحفظكم ان شالله .. ها متى قررتوا العرس
ريم استحت وماردت
مشعل : والله انا اقول لريم اذا نسويه بعد شهر .. بس اهي تقول مايمديها
ام مشعل : ليش يما شنو بتجهزين يعني .. خير البر عاجله وانا خالتج
ريم توهقت ومارعفت شتقول : على راحتكم
مشعل : اووو .. يعني نسوي العرس بعد شهر ريوم ؟
ريم وهي تطالع مشعل اللي استغلها بوقت ما امه موجوده وهو يدري ان ريم ماترد خالتها طلب : كيفك
ام مشعل : احنا وانا امج ايام اول .. العرس والملجه بوقت واحد .. لافي ملجه ولا خرابيط
مشعل : يما هذاك اول .. الحين هالبنات مايعجبهم شي ..
ريم : حتى انا ؟
مشعل : لا انتي شخية البنات كلهم .. والله هذي شهادتي يدام امي واختي .. احمد ربي مليون مرة اللي رزقني هالريم
ريم اللي ويهها شب الوان واستحت من كلام مشعل
وضحه : خجلت البنت مشعل ههههه
ريم نزلت رسها واكتفت بابتسامه
قام مشعل ودزلها مسج : احبج
رن تلفون ريم رنه مسج
مشعل : منو دازلج مسج اقريه بصوت عالي
ريم وهي تضحك .. المسج من .. مش
وسكتت
مشعل : منو قولي ؟ ههههه
ريم بحيا : مابي
ام مشعل : اووف شفيك اذيت البنت خلها
قامت ريم ودزتله مسج : وانا بعد احبك .. بس بطل حجي ترى خجلتني
قرى المسج مشعل .. وابتسملها وكملوا طريجهم على سوالف ومناقشات عن العرس

بيت بوراشد
وصلت بشاير وامها وصلوا الظهر وماشوا هشام الين ماوصلوا الى الشاليه
وبحكم الوعد اللي قطعه هشام على روحه انه مايأذي بشاير ولا يقرب صوبها وبحكم انه امها وياها احترم الوضع ..لكن كان متوعد لها بشي اكبر

في الشاليه
كان بوخالد وصالح وسالم وخالد وهشام وعلي وعبدالله وباجي الريايل بالديوانيه
اما في صاله الاستقبال كانت ريم وخالتها واخت زوجها وضحه وحصه وعيالها وفاطمه وعيالها وام راشد ونور وفرح وبشاير وامها وسارة .. وبقيه حريم العايله الكبار

ريم كانت طالعه جناان خصوصا انها عروس والانظار عليها الحين .. نور كانت مميزة بحكم جمالها الملفت والقعده كانت حلوة خصوصا ان حصه وفاطمه من بعد مادروا ان خالد خطب نور صارت علاقتهم بام راشد والبنات احسن من اول
حصه تكلم ام راشد : ماشالله ياخالتي .. نور كبرت وصارت عروس .. يله نبي نشوفها تنور البيت العود قريب
ام راشد وهي مرتبكه : والله نور بنتكم .. والله يكتب اللي فيه الخير
حصه : ان شالله عقب العزيمه لنا قعده نسولف فيها عن باجي الشغلات .. تدرين خالد وده يملج قريب اذا نور وافقت
ام راشد ماعرفت شترد : على خير ان شالله ..

في الجانب الثاني
كانت فرح وريم وبشاير ونور قاعدين يسولفون عن عرس ريم المرتقب ..
اما سارة فكانت مع فاطمة ووضحه وام مشعل ..

تغدا الجميع .. وعقب الغدا .. راحوا البنات يطلعون بره لان الشمس غابت شوي
ريم تكلم بشاير ونور وفرح : نطروني .. ابي اغير ملابسي ابي البس شي خفيف
نور : اووو ريوم زينه ملابسج يله .. هشام وعدني بيركبني بالجت
ريم : يي خلص روحوا انا اغير ملابسي واييكم

نور وبشاير وفرح طلعوا على البحر على الشاطئ وقعدوا .. والحريم كانوا متجمعين على الجاي والقهوة على الطاوله المقابله للبحرر بره

اما الشباب . فهشام وخالد ركبوا جتاتهم ..
مشعل وعبدالله وعلي والبقيه .. راحوا باليخت العود مال بوخالد ..

نور تدق على ريم
نور : ريوووم .. يله ترى احنا بره وماكو ريايل الحين .. كلهم رايحين باليخت
ريم : مشعل ماقالي . . يله عيل كاني طالعه
قعدوا يميمع يسولفون .. شوي ولا هشام وخالد بجتاتهم يقربون .. خالد اول ماشاف بشاير ابتعد لانه يستحي منها اما هشام فلقاها فرصه
نور تصرخ على هشام من بعيد : هشووووووووم تعاال شوي
بشاير : انتي شكو تنادينه ؟ .. ماتشوفيني قاعده يمج
نور : نطري بقوله يقوم واحنا نركب
بشاير : نوروه انا بدخل داخل
نور : هههه قعدي انتي شفيج .. هشووووم تعالل يله يالنحيس
قرب هشام من غير مايطالع بشاير : هاا .. شتبين ؟
نور : نبي نركب بلييييييييز
ريم توها توصل : الله ونااسه جتاات .. نبي نركب
نور : لا انتي ممنوع . .استئذني من السلطات العليا ..
ريم : منو قال انا للحين ماتزوجت يصير اركب ههههه
نور : ريوم قولي حق مشعل الله يخليج لايشوفج ويفضحنا
تكلم هشوم : يله قوم
هشام بخبث : زين تعالي ركبي
نور : لا انا وبشاير وفرح بنركب
هشام ينادي فرح وهو بباله فكرة : تعالي فروحه اركبج معاي
نور بعصبيه : هشوووم يالمليق كلنا بنركب
هشام بقلبه خلني اونس فروحه ماتستاهل اللي بسويه .. اما انتي يانور وبشور هيين دوامكم عندي : زين بركب فرح معاي شوي وعقب بخليكم
نور : زيين
راحت فرح مع هشام ولف فيها شوي عقب وصل
هشام وجنه بشاير مو موجوده : تعالي نور انتي ورفيجتج ركبوا
بشاير اللي مستغربه من الوضع وتكلم نور : ماشالله شنو هالادب اللي نازل على هشوم مو عوايده
نور : مو اقولج .. قالي قبل يومين مالي شغل فيها من اليوم ورايح
بشاير من داخلها كانت متاضيقه من الوضع .. صج اهي تتضايق من غشمرته .. بس تقريبا تعودت عليها معقوله هشام يكرهها .. تقول بقلبها
نور : بشووووور .. اكلم منو انا .. يله تعالي
بشاير بتردد : لا مابي
هشام وهو يكلم نور : هاج لبسي اللايف جاكيت .. وهذا حق رفيجتج
بشاير تمت تخز هشام وهي تحس بقهر .. ليش معتبرني مو موجوده .. الحمدلله والشكر .. صج مايستحي
بشاير : مابي لايف جكيت . ماراح اسوق
نور : بشوور يله عن الملاقه ..
بشاير : طيب .. قربت بشاير اللي تخاف تقريبا من الماي .. وشوي شوي ركبت ورى نور
ريم من بعيد : بنات .. روحو بالتوفيق لكم جميعا .. للاسف ماي هازبن مارضى أي معاكم
نور : ههههههههههههههههه .. محد قالج تزوجي
ريم : انا ادري .. قصوا علي ههههههه
نور تكلم هشام : زين انا الحين شلون اسوق
هشام وهو يعلمها : نور هالله هلله بالتكانه .. لاتدوسين وتموتون وبعدين ابتلش فيكم ..
بشاير كانت ميته من الخوف بس ماتحجت ..
هشام نطر خالد يي وعقب ركب الجت ماله عشان يلحقهم ..
خالد : زين خلني اركب معاك ؟
هشام :ليش ؟
خالد : يعني نور بروحها اخاف يصير شي ماتعرف تتصرف اهيا بنت
هشام : وانا موتارس عينك .. خلود لاتنسى ترى اهيا اختي .. بدينا من الحين
خالد : هههه زين ليش ماتخليني اروح معاك
هشام : اوو ..افهمني بيني وبين ناس ثار ابي ابرد جبدي وعقب بعطيك الجت بلييييز
خالد : منو رفيجتها ؟
هشام : اااه منها .. بتيينني .. بس وين بتروح مني .. تصدق تكلمني بنفس ولاتحط عينها بعيني
خالد : انتا لاتتهور هذيلي بنات
هشام : لاتخاف .. انا اعرف شنو بسوي
نور : هشااام يله
خالد وهو يطالع نور وطاحت عينها بعينه لكنها بسرعه شالت عيونها .. وتقول بقلبها : ليش انا ياخالد ليش ..!!

بشاير : نوروه والله خايفه خلص نزليني
نور : اوو سكتي ترى انااعرف اسوق ماعليج .. تطمني ..اصلا احنا رفيجات الطفوله لازم نموت يميع
بشاير : لاااااااااااا توني صغيرة موتي بروحج
نور :ههههههههههههههههههههه بل بل مو صديقه وفيه
بشاير : الا بالموت ههههههه اصير نذله
راح هشام يدامهم ووراه نور ...
نور : ياااااااااااي ونااسه .. هشوووم يدووس
بشاير : لاتدوسين شوي شوي اخاف يقلب فينا

من الجانب الثاني :
قرب هشام منهم بشكل خلا نورترتبك
نور : هشوووم وخر ترى اخاف
هشام وهو يرش عليهم ماي من الجت وفيه الضحكه لكن ماسك روحه : نور شوي شوي لاتدوسن
نور : زييين بس انتا وخر
هشام وهو ميت من الضحك على شكل بشاير شلون ماسكة نور بقوه وميته خوف

نور تكلم بشاير : يله دورج تعالي سوقي
بشاير : لامابي اخاف
نور : اوو يالخوافه جربي ماراح تموتين والله وناسه
بشاير : زين ..
ركبت بشار بالمقدمه وهي متيه خوف وتسوق شوي شوي .. وهشام من شافها من بعيد وقال لنور بصوت عالي .. لحقوني ..
بشاير كانت تحاول ماتدوس ونور مستانسه الجو كان حلو على البحر .. الين ماوداهم هشام مكان كله جتات
وهو كان يلحق جت فيه ثلاث بنات .. يبي يطفر بشاير ويحرها
بشاير : نوروه شوفي اخوج ؟
نور : وينه ؟
بشاير : كاهو .. لاحق جت فيه ثلاث بنات هناك
نور : امبيييي صج مايستحي يدامنا بعد ؟
بشاير : اشتغل حركاته .. انا ابي ارد
نور : وانتي شعليج منه .. خليه يولي ..
بشاير بقهر واضح : مايستحي .. عالاقل يحترمنا انا وياج
هشام قاعد يلحق البنات وعينه على بشور وده يشوف رده فعلها
بشاير بعصبيه : مابي انا برد الشاليه .. خل يولي انا ادل الطريج

ولفت بشاير تبي ترجع وهي دايسه .. ونور ميته من الضحك ..
نور : يالمينونه شوي شوي .. حسبي الله عليك ياهشوم جانك بتموتنا
بشاير : انا ادري اهوا يسوي جذي عشان يطفريني ولا ليش ودانا هناك هاا
نور : هدي هدي الله يخليج مابي امووت هونت
بشاير للحينها دايسه .. شوي ولاتشوف هشام يمها
هشام وهو يضحك : نوروه شفيه جيمس بوند معصب ودايس ؟
نور : اووف انتا صج ماتستحي .. شكو لاحق بنات وحنا وياك بعد
هشام : ههههههههههههه عشان جذي زعلانه
نور : هشومو يوووز
وبشاير ولاترد عليه ودايسه : نور قولي لاخوج يوخر ترى والله العظيم اسوي شي يندم عليه طول عمره
هشام : ههههههههههه الله يخليج شنو بتسوين ؟
بشاير لفت فجأة ورشت الماي بقوة من الجت على هشام اللي انصدم : والله خطيرة من وين متعلمه هالحركاات ..
نور : هيااااااا .. عاشت بشووور
بشاير : احسن يستاهل
نور : يستاهل ونص ههههههههه .. دوسي ترى لاحقنا
بشاير داست ويوم يت تلف قلب فيهم الجت ..
هشام اخترع لان نور كانت لاابسه لايف جكيت وتعرف تسبح بس بشاير مو لابسه ..
يه صوبهم .. نور كانت متمسكه بالجت وتصرخ ..
نور : هشااام بشاير ...!!!
هشام من غير لايرد على نور طب في الماي وشال بشاير اللي كانت شبهه واعيه لكن الماي كان يغطيها كل شوي وربكهم كلهم بالجت وردهم الشاليه

نزلوا ونور للحين تبجي
نور : بشاير فيج شي ؟
بشاير اللي كانت تبجي من الخوف وتمت ماسكه نور لانها ماكانت تعرف تسبح حست انها بتموت
هشام حس بالذنب .. اول مرة يحس بخطورة اللي سواه وحط على روحه سبب اللي صار
هشام يكلم بشايروشكله كان مخترع وخايف عليها : انا اسف .. بس انتي كنتي دايسه حييل
بشايرودموعها للحين تنزل من غير وعي قالته: كله منك .. انتا خليتني ادوس
هشام : انا ؟
بشاير : اييه . .انتا ماترتاح الا لمااموت انا .. هذا اللي بيريحك صح ؟
قالت هالكلمه بقهر .. وراحت الشاليه داخل
اما نورتمت مصدومه .. ولحقت بشاير
هشام وهو يطالع بشاير ويقول بقلبه : والله اسف يابشاير .. اموت ولا اشوف دموعج

في الشاليه
نور : بشوور ... بش بش
بشاير ماترد .. لانها فعلا كانت معصبه
نور : بشور .. حبيبتي . خلص ماعاد نطلع بره اوعدج
بشاير بصوت حزين : ابي ارد البيت .. وين امي ؟
نور : وييين تردين ؟ ليش ؟
بشاير : نور والله اسفه على اللي صار بس احس اني ملخبطه .. ابي ارد البيت
نور : بشور حبيبتي لاتخليني ازعل منج .. هشام اللحين اييبه يعتذر منج بعد شتبين
بشاير : لا يعتذر ولاشي .. مابي اشوفه ليش ماتحسين فيني اكرهه والله العظيم اكرهه
نور : زين لاتروحين خلص نتم قاعديين داخل حبيبتي انتي ..
بشاير اللي ماتقدر ترد نور .. وهي تدري انها مالها ذنب : طيب بس عطيني ملابس .. هدومي كلها ماي
نور : افااا عليج .. من عيوني

راحوا يغيرون ملابسهم نور وبشاير وعقب انزلوا تحت لوين ماالحريم قاعيدن وكملوا القعده

قريب الليل .. ردوا الريااييل من اليخت ..
عبدالله كان مشتاق لنور .. وكان ينطر يرد بس عشان يشوفها
دزلها مسج اول ماوصلوا الشاليه (( يابحر .. خذ اشواقي لحبيبي ..بلغه كيف انا مشتاق له واحتريه ))

قرت نور المسج ورد عليه (( وقالت يابعد حيي .. صدف بحري وبحاري .. حلات الموت بعيونك .. تكفني حواجبها))

عبدالله (( انزلي ابي اعطيج شي ))
نور (( في احد بره ؟ ))
عبدالله (( لا مافيه .. انزلي يلله ))

ونزلت نور .. وشافت عبدالله حطلها شي على الكرسي ومشى

يوم راحت نور لقت .. محارة كبيرة مكتوب داخلها (( احبك يانور القمر ))

نور فرحت وفرحتها ماتشيلها الارض .. تمت حاظنه المحارة بيدينها
شوي ولاتلفونها يرن .. بشاير
نور : هلا بشور .. تعالي بره انا قاعده على الشاطئ
بشاير : زين يله كاني يايه .. ريم وينها ؟
نور : ريم تتمشى مع مشعل الصوب الثاني
بشاير : يليه الحين اطلعلج

يات بشاير وقعدت يم نور ..
بشاير : اوو الاخت في عالم ثاني
نور : سمعي صوت الموج بشور .. جناان
بشايراللي تعرف نور شكثر تحب البحر : أي والله صاجه .. ..
وانتبهت ان نور حاظنه بيدها شي
بشاير : شعندج ؟
نور : هاا .. ايي هذي عبدالله توه عطاني ياها
خذتها بشاير وشافتها : ماشالله عليه .. نور.. تحبينه ؟
نور : واايد بشور .. اكثر مما تتصورين
بشاير : وشنو ناطرمو قال بيخطبج
نور اللي ذكرت مشكلتها : انا ماقلتلج عن الاخبار اليديده ؟
بشاير : لا قولي شنو
وقعدوا يسولفون وتشكيلها نور كل اللي بقلبها
بشاير حست ان نور شكثر متعلقه بعبدالله واهوا بعد . . وقلبها تقطع على نوروتقول بقلبها .. ياقلبي عليج يانور .. الله يعينج
بشاير : نور .. ان شالله الله يكتبلج اللي فيه الخير لج وله
نور : ان شالله
بشاير : والحين شنو بتسوين ؟
نور : انطر ابوي يقتنع اني مابي خالد .. عشان يقدر يخطبني عبدالله
بشاير : ان شالله بيقتنع لاتحاتين
نور تشوف تلفونها .. المتصل هشام
نور : هلا هشام ..
هاا .. أي زينه .. لحظة
تسأل بشاير : هشام يقولج مو مزكمه انتي ؟
بشاير ضحكت على السؤال من غير ماتحس : ههههههههههههههه لا
هشام اللي سمع ضحكة بشاير وذااب من الفرحه : نور واللي سلم عمرج ميخالف ايي اعتذر منها والله حاس بالذنب
نور من غير ماتسأل بشاير : لا هشام لا تيي ترى البنت مو طايقتك بالمرة . .ترى بالغصب خليتها تقعد تدري انها كانت بتروح
بشاير سمعت كلام نور وحست ان هشام حاس الذنب .. : خلص نور قوليلها مو زعلانه عادي
نور طلعت عيونها : توج معصبه وماتبين تشوفين ويهه ؟
هشام من الصوب الثاني سمع كلام بشاير وسكر من نور
نور : الو . الو ..

شوي ولا هشام عندهم ..
هشام : مسا الخير
نور وبشاير التفتوا .. بشاير ردت لقعدتها من غير أي تعابير
وهشام اقترب شوي .. : بشاير اسف .. لاتزعلين عاد
بشاير وعيونها بالارض : ولا يهمك ..
هشام : بس تبون الصج .. شكلكم كان نكته .. حسافه ماصورت
بشاير رفتع راسها وهي تشوف نور وتقول : اقولج ماكو فايده فيه
هشام : ههههههههههههههههههه .. شدعوه .. والله لو ماانتوا غالين مااعتذرت منكم
قال هالكلمه وراح .. وتمت الصدمه على ويوههم .
نور عقب فترة قعدت تضحك وتضحك .. بس بشاير للحينها مصدومه
نور وهي تقلد هشام : والله لو ماانتوا غاليين مااعتذرت منكم ههههههههههههه
بشاير : انا صحيح سامحته .. بس عشان افتك من شره
نور بخبث : علينا بشور ؟ ههههههههه
بشاير: شتبيييين ؟ هههه قومي عني بس
ودخلوا اثنينهم داخل الشاليه .. وعقبها دزت نور مسج لعبدالله .. تشكره على الهديه البحريه الحلوة

الساعه 11 ونص في الشاليه
وقت العشا .. تقريبا الديوانيه كانت مزدحمه رياييل وايد .. وفي هالوقت وصل بوراشد اللي سلم على الكل واعتذر عن التأخير وقعدوا يميع ..
عقبها كان بوخالد وبوراشد يسولفون عن موضوع خطبه نور.. ومتى يحددون الملجه
عبدالله عرف ان الموضوع عن خطبه نور .. ماتحمل يقعد خلصوا عشا وكلم علي عشان يردون
هشام : تو الناس عبدالله .. ليش ماتنامون اصلا احنا تامين الين باجر
عبدالله : لا وين من صجك .. كافي ثقلنا عليكم .. انتوا بعد ماقصرتوا وبيضتوا الويه
هشام : شدعوه واجب والله .. بس ماكو طلعه الحين خلونا نشرب الجاي ونقهويكم وعقب كيفكم
عبدالله استحى من اصرار هشام : خلص مثل ماتبي .. بس خلنا نطلع شوي من الديوانيه
هشام : على راحتك .. امش يله
طلعوا يفترون صوب الشاليهات اهوا وهشام

اما في الديوانيه
خالد والارض مو شايلته من الفرحه .. عمه خبره ان الملجه بتكون قريبه بس يسأل الاهل

في الشاليه الساعه 12 ونص بليل
تقريبا كل الريايل راحوا ..بس باقي بيت بوخالد وبيت بوراشد ..
نور وريم في المطبخ قاعدين يسوون لهم كوفي ويشوفون لهم شي ياكلونه
هشام وخالد قاعدين بره على الشاطئ
ومشعل رد البيت لان عنده دوام باجر

نور تكلم ريم : تعالي خلينا نصعد فوق انا مو لابسه حجابي .. اخاف اخوج يدش ولا احد من ريايل خواتج
ريم : زين بس خل تخلص الكوفي ونصعد فوق
نور وهي ترفع شعرها الاسود .. كانت لابسه بجامه ليمونيه حلوة .. : ريوم يله
ريم وحست ان الوقت مناسب تكلم نور : نور
نور : هلا
ريم : انتي موافقه على خالد ؟
نور ارتبكت وماعرفت شترد على ريم .. ماكان ودها تتكلم معاها بهالموضوع لان ماتبي تنحرج مع ريم او تخبرها انها ماتبي خالد .. الموضوع حساس بالنسبه لها
نور : تو الناس على هالموضوع
قومي خل نصعد فوق
ريم اللي سمعت تلفونها يرن على نغمه وائل كفوري بحبك انا كتير : نوروه شوفي الكوفي تلوفني يرن بالصاله
نور : زيين لاتتأخرين
راحت ريم تشوف تلفونها .. وتمت نور تشوف القهوة

في الجانب الثاني
كان هشام وخالد قاعدين ..
هشام : خلوود .. مو يوعان ؟
خالد : الا ميت .. قوم سولنا شي ؟
هشام : الحين محد قاعد بالشاليه .. اتوقع البنات اصعدوا .. قوم انتا
خالد : وليش انتا ماتقوم ؟
هشام : انا خلني .. اليوم الحبايب رضوا علي .. خلني اتونس بالبحر شوي
خالد : هههههههههههههههه احلف .. نفس الافلام المصريه يعني ؟
هشام : هههههههه وانت قلتها
خالد : طيب .. يله انا قايم

راح خالد للمطبخ الكبير .. واول مادخل شاف بنت لابسه بجامه ليمونيه قصيرة ورافعه شعرها فوق .. بس ماشاف ويهها .. وعباله انها ريم

خالد : ريووم يالدبه .. انا كل ماايي اشوفج ياتاكلين ياتطبخين
نور التفتت بسرعه على مصدر الصوت واركضت تبي تنخش
خالد تسمر في مكانه .. يبي يحرك ريوله وماقدر .. عقبها مشى وبقلبه وده لو يتم الليل كله بس يناظر ويهها
نور وهي متسنده على الباب : ياربي انا ليش يصير فيني جذي

خالد رجع لهشام وهو سرحان
هشام : لاتقول البنات استحوذوا على المؤونه ؟
خالد : هاا .. لأا اختك كانت داخل وماقدرت ادش
هشام : وييي . .اروح انا
خالد : لا انا بس مابي شي شبعت
هشام : ههههههههههههههههههه .. امش خلنا نروح الشاليه صوب جناحنا .. نقعد نشوف افلام احسن
خالد وهو سرحان : اوكي

اليوم الثاني في الشاليه
تريقو الجميع مع بعض وقررو يردون عقب الغدا ..
تغدا الرياييل والحريم بروحهم .. وعقب طلعت نور بره تحس انها تبي تستنشق هوا بعيد عن خالد وسالفه خالد
خذت تلفونها معاها ودقت على عبدالله
نور : الو
عبدالله : ياناسينا وش اللي ذكرك فينا ؟ .. هلا يالنور
نور : ههههه والله مانسيتك
عبدالله : نطرتج امس بلييل توقعتج بدقين
نور : ماقدرت كنت نايمه مع فرح بالغرفه
عبدالله : قوليلي كيفك ؟ عسى مااسمريتي من الشمس
نور : هههه تدري انا اكلمك وانا الحين طالعه بره حرر موت
عبدالله : يابعد قلبي اجي اغطيك .. من عيوني
نور : تسلم والله .. متى بتسافر ؟
عبدالله : ان شالله يوم الجمعه راح امشي
وقعدوا نور وعبدالله يسولفون شوي .. عقب ماسكرت نور ..

شافت خالد يااي صوبها من بعيد
نور قامت وقفت عشان تدخل داخل الشاليه
خالد : نور ..!!
نور : هلا خالد
خالد : ماادري .. يصير اسولف معاج شوي

خالد : ميخالف نقعد شوي طيب ؟
نور وبيدينها كانت ماسكه المحارة اللي عطاها لها عبدالله : ايه تفضل

قعدوا خالد ونور على الكراسي المقابلة للبحر وبينهم مسافة كرسيين .. خالد كان مرتبك شوي .. ونور كانت خايفة لان خالد اول مرة يكلمها بروحهم ومن غير اخوها او اخته ريم

خالد : استانستي بالشاليه ؟
نور وهي ماسكه المحارة بقوة : ايه استانسنا والله
خالد : والله مو عارف شلون ابدى .. ماادري اللي اسويه صح ولا لا .. بس مافيني صبر انطر ردج على موضوعنا .. وياليت تريحيني وتقوليلي رايج نور .. ترى انا من ييت الشاليه وانا مب عارف انام زين ..

قال هالكلام وهوعينه على نور يبي يشوف ردة فعلها .. لكن عيونها كانت تشوف المحارة اللي بيدينها وجنها تتمنى انها تجاوب عنها وتريحها من هالعذاب

نور تمت ساكته ..
خالد : انا ادري اني احرجتج ويمكن اربكتج .. بس والله مافيني صبر .. وريم اختي مابردت قلبي الصراحه
قال هالكلمة وهو يبتسم بهدوء ..

نور اللي انحرجت وماعرفت شتقول .. وهي تقول بقلبها ياليتني بس كنت اقدر اقولك اني ماابي غير واحد وواحد بس .. ياخالد لو قلبي بايدي يمكن انت اول واحد حبيته .. لكن وش اسوي بهالقلب اللي ماحب ولا بيحب غير عبدالله

نور : خالد .. انا للحين افكر
خالد : فكري على راحتج .. بس تأكدي اني ابيج يانور .. وان شالله اقدر اسعدج

قام خالد ودخل الشاليه وتمت نور وهي بحيرتها هذي .. مب عارفة شتسوي .. هي مابين نارين حبها لعبدالله .. وزواجها التقليدي من خالد اللي يمكن ينفرض عليها

وعلى صوت الموج .. احظنت المحارة بقوة وهي تقول بقلبها .. يارب تيسر الامور وتكتب اللي فيه الخير

يوم الجمعه
موعد سفر عبدالله للدمام .. وهو في الطيارة وقلبه عند نور .. وده لو يكون يمها بهالظروف ويقدر يسوي شي .. هو يدري ان نورتبيه لكن خالد ولدعمها ويمكن ابوها يغصبها عليه ..
هاليوم وهو في الطيارة كان حاس بالشتات والضياع .. وفكر بكلشي خسره بحياته
سند راسه على الكرسي .. وتذكر يوم وفاة امه اقرب الناس له .. شلون بلحظة تركته وراحت
تذكر يومها كان راجع من الدوام .. قرب وباس راسها
ام عبدالله : روح من جنبي لاتكلمني
عبدالله : الغاليه زعلانه علينا اليوم .. ليه ؟
ام عبدالله : قلتلك لاتكلمني
عبدالله وهو يغني : الله لايجيب الزعل بين غالي وغالي
ام عبدالله : كذا تفشلني مع الحرمة .. قلتلها نبي بنتك لولدي عبدالله .. وعقب تقولي مابي اتزوج
عبدالله : يووو يايمااا .. ردينا لنفس الموضوع
ام عبدالله بنظرة حزن : ابي اشوف عيالك قبل مااموت
عبدالله : اسم الله عليك من الموت .. جعل يومي قبل يومك يالغاليه .. بس بكير على هالموضوع
ام عبدالله : اجل روح ولاتكلمني
عبدالله وهو يضحك : ههههههههه خلص بروح

ونفس الليلة الساعه 12 الليل عبدالله كان بالاستراحه .. دقت عليه اخته سارة
عبدالله : الو هلا
سارة بصوت مبحوح من البجي وموطالع
عبدالله بخوف : سارة شفيك تصيحين ؟
سارة اللي خنقتها العبرة ومب قادره تتكلم : امي .. امي ياعبدالله
عبدالله فز من مكانه وهو يصارخ : شفيها امي تكلمني ؟
سارة : تعال المستشفى .. امي بالعنايه

ويومها عبدالله ساق السيارة بجنون والمستشفى كانت تبعد شوي عن الاستراحه نص ساعه .. والين ماوصل لقى سارة تبكي وفراس حاظن ابوه ..
عبدالله وكل مافيه يتنافض : وين امي ؟ قولولي وين امي
فراس : شوي شوي عبدالله مو كذا يااخوي ..
عبدالله وهو ماسك فراس من ملابسه : وين امي ؟
فراس اللي ماقدر يجاوبه بحرف .. والتفت للجهه الثانيه

عبدالله بمنظر يقطع القلب .. راح لابوه وركع عند رجله : حلفتك يايبا قولي الصدق .. شفيها امي ؟ وينها ؟ ليه تصيحون ؟ رجيتكم حد يقولي
بوعبدالله : امك عطتك عمرها .. ادعي لها ياعبدالله بالرحمه
عبدالله اللي انهار من البجي يومها .. وهو يصرخ : جيبولي امي .. هي قالت تبي تزوجني ..
قالت تبي تشوف عيالي قبل ماتموت ..
سارة وهي تحظن عبدالله وتصيح .. : امي كانت تنادي عليك عبدالله .. كانت تقول وين وليدي ..
عبدالله : امي ماتت وهي زعلانه علي ياسارة .. آآآه يايما وينك ..!!

تم شهور مايطلع ولا يكلم احد الين ماقدر شوي شوي يستوعب اللي صار

كل هالمواقف مرت جدام عينه وهو ساند راسه ..
حط يده في مخباه وطلع منها مسباح هدية امه له يوم تخرج من الثانوي وتم يطالعه ويتلاعب فيه وهو يتذكر يوم يحط راسه في حظنها وهي تتلاعب بشعره
عقب قال .. :
قالوا توفت وافقتها المنيه *** واصحى ترى اللي مات ماهو بعايد
الموت حق وخل نفسك قويه *** يامها بهالدنيا تشوف النكايد
قلت العنا شي مااقدر عليه *** والحزن عندي صار سلم وعوايد
ماتت وذكراها على البال حيه *** ودموع عيني لاطرتلي شدايد

وتنهد وهو يقول بقلبه .. آآآه يما .. ليه هالدنيا تعاندني ..ليه كل ماحاولت افتح لي باب الهنا والسعاده اوجعتني باقدارها
يما .. هالنور .. هي من احيت قلبي من بعد ماكان مييت هي اخر امل في حياتي .. مابي اخسرها واتم غارق باحزاني .. كافي اللي خسرته بحياتي ..
وهالوقت اعلن الكابتن وقت اذان العصر .. قام عبدالله ورفع ايده للسما وقال (( يارب تكتب الخير لي ولنور .. وتجعلها من نصيبي ))

الكويت
في بيت بوراشد

ابوراشد وعايشه قاعدين بالصاله يشربون جاي
بوراشد : عايشه وين البنات ؟
عايشه : نور بدارها وفرح رايحه النادي
ابوراشد : وهشام وينه ؟
عايشه : يقول عنده تدريب اليوم .. باجر عنده مباراة
اوبوراشد : زين عيل ناديلي نور عشان اكلمها . . بوخالد يبي الملجة قريبه هالشهر ويقول مانبي نطول بالموضوع
عايشه اللي تضايقت من الموضوع : يابوراشد البنت مو موافقه وانا سبق وقلتلك .. الزواج مايصير بالغصب
ابوراشد : مو على كيفها .. تبيني ارد اخوي ياعايشه .. وين بتلاقي احسن من خالد ماشالله . كل البنات يتمونه ..
عايشه : البنت تبي تكمل دراستها
ابوراشد : وليش انا قلتلها قعدي بالبيت ؟ .. اصلا هذا اول شرط اتفقنا عليها انا وبوخالد
عايشه : زين خل نصبر شوي .. خليها تفكر على راحتها
اوبوراشد : ومن متى احنا نمشي على راي عيالنا ..!! احنا اللي نسويه عشان مصلحتهم روحي ناديها وانا بكلمها
قامت عايشه وقلبها متقطع على بنتها .. ماتبي عيالها يكرهون ابوهم .. كافي راشد ابتعد عنهم ..

في غرفة نور
عايشه تطق الباب
عايشه : قاعده يما نور ؟
نور : أي قاعده تفضلي يما
دخلت عايشه وهي ماتدري شتقول لبنتها : نور . .ابوج يبيج تحت
نور بخوف : موضوع خالد صح ؟
عايشه بحزن : اييه .. انتي قوليله رايج وان شالله بيقتنع
نور ودمعتها على خدها : يما .. لاتخليني
عايشه حظنت بنتها وهي تقول : لاتخافين .. مراح يصير الا اللي تبينه

نزلت نور مع امها لابوها تحت

ابوراشد : تعالي نور ابي اكلمج
نور وهي تحاول تمسك دموعها وعشان تقدر تكلم ابوها
بوراشد : طبعا تدرين ان عمج خطبج لخالد ولده .. وانا قلتله انج مو افقه وانتي ماراح تلقين احسن من خالد يانور
انا مابيج تكسرين كلمتي عند عمج .. انا لوادري ان خالد مايناسبج ومو زين ماوافقت عليه

نور حست ان مصيرها تحدد خلص ومافي فايده من رفضها : يباا .. انا مابي اتزوج
ابوراشد : وشنو السبب ؟
نور : مابي خالد يبا مابيه ؟
ابوراشد : وشنو عيبه ممكن افهم ؟
نور : مابيه وبس
ابوراشد : شوفي انا حسبتج بنت عاقل وييت اخذ رايج . . بس انتي الظاهر مثلج مثل راشد اخوج ..
سمعيني الاسبوع الياي ملجتج على خالد ودلع البنات هذا خليه عنج
نور اللي انهارت من البجي : يبا حرام عليك
ابوراشد : هذا لاني اهتميت لرايج وييت اشاورج جذي تكسرين كلمتي .. هذا اخر دلعج لهم ياعايشه ولا واحد من عيالج يسمع كلامي
نور وهي تبجي : يبا مابي خالد مابيييه
ابوراشد : جب ولا كلمه صعدي غرفتج يلله مابي اشوف ويهج .. وحطي ببالج ملجتج على خالد الاسبوع الياي يانور
عايشه وهي تبجي : حرام عليك .. ليش تسوي في عيالك جذي ؟
ابوراشد : عيالج هذيل انا اللي بسنعلج ياهم واحد واحد ..

طلع بوراشد وهو معصب .. ونور طاحت على الارض وهي تبجي على حالها وعلى حبها اللي بيندفن بيد ابوها .. تبيجي على حظها وعلى اسم الابو اللي ماحست فيه بعمرها

بعد هاليوم .. نور حبست روحها بالغرفه لاتاكل ولاتطلع .. بس تبجي
بشاير حاولت كذا مرة انها تكلمها لكن نور كانت ماتبي تكلم احد .. حتى ريم كانت تقول لفرح تصرفها
ماكان لها نفس تتكلم او تاكل .. كانت صدمتها بابوها اكبر من صدمتها بزواجها القريب .. وكل اللي يصبرها اهوا وصول راشد اخوها بعد جم يوم من بريطانيا
وعلى هالامل الاخير كانت اهيا وعبدالله يصبرون

وبعد يومين
فرح تدق باب نور بقوة : نور ... راشد وصل نوروه
نور كانت نايمه : ها فرح شتقولين ؟
فرح : طيارته بتوصل بعد نص ساعه قومي هشوم بيودينا المطار مع امي
نور : حلفي ؟
فرح : والله
نور : يلله دقايق البس وانزل
فرح : بسرعه لاتتأخرين

راحت نور وفرح وام راشد وهشام المطار .. اما بيت بوخالد فراح خالد وبوخالد
بالمطار الكل كان ينتظر .. نور كانت عيونها على البوابه تنطر تشوف اخواها حبيب قلبها وترتمي بحظنه .. كانت فعلا محتاجه لراشد لانه اهوا الوحيد اللي يفهمها .. فرح صغيرة .. وهشام ياخذ الامور دايما على غشمرة وضحك ويوم عرف ان نور ماتبي خالد .. قال دلع بنات وماخذا الموضوع بالجديه زي مايسوي راشد
خالد طول الوقت عيونه على نور وهو يشوف لهفتها لاخوها ..

اول ماوصل راشد .. كان معاه عيسى وامه وشوق وبدر
راشد وهو يشوف هشام والابتسامه الجنان المرسومه على ويهه بالضبط زي ابتسامه نور : هشااااام

راح الجميع يسلم على راشد
ام راشد وهي تبجي : الحمدلله على سلامتك ياوليدي .. تو مانورت الكويت يالغالي
راشد اللي نسى روحه وهو بحضن امه : ياني ولهان عليج يايما .. خمس سنين تعذبت فيها من غيرج يالغاليه
قرب هشام من راشد : هلا بالدكتور راشد .. هلا وغلا ..
راشد وهي يضحك ويحظن اخوه : ههههه هلا فيك الغالي .. والله كبرت وصرت ريال هاا ..
هشام : والله اشتقنالك رشوود .. الكويت صج ماتسوى من غيرك
راشد : قول ماصدقت ارجع عشان اشيل عنك الحمل شوي .. كلشي على راسك ههههه
هشا: ماكو فايده دايما صايدني هههههههههههههه
فرح قربت من راشد وارتمت بحظنه بدلعها المعهود : وينك انتا .. جذي خمس سنين مانشوفك
راشد : هلا وغلا بالدلع كله .. ياويل قلبي فروحه الصغيرونه كبرت والله ماعرفتها
فرح : وحشتنييييييي ..
راشد : يابعد قلبي انتي حبيبة اخوج .. الا نور وينها ؟
نور كانت واقفه بعيد ودموعها ماليه عيونها : راشد
راشد قرب لنور .. اكثر وحده كان مشتاقلها اهيا نور .. : ماوحشتج ؟
نور ارتمت بحظن راشد وهي تبجي من غير شعور .. كانت حاظنته بقوه وجنها ماتبيه يروح عنها مرة ثانيه
راشد : نور لاتبجين حبيبتي ..
نور : راشد خلك هني لاتروح
راشد اللي حس انه نور فيها شي وهو يكلمها بشويش : شفيج نور صاير شي ؟
نور سكتت وابتعدت لما شافت عمها وخالد مقربين صوب راشد يسلمون عليه

ابوخالد : هلا والله بالدكتور .. الحمدلله على سلامتك ياوليدي
راشد وهو يبوس راس عمه : الله يسلمك يالغالي .. ليش تعنيت وييت ياعمي ..
بوخالد: ولدنا وصار دكتور ماتبينا نفرح بعد هههه
راشد : الله يخليك يارب ..
وسلم على خالد اللي ماعرفه : شنو هذا غبت عنكم خمس سنين كبرتوا ماشالله
خالد : انتا الله يهداك لاتيي لا بالعطل ولا بالاعياد مانشوفك كلش
راشد ماكان يبي يي الكويت بالعطل عشان مايحتك بابوه وايد .. وكان يتحجج باي عذر
راشد : شنسوي والله .. طلعولنا قرون من هالمواد .. الحمدلله بس خلصنا
خالد : أي والله صدقت ..
راشد بحزن : ابوي وينه ؟
هشام : ابوي مشغول اليوم .. بس قال بيطلع من الاجتماع وبيمر البيت مبجر
راشد اللي عرف انه ماراح يشوف ابوه وبصوت واطي يكلم هشام : كنت حاس .. الله يسامحه بس

سلم راشد على عيسى .. ورد مع اهله البيت اللي فرحتهم فيه ماكانت شايلتها الارض

في الدمام
ابوعبدالله يكلم فراس : عبدالله اخوك وينه ؟ من جا من الكويت وانا ماشفته الا مرتين
فراس : مدري والله يبا .. تلقاه بغرفته يمكن
بوعبدالله : زين شوفه وينه ابي بموضوع ؟
فراس : موضوع ايش ؟
ابوعبدالله : ناده لي وعقب بتعرف
فراس : طيب يبا

راح فراس ينادي عبدالله اللي فعلا كان بغرفته يكلم نور ..

نور : عبدالله ابي اسمعك شي ..
وحطتله اغنيه الاماكن لمحمد عبدو اللي يموت عليها عبدالله ..
عبدالله : ياويل قلبي يانور ..
نور وهي تغني مع الاغنيه : الاماكن كلها مشتاقه لك .. والعيون اللي انرسم فيها خيالك .. والحنين اللي رسى بروحي وجالك .. ماهو بس انا حبيبي .. الاماكن كلها مشتاقه لك ..
عبدالله وهو يرد عليها : كلشي حولي .. يذكرني بشي .. حتى صوتي وضحكتي لك فيها شي .. لو تغيب الدنيا عمرك ماتغيب .. شفت حالي آآآآه من تطري علي
نور وهي تضحك : والله صوتك احلى من صوتي
عبدالله : ههههههههه اييه قصي علي
نور : لا والله جد اتحجى

شوي ولا فراس يطق الباب
فراس : عبدالله ؟
عبدالله وهو يكلم نور .. : لحظة شوي اشوف مين على الباب واكلمج طيب حبيبتي ؟
نور : طيب .. بيباي
عبدالله : بيباي حبي

راح وفتح الباب ..
عبدالله : هلا فراس بغيت شي ؟
فراس : ايه ابوي يبيك تحت
عبدالله : هالحين ؟ .. ليه هو مونايم ؟
فراس : لا والله قالي نادلي عبدالله ابيه بموضوع
عبدالله : طيب كاني جاي .. روح وانا الحقك
فراس : اوكيه

في المجلس في بيت بوعبدالله

عبدالله وهو معصب ووقف على طوله : أيش ..!!!!
فراس : شفيك انت .. ليه معصب ؟ وش قال ابوك غلط ؟
بوعبدالله : انت رضيت انك تتزوج .. وانا لقيتها فرصه وخطبتلك بنت بوضاحي صاحبي ..ٌ قبل لاتهون عن الزواج
عبدالله اللي حس بالقهر : يباا .. انا ماقلتلك اني ابي بنت بوضاحي .. اسألني بالاول عشان اقولك ابغي مين ؟
بوعبدالله : وحنا من متى نقول نبي هالبنت ولاذيك .. حنا نشوف الاهل وانا ابوك ..
عبدالله : مايهمني شي انا .. انسى موضوع بوضاحي وبنته ..
بوعبدالله : تعصي ابوك ياعبدالله .. هذي اخر تربيتي لك ..!!
عبدالله : محشوم يايبا .. بس انا مستحيل اخذ بنت بوضاحي مستحيل
بوعبدالله اللي طفر من ولده وعصب : اسمع عاد انا كلمت الرجال وعطيته كلمه وهرج الجهال هذا اتركه عنك منت صغير عشان اغصبك او امنعك ..
عبدالله بصوت مكسور وتعبان : ليه سويت كذا يبا ليه ؟ انا كنت مكلم سارة وهي شافتلي بنت بوراشد من الكويت
بوعبدالله : وليه ماقلتلي ؟
عبدالله اللي حس الدنيا ضاقت عليه : انتا ماعطيتني فرصه .. ليه يايبا كافي اللي فيني
بوعبدالله : والله لو كنت ادري انك تبي بنت بوراشد جان خطبتها لك .. بس هالحين انا كلمت الرجال ومقدر اقوله مانبي بنتكم هونت
عبدالله : حرام اللي تسويه فيني والله حرام
بوعبدالله : الله يهيدك بس .. ماصار شي وبنت بوضاحي ماتنعاب .. بنت اهل وناس
عبدالله ماتحمل يقعد اكثر حس بالصداع بيذبحه خذا مفتاح سيارته وطلع بره البيت
وهو بالسيارة دق على تركي
تركي : هلا وغلا باللي مطيحين بالكويت طول الوقت
عبدالله بصوت مليان حزن : تركي انتا وينك ؟ تقدر تجيني الحين ؟
تركي : وشفيك عبدالله . وش صاير ؟ صوتك ماهوب طبيعي ؟
عبدالله : تعال وانا افهمك وش فيني .. انطرك
تركي : طيب مسافه الطريج واجيك .. وينك انت ؟
عبدالله : تعال صوب الكورنيش بتلقاني قاعد داخل السيارة
تركي : شكله الموضوع خطير واجد .. طيب شوي واجيك
عبدالله : اوكي .. باي
تركي : باي

في بيت بوراشد
الكل متجمع حوالين راشد .. وامه كل شوي تييبله شي ياكله .. ماكانت مصدقه انها تشوفه بعد غيبه طالت سنين ..
هشام كان متونس على سوالف راشد
هشام : والله يعافيك رشود .. البنات اهم شي البنات هناك شلون ؟
راشد بضحك يحط ايده على قلبه : آآآخ على الشقر .. بس بس .. لاتعور قلبي ماادري شلون فارقتهم
هشام وهو واقف ويطق ريوله بالارض : مابي مابي .. انا بروح ادرس ببريطانيا يما .. ابي اشوف بياض وشقار مليت من السمر.. شمعنه رشود يشوف
ام راشد : هشوووووم .. وويعه .. لا انا قايله هالريال مايعقله غير الزواج
هشام : الزواج .. اااه . لاتيبين هالطاري اذكر حبيب القلب ذبحني بالتغلي .. وهو يقصد بشور
راشد بفضول : اووو حبيب القلب .. صار عندنا حبايب هاا ؟
هشام : اسكت هذي بروحها سالفه نكته .. يبلها يوم بس اسولفلك عنها
راشد : انتا حتى بالحب مو مثل العالم .. هههههه
هشام : والله لو اقولك بتموت من الضحك
ام راشد : شنو بتقوله ؟ واي حب .. انتوا شتخربطون ؟
هشام وراشد : ههههههههههههههههههههههههههه
فرح : قول قول هشوم يله نسمعك
هشام : الله يسلمكم هذي في وحده هبلت فيها .. وهي يننتني .. اممم تعرفها نور
هشام وهو يكلم نور السرحانه : نور ... نور ..!! وين رحتي ؟
نور : هاا . كاني معاكم
راشد كان حاس انه نور فيها شي لكنه فضل انه يحاجيها بروحهم
هشام : اقولهم منو المغروره اللي هبلت فيها ؟
نور وهي فعلا ماكانت معاهم : منو ؟ مافهمت
هشام : لااا انتي بعالم ثاني .. اكيد تفكرين بحبيب القلب
راشد بفضول : انتا هيي استح على ويهك حد يحاجي اخته جذي ؟؟
هشام : يماا كليتني .. اقصد خالد خطبها وبيملجون قريب
راشد بصدمه : صج ؟ محد قالي ؟
هشام : ليش احنا نشوفك ولانسمع صوتك عشان انقولك وبعدين ماصار شي للحين
نور للحينها ساكته وتطالع الفراغ .. تحس انها مثل اللعبه اللي قاموا يلعبون فيها مثل مايبون .. حست انماعاد فيها أي قوة للرفض ..
راشد : صج نور ؟
ام راشد وهي تطالع نور : خلونا من هالسالفه هذي يبيلها قعده طويله
ورد الكل يسولف ويضحك الا راشد .. كانت نور عنده غير .. وموقادر يشوفها بهالحاله اللي تقطع القلب .. وين نور اللي ماليه البيت ضحك ووناسه .. وين نور اللي حسها وضحكتها نسمعها اول ماندش البيت .. وين نور المتفائله
وقرر راشد انه يكلمها على انفراد اليوم ويفهم منها السالفه
في الدمام
سيارة عبدالله .. كان قاعد بالسيارة وحاط اغنيه امنتك الله ياحبيبي ابرحل ل عباس ابراهيم .. وهو كان شبهه محطم وتعبان ..
عبدالله كان يدخن .. لكن قطع التدخين من بعد ماماتت امه لانها ماكانت تحب تشوفه يدخن .. لكن حس الحين انه بحاجه لان يفرغ غضبه وضيقه باي شي .. ولجأ للتدخين

دق تركي على عبدالله
تركي : انا عند الكورنيش .. ماتبي تنزل ؟
عبدالله : لا تعال اركب سيارتي انا قاعد داخل
تركي : طيب جايك

دخل تركي .. واستغرب رجعه عبدالله للتدخين مع انه قطعه مده طويله
تركي : ليش قاعد تدخن ؟
عبدالله : تعبان ياتركي تعبان
تركي : من ايش خوفتني عبدالله ؟ وش صاير ؟
عبدالله : ابوي ياتركي ابوي ..
تركي : وش فيه ؟
عبدالله : خطبلي بنت بوضاحي صاحبه
تركي بصدمه : أيش ؟ ليه هو مارضى على بنت بوراشد ؟
عبدالله : انا قلتله اني ابي اتزوج لكن ماقلتله مين .. وهو فكر من كيفه وخطبلي بنت صاحبه .. قولي شسوي
تركي حس انه عبدالله شبهه محطم .. كان شكله يعور القلب .. وهو يدخن ويطق على الدخان بقوة
تركي : والله ماادري شقولك عبدالله . . صدمتني بالخبر
عبدالله وهو مسند راسه على السكان : تركي .. انا ابي نور .. ومقدر اخذلها
تركي : زين شوي شوي على روحك عبدالله مو جذي .. كلم ابوك مرة ثانيه وان شالله بيرضى
عبدالله وهو يناظر تركي بنظرة مليانه الم : انا ليه حظي بالدنيا جذي ؟ ليه مو مسموح لي افرح زي العالم والناس .. !!
تركي : لا تقول جذي عبدالله .. ان شالله مايصير الا كل خير انتا بس رد البيت الحين .. وارتاح شوي .. واترك هالتدخين مب زين عشان صحتك

حاول تركي يهديه ويخفف عليه .. وعقب رد عبدالله البيت .. واول شي فكر فيه انه ينام عشان ينسى كل شي لكن نور لايمكن تنساه .. رن تلفون عبدالله
المتصل .. نور
عبدالله بقلبه وهو يشوف الرقم .. سامحيني يانور .. ماعندي كلام اقوله لج الحين .. وين اخبي وجهي منك ..
حط تلفونه سايلنت .. وحاول ينام . لكن وين بيجيله نوم وهو بهالحاله .. وتم يتقلب الين ماشرقت الشمس
قام يبي يروح الدوام ولا يشوف 10 مس كولات من نور وثلاث مسجات
فتح المسج الاول (( عبدالله وينك مشغول ..!! ))
المسج الثاني (( عبدالله انتا بخير طمني لاتخليني احاتيك ))
المسج الثالث (( رد علي .. ابي اطمن عليك تراني خايفة ))

عبدالله ماطاوعه قلبه يخلي نور قلبه ودنياه بهالحاله
قم وارسلها مسج (( انا بخير نور لاتحاتين بس كنت تعبان ونمت ))
وتوقع انها تكون نايمه .. لكنها دقت عليه
نور : عبدالله وش فيك تعبان من ايش ؟
عبدالله اللي قام يكح من التدخين اللي مافارقه طول الليل : مافيني شي ياقلبي لاتحاتين
نور بصوت قريب للبجي : ليش تكح ؟ ماخذ برد ؟ وش فيك
عبدالله قلبه قام يعوره على نور : ياليت اقدر اقولك وش فيني يانور؟
نور بخوف : لاتقول جذي .. شفيك خوفتني ؟
عبدالله : مشتاقلج بس .. واحبج هذا كل اللي اقدر اقوله
نور قامت تبجي : عبدالله .. ليش تكح جذي ؟
عبدالله : مافيه شي حبيبتي لاتخافين .. اسمحيلي اسكر منك الحين

سكر عبدالله من نور وهو يحس بالصداع والتعب .. ويقول بقلبه مابي اخذلج يانور .. مابي

خالد : ميخالف نقعد شوي طيب ؟
نور وبيدينها كانت ماسكه المحارة اللي عطاها لها عبدالله : ايه تفضل

قعدوا خالد ونور على الكراسي المقابلة للبحر وبينهم مسافة كرسيين .. خالد كان مرتبك شوي .. ونور كانت خايفة لان خالد اول مرة يكلمها بروحهم ومن غير اخوها او اخته ريم

خالد : استانستي بالشاليه ؟
نور وهي ماسكه المحارة بقوة : ايه استانسنا والله
خالد : والله مو عارف شلون ابدى .. ماادري اللي اسويه صح ولا لا .. بس مافيني صبر انطر ردج على موضوعنا .. وياليت تريحيني وتقوليلي رايج نور .. ترى انا من ييت الشاليه وانا مب عارف انام زين ..

قال هالكلام وهوعينه على نور يبي يشوف ردة فعلها .. لكن عيونها كانت تشوف المحارة اللي بيدينها وجنها تتمنى انها تجاوب عنها وتريحها من هالعذاب

نور تمت ساكته ..
خالد : انا ادري اني احرجتج ويمكن اربكتج .. بس والله مافيني صبر .. وريم اختي مابردت قلبي الصراحه
قال هالكلمة وهو يبتسم بهدوء ..

نور اللي انحرجت وماعرفت شتقول .. وهي تقول بقلبها ياليتني بس كنت اقدر اقولك اني ماابي غير واحد وواحد بس .. ياخالد لو قلبي بايدي يمكن انت اول واحد حبيته .. لكن وش اسوي بهالقلب اللي ماحب ولا بيحب غير عبدالله

نور : خالد .. انا للحين افكر
خالد : فكري على راحتج .. بس تأكدي اني ابيج يانور .. وان شالله اقدر اسعدج

قام خالد ودخل الشاليه وتمت نور وهي بحيرتها هذي .. مب عارفة شتسوي .. هي مابين نارين حبها لعبدالله .. وزواجها التقليدي من خالد اللي يمكن ينفرض عليها

وعلى صوت الموج .. احظنت المحارة بقوة وهي تقول بقلبها .. يارب تيسر الامور وتكتب اللي فيه الخير

يوم الجمعه
موعد سفر عبدالله للدمام .. وهو في الطيارة وقلبه عند نور .. وده لو يكون يمها بهالظروف ويقدر يسوي شي .. هو يدري ان نورتبيه لكن خالد ولدعمها ويمكن ابوها يغصبها عليه ..
هاليوم وهو في الطيارة كان حاس بالشتات والضياع .. وفكر بكلشي خسره بحياته
سند راسه على الكرسي .. وتذكر يوم وفاة امه اقرب الناس له .. شلون بلحظة تركته وراحت
تذكر يومها كان راجع من الدوام .. قرب وباس راسها
ام عبدالله : روح من جنبي لاتكلمني
عبدالله : الغاليه زعلانه علينا اليوم .. ليه ؟
ام عبدالله : قلتلك لاتكلمني
عبدالله وهو يغني : الله لايجيب الزعل بين غالي وغالي
ام عبدالله : كذا تفشلني مع الحرمة .. قلتلها نبي بنتك لولدي عبدالله .. وعقب تقولي مابي اتزوج
عبدالله : يووو يايمااا .. ردينا لنفس الموضوع
ام عبدالله بنظرة حزن : ابي اشوف عيالك قبل مااموت
عبدالله : اسم الله عليك من الموت .. جعل يومي قبل يومك يالغاليه .. بس بكير على هالموضوع
ام عبدالله : اجل روح ولاتكلمني
عبدالله وهو يضحك : ههههههههه خلص بروح

ونفس الليلة الساعه 12 الليل عبدالله كان بالاستراحه .. دقت عليه اخته سارة
عبدالله : الو هلا
سارة بصوت مبحوح من البجي وموطالع
عبدالله بخوف : سارة شفيك تصيحين ؟
سارة اللي خنقتها العبرة ومب قادره تتكلم : امي .. امي ياعبدالله
عبدالله فز من مكانه وهو يصارخ : شفيها امي تكلمني ؟
سارة : تعال المستشفى .. امي بالعنايه

ويومها عبدالله ساق السيارة بجنون والمستشفى كانت تبعد شوي عن الاستراحه نص ساعه .. والين ماوصل لقى سارة تبكي وفراس حاظن ابوه ..
عبدالله وكل مافيه يتنافض : وين امي ؟ قولولي وين امي
فراس : شوي شوي عبدالله مو كذا يااخوي ..
عبدالله وهو ماسك فراس من ملابسه : وين امي ؟
فراس اللي ماقدر يجاوبه بحرف .. والتفت للجهه الثانيه

عبدالله بمنظر يقطع القلب .. راح لابوه وركع عند رجله : حلفتك يايبا قولي الصدق .. شفيها امي ؟ وينها ؟ ليه تصيحون ؟ رجيتكم حد يقولي
بوعبدالله : امك عطتك عمرها .. ادعي لها ياعبدالله بالرحمه
عبدالله اللي انهار من البجي يومها .. وهو يصرخ : جيبولي امي .. هي قالت تبي تزوجني ..
قالت تبي تشوف عيالي قبل ماتموت ..
سارة وهي تحظن عبدالله وتصيح .. : امي كانت تنادي عليك عبدالله .. كانت تقول وين وليدي ..
عبدالله : امي ماتت وهي زعلانه علي ياسارة .. آآآه يايما وينك ..!!

تم شهور مايطلع ولا يكلم احد الين ماقدر شوي شوي يستوعب اللي صار

كل هالمواقف مرت جدام عينه وهو ساند راسه ..
حط يده في مخباه وطلع منها مسباح هدية امه له يوم تخرج من الثانوي وتم يطالعه ويتلاعب فيه وهو يتذكر يوم يحط راسه في حظنها وهي تتلاعب بشعره
عقب قال .. :
قالوا توفت وافقتها المنيه *** واصحى ترى اللي مات ماهو بعايد
الموت حق وخل نفسك قويه *** يامها بهالدنيا تشوف النكايد
قلت العنا شي مااقدر عليه *** والحزن عندي صار سلم وعوايد
ماتت وذكراها على البال حيه *** ودموع عيني لاطرتلي شدايد

وتنهد وهو يقول بقلبه .. آآآه يما .. ليه هالدنيا تعاندني ..ليه كل ماحاولت افتح لي باب الهنا والسعاده اوجعتني باقدارها
يما .. هالنور .. هي من احيت قلبي من بعد ماكان مييت هي اخر امل في حياتي .. مابي اخسرها واتم غارق باحزاني .. كافي اللي خسرته بحياتي ..
وهالوقت اعلن الكابتن وقت اذان العصر .. قام عبدالله ورفع ايده للسما وقال (( يارب تكتب الخير لي ولنور .. وتجعلها من نصيبي ))

الكويت
في بيت بوراشد

ابوراشد وعايشه قاعدين بالصاله يشربون جاي
بوراشد : عايشه وين البنات ؟
عايشه : نور بدارها وفرح رايحه النادي
ابوراشد : وهشام وينه ؟
عايشه : يقول عنده تدريب اليوم .. باجر عنده مباراة
اوبوراشد : زين عيل ناديلي نور عشان اكلمها . . بوخالد يبي الملجة قريبه هالشهر ويقول مانبي نطول بالموضوع
عايشه اللي تضايقت من الموضوع : يابوراشد البنت مو موافقه وانا سبق وقلتلك .. الزواج مايصير بالغصب
ابوراشد : مو على كيفها .. تبيني ارد اخوي ياعايشه .. وين بتلاقي احسن من خالد ماشالله . كل البنات يتمونه ..
عايشه : البنت تبي تكمل دراستها
ابوراشد : وليش انا قلتلها قعدي بالبيت ؟ .. اصلا هذا اول شرط اتفقنا عليها انا وبوخالد
عايشه : زين خل نصبر شوي .. خليها تفكر على راحتها
اوبوراشد : ومن متى احنا نمشي على راي عيالنا ..!! احنا اللي نسويه عشان مصلحتهم روحي ناديها وانا بكلمها
قامت عايشه وقلبها متقطع على بنتها .. ماتبي عيالها يكرهون ابوهم .. كافي راشد ابتعد عنهم ..

في غرفة نور
عايشه تطق الباب
عايشه : قاعده يما نور ؟
نور : أي قاعده تفضلي يما
دخلت عايشه وهي ماتدري شتقول لبنتها : نور . .ابوج يبيج تحت
نور بخوف : موضوع خالد صح ؟
عايشه بحزن : اييه .. انتي قوليله رايج وان شالله بيقتنع
نور ودمعتها على خدها : يما .. لاتخليني
عايشه حظنت بنتها وهي تقول : لاتخافين .. مراح يصير الا اللي تبينه

نزلت نور مع امها لابوها تحت

ابوراشد : تعالي نور ابي اكلمج
نور وهي تحاول تمسك دموعها وعشان تقدر تكلم ابوها
بوراشد : طبعا تدرين ان عمج خطبج لخالد ولده .. وانا قلتله انج مو افقه وانتي ماراح تلقين احسن من خالد يانور
انا مابيج تكسرين كلمتي عند عمج .. انا لوادري ان خالد مايناسبج ومو زين ماوافقت عليه

نور حست ان مصيرها تحدد خلص ومافي فايده من رفضها : يباا .. انا مابي اتزوج
ابوراشد : وشنو السبب ؟
نور : مابي خالد يبا مابيه ؟
ابوراشد : وشنو عيبه ممكن افهم ؟
نور : مابيه وبس
ابوراشد : شوفي انا حسبتج بنت عاقل وييت اخذ رايج . . بس انتي الظاهر مثلج مثل راشد اخوج ..
سمعيني الاسبوع الياي ملجتج على خالد ودلع البنات هذا خليه عنج
نور اللي انهارت من البجي : يبا حرام عليك
ابوراشد : هذا لاني اهتميت لرايج وييت اشاورج جذي تكسرين كلمتي .. هذا اخر دلعج لهم ياعايشه ولا واحد من عيالج يسمع كلامي
نور وهي تبجي : يبا مابي خالد مابيييه
ابوراشد : جب ولا كلمه صعدي غرفتج يلله مابي اشوف ويهج .. وحطي ببالج ملجتج على خالد الاسبوع الياي يانور
عايشه وهي تبجي : حرام عليك .. ليش تسوي في عيالك جذي ؟
ابوراشد : عيالج هذيل انا اللي بسنعلج ياهم واحد واحد ..

طلع بوراشد وهو معصب .. ونور طاحت على الارض وهي تبجي على حالها وعلى حبها اللي بيندفن بيد ابوها .. تبيجي على حظها وعلى اسم الابو اللي ماحست فيه بعمرها

بعد هاليوم .. نور حبست روحها بالغرفه لاتاكل ولاتطلع .. بس تبجي
بشاير حاولت كذا مرة انها تكلمها لكن نور كانت ماتبي تكلم احد .. حتى ريم كانت تقول لفرح تصرفها
ماكان لها نفس تتكلم او تاكل .. كانت صدمتها بابوها اكبر من صدمتها بزواجها القريب .. وكل اللي يصبرها اهوا وصول راشد اخوها بعد جم يوم من بريطانيا
وعلى هالامل الاخير كانت اهيا وعبدالله يصبرون

وبعد يومين
فرح تدق باب نور بقوة : نور ... راشد وصل نوروه
نور كانت نايمه : ها فرح شتقولين ؟
فرح : طيارته بتوصل بعد نص ساعه قومي هشوم بيودينا المطار مع امي
نور : حلفي ؟
فرح : والله
نور : يلله دقايق البس وانزل
فرح : بسرعه لاتتأخرين

راحت نور وفرح وام راشد وهشام المطار .. اما بيت بوخالد فراح خالد وبوخالد
بالمطار الكل كان ينتظر .. نور كانت عيونها على البوابه تنطر تشوف اخواها حبيب قلبها وترتمي بحظنه .. كانت فعلا محتاجه لراشد لانه اهوا الوحيد اللي يفهمها .. فرح صغيرة .. وهشام ياخذ الامور دايما على غشمرة وضحك ويوم عرف ان نور ماتبي خالد .. قال دلع بنات وماخذا الموضوع بالجديه زي مايسوي راشد
خالد طول الوقت عيونه على نور وهو يشوف لهفتها لاخوها ..

اول ماوصل راشد .. كان معاه عيسى وامه وشوق وبدر
راشد وهو يشوف هشام والابتسامه الجنان المرسومه على ويهه بالضبط زي ابتسامه نور : هشااااام

راح الجميع يسلم على راشد
ام راشد وهي تبجي : الحمدلله على سلامتك ياوليدي .. تو مانورت الكويت يالغالي
راشد اللي نسى روحه وهو بحضن امه : ياني ولهان عليج يايما .. خمس سنين تعذبت فيها من غيرج يالغاليه
قرب هشام من راشد : هلا بالدكتور راشد .. هلا وغلا ..
راشد وهي يضحك ويحظن اخوه : ههههه هلا فيك الغالي .. والله كبرت وصرت ريال هاا ..
هشام : والله اشتقنالك رشوود .. الكويت صج ماتسوى من غيرك
راشد : قول ماصدقت ارجع عشان اشيل عنك الحمل شوي .. كلشي على راسك ههههه
هشا: ماكو فايده دايما صايدني هههههههههههههه
فرح قربت من راشد وارتمت بحظنه بدلعها المعهود : وينك انتا .. جذي خمس سنين مانشوفك
راشد : هلا وغلا بالدلع كله .. ياويل قلبي فروحه الصغيرونه كبرت والله ماعرفتها
فرح : وحشتنييييييي ..
راشد : يابعد قلبي انتي حبيبة اخوج .. الا نور وينها ؟
نور كانت واقفه بعيد ودموعها ماليه عيونها : راشد
راشد قرب لنور .. اكثر وحده كان مشتاقلها اهيا نور .. : ماوحشتج ؟
نور ارتمت بحظن راشد وهي تبجي من غير شعور .. كانت حاظنته بقوه وجنها ماتبيه يروح عنها مرة ثانيه
راشد : نور لاتبجين حبيبتي ..
نور : راشد خلك هني لاتروح
راشد اللي حس انه نور فيها شي وهو يكلمها بشويش : شفيج نور صاير شي ؟
نور سكتت وابتعدت لما شافت عمها وخالد مقربين صوب راشد يسلمون عليه

ابوخالد : هلا والله بالدكتور .. الحمدلله على سلامتك ياوليدي
راشد وهو يبوس راس عمه : الله يسلمك يالغالي .. ليش تعنيت وييت ياعمي ..
بوخالد: ولدنا وصار دكتور ماتبينا نفرح بعد هههه
راشد : الله يخليك يارب ..
وسلم على خالد اللي ماعرفه : شنو هذا غبت عنكم خمس سنين كبرتوا ماشالله
خالد : انتا الله يهداك لاتيي لا بالعطل ولا بالاعياد مانشوفك كلش
راشد ماكان يبي يي الكويت بالعطل عشان مايحتك بابوه وايد .. وكان يتحجج باي عذر
راشد : شنسوي والله .. طلعولنا قرون من هالمواد .. الحمدلله بس خلصنا
خالد : أي والله صدقت ..
راشد بحزن : ابوي وينه ؟
هشام : ابوي مشغول اليوم .. بس قال بيطلع من الاجتماع وبيمر البيت مبجر
راشد اللي عرف انه ماراح يشوف ابوه وبصوت واطي يكلم هشام : كنت حاس .. الله يسامحه بس

سلم راشد على عيسى .. ورد مع اهله البيت اللي فرحتهم فيه ماكانت شايلتها الارض

في الدمام
ابوعبدالله يكلم فراس : عبدالله اخوك وينه ؟ من جا من الكويت وانا ماشفته الا مرتين
فراس : مدري والله يبا .. تلقاه بغرفته يمكن
بوعبدالله : زين شوفه وينه ابي بموضوع ؟
فراس : موضوع ايش ؟
ابوعبدالله : ناده لي وعقب بتعرف
فراس : طيب يبا

راح فراس ينادي عبدالله اللي فعلا كان بغرفته يكلم نور ..

نور : عبدالله ابي اسمعك شي ..
وحطتله اغنيه الاماكن لمحمد عبدو اللي يموت عليها عبدالله ..
عبدالله : ياويل قلبي يانور ..
نور وهي تغني مع الاغنيه : الاماكن كلها مشتاقه لك .. والعيون اللي انرسم فيها خيالك .. والحنين اللي رسى بروحي وجالك .. ماهو بس انا حبيبي .. الاماكن كلها مشتاقه لك ..
عبدالله وهو يرد عليها : كلشي حولي .. يذكرني بشي .. حتى صوتي وضحكتي لك فيها شي .. لو تغيب الدنيا عمرك ماتغيب .. شفت حالي آآآآه من تطري علي
نور وهي تضحك : والله صوتك احلى من صوتي
عبدالله : ههههههههه اييه قصي علي
نور : لا والله جد اتحجى

شوي ولا فراس يطق الباب
فراس : عبدالله ؟
عبدالله وهو يكلم نور .. : لحظة شوي اشوف مين على الباب واكلمج طيب حبيبتي ؟
نور : طيب .. بيباي
عبدالله : بيباي حبي

راح وفتح الباب ..
عبدالله : هلا فراس بغيت شي ؟
فراس : ايه ابوي يبيك تحت
عبدالله : هالحين ؟ .. ليه هو مونايم ؟
فراس : لا والله قالي نادلي عبدالله ابيه بموضوع
عبدالله : طيب كاني جاي .. روح وانا الحقك
فراس : اوكيه

في المجلس في بيت بوعبدالله

عبدالله وهو معصب ووقف على طوله : أيش ..!!!!
فراس : شفيك انت .. ليه معصب ؟ وش قال ابوك غلط ؟
بوعبدالله : انت رضيت انك تتزوج .. وانا لقيتها فرصه وخطبتلك بنت بوضاحي صاحبي ..ٌ قبل لاتهون عن الزواج
عبدالله اللي حس بالقهر : يباا .. انا ماقلتلك اني ابي بنت بوضاحي .. اسألني بالاول عشان اقولك ابغي مين ؟
بوعبدالله : وحنا من متى نقول نبي هالبنت ولاذيك .. حنا نشوف الاهل وانا ابوك ..
عبدالله : مايهمني شي انا .. انسى موضوع بوضاحي وبنته ..
بوعبدالله : تعصي ابوك ياعبدالله .. هذي اخر تربيتي لك ..!!
عبدالله : محشوم يايبا .. بس انا مستحيل اخذ بنت بوضاحي مستحيل
بوعبدالله اللي طفر من ولده وعصب : اسمع عاد انا كلمت الرجال وعطيته كلمه وهرج الجهال هذا اتركه عنك منت صغير عشان اغصبك او امنعك ..
عبدالله بصوت مكسور وتعبان : ليه سويت كذا يبا ليه ؟ انا كنت مكلم سارة وهي شافتلي بنت بوراشد من الكويت
بوعبدالله : وليه ماقلتلي ؟
عبدالله اللي حس الدنيا ضاقت عليه : انتا ماعطيتني فرصه .. ليه يايبا كافي اللي فيني
بوعبدالله : والله لو كنت ادري انك تبي بنت بوراشد جان خطبتها لك .. بس هالحين انا كلمت الرجال ومقدر اقوله مانبي بنتكم هونت
عبدالله : حرام اللي تسويه فيني والله حرام
بوعبدالله : الله يهيدك بس .. ماصار شي وبنت بوضاحي ماتنعاب .. بنت اهل وناس
عبدالله ماتحمل يقعد اكثر حس بالصداع بيذبحه خذا مفتاح سيارته وطلع بره البيت
وهو بالسيارة دق على تركي
تركي : هلا وغلا باللي مطيحين بالكويت طول الوقت
عبدالله بصوت مليان حزن : تركي انتا وينك ؟ تقدر تجيني الحين ؟
تركي : وشفيك عبدالله . وش صاير ؟ صوتك ماهوب طبيعي ؟
عبدالله : تعال وانا افهمك وش فيني .. انطرك
تركي : طيب مسافه الطريج واجيك .. وينك انت ؟
عبدالله : تعال صوب الكورنيش بتلقاني قاعد داخل السيارة
تركي : شكله الموضوع خطير واجد .. طيب شوي واجيك
عبدالله : اوكي .. باي
تركي : باي

في بيت بوراشد
الكل متجمع حوالين راشد .. وامه كل شوي تييبله شي ياكله .. ماكانت مصدقه انها تشوفه بعد غيبه طالت سنين ..
هشام كان متونس على سوالف راشد
هشام : والله يعافيك رشود .. البنات اهم شي البنات هناك شلون ؟
راشد بضحك يحط ايده على قلبه : آآآخ على الشقر .. بس بس .. لاتعور قلبي ماادري شلون فارقتهم
هشام وهو واقف ويطق ريوله بالارض : مابي مابي .. انا بروح ادرس ببريطانيا يما .. ابي اشوف بياض وشقار مليت من السمر.. شمعنه رشود يشوف
ام راشد : هشوووووم .. وويعه .. لا انا قايله هالريال مايعقله غير الزواج
هشام : الزواج .. اااه . لاتيبين هالطاري اذكر حبيب القلب ذبحني بالتغلي .. وهو يقصد بشور
راشد بفضول : اووو حبيب القلب .. صار عندنا حبايب هاا ؟
هشام : اسكت هذي بروحها سالفه نكته .. يبلها يوم بس اسولفلك عنها
راشد : انتا حتى بالحب مو مثل العالم .. هههههه
هشام : والله لو اقولك بتموت من الضحك
ام راشد : شنو بتقوله ؟ واي حب .. انتوا شتخربطون ؟
هشام وراشد : ههههههههههههههههههههههههههه
فرح : قول قول هشوم يله نسمعك
هشام : الله يسلمكم هذي في وحده هبلت فيها .. وهي يننتني .. اممم تعرفها نور
هشام وهو يكلم نور السرحانه : نور ... نور ..!! وين رحتي ؟
نور : هاا . كاني معاكم
راشد كان حاس انه نور فيها شي لكنه فضل انه يحاجيها بروحهم
هشام : اقولهم منو المغروره اللي هبلت فيها ؟
نور وهي فعلا ماكانت معاهم : منو ؟ مافهمت
هشام : لااا انتي بعالم ثاني .. اكيد تفكرين بحبيب القلب
راشد بفضول : انتا هيي استح على ويهك حد يحاجي اخته جذي ؟؟
هشام : يماا كليتني .. اقصد خالد خطبها وبيملجون قريب
راشد بصدمه : صج ؟ محد قالي ؟
هشام : ليش احنا نشوفك ولانسمع صوتك عشان انقولك وبعدين ماصار شي للحين
نور للحينها ساكته وتطالع الفراغ .. تحس انها مثل اللعبه اللي قاموا يلعبون فيها مثل مايبون .. حست انماعاد فيها أي قوة للرفض ..
راشد : صج نور ؟
ام راشد وهي تطالع نور : خلونا من هالسالفه هذي يبيلها قعده طويله
ورد الكل يسولف ويضحك الا راشد .. كانت نور عنده غير .. وموقادر يشوفها بهالحاله اللي تقطع القلب .. وين نور اللي ماليه البيت ضحك ووناسه .. وين نور اللي حسها وضحكتها نسمعها اول ماندش البيت .. وين نور المتفائله
وقرر راشد انه يكلمها على انفراد اليوم ويفهم منها السالفه
في الدمام
سيارة عبدالله .. كان قاعد بالسيارة وحاط اغنيه امنتك الله ياحبيبي ابرحل ل عباس ابراهيم .. وهو كان شبهه محطم وتعبان ..
عبدالله كان يدخن .. لكن قطع التدخين من بعد ماماتت امه لانها ماكانت تحب تشوفه يدخن .. لكن حس الحين انه بحاجه لان يفرغ غضبه وضيقه باي شي .. ولجأ للتدخين

دق تركي على عبدالله
تركي : انا عند الكورنيش .. ماتبي تنزل ؟
عبدالله : لا تعال اركب سيارتي انا قاعد داخل
تركي : طيب جايك

دخل تركي .. واستغرب رجعه عبدالله للتدخين مع انه قطعه مده طويله
تركي : ليش قاعد تدخن ؟
عبدالله : تعبان ياتركي تعبان
تركي : من ايش خوفتني عبدالله ؟ وش صاير ؟
عبدالله : ابوي ياتركي ابوي ..
تركي : وش فيه ؟
عبدالله : خطبلي بنت بوضاحي صاحبه
تركي بصدمه : أيش ؟ ليه هو مارضى على بنت بوراشد ؟
عبدالله : انا قلتله اني ابي اتزوج لكن ماقلتله مين .. وهو فكر من كيفه وخطبلي بنت صاحبه .. قولي شسوي
تركي حس انه عبدالله شبهه محطم .. كان شكله يعور القلب .. وهو يدخن ويطق على الدخان بقوة
تركي : والله ماادري شقولك عبدالله . . صدمتني بالخبر
عبدالله وهو مسند راسه على السكان : تركي .. انا ابي نور .. ومقدر اخذلها
تركي : زين شوي شوي على روحك عبدالله مو جذي .. كلم ابوك مرة ثانيه وان شالله بيرضى
عبدالله وهو يناظر تركي بنظرة مليانه الم : انا ليه حظي بالدنيا جذي ؟ ليه مو مسموح لي افرح زي العالم والناس .. !!
تركي : لا تقول جذي عبدالله .. ان شالله مايصير الا كل خير انتا بس رد البيت الحين .. وارتاح شوي .. واترك هالتدخين مب زين عشان صحتك

حاول تركي يهديه ويخفف عليه .. وعقب رد عبدالله البيت .. واول شي فكر فيه انه ينام عشان ينسى كل شي لكن نور لايمكن تنساه .. رن تلفون عبدالله
المتصل .. نور
عبدالله بقلبه وهو يشوف الرقم .. سامحيني يانور .. ماعندي كلام اقوله لج الحين .. وين اخبي وجهي منك ..
حط تلفونه سايلنت .. وحاول ينام . لكن وين بيجيله نوم وهو بهالحاله .. وتم يتقلب الين ماشرقت الشمس
قام يبي يروح الدوام ولا يشوف 10 مس كولات من نور وثلاث مسجات
فتح المسج الاول (( عبدالله وينك مشغول ..!! ))
المسج الثاني (( عبدالله انتا بخير طمني لاتخليني احاتيك ))
المسج الثالث (( رد علي .. ابي اطمن عليك تراني خايفة ))

عبدالله ماطاوعه قلبه يخلي نور قلبه ودنياه بهالحاله
قم وارسلها مسج (( انا بخير نور لاتحاتين بس كنت تعبان ونمت ))
وتوقع انها تكون نايمه .. لكنها دقت عليه
نور : عبدالله وش فيك تعبان من ايش ؟
عبدالله اللي قام يكح من التدخين اللي مافارقه طول الليل : مافيني شي ياقلبي لاتحاتين
نور بصوت قريب للبجي : ليش تكح ؟ ماخذ برد ؟ وش فيك
عبدالله قلبه قام يعوره على نور : ياليت اقدر اقولك وش فيني يانور؟
نور بخوف : لاتقول جذي .. شفيك خوفتني ؟
عبدالله : مشتاقلج بس .. واحبج هذا كل اللي اقدر اقوله
نور قامت تبجي : عبدالله .. ليش تكح جذي ؟
عبدالله : مافيه شي حبيبتي لاتخافين .. اسمحيلي اسكر منك الحين

سكر عبدالله من نور وهو يحس بالصداع والتعب .. ويقول بقلبه مابي اخذلج يانور .. مابي

في بيت بوراشد

ابوراشد وصل البيت الساعه 11 بليل
وكانت العايله كلها سهرانه ماعدا نور اللي كانت بغرفتها مب عارفه عبدالله شفيه متضايق وخايفه ليكون تعبان
بوراشد : السلام عليكم ..
الجميع : وعلكيم السلام والرحمه
قام راشد عشان يسلم على ابوه
راشد : قوة يبا شلونك ؟
ابوراشد : هلا هلا راشد شلونك شخبارك ؟ ها بشر اهم الشي الشهاده
راشد : الحمدلله يبا .. الحين ولدك دكتور
ابوراشد بغرور : اييه الحين انتا ولدي اللي اعرفة ..
راشد بقلبه ولو مايبت الشهاده ماراح اكون ولدك ..!! : اهم شي انك راضي ياابوراشد
ابوراشد : بعد هالخبر الزين .. اكيد بكون راضي ومستانس ..
هديتك بتوصلك باجر ..
يكلم ام راشد : الا نور وينا ؟
ام راشد : بغرفتها تقول تعبانه شوي ..
ابوراشد : قولي لبنتج والله لو تحبس روحها سنه .. بتاخذ خالد يعني بتاخذه
ام راشد بحزم : ماراح نغصب البنت على شي اهيا ماتبيه
راشد : شسالفه ..!! نور بتتزوح منو ؟
هشام يأِشر لراشد عشان يسكت
بوراشد : يوم انا اكلم امك محد فيكم يدخل سمعت ..!!
راشد بقلبه .. يانا الخير .. توني اول يوم بنتم فيه معك في البيت
قام راشد بعصبيه متجهه لغرفه نور .. واتبعه هشام وفرح
راشد وهو يصعد الدري : وانتوا ليش ماقلتلولي ..!!
هشام : تبي الصج انا كنت حاسب الموضوع دلع مو اكثر من جذي .. ماتصورت ان نور ماتبي خالد وان السالفه اكبر من مجرد رفضها
راشد بنبره حزينه : انتوا ولا واحد فيكم حس بهالمسكينه .. حرام عليك ياهشام .. اختك تبجي ليل ونهار وانتا ابرد منك مافيه .. انا قلت البنت فيها شي .. مو نور اللي اعرفها
فرح وهي خايفه : شفيها نور ؟
راشد : فروحه .. روحي غرفتج حبيبتي .. مافي الا العافيه .. هشوم روح انت بعد وعقب مااطلع من عند نور بكلمك شوي لاتنام

وصل راشد لغرفة نور .. ولقاها ماسكه قرأن تقرا بصوت واطيي .. وباين عليها التعب
راشد : اسف دخلت من غير لا اطق الباب
نور اللي انتبهت لراشد ورفعت راسها بابتسامه غصبت روحها عليها : هلا راشد حياك .. ادخل
راشد : ممكن ادردش معاج شوي
نور سكرت القرأن الكريم اللي بيدها : تفضل
راشد : شسالفه موضوع زواجج من خالد ؟
نور اللي بدت دموعها تتجمع بعيونها وهي تحاول تتماسك يدام اخوها لكنها ماقدرت واكتفت انها تنزل راسها
راشد وهو يرفع راس نور : مابي هالدموع يانور .. خلج قويه .. قوليلي الموضوع عشان اقدر اساعدج
انفجرت نور من البجي وتمت حاظنه اخوها وهي تقوله كل اللي بقلبها
راشد : وانتي ماتبينه ؟
نور : لا مابيه
راشد : في سبب معين يانور .. ولا انتي مب مرتاحه وبس
نور : مب مرتاحه راشد .. مابيه ليش يغصبوني على شخص انا مابيه .. خالد مافيه شي ينعاب بس انا مقدر اميله ياراشد افهمني
راشد : فاهمج حبيبتي لاتبجين .. خلص اعتبري الموضوع منتهي
نور وهي ترفع راسها وتمسح باجي الدمعات اللي غرقت ويهها : صج راشد ؟
راشد : اكيييد صج .. ولا شلون انا خليت ابوي يطيعني وينهي زواجي من سلوى .. تذكرين ؟
نور : بس ابوي كان معصب عليك واطردك من البيت .. وو
راشد : لاتخافين .. مستحيل اخليج تمرين باللي مريت فيها انا .. كفايه ابووي ظلمني .. مابيه يظلمج .. اذا ماتبين خالد قولي لا يدام الكل .. وانا اول واحد بوقف معاج
نور : انا خايفه ياراشد .. خايفة
راشد : اخوج يمج وتخافين .. !! ماراح يصير الا اللي يريحج ..
نور : وعد ؟
راشد : ايه وعد

طلع راشد من عند نور وهو حاس ان الدنيا ضايقة عليه .. ويقول بقلبه .. ليش يايبا .. ليش تبي تذبح عيالك واحد ورى الثاني .. وين قلبك ؟ مالقيت غير نور الحساسه .. ماقليت غير قلبها الصغير تدعسه بيدك من غير رحمه ..

في غرفة هشام وراشد
هشام : صدقني ياراشد .. انا حسبت نور تتدلع ماتوقعت الموضوع جد جذي
راشد وهو معصب : جذي ياهشام .. وانا اللي اعتبرتك ريال وبتحافظ على خواتك ؟
هشام : احافظ عليهم من شنو ؟
راشد : من ظلم ابوك .. هشام انا مابي البنات يكرهون ابوهم مابيهم يضيعون ويتشتتون بسبته .. حرام ياهشام .. اذا نور اليوم .. باجر الدور على فرح .. وين فيها هالصغيرة تتحمل صدمات ابوك وقسوته ماتقولي
هشام: راشد انتا مكبر الموضوع اكبر من اللازم .. شفيها يعني لغصبها ابوي على خالد .. تقدر تقولي بشنو ينعاب ؟
راشد : والله انا غبت مدة طويله عنكم وماادري عن خالد وعن اخلاقة .. لكن بغض النظر عن كونه زين ولا لا .. اذا البنت مو مرتاحه له مانقدر نغصبها
هشام : نور ماتدري وين مصلحتها .. وصدقني ابوي اللي يسويه زين معاها
راشد وقف علي حيله : هشام .. اذا غصبتك انا على بنت انتا ماتبيها .. بترضى تاخذها ؟
هشام اللي تذكر بشاير .. وحط روحه مكان نور .. لو ابوه غصبه على بنت مايبيها يقدر يترك بشاير وياخذ غيرها : احنا ريايل غير .. اهيا بنت وشوي شوي تتعود عليه
راشد : لا انتا ابوي غاسل مخك زين .. ولا عشان اهوا رفيجك تهدم مستقبل اختك وسعادتها عشانه
هشام اللي حس بكلام راشد ..: زين والحين شنو بتسوي ؟
راشد : بروح اكلم ابوي
هشام بصدمه : تكلمه شتقوله ؟
راشد : اقوله ان نور مو موافقه
هشام : ينييت انتا ؟
راشد : ليش .. شنو المشكله لاقلتله راي نور
هشام : رشوود .. لاتحط روحك بمواقف محرجه مع ابوي .. كافي العلاقات المقطوعه بينك وبينه .. شتبيه يسوي فيك بعد
راشد : انا مايهمني .. اهم شي نور تكون مرتاحه

في السعوديه
عبدالله في غرفته يتغدى بروحه من ذاك اليوم اللي ابوه كلمه بخبر زواجه
بوعبدالله كان بغرفته وتعبان .. وهو كان من الاول يشتكي من كليته اليمنى .. كل اسبوع يسوي غسيل كلى
بس هالمرة كان الالم زايد عليه شوي ..
رحمة الخادمه تحط الغدا في الصاله
فراس : روحي نادي بابا ونادي عبدالله
رحمة : زين بابا
راحت رحمة لغرفة بوعبدالله : بابا مايبغى غدا .. !!
بس بوعبدالله كان تعبان : نادي العيال ؟
رحمه : شنو فيه بايا انتا تعبان ؟
ابوعبدالله : اقولج نادي العيال فراس ولا عبدالله
وكانت حالته تعبانه شوي ومب قادر يتكلم من زود الالم
يات رحمة تركض عند فراس
رحمه : بابا واجد تعبان .. اكو في غرفة يقول نادي بابا فراس وبابا عبدالله
فراس وهو يفز من مكانه بخوف : ابوي .. !! روحي نادي عبدالله بسرعه
وركض فراس لغرفة ابوه .. وراحت رحمة تنادي عبدالله
رحمة تطق الباب : بابا عبدالله .. بابا كبير يبي انتا .
عبدالله من الغرفة وهو يقول بقلبه .. اكيد بيفتح هالموضوع مرة ثانيه ياربي تعيني : فراس وينه ؟
رحمه : عند بابا كبير .. هوا واجد تعبان
عبدالله اخترع وركض الي الباب : ابوي انا شفيه ؟ يله جاي

بوعبدالله كانت حالته وايد تعبانه ونقلوه الى المستشفى والكل كان خايف لان الكية الينى بطلت تشتغل وهذا خلا الدكتور يحرص عليهم اكثر بالاهتمام بمواعيد الغسيل الكلوي والدوا بانتظام

الدكتور : حاولو ماتزعجونه بالاخبار الشينه لانه يأثر على حالته العصبيه وهذا يخلي الجهاز الكلوي يتعب اكثر
عبدالله : طيب هو الحين ليه تعب دكتور مع انه ياخذ الدوا بانتظام
الدكتور : مااخبي عليكم حالة كليته اليمنى في تدهور ومحتاج لعنايه اكثر .. وغسيل مرتين في الاسبوع
عبدالله بخيبه : والحين كيفه بعد الغسيل ؟
الدكتور : يقدر يرجع البيت باجر .. بس اليوم لازم يكون تحت الملاحظة .. والله يشفيه
عبدالله يكلم فراس : يعني بيبات الوالد هنا اليوم ؟
فراس : الظاهر كذا
عبدالله : خلص ارجع انت البيت وانا بنام معاه
فراس : زين انا راجع البيت
عبدالله : انطر بجي معاك اجيبلي كم شغله واجيب لابوي ملابس وارجع مره ثانيه
فراس : يله

وفي السيارة
فراس : عبدالله .. سمعت وش قال الدكتور
عبدالله : أي يقول ان الكليه اليمنى تعبانه
فراس : وماسمعت وش قال بعد .. قال خلوه بعيد عن الاخبار الشينه ..
عبدالله باستغراب : وليش انا اللي اجيبله الاخبار الشينه يافراس ؟
فراس : انا ماقلت كذا .. بس اذا فتح معاك موضوع الزواج لاترده وتزعله ياعبدالله .. ابوي هالحين كبير وماعاد بصحته زي اول .. أي خبر يزعجه ويكدر خاطره ويأثر عليه
عبدالله : فراس .. تبغوني اوافق بالغصب .. انا مابي بنت بوضاحي يافراس .. انا مب معترض على فكره الزواج
فراس : وشفيها البنت انت شايف عليها شي؟
غبدالله بقلبه .. ليتكم تفهموني بس .. ليت اقدر اقول اني مااشوف بنت غير نور ومن بعدها مافيه في الدنيا احد : لا
فراس : اجل ارضي ابوك ولاتكدره وتزعله ووافق على الزواج ..
عبدالله : اوافق مستحيل
فراس : وراضي تشوف ابوك في هالحاله ؟
عبدالله بيأس : فراس سكر الموضوع خلص ماعاد ابي اتكلم فيه
فراس تم ساكت وهو حاس انه عبدالله مايبي بنت بوضاحي الا لانه في باله بنت معينه .. بس مع هذا لازم يضحي عشان ابوه

اليوم الثاني في الكويت
في بيت بوراشد
الكل مجتمع على الغدا .. راشد وهشام وفرح ونور وابوراشد وعايشه
نور كانت لاصقه باخوها راشد ..
بوراشد يكلم نور : مابغيتي تنزلين ؟
نور اسكتت ولا ردت بحرف وتمت ساكته ومنزله راسها
راشد انقهر من اسلوب ابوه وقال : صحيح يبا سمعت ان خالد متقدم لنور صج هالحجي ؟
ابوراشد : ايي والله صج .. قول لاختك مب عاجبها خالد
راشد : واذا مو عاجبها شلون بتاخذه ؟
بوراشد : راشد هالموضوع بالنسبه لي منتهي سمعت . .لاتحاول تفتحه معي مره ثانيه
عم الهدوء على المكان .. الا من نظرات راشد لابوه الغير مفسره .. وعناد بوراشد واصراره على رايه
راشد : يبا .. اذا انت تحسب انه عمي بيزعل اذا رفضت نور خالد فانا مستعد اكلمه صدقني راح يتفهم الوضع
ابوراشد بنبره عاليه : اسعوني كلكم .. كلمه انا اقولها مابي اثنيها مرتين .. نور بتاخذ خالد يعني بتاخذه برضاها ولا لا
نور هني انهارت من البجي ماتدري هل اهوا خوف من ابوها ولا من تهديده ونظراته ولا من الوضع المكهرب بينه وبين راشد .. ولا من ضياع حبها اللي كانت متعلقه فيه
ام راشد بنبره حازمه : وانا قلت ماتاخذه يابوراشد
بوراشد بصدمه التفت لعايشه : والله وقمتي تكسرين كلمتي ياعايشه ؟
ام راشد : نور ماراح تاخذ خالد دامها ماتبيه والله يابوراشد لو غصبت البنت على شي اهيا ماتبيه والله مااقعد دقيقه واحده عندك
بوراشد كان في قمه الغضب ساعتها وقالها : ووين بتروحين عند مرت ابوج ولا ابوج اللي يموت فيج هاا ؟ ..
عايشه اكسرتها كلمه بوراشد وتجمعت دموعها في عينها : تعايرني بعد كل هالسنين .. تعايرين بابوي ..!! انتا اقرب الناس لي عشت معك 30 سنه وماعمري جرحتك بكلمه وتحملت ضيمك وبعدك عني .. تعايرني يدام عيالك ؟
صح انا ماعندي سند .. بس عندي ربي بيكون معاي ومع عيالي
ابوراشد كان كلشي يهون عنده الا عايشه .. كان يحبها وايد لكن الدنيا ومشغالها وعمله وسفره الدايم خلاه بعيد عنها وطبيعه شغله خلاه يبتعد عن عياله ويقسى عليهم .. لكن مع هذا كانت عايشه عنده غير وحس بالقهر ليش جرحها وعايرها وتم ساكت وهو يشوف دموعها
ام راشد وهي تبجي : قول اللي تبيه بس بنتي ماتغصبها على شي
وراحت عايشه تحظن نور وخذتها لغرفتها ..
وهشام وراشد منصدمين من الوضع اللي صار
فرح كانت تبجي وركضت ورى امها
وابوراشد مكسور من داخله بس مابين هالشي لاحد .. وراح لغرفته

في نفس اليوم
ريم من ثلاث ايام وهي تدق على نور لكن ماتحصلها .. واليوم بالذات تمت تدق على تلفونها لكنها ماترد خافت عليها
وفكرت تزورها بعد ماشاورت مشعل وايدها
ريم تكلم خالد : غريبه هشام مادق عليك اليوم
خالد : أي ولله انا مستغرب بعد ريم .. ماادري اخاف صاير شي ؟
ريم : لا ان شالله .. قوم خل نروح لهم
خالد : الحين ؟
ريم : أي الحين .. تدري جم مرة دقيت انا على نور ؟
خالد بخوف : نور ماترد عليج ؟
ريم : صارلي ثلاث ايام ادق ولاترد علي
خالد اللي شاف ان الموضوع وصل لنور وماقدر يصبر : يله بس اغير ملابس ونمشي

راح خالد يغير ملابسه .. وريم لبست عباتها وتنطره بالصاله
بوخالد : ها ريم اشوفج لابسه .. بتطلعين مع مشعل يبا ؟
ريم : لا يبا بنروح بيت عمي بوراشد ..
بوخالد : مع من وبتروحين ؟
ريم : مع خلود . .راح يلبس والحين ياي
بوخالد : عيل انطروني اشرب ستكانه الجاي وايي معاكم ..
ريم اللي ارتاحت ان ابوها بيي معاهم .. على الاقل ماتحس انها غير غريبه دام ابوها بيي : صار يبا
بوخالد : زين قومي سويلي جاي ولا تزوجتي وبتكشتين بابوج من الحين ؟
ريم : هههههههههههه حشاك يايبا .. اسفه بس ماانتبهت .. احلى جاي لاحلى بوخالد فديته
بوخالد : هههههه الله يعطيج العافيه يابنيتي ويوفقج .. وان شالله نشرب الجاي ببيتج
ريم بحيا : ان شالله
بوخالد : الا تقولي حصه انكم جدمتوا موعد العرس ؟
ريم : أي والل همشعل يحن يبي الوقت مبجر يقول ماله داعي نأخره اكثر
بوخالد : والله زين ماسويتي . . ليش هالطواله في فتره الملجه .. وانا اقول جذي بس اهم شي محتاجه شي يابنتي .. ناقصج شي
ريم : لا يبا .. انا للحين مهري ماجسته كله مشعل اللي يصرف علي ويشتريلي
بوخالد : أي اذا ناقصج شي لا يردج الا لسانج .. انتي تامرين ياريم ابوج ..
ريم : هههههه الله .. لايسمعك خالد بيموت من الحرة
بوخالد : ههههه عاد كلش ولا ولدي هذا سندي من بعدي .. الله يخليه
ريم : امين يارب .. يله اروح اسويلك الجاي

بوخالد كان ناوي بهالزيارة .. يسمع موافقه نور ويتفقون على موعد الملجه والشغلات الثانيه وشافها فرصه حلوة يروح مع عياله

في السعوديه
عبدالله جالس يم ابوه بالسرير
وبوضاحي وبوفهد ربع بوعبدالله زايرينه
بوضاحي : سلامات يالغالي غدى الشر
بوفهد : مأجور يابوعبدالله .. ماتشوف شر
بوعبدالله : غداك اللاش .. الشر مايجيكم ان شالله
بوضاحي يكلم عبدالله ويسأله عن حاله ابوه
بوضاحي : لا يامحمد نبيك نهتم بصحتك وانا اخوك .. حنا كبرنا ولازم نحط بالنا على روحنا الصحه ماعادت زي اول
بوعبدالله : الكبر شين وانت صاج
بوضاحي وبوفهد : ههههههههههههه
بوفهد يكلم عبدالله : ومتى نفرح فيك ياولدي عبدالله
عبدالله يقهويهم ويقول بقلبه .. اوووف وربي مب ناقصك انت : الله كريم ياعمي
بوعبدالله : قريب ان شالله بنفرح فيه وبنت بوضاحي
بوفهد والابتسامه على ويه : صدق والله ؟ مبرووك مبرووك
عبدالله حس وده يطلع من الغرفه باي طريقه ماكان عارف وش يرد او يقول .. يقول لا هالشي ماراح يصير وابو البنت واقف جادمه .. ولا يقول لابوه مابي اتزوج ويكسر كلمته يدم الريايل ويزعله ..
حس بروحه مشتت غمض عيونه بالم شديد وطلع من الغرفه وقعد يدخن وجنه وده يفرغ الالم والغضب اللي فيه كله بالسجاره

في بيت بوراشد
الجو مشحون .. بوراشد في غرفته وام راشد وفرح مع نور ..
هشام وراشد في الصاله وكل واحد فيهم مستغرب من الوضع .. عمرهم ماشافوا امهم توقف بويه ابوهم بهالطريقة .. ولا شافوا ابوهم يسكت ولا يرد .. تعودو على ان تكون كلمته مسموعه ومحد يكسرها
لكن اللي صار يدامهم قلب الموازين ..
راشد : هشوم . تتوقع ابوي بيطيع امي ومايزوج نور لخالد ؟
هشام : هاا .. والله ماادري .. اسكت رشود انا بروحي ملخبط
راشد : زين انا رايح لهم فوق ..

ولما راشد كان بيصعد رن جرس الباب .. رجع وفتح الباب وانصدم
بوخالد : السلام عليكم ..
راشد بصدمه : هلا .. هلا عمي .. هلا والله تو مانور البيت حياك الله تفضل
دخل بوخالد وخالد وريم
خالد : قوة راشد شلونك ؟
راشد : هلا والله خالد تفضلوا حياكم البيت بيتكم ..

هشام وهو في الصاله ومتجه لمدخل الباب
هشام : خلوود ... ماقلتي بتيي يالدب ؟
خالد بصوت واطي : روح شوف جم مرة دقيت عليك وانتا ماترد
هشام : ايي .. زين بعدين اقولك ..
هلا عمي شلونك .. ايي من زمان مانورت بيتنا والله .. شلونج ريم .. حياج
ريم : الا وين البنات وخالتي
راشد وهو يطالع هشام : امم .. الحين اناديهم حياكم الله
بوخالد : راشد .. ابوك هني ولا طالع ؟
راشد : ابوي .. !! .. لا ابوي هني .. بس بغرفته الحين اناديه بعد
خالد وهو يكلم هشام : شفيكم ..!! مو طبيعين هشام صاير شي ؟
هشام : ماادري خلود .. لا موصاير شي
خالد : اخاف يينا بوقت مو مناسب بس ..!!
هشام : شنو هالحجي وهالخرابيط .. البيت بيتكم باي وقت تشرفون.. دقايق انادي الوالده والبنات
خالد : شفيك .. راشد راح يناديهم
هشام : هاا .. أي صح .. عيل اقول للخدم يسون شي تشربونه
بوخالد : الا نور وينها .. !!
هشام قلب لونه هني وماعرف شنو يرد على عمه .. وريم كانت تنتظر الاجابه بعد وخالد التفت له اول ماسمع اسم نور : نور .. مم .. نور يمكن نايمه او قاعده .. ماادري الحين راشد يشوفهم

وفي غرفة نور
راشد : يله يما فشله عمي وبنت عمي قاعدين تحت .. والوضع مو طبيعي جذي احد فيكم ينزل
ام راشد : زين انا نازله الحين
راشد : يما وابوي ؟
ام راشد : شفيه ؟
راشد : عمي تحت ويبي يشوفه .
ام راشد : روح كلمه انتا
راشد : يما روحي انتي .. اخاف اروح ويثور بويهي مالي خلق
ام راشد من غير نفس : زين انتا انزل وانا لاحقتك
واتجهت ام راشد لغرفتها
ام راشد ومن غير ماتحط عينها بعين ريلها : بوخالد ينطرك تحت
بوراشد اللي كان لابس ومفكر يطلع : اخوي بوخالد تحت ؟
ام راشد : ايه
والتفتت تبي تمشي
بوراشد : عايشه ..!!
ام راشد من غير ماتلفت له : نعم ؟
بوراشد : اسف على الكلام اللي طلع مني قبل شوي ..
ام راشد سكتت ولا ردت ونزلت تحت عند بوخالد وعياله

ام راشد : هلا والله بوخالد .. شلونك شخبارك ان شالله طيب .. !!
بوخالد : هلا والله ام راشد .. احنا بخير دامج بخير وشلون بوراشد ؟
ام راشد : بخير الحين ينزل .. تو مانور البيت والله .. جذي بيت اخوك ماتييه الا دور السنه يابوخالد شدعوه
بوخالد : والله صاجه .. يله الحين فرحتنا بخالد ونور بتعوض اللي راح
ام راشد انتهزتها فرصه .. : بوخالد ممكن اكلمك شوي بالصاله الثانيه .. راشد يب عمك هناك .. وانا بروح ايب الجاي
راشد : حياك عمي ..نقعد هناك والحين ابوي ياي
راح بوخالد وراشد الصاله الثانيه بعيد عن هشام وخالد .. وصعدت ريم عند فرح بالغرفه لانهم خبروها ان نور نايمه
عايشه : والله ماادري شلون ابدى معاك ..
بوخالد : بشنو ياام راشد قولي .. اخوي فيه شي .. محتاج شي ؟
عايشه : لا مافيه الا العافيه .. بس تدري انت شكثر انا اعز خالد واحسبه واحد من عيالي بالضبط
خالد رابي مع هشام ولدي واعزه اكثر من عيالي والله .. وصدقني اني ماكنت اتمنى لبناتي الا خالد
بوخالد : وان شالله هذا اللي بيصير اذا الله كتب
عايشه : بس ..
بوخالد : بس شنو ؟
عايشه : الزواج قسمه ونصيب .. وخالد ماينعاب والله .. الف بنت تتمناه بس نور ..!!
بوراشد بصوت عالي : عايشه !!
الكل التفت للباب وللغضب اللي كان ظاهر على بوراشد وهوينادي ام راشد بهالصوت
بوخالد : حصل خير والزواج مثل ماقلتي قسمه ونصيب .. يله انا ماشي
بوراشد : وين يااخوي .. والله ماتروح ولاتطلع من هني الا وانتا راضي .. نور بنتك واذا تبي نملج فيهم اليوم مااردك
بوخالد : الزاواج مو بالغصب يابوراشد
بوراشد : هذا دلع بنات وانتا تعرف سوالف البنات .. واللي تبيه انتا بيصير ان شالله
بوخالد : لا يابوراشد .. اذا البنت ماتبي ولدنا .. ماراح نغصبها على شي .. يله انا اترخص
راشد .. روح ناد خالد وريم خل نمشي
راشد : وين ياعمي توكم يايين ..
بوخالد : اليايات اكثر
طلع بوخالد وهو ماخذ على خاطره هذي ثاني مرة يردونه فيها وخالد وريم اللي استغربوا من الزيارة القصيرة والغريبه اللي كانت لبيت عمهم اليوم ..
بالسيارة :
خالد : يبا ليش ماقعدت .. مو تقول مشتاق لاخوك ؟
اوبخالد بصوت هادي شوي : لين نرد البيت بخبرك
ريم : والله انا مستغربه من اللي قاعد يصير .. الوضع مو طبيعي .. خالد شنو قالك هشام ؟
خالد : سألته قالي مافيه شي بس كنت مشغول وتلفوني حاطه سايلنت ومدري ايش .. بس تبين الصج ماصدقته
ريم : انا اللي مخوفني .. نورماشفتها وكل الوقت اللي كنت قاعده فيه مع فرح ماعرفت منها شي وكل ماسألتها عن نور تقول تعبانه ونايمه ترتاح
خالد بخوف : توقعين مريضه ولا فيها شي ؟
ريم : لا .. شي اكبر من المرض خالد
وكل هالمناقشات اللي تدور وابوخالد ساكت ويطالع الطريج .. ويتمنى يوصل بسرعه عشان يريح خالد وريم ..
وهو يفكر باللي صار ومتضايق من رفض نور وموعارف شلون بيقول لولده

في السعودية
طلع بوعبدالله من المستشفى بعد توصيات كثيرة من الدكتور لعبدالله وفراس يحطون بالهم على ابوهم وماينسون مواعيد المراجعات والغسيل الكلوي
عبدالله قاعد بغرفته وتعبان .. وحاله كل ماله للاسوء .. وصحته في تدهور من هالتدخين ..
وصله مسج من نور .. ((عبدالله انتا بخير طمني عنك !!))
وعلى طول رد عليها (( بخير ياقلبي لاتحاتين بس هاليومين مشغول شوي .. بس افضى بكلمج ان شالله ))
نور(( الحمدلله .. الله يعطيك العافيه ))
شاف عبدالله المسج .. وحس بضيقة مالها حدود .. حس انه قاعد يخدعها .. ويخدع نفسه .. حس انه بعالم ثاني غير العالم اللي كان راسمه لنفسه مع نور .. قام وفتح كل المسجات اللي كانت نور تدزها حقه .. تذكر شلون كان طاير من السعاده وهو وياها ويتمنى ان تكون له اليوم قبل باجر .. تذكر احلامه معاها .. ضحكاتها وناستها .. فرحها
شلون يقدر يتخلى عنها بسهوله .. شلون يقدر ينهي حياته معاها ويبداها مع حرمة ثانيه .. شلون بيصدمها بهالخبر ..
مسك راسه بالم وحس بصداع شديد ..
وهو على هالحال .. دق عليه تركي
تركي : مساء الخير والاحساس والطيبة .. مساء القاطعين
عبدالله : هلا تركي مسا (( النور ))
قالها بامتعاض
تركي بخبث : ههههه وليه مو مسا الخير ها ؟
عبدالله : لان المسا يحلى بنور .. والمسا من غيرها مابه سرور
تركي : ياعيني ياعيني هههههه ايش هذا صاحبنا قام يقول قصايد
عبدالله : خلها على الله
تركي : بشرني عن ابوك ؟
عبدالله : ابوي ..!! بخير
تركي : وموضوع زواجك عسى انهيته معاه
عبدالله بصوت مجروح : قريب بتكون الملكه .. كذا قال ابوي ووعد الجماعه
تركي بصدمه : أيش .. !!
عبدالله : تركي .. انا تعبان ومب عارف وش اسوي
سكت تركي شوي .. وعقب قال
تركي : عبدالله .. اعمل وش يقول ابوك وتوكل على الله ماتدري يمكن مع العشرة تنسى نور
عبدالله : ايش .؟ انساها .. وش تقول ياتركي .. نور قطعه من روحي .. نبض قلبي .. اسألك بالله في حد يقدر يعيش من غير نبضه
تركي : عبدالله .. حسبتك اكبر من كذا واقوى .. انتا عرفت بنات كثير ولا عمرك تعلقت بوحده فيهم
عبدالله : تجيب نور لباقي البنات .. ياتركي انا لوبيدي كنت خطبتها من اول يوم شفتها فيه .. لو الظروف كانت تسمح كان مانطرت حد ياخذها مني .. بس الظروف اقوى مني ومنها .. حاولت ياتركي .. حاولت بس ابوي ..
تركي : الحين ماعاد ينفع الكلام .. ابوك تعبان والزواج قسمه ونصيب
عبدالله بالم : .. ونور ..!!
تركي : حاول تفهمها بشويش .. والله يرزقها واحد يسعدها ان شالله
عبدالله وهو مغمض عيونه يحاول يشيل صورة فقده لنور .. يحاول يزيح صورتها من باله بس ماقدر .. تذكر يوم قالها .. انت لي ومستحيل تكونين لاحد غيري .. والحين هو اللي بيتخلى عنها
تركي : عبدالله .. !!! الو ؟
عبدالله : آآه ياتركي تعبان
تركي : ادعي ربك يوفقك ان شالله ويوفقها .. والحين دق عليها وخبرها باللي صار بشويش

عبدالله : من صدق تتكلم .. تبيني اذبحها ..!!
تركي : لاتخدعها وتوهمها زياده .. خبرها الحين احسن
عبدالله : مدري
تركي : الحين كلمها حرام عليك لاتعلقها فيك اكثر وتعيشها بحلم
عبدالله : طيب .. انت سكر الحين وانا اشوف
تركي : عبدالله .. صوتك مو عاجبني .. انت للحين تدخن
عبدالله سكت شوي وعقب قال : ايه
تركي : انت جنيت ولا صاحي .. مب زين عشانك ماتدري ان هالشي يضرك مايفيدك
عبدالله : تركي دخيلك مالي نفس محاضرات .. اكلمك بعدين .. باي
تركي : زين .. خبرني وش يصير .. باي

في بيت بوخالد
بوخالد : مافيي نصيب ياوليدي .. الله يوفقك باحسن منها .. هم الخسرانين مب احنا
خالد وقف .. ورد عقب قعد .. ريم مصدومه .. وبوخالد يتحجى بصوت جدي وفيه نبره حاده
بوخالد : خالد .. انتا عاقل .. والدنيا مليانه بنات .. اذا مو نور .. الف بنت تتمناك غيرها انت بس أشر
خالد كان متضايق وحس بالقهر .. لكنه مانطق بولا كلمه
ريم : تبي الصج يبا . .انا كنت حاسه .. لان نور من عقب ماخطبناها وهي كانت مو طبيعيه
بوخالد : معليه .. والله انا اللي زعلني انه هذي ثاني مرة يردني فيها اخوي ..
خالد : كلشي قسمه ونصيب ..
ومشى متثاقل يسحب ريوله متجهه الى الديوانيه
بوخالد : خالد ..!!
خالد التفت لكن من غير لايحط عينه بعين ابوه : نعم
بوخالد : خلك ريال .. هالامور ماتهز الريايل
خالد بقلبه .. نور تهز جبال مب رجال : ان شالله
ومشى وهو باين عليه الضيق لكن ماحب يبين هالشي لابوه او لريم اخته
بوخالد : يبا ريم .. روحي لاخوج خففي عليه مابي اشوفه متاضيق ..
ريم : طيب يبا
راحت ريم ولا تلفونها يدق
المتصل مشعل
ريم غيرت طريجها وكملت صوب غرفتها
ريم : هلا مشعل
مشعل : هلا حبيبتي .. ها بشريني عسى الاوضاع بخير
ريم : اوو شقولك مشعل .. نور رفضت خالد وابوي طلع زعلان والوضع متأزم
مشعل : ليش عاد كل هالزعل والضيق ؟
ريم : اقولك رفضوا خلود اخوي .. حرام لو تشوفه باين عليه الضيق .. تحسه مكسور بس مايبي يبين هالشي حقنا
مشعل : ريم .. كلشي قسمه ونصيب .. يعني اذا البنت مو موافقه ميصير يغصبونها عدل
ريم : بس خالد ماينعاب
مشعل : لانه اخوج .. لكن يمكن اهيا ماتشوفه يناسبها
ريم : مادري
مشعل : يعني لو انا كنت مو مناسب لج ومو عاجبج بترضين تاخذيني غصب
ريم : ومن قالك انا اهلي ماغصبوني عليك ؟
مشعل بصدمه : نعم ؟
ريم وهي ميته من الضحك وودها تلعب باعصابه شوي : يعني انا ماكنت ابي اقولك بس انت حديتني شسوي .. انا كان خاطبني واحد قبلك وكنت موافقه عليك بس ابوي مارضى .. وعناد فيني وفيه قال اول ريال بيخطبج راح ازوجج وطبعا انتا خطبتني بهالوقت
مشعل وهو مصق السالفه وبصوت اشبهه بالمصدوم : وبعدين ؟
ريم : عاد انا كنت ابجي ماكنت ابيك .. بس ابوي قالي مو على كيفج تتزوجينه يعني تتزوجينه .. ورضيت بعد شسوي
مشعل تم ساكت
ريم : الو .. الو .. شفيك
مشعل : مافيني شي
ريم وهي مو قادره تسكت اكثر : شفيك مشعل خلاص انتا صرت ريلي .. راضيه بنصيبي انا لاتخاف
مشعل : من صجج تتحجين ؟
ريم : عيل شنو اتغشمر معاك انا .. الصراحه انا ماكنت ابي اقولك . .بس تدري بين الريال وزوجته مافيه اسرار
مشعل : ونعم الاسرار
ريم : ههههههههههههههههههههههههههههه صدقت انتا ؟
مشعل : ريموووووووووووووووه والله بذبحج .. هيين
ريم : ههههههههههههههههههههههههههههههههههه لا لا قول والله صدقت ؟
مشعل : شدراني انتي تتحجين من صجج .. انا بالاول شكيت بعدين حسيتج تتكلمين جد
ريم : ههههههه حسافه كنت بكملها معاك ..
مشعل : ههههه هيين والله يايج اليوم ان ماخليتج تندمين على اللي تسوينه
ريم : ههههه شبتسوي يعني ؟
مشعل : معليه .. مردوده يالدبه .. مانسالج ياها
ريم : ههه خفت هاا ؟
مشعل : تبين الصج والله ضاجت فيني الدنيا ..
ريم : بعد قلبي والله .. فديت اللي قاعدين يشربون عصير
مشعل وهو مبطل عيونه : يماا .. انتي شنو ساحره ؟ شدراج ؟
ريم : ههههه انتا قلتلي هههههههه
مشعل : اييه صح .. الله يرج عدوج من عقب سالفتج نسيتي شنو قلت شنو ماقلت .. بس والله اردها لج ريوم
ريم : ههه زين يله انا بروح عند خالد شوي بتم معاه وعقب اكلمك
مشعل : أيه زين تسوين .. يله تبين شي ؟
ريم : سلامتك .. مع السلامه
مشعل : مع السلامه

في بيت بوراشد
بوراشد بعصبيه حاده يكلم عايشه : زين لج الحين .. ارتحتي
ام راشد : اهم شي راحت بنتي
بوراشد : والله ان طلع اخوي زعلان .. والله ياعايشه ان نور ماراح تاخذ غير خالد .
ام راشد : خلص الموضوع انتهى الحين .. بتروح تعرض بنتك لاخوك ؟
بوراشد : ا رتاحي انتي وبنتج الحين ..
وطلع وهو معصب بصورة اذهلت راشد .. وهو يقول بقلبه .. : ياااه يايبا .. ماتغير فيك شي .. ياليتني تميت بلندن وايد احسن
هشام كان متعود على عصبيه ابوه .. وفرح في هاللحظات تلزق بامها وهشام فكر انه يروح لخالد ويقعد معاه شوي مهما يكون هذا رفيج العمر لايمكن يخليه متاضيق
نور كانت بغرفتها ومن بعد مابشرها راشد بالخبر وفي بالها تقول لعبدالله وتبشره بعد

في بيت بوخالد ..
الديوانيه ..
خالد قاعد يلعب بليس تيسشن .. وقعد يفرغ ضيقه كله باللعبه
دق عليه هشام ..
خالد : هلا هشام
هشام : افتح باب ديوانيتكم .. انا عند الباب
خالد : زين .. يله باي

قام خالد ومن غير أي كلمه .. فتح الباب ورجع يكمل لعبته
هشام : شنو قاعد تلعب ؟
خالد : مباراة
هشام : خالد .. والله ماكنت اتمنى لنور غيرك
خالد : كلشي نصيب
هشام : زين حط عينك بعيني لما تكلمني .. ماحسبتك ضعيف وموضوع مثل هذا بيهزك
خالد التفت لهشام وهو مكسور .. وهشام حس انه خالد يبي يفضفض اللي بقلبه بس مالقى احد قريب منه
هشام كان حاس بالضيقه .. صحيح نور اخته بس خالد مثل اخوه وزود .. ومايحب يشوفه متاضيق
هشام : اضحك اشوف .. مافي شي يستاهل تزعل عليه
خالد : صح كلامك
هشام بضحك : زين خلني العب معاك
خالد شاف هشام وابتسم له : تدري انا من غيرك اضيع
هشام : هههه ليش قالولك انا ادل الطريج ؟
خالد : ههههههههههههههههههههههه مالت عليك .. زين مني امدحك
هشام : اييه زين شفنا هالضحكه .. ان شالله ربي يكتبلكم اللي فيه الخير وماتدري يمكن مع الايام نور تغير رايها فيك
خالد بلهفه : والله ؟ .. اقصد .. تتوقع
هشام : الله العالم .. بس انت لاتحط املك فيها وايد .. شوف حياتك وخل كلشي على الله
خالد بقلبه .. : والله كنت ابيج يانور
هشام : الو .. احم احم نحن هنا
خالد : زين تعال العب معاي ابي اغلبك
هشام : هههههههااي من زمان شكلك محد غلبك .. عطني اشوف

خالد لما يقعد مع هشام ينسى همومه كلها .. رفض نور ماكان سهل عليه .. بس بعد لما يفكر ان الرفض منها هالشي يخليه يحاول يشيلها من باله

في غرفة نور

رن تلفونها المتصل عبدالله
نور بفرح : والله والله كنت ناويه ادق عليك الحين ..
عبدالله : هلا نور
نور : ييي عبدالله عندي لك خبر يسوى ذهب
عبدالله اللي ماقدر يتحمل اكثر ويكلمها وهو يدخن ويكح : نور !!
نور بوناسه : عيون نور
عبدالله : .......
نور : شفيك عسى ماشر ؟
عبدالله : ابوي خطبلي بنت صاحبه .. والملكه قريبه
نور : ...........
عبدالله : والله ماادري شلون اكلمك واخبرك بالموضوع .. شهر وانا احاول ارده وافركش السالفه بس مافي امل .. نور لاتتوقعين اني تخليت عنك بسهوله .. لاتتوقعين اني فكرت العب فيك وبقلبك .. بس وش اسوي قوليلي .. ابوي توه طلع من المستشف
نور بصوت مليان دموع : خذلتني ,,!!
عبدالله : كفايه ارجوك . .لاتصيحين انا اموت وربي
نور : خذلتني ياعبدالله .. خذلتني
عبدالله : صدقيني موبيدي .. والله مو بيدي
نور : انا ... انا كنت يايه ابشرك اني رفضت ولد عمي خالد
عبدالله : نور .. والله احبك
نور : لاتنطق بهالكلمه مره ثانيه .. فمان الله
عبدالله : نور ..... طوط طوط

من الجانب الاخر
نور سكرت من عبدالله .. ودموعها ماوقفت صارت تبجي بصمت مؤلم .. وتتمنى انه يكون حلم او كابوس وتصحى منه
عبدالله تم يدق عليها فوق العشرين مرة لكنها ماردت .. وتمت كلمته تدور في بالها (( ابوي خطبلي . والملكه قريبه ))
ودموعها في هالليله اغرقتها واغرقت حياتها .. صارت تبجي على قلبها وعلى حبها وعلى عبدالله .. صارت تبجي على القدر اللي خلاها تحبه .. وتبجي على حظها ..
حست ان الدنيا ضاقت عليها .. وقلبها ماعاد يتحمل صدمات اكثر
وصارت تردد

على صوت الغرام اللي .. سكت في لحظة التوديع
جلست اجمع فرح عمر ... وسنين ٍ ما لها تجميع
انا كيف اتركه يرحل .؟. واهيم برحلة التلويع
وانا ما ظن ّ لي قلب ٍ ... على هم الفراق ايطيع
اروح اعاتبه .؟ وألا .... اعيش بواقع الترويع
انا اشهد لحظة الفرقى .... بها كل العلوم اتضيع
ترافق ضيعة اعلوومي .... دموع ٍ مابي ترجيع
تعال اطلق عنان الدمع ... مدام بدمعنا تمتيع
هموم ٍ جااالت بصدرري ... تقطّع بالأمل تقطيع
أمل قربي مع إنساااان ٍ .... تربّع بالحشا تربيع
ترى هالخوف والريْبه ... حشاا ما هي ب للتوديع
على درب الفراق .. ودمعة المحروم وآآهااته
واقول الله على غاااالي .. تبي تبعد مسافاته
وكيف اترك وليف ٍ لي ... وارضى في نهاااايااااته
وانا ماظن ّ به قلب ٍ .... يعييييييش ابدون نبضااااته
وانا وشلون اعااااتب .؟ والعيووون اتشوف دمعااااته .؟
يتوه الهرج في حلقي ... و نوب اتموووت كلماته
معاها حرقة ٍ تصرررخ ... تدكّ الصمت و اسكاااااااته
مدام الوقت ظالمنا .....؟ فلا تغريك ضحكااااااااته
وانا هالوقت يصدمني .... تضيّعني متاااااهاااته
بعد هذااا يا كيف الرجل ..؟ تمشي في نهاااايااااته
اخاف ان غادر الغالي تسوق الرجل خطواته

اسبوع كئيب مر على نور وعلى عبدالله ..
نور كانت حابسه روحها بالغرفه ومو عارفين شفيها .. عبدالله نفسيته كل مالها وتصير للاسوء وصحته في تدهور اكثر .. باليوم يدق على نور اكثر من عشر مرات لكنها ماترد عليه وهالشي خلاه يحس ان نور ماعادت تبي تسمع صوته او تحاجيه .. كان وده في هالاسبوع لو يسمع صوتها ويتطمن عليها .. بالاخير فكر يدق على سارة ويخبرها باخر الاخبار لكن بعدين شال هالفكرة من راسه .. شنو بيقول لسارة .. بيقولها انه بيتزوج .. ونور ..!! ليش لعبت بعواطفها وبقلبها .. ليش كلمتها دام شوري مو بيدي ..
بالاخير .. شال عمره وطلع من غرفته يبي يطلع من البيت وهو طالع مر ابوه في غرفته يطمن عليه
عبدالله : ها يبا اكلت الدوا ؟
ابو عبدالله : أي الحمدلله .. تعال عبدالله جيت بوقتك
عبدالله : هلا آمرني
ابو عبدالله : ترى انا خبرت بوضاحي ان الملكه بتكون يوم الخميس الجاي شرايك؟
عبدالله اللي عرف ان مافي امل من رفضه : سو اللي تبيه .. انا ماعاد لي راي
بوعبدالله : ايه خلك كذا وانا ابوك .. انا ابيلك السعاده .. الين متى بتم عزوبي .. الحين تتزوج وتصير عنك عايله ..شوف اخوك فراس ماشالله عليه .. اصغر منك لكنه متزوج وعنده مرته وبنته وعايش مرتاح
عبدالله : ماعاد ينفع شي يايبا .. انت سويت اللي براسك وخلص .. جاي تشاورني على ايش ..!!
بوعبدالله : اجل كلم اختك سارة ورجلها وخبرهم .. وعقب دقلي على بوراشد وبوخالد ابي اكلمهم
عبدالله : ان شالله .. انا بكلم سارة .. وعندي كم شغله اخلصها واجي ادق لك على بوراشد وبوخالد
تبي شي قبل ماامشي ؟
بوعبدالله : لاتتأخر .. الله وياك

طلع عبدالله من البيت .. وتم ماشي بالسيارة من غير أي وجهه .. حس انه يبي يبتعد وبس .. حس بروحه ضعيف ماقدر يدافع عن حبه او يتمسك فيه .. ونور البنت الضعيفة اللي مابيدها شي .. قدرت توقف بويه اهلها وترفض خالد
سند راسه على السكان وشغل اغنيه الاماكن لمحمد عبدو وتذكر احلى ايام حياته مع نور ..

الاماكن كلها مشتاقه لك
والعيون اللي انرسم فيها خيالك
والحنين اللي جرى بروحي وجالك
ماهو بس انا حبيبي
الاماكن كلها مشتاقه لك
كلشي حولي يذكرني بشي
حتى صوتي وضحكتي لك فيها شي
لوتغيب الدنيا عمرك ماتغيب
شوف حالي آآه من تطري علي
الاماكن كلها مشتاقه لك

خذا تلفونه ودق على سارة
عبدالله : الو
سارة : هلا عبدالله ..
عبدالله : كيفك وكيف علي والعيال ؟
سارة : بخير الحمدلله .. عبدالله .. صحيح اللي قاله لي فراس ؟
عبدالله : زواجي ؟
سارة : اجل الموضوع صحيح ؟
عبدالله : شفتي ياسارة وش سوو باخوج .. ابوي خطبلي من غير لايشاورني
سارة : انا كلمته عقب ماكلمني فراس .. وحاولت افهمه انك تبي بنت بوراشد .. لكنه يقول اني عطيت الرجال كلمه
عبدالله : حاولي فيه ياسارة ارجوك .. دخيل قلبك اذا تحبين اخوك وتحبين مصلحته .. انا مافيني اعيش من غير نور .. مافيني اخذلها ياسارة
سارة : عبدالله .. ابوي قالي ان كلمتيني بهالموضوع بزعل منك ..
عبدالله : تدرين وش قايللي .. قالي اكلمك واخبرك ان الملكه بتكون يوم الخميس الجاي
سارة بصدمه : أيش ؟
عبدالله : سارة ليه ابوي يسوي فيني كذا ؟
سارة حست بمدى الم اخوها وماكان ودها تلومه على اللي صار هي تدري انه مابيده شي : نور درت ؟
عبدالله هو يذكر كلمة نور له : قلتلها واغلقت التلفون بوجهي .. وماعادت ترد علي
سارة : حرام يانور .. ليتك ماكلمتها ياعبدالله .. ليتك ماكلمتها ولا خليتها تتعلق فيك
عبدالله : دخيل قلبك ياسارة .. طمنيني عليها اسبوع وانا ادق بس ماترد علي ..
سارة : باحاول اطمنك عليها ان شالله .. بس انت هدي روحك
عبدالله بصوت يقطع القلب : كلشي انتهى ياسارة .. صح ..!!
سارة : ....
عبدالله : ماعمري حسيت بطعم السعاده الا مع امي .. ويوم راحت .. ابوي كان بعيد عنا ولاهي بزواجه .. والين مالقيت نور .. حسيت روحي بدنيا غير ياساره .. دنيا غير وربي كنت ابيها .. بس كلشي اقوى مني .. كلشي
سارة اللي ماعادت تتحمل تشوف اخوها بهالحاله : تعوذ من ابليس عبدالله .. انت رجال .. وان شالله ربي يوفقك مع زوجتك وتقدر تنسى نور .. بس دخيلك لاتسوي بروحك جذي
عبدالله : كلمني ابوي مرة ثانيه
سارة : طيب .. خلص بحاول فيه الحين .. يله تبي شي ؟
عبدالله :سلمي على علي والعيال .. الله وياك

في بيت بوراشد
ام راشد : راشد الله يخليك روح شوف نور .. مو راضيه تاكل شي .. من اسبوع وهذذي حالتها .. ماادري شفيها
راشد : في حد مزعلها
ام راشد : لا والله .. بس حالها مو عاجبني ..
راشد : طيب انا بروحلها الحين

وصعد راشد لغرفة نور وطق الباب
نور : منو ؟
راشد : انا راشد .. معليه ادخل ؟
نور : لحظة شوي ..
فتحت الباب ..
نور : هلا راشد .. تفضل
راشد : عسى ماشر ؟.. تقول امي انج تعبانه وماتاكلين وحابسه روحج
نور : انا .. لا مافيني شي .. بس تعب عادي
راشد : والدموع اللي ماليه عينج هذي ؟
نور وهي تمسح باجي الدموع المغطيه عيونها : مافي شي راشد
راشد قرب من نور : قولي يانور .. في احد مضايقج ولا مزعلج ..
نور : راشد ..
راشد : هلا
نور : تقدر توديني الشاليه اقعد يومين جذي
راشد : اوكي .. تبين تغيرين جو ؟
نور : أي ياليت ..
راشد : ولايهمج انتي تامرين .. نور هانم
نور : ههه مايامر عليك عدو
راشد : ياربي دوم هالضحكة .. يله نزلي عشان تتغدين معانا
نور : مابي والله
راشد : نزلي ولا ماكو شاليه
نور : ييي ههه طيب خلص نازله

على الغدا
راشد : يما ترى انا ونور بنروح الشاليه يومين جذي
ام راشد : الشاليه هالحزه .. ليش ؟
راشد : نبي نغير جو .. تبون تيون حياكم
ام راشد : لا وين نروح .. انا مااقدر اهد البيت واخوانك قاعدين .. وهشام عنده مباراة هاليومين وابوك ماقلتله ..
راشد : على راحتكم .. زين شبغيت اقولج .. ترى انا بعزم رفيجي عيسى واهله على يوم عندنا على الغدا او العشا .. والله يما اهما ماقصروا معاي بلندن .. ميصير من رديت وماعزمته ولا مرة
ام راشد : خلص ياوليدي .. خبرني قبلها بيوم .. حياهم الله باي وقت
راشد : تسلمين يما .. عاد نبي الطباخ السنع .. ترى انا متشيحط يدامه بطباخج
ام راشد : ههههه ولا يهمك انت اعزمهم وبتشوف شي يسرك ان شالله
راشد : يابعد قلبي ياعواشه انتي
نور ضحكت على كلمه راشد : ههههههه ..
ام راشد : هذي سوالف هشوم .. تعلمت منه رشود ؟
راشد : هههههههههه .. من عاشر القوم يما
الا وين ابوي وفرح وهشام
ام راشد : ابوك بيتغدى بره اليوم عنده اجتماع وفرح رايحه بيت رفيجتها وهشام بيت عمك كالعاده
راشد ونور : فرح وينها ؟
ام راشد : بيت رفيجتها ؟
نور بصدمه : اول مرة تتغدى فروحه من غيرج ؟
ام راشد : يحليلها هذي رفيجتها بالمدرسه وانا اعرف امها خوش بنيه دقت علي وقالتلي خلي فرح تتغدى عندنا اليوم عاد انا مارديتها ولو اني مااعرف اتغدى من غير فروحه حبيبة قلبي
راشد : والبنت هذي شلونها زينه ؟
ام راشد : أي خوش بنيه اسمها سلوى
نور : ولامرة كلمتني عنها فرح
ام راشد : خلها تطلع وتشوف الناس .. مو هذا كلامج نور
نور : ايه بس لازم نعرف رفيجاتها منوا واهلهم منو .. عشان نطمن
ام راشد : ولاتحاتين . اهلهم انا اعرفهم وحده وحده
نور : دام جذيه .. الحمدلله

صعدت نور غرفتها بعد الغدا اما راشد طلع مع ربعه عازمينه على طلعه يخت لجزيرة فيلجا وام راشد راحت تسير على جارتها
فكرت نور تدز لريم مسج .. ريم مهما يصير بتم بنت عمها .. وهي ماكانت ترد عليها فتره خطوبتها على خالد عشان ماتنحرج معاها ..
دزتلها (( تلف هالدنيا على الناس وتدور .. بس الزمن عندك توقف ولا دار .. ادري اني مقصر ولكني مجبورودي تسامحني على حكم الاقدار كني بدونك عقد لاصار منثور ..وش يجمع المنثور دام الزمن جار ؟ ))

وعقبها قامت دقت على بشاير تطمن عليها .. لانها بعد ماكانت تبي ترد على احد خلال الاسبوع اللي فات ..
نور : الو
بشاير : الو هلا نور .. طمنيني عنج اسبوع وشوي وانا ادق ومااحصلج عشى ماشر
نور : عندج شي الحين ؟
بشاير : لا
نور : تعالي زين .. لاني بالليل بروح الشاليه والحين مافي احد بالبيت
بشاير : اخوج المليق بالبيت ؟
نور : اوو صج انج فاضيه .. ماكو احد اهوا ببيت عمي .. تعالي
بشاير : اوكي بس اقول لامي واييج ..
نور : اوكي ناطرتج
بشاير : صار .. بيباي
نور : بياي
بعد ماسكرت نور من بشاير وصلها مسج من ريم
(( وحشتيييييينيي ))
بعد ماقرت نور المسح دمعت عيونها .. وهي تقول بقلبها .. اصيلة يابنت عمي .. اصيله ياريم وراحت دورت رقمها ودقت عليها ..
نور : ....
ريم : الو
نور : ريم انا .. والله والله خالد ماينعاب بس .. !!
ريم : اششش لاتقولين شي .. الزواج نصيب يانور .. بس لوكنتي مصارحتني من قبل
نور : خفت من ردة فعلج .. وو
ريم : خلص ماله داعي نعيد الموضوع .. قوليلي جهزتي روحج ؟
نور : حق شنو ؟
ريم : احم احم .. عرسي بعد اسبوع
نور بفرح : ايي ملابسي صارلها اسبوع بالخياط وكل شوي يقولي ماما ليش مايجي الحين اكو بروفه
ريم : ههههههه .. وليش مارحتي ؟
نور تذكرت الاسبوع الكئييب اللي مر عليها : كنت .. ولا شي بس تعبانه شوي
ريم : زين سمعيني اخوج عندنا بدز معاه بطاقه حق رفيجتج بشاير وامها .. حرصي عليها تيي
نور : اوكي زين لان اهيا الحين بتيي بيتنا
ريم : صار حبيبيتي ..... نور !!
نور : هلا ؟
ريم : استانست وايد انج دقيتي .. من زمان ماسمعت ضحكتج
نور غمضت عيونها تبي تمسح كل لحظة جمعتها مع عبدالله .. تبي تبدى من يديد : ان شالله بتشوفيني دايم اضحك لاتخافين
ريم : نور .. ممكن اطلب منج طلب ؟
نور : تفضلي ؟
ربم : مابي نظره الحزن اللي تغطي ويهج والدموع اللي ماليه عيونج .. ابي اشوف نور اللي دايم تضحك ومستانسه
نور بتنهيده يتناثر معاها بقايا ذكريات عبدالله : ان شالله
ريم بضحك : قلبناها فلم هندي هههههه
نور : ههههههههههه
ريم : يله عيل سلمي على خالتي وفروحه طيب
نور ان شالله وصل .. مع السلامه حبيبيتي
ريم : مع السلامه

سكرت ريم من نور ودقت علي حصة عشان بروفة فسان عرسها اليوم .. وبتروح تاخذ بعض الشغلات اللي ناقصتها مع اختها لانها اهيا ومشعل اتفقوا مايكلمون بعض هالاسبوع الين وقت العرس

ريم بقلبها : يي خل اروح اعطي بطاقه بشاير حق هشام قبل مااروح
لبست عباتها وتجهزت وراحت الديوانيه
ريم تطق الباب
خالد : منو ؟
ريم : انا ريم .. هشام عندك خالد ؟
خالد : اييه عندي .. دخلي مافي احد
دخلت ريم : شلونك هشام شخبارك ؟
هشام : هلا هلا ريم انا بخير.. شلونج انتي ومشعل ؟
ريم : بخير عساك بخير .. بغيتك تعطي هالبطاقه حق نور لما ترجع البيت
هشام بطفاقه معتاده : اوو بطاقه عرس .. يه يه يه .. مايصير نيي احنا ؟
ريم : هيييييي .. ودها من غير اسئله يله انا بروح
قرى هشام الاسم المكتوب على البطاقه وهويقول حق ريم : ترى بغير الاسم وبكتب اسمي بدال بشاير وو....
هشام بصدمه خلت ريم توقف : بشاير ؟؟؟ هذي بطاقه بشاير ؟
ريم : أي شفيك ؟
خالد : مافي شي بس اهوا مطفوق ماتعرفينه ؟
وخالد يغمز لهشام بس هشام ماهمه
هشام : اقول ريوم تبيني اودي البطاقه الحين ؟
ريم : أي لان البنيه ببيتكم الحين .. قلت عشا ا ا ..
هشام : بشاير ببيتنا .. هياااااا
خالد مات من الضحك : ههههههههههههههههههههههههههه
ريم وهي تبتسم : شسالفه شفيكم
هشام فز من مكانه وهو يرقص : اقول خلود يايك بعد شوي .. بس الحين لازم اودي البطاقة حق الحبايب
خالد وهو موقادر يتحجى : تعال يالمينون وين رايح ؟
ريم يات حق خالد : وراسك تقولي هالميون شسالفته
خالد وهو يضحك : مافي سالفه مينون بس
ريم : وانتا ليش تضحك ؟
خالد : هههههه ماكو شي
ريم : الحمدلله والشكر .. اللي يثبت علينا العقل .. اثنين ميانين .. يله انا رايحه
خالد : الله وياج ههه

ريم وهي تركب سيارة حصة اختها
حصة : ساعه انطرج شتسوين
ريم وههي تضحك : اخوج المينون وولد عمج
حصة بنبره ضبق : وهشام شيسوي هالحزة عند خالد مو رفضوا اهله ومايبونه
ريم بنبره صارمة : اهله اللي تقولين عنهم عمج ومرت عمج .. والزواج نصيب ياحصه
حصة : اييه هذا يزانا اللي نبي عيالنا ماياخذون من بنات غير بناتنا .. صرنا احنا الغلطانين
ريم : مو غلط بس مافي شي بالغصب ..
حصه باستغراب : وانتي ليش تدافعين عنهم جذي ؟ والله طلعلج صوت ياريم
ريم : حصه الله يهداج وانا شقلت .. بس انتوا المفروض تهدون ابوي مو تزيدون النار حطب ..
حصه : اووف خلص خلص .. سكري الموضوع
ريم : مابي اسكره الين ماتقولييلي مقتنعه باللي قلته ولا لا
حصه : وممكن انتي تقوليلي خالد اخوج شفيه عشان يرفضونه .. وبنت خالتي سلوى شفيها بعد ؟
ريم : مافيهم شي بس مافي شي بالغصب
حصه : اهما مايبون ياخذون منا وبس .. هذا كل شي
ريم : لاتقولين جذي حرام عليج .. لو مايبون جان ماشفتي عمي بوراشد يحرم راشد من الدراسه ويطرده من البيت الين ماتدخل ابوي وخلاه يكمل دراسته بره بعيد عن ابوه .. وجان بعد ماقال لابوي ان نور موافقه من غير مايسألها
حصه بصدمه : عمي ؟
ريم : اييه عمي .. ياحصه كلشي في هالدنيا نصيب .. واذا الله كاتب نور لخالد بيتكون له .. مانبي نقطع بعضنا بعض احنا مالنا غير بعض .. كفايه السنين اللي مرت واحنا بعيدين عن بيت عمي .. لاتكررون هالشي مرة ثانيه
حصه : ريم .. من وين متعلمه كل هذا .. اسلوبج وحجيج متغير وايد .. والله كبرتي ياريم
ريم بابتسامه : مشعل علمني اشيا كثيرة .. بس اهم شي انتي تكونين مقتنعه باللي قلته لانج تقدرين تأثير على فاطمه وابوي
حصه : زين
ريم : شنو زين ؟ قوليلي انا مقتنعه باللي قلتيه
حصه : ههههه مقتنعه خلص كليتيني
ريم : هههههههههههه .. زين الحمدلله
حصه : ترى وصلنا ماتبين تنزلين تقسين فستانج ؟
ريم : والله ؟؟ ماانتبهت
نزلوا من السيارة .. وحصه تفكربكلام ريم .. كل اللي قالته اقنعها معقوله زواج ريم من مشعل غيرها جذي .. ريم قبل ماتتزوج ماكان لها راي .. كانت تسمع شوري .. حتى فاطمه بعد ماتزوجت ماتغيرت كثر ريم .. الله يكملج بعقلج

في سيارة هشام
حط الكرت على الكرسي اللي يمه بالسيارة وشغل اغنيه سود العيون حقت عيضة .. وهو يطالع الكرت وميت من الوناسه ويقول بقلبه .. هيين يانورو ماتقولين انه الحبايب عندج اليوم ..
طلع ورقه وقلم من درج السيارة وفكر يكتب لها شي ويحطه داخل الكرت .. لكن بعدين تردد ورجع القلم مكانه وفكر انه يكون عاقل اليوم ومايننها مع انه كان ميت يطرفرها كالعاده .. بس خاف انها تزعل هالمرة صج
هشام بقلبه : ع لله اقدر امسك روحي لما اشوفها .. وربي هالبنت يننتني

في بيت بوراشد
بشاير : يابعد قلبي نور كل هذا صايرلج وانا ماادري
نور : خذلني يابشاير .. بهالسهوله يتخلى عني
بشاير : بس بيني وبينج .. أي واحد بيكون مكانه بيحتار بين قلبه وبين ابوه
نور بصرامه : ماله عذر ومافي شي يشفع له على اللي سواه .. ماعاد له مكان بقلبي
بشاير : من صجج تتحجين ؟
نور : على كثر ماكنت احبه .. على كثر مااكرهه الحين
بشاير بصدمه .. اول مرة تشوف نور تتحجى جذي : نور .. انتي بس للحينج تحت تأثير الصدمه عشان جذي هالحجي يطلع منج .. بقولج شي .. انتي للحين تحبينه وهذا كله غضب على اللي سواه فيج .. انا مابيج تعيشين على ذكراه بس ابيج تنسينه او حتى تتناسينه وتبدين حياه يديده
نور : ماعاد لي حياه ..
بشاير : لاتقولين جذي .. ان شالله بتنسينه وتبدين حياة يديده
ورن تلفون نور على مسج فتحته وكان من عبدالله
(( سامحيني عن خطاي وعن جروحي .. واعذري قلبن صار لعبة بيدين القدر ))
بشاير : للحين يدزلج مسجات
نور : ويدق باليوم اكثر مرة .. بس انا ماارد عليه
بشاير : زين تسوين .. اهوا بيكون لغيرج الحين .. حاولي تنسينه نور
نور آلمتها هالكلمه وادمعت عيونها : بيكون لغيري ..!!
بشاير : اسفه اذا جرحتج نور .. بس هذي الحقيقه
نور هني انفجرت بجي وارتمت بحظن بشاير : آآآآه يابشاير .. ليتني اقدر انساه واكرهه ليتني
بشاير اللي كانت متأكده من شعور نور : معليه حبيبتي .. ابجي وريحي روحج .. الايام بتنسيج ياه
بس بس مابي هالدموع .. رفعي راسج وامسحي كل قطرة حزن مليانه هالعيون
وشوي شوي حاولت بشاير تطلع نور من جو الحزن اللي للحينها عايشه فيه

وصل هشام البيت
هشام : روز .. روز..!!
روز : نعم بابا
هشام : ماما هني ؟
روز : لا ماما روح
هشام : نور وينها
روز : اكو في غرفه مع صديق مال اهيا
هشام : فديت صديك مال اهيا والله
روز : سنو قول بابا ؟
هشام : اقول سويلي عصير
روز : زين بابا

واتجهه هشام لوين ماغرفة نور كانت وطق الباب
نور : منو ؟
هشام وهو وده يشوف ويه بشاير لما يقول اسمه : هشام
نور : هشام ؟ انتا شيايبك ؟
هشام : اكو اخت تقول لاخوها شايبك .. ممكن اخش ؟
نور : هههه لا مش ممكن عندي زوار
هشام ماقدر يمسك روحها : عارفين منو عندج شفنا سيارتهم بره
بشاير بصوت واطي : نور واللي سلمج انا بروح .. اكيد الحين بيفشش تواير سيارتي ..
هشام : نور فتحي الباب زين
نور فتحت الباب شوي : شتبي ؟
هشام : هذا الكرت عطيه حق الجياكر اللي داخل
بشاير : اووووف .. شووووفييييه
هشام : هههههههههههه قوليلهم لا يوون العرس من غير مكياج عشان لاتخرع المعازيم
نور هني ضحكت وهي تدزه بره : ييب الكرت واطلع بره يالدب .. صج ماتستحي
هشام: لا لا والله اضحك .. بشور والله اضحك
نور بصدمه : هيي شنو بشور .. مطيح الميانه انتا .. عيب عليك
هشام استحي مايدري شلون طلعت هالكلمه منه : اسف ماكنت اقصد .. يله انا ماشي
بشاير كانت منصدمه .. ونور فيها الضحكه بس تحاول تبين انها معصبه عليه
نور : والله زفيته لاتعصبين
بشاير : مو معصبه
نور : اووو .. اول مره ؟
بشاير : عادي .. يله كملي شنو كنا نقول
نور : سبحان مغير الاحوال .. العاده تشبين نار من هشوم .. شسالفه اليوم
بشاير وهي تضحك : ماهمني .. يله كملي
هشام طلع وهو منحرج .. اووف انا ليش جذي مااعرف امسك روحي .. فشله اكيد تضايقت .. شنو بشور ..!! لاهي بنت خالتي ولا شي .. .. اهيا بس .. غاليه علي حيل
طلع من البيت ورجع لخالد وهو يقوله علي صارله وخالد ميت من الضحك ..: والله انتا نكته نكته .. فلم ماصار ههههههههههه
هشام : اووو انا مااخذ منك غير الضحك والتطنز
خالد : قلعتك احسن .. والله اكو واحد يسوي سواتك .. ممكن اعرف انتا ليش تسوي معاها جذي ؟
هشام : ماتصدقني اذا قلتلك استانس اطفرها .. انتا لوتشوف شكلها واهيا معصبه والله تموت من الضحك
خالد : بس جذي ؟
هشام : ماادري .. احس بمتعه لما تكون اهيا موجوده
خالد : ههههههههههههههههه
هشام : خلود اووف ياملقك والله اتكم جد
خالد بضحك : وبعد ؟
هشام : احبها
خالد قام يضحك اكثر : ههههههههههههههههههههههههههههههه
هشام : اوو انا اقوم اروح بيتنا احسن
خالد وهو حاط ايده على بطنه : حسبي الله على ابليسك هشوم .. والله قمت تحب
هشام : ليش شايفني بدون قلب ؟
خالد : لا بس اخر واحد توقعته يحب انتا
هشام : هههه حتى انا .. عيل انا ويهي ويه حب .. بس شكلي طحت ومحدش سما علي
خالد : عيل تحبها هاا ؟
هشام بتنهيده : أي والله
خالد : زين وبعدين ؟
هشام : شنو يعني وبعدين ؟
خالد : يعني اهيا ماتحبك .. شنو يفيد ؟
هشام : منو قال ؟
خالد : انتا قلت اهيا قالتلك جذي
هشام : ماعليك دلع بنات اسألني انا
خالد : هههههه ... زين وشنو ناوي تخطبها يعني ؟
هشام : من صجك ؟ وين اخطبها وانا باجيلي سنه على التخرج تبي ابوي يذبحني
خالد : زين عيل خل البنت بحالها وبعد ماتخرج اخطبها دامك تحبها
هشام : تتوقع توافق ؟
خالد : مااعتقد
هشام اللي كفخ خالد بالكوشيه : مالت عليك زيين
خالد : وانا صاج .. على البلاوي اللي سويتها فيها ياي تقول باخطبها .. والله لو انا مكانها احذفك بالطماط بره السكه
هشام اللي ضاق خلقه : زين شسوي ؟
خالد : مو تقول اهيا رفيجة نور ؟
هشام : ايه
خالد : خلص خل اختك تسألها
هشام : زين بس انا اخاف البنت تطير من ايدي ..!!
خالد : مم خلني افكر شوي
هشام : يله ياابو الافكار ..
خالد : شوف روح قول لامك انك تبي تخطبها مجرد خطبه وعقب ماتتخرج تملجون واذا وافقت قول لاختك تسألها عنك
هشام : لا اخاف اقول لامي وعقب تقول لابوي ويسويلي سالفه انتا بعدك صغير ومدري ايش
خالد : ومنوا قال انتا صغير ..!!
هشام : لا دخيل قلبك .. دورلي حل ثاني
خالد : زين ليش ماتقول لاخوك راشد .. اهوا بيتفهم اكثر
هشام : صح .. انا ليش مافكرت فيه
خالد : هشوم ليش راشد مايفكر يتزوج ؟
هشام : والله ماادري بس اتوقع امي ماراح تخليه .. اكيد بتحن عليه على هالموضوع
خالد : زين واهوا شلون تخرج من الطب بخمس سنين ؟
هشام : اهوا تخرج من الكليه البريطانيه بخمس سنين من غير سنه التدريب المقررة .. وسوا انتداب لشهادته بحيث ياخذ سنه التدريب بالكويت ..
خالد : اهاا .. يعني اهوا الحين شبهه متخرج ؟
هشام : ايي .. الحين خلنا بموضوعي
خالد : ههه والله صرت تحب ياهشوم
هشام وهو يغمز لخالد : والله غيري مو احسن مني
خالد وبنظره منكسرة واكتفى بابتسامه
هشام حس انه ضايق خالد بكلامه : خلود والله اتغشمر معاك ماقصدت
خالد : معليه هشوم .. ولا يهمك
هشام : زين ترى انا بنام بيتكم .. يعني خابر الواحد لاصار عنده ضيف ييبله فراش .. مخده .. شي ينام عليه
خالد : هههههههه .. زين يله قايم ايبلك . شغل الفلم اللي بالجيس توني يايبه ترى
هشام : اوكي

في بيت بوراشد
نور : يله يما تبين شي ؟
ام راشد : اخذتي كلشي تحتاجينه ؟
نور : أي يما .. يله راشد ينطرني بالسيارة مع السلامه

طلعت نور مع راشد بالسيارة متجهين الى الشاليه وقرروا في البدايه يقعدون اسبوع لكن راشد ا عازم عايلة عيسى رفيجه على الغدا ببيتهم بعد ثلاث ايام ونور بتشوف فستان عرس ريم المقرر يتم الخميس الياي فاتفقوا يتمون ثلاث ايام بس

في سيارة راشد البي ام دبليو
شغل راشد اغنيه انجليزيه
ونور ماعلقت ..
راشد : اول مرة ماتمدين ايدج الطويله ووتحطينه على الاف ام
نور كانت سرحانه وماترد عليه
راشد : نور ..؟
نور : هلا .. هلا راشد سوري ماسمعتك تناديني ؟
راشد قام وغير الاغنيه وحطه على الاف ام وصدفه كانت اغنيه الاماكن لمحمد عبدو ..
نور ماكانت تبي أي شي يذكرها بعبدالله .. حست بالام والقهر والدموع .. حست انه خذلها بس ماتدري ليش للحين تحس انها تحبه .. صارت تكرر اكرهك بقلها وهي مغمضه عيونها الين ماقال بونورة (( كل شي فيني يذكري بشي .. حتى صوتي وضحكتي لك فيها شي )) ومن غير لاتحس قامت وسكرت الرادوا
راشد : ليييش خابرج تحبين اغاني محمد عبدو
نور : مااحب هالاغنيه
راشد : نور .. احنا رايحين الشاليه عشان نغير جو .. مانبي نرجع بويه حزين وعين مليانه دموع .. ماني عارف سبب ضيقج واذا انتي ماتبين تقوليلي ماراح اغصبج .. بس ابيج تريحين اعصابج ..
نور بقلبها ماتدري شلون راشد يحس فيها اهوا من بين هشام وفرح وحتى امها : ان شالله
راشد : وانا بعد ابي اغير جو
نور : انتا توك راجع من بره .. مامداك تزهق وتمل
راشد : تصدقين ماادري .. بس تمنيت لو اني ماتخرجت
نور : تحب دراستك رشود ؟
راشد : المسأله مو مسأله احب دراستي ولا لا .. المسأله اكبر من جذي
نور : شنو ؟
راشد : شلج عاد بعوار الراس .. احنا رايحين نغير جو .. بس هاا نبي نفرفش ونرد
نور : ههههههه زين
يله الحين ابي اغنيه على ذوقج .. حطي شي عدل ..
نور بفرح : هههه زيين ممم هذي حلوة
وحطت اغنيه ياغايب لفضل شاكر
وقعدوا يسولفون الين ماوصلوا الشاليه بلييل متأخر راشد راح ينام بس نور ماياها النوم ونزلت البحر شوي

الدمام
بيت بوعبدالله
المجلس
بوعبدالله : شلون يعني نأجل الملكه الين يوم الاثنين ؟
فراس : عرس مشعل الخميس الجاي وسارة تقول لوتأجلون الملكه الين يوم الاثنين لانها ماتقدر تجي
بوعبدالله : طيب انا بكلم بوضاحي اليوم مو مشكله ..
فراس : بس يبا لازم نسأل الطيب اذا تقدر تسافر معنا ولا لا
بوعبدالله : والله انا ماودي تدري تعبان ومب زي اول بس بوخالد حرص الا اجي .. وبعد علي رجل اختك
فراس : كلشي يعتمد على اللي يقوله الطبيب اذا قال مافي خطورة .. نروح يومين وعقبها نجي عشان الغسيل
بوعبدالله : والله هالدكاترة مايفهمون شي انا اقول يومين مابيضروني وانا ابوك
فراس : الا يضرون .. ولا شرايك عبدالله
عبدالله ماكان معاهم : بشنو ؟
فراس : باللي يقوله ابوك ؟
عبدالله : وش قال ابوي
بوعبدالله عصب : انت بس لو تترك هالتدخين بتعرف وش نقول وش مانقول .. شوف وجهك وش شار فيه .. هذا وجهه واحد بيعرس بعد كمن يوم
عبدالله بعيون تخبي الكثير وراها : سويتوا اللي تبونه .. خلوني انا بحالي الحين
بوعبدالله : حسبي الله ونعم الوكيل ..
فراس : عبدالله .. بتجي معانا الكويت عشان عرس مشعل ؟
عبدالله فز قلبه يوم سمع الكويت .. اذا راح يعني بيشوف هشام وخالد وبوراشد وكلها وجوه بتذكره بنور زياده وهو مافيه .. راح يتعب اكثر
عبدلله : مااعتقد شكلي تعبان وماراح اجي
فراس : ليه عاد .. علي بيزعل اذا درى
عبدالله طلع له عذر : عندي عمل مقدر
فراس على راحتك
عبدالله قام من عندهم وراح لربعه في الاستراحه يكمل سهرته هناك

في الشاليه
نور قاعدة على البحر وتسمع صوته اللي كان ينادي كل جزء فيها ويحي ذكريات ماكان في بالها انها تحييها
كانت ماسكه نفس المحارة اللي عطاها ياها عبدالله .. وجلست على نفس الكرسي اللي خذتها منه .. تذكرت يوم يقولها نزلي في لج مفاجأة اهداء لج من قلبي ..
قعدت تشوف المحارة وشنو مكتوب فيها .. ((أحبك يانور القمر ))
قعدت تبجي الين ماملت المحارة بدموعها ..

وفي الجانب الاخر
عبدالله كانت نور مستحوذه تفكيره .. قاعد مع ربعه لكن مو معاهم
فكر لو انه الحين خطب نور او ملج عليها بتكون جيته هذي احلى ايامه ..
تنهد تنهيده زادت الام قلبه وصدره على كثر ماهو متألم
طلع بره الاستراحه وهومتضايق ودز لها مسج

في غيابك هل دمعي ..والليالي موجعه*** منهو غيرك في حياتي ..ترخص لعينه الدموع
يا حبيبي لوبكيتك ..ما بكيتك من سعه***ضاقت وساع الفيافي ..والزمن عيا يطوع
بح صوتي ينشدك.. كان ودك تسمعه***ويشهد الله حرف اسمك ناقشه بين الضلوع
تاهت خطاي بعدك ..والجهات الاربعه***في بعادك لا مكان ولا وطن ..والزمن جرحه يلوع
الليالي اتعبتني..في سهرها مفزعه***لا رحمني بردها القاسي..ولا فادت هالشموع
يا حبيبي هذا قلبي بين ايدينك اودعه***هذا قلبي لك تعنى ..ينشد بحضنك هجوع
هذا قلبي من خفوقي لو بغيته انزعه*** كبريائه لك تعنى ..يحتري منك الرجوع

رن تلفون نور على مسج .. وكان هالمسج من عبدالله
قرت المسج نور واغرقت عيونها الدموع والحزن .. ودزتله

حبيبي والجروح اللي سببها ليلة الفرقا*** ضما يدها الوصال اليا ظما المحروم حرمانه
حبيبي لو يسامحك البحر وتبيحك الغرقى*** أنا ما اسامحك لو لامني ملحه ومرجانه

ورمت المحارة من ايدها في البحر .. ودخلت الشاليه وهي تمسح اخر دموعها اللي بللت ويهها الابيض

في الشاليه اليوم الثاني
الساعه 8 صباحا
راشد قعد من النوم ويحس بنشاط غريب .. قرر ان ينزل المطبخ التحضيري ويزهب أي شغلة خفيفة له ولنور وعقب بينزل لحمام السباحه
راشد وهو يحرك البيض من على النار ويغني اغنية انجليزيه ومستغرب من هالنشاط والراحه اللي يحس فيهم ..
يكلم روحه : اروح اقعد نوروه تتريق معاي
شوي ولا نور نازله المطبخ عنده : كاني كاني قاعده . . صباح الخير
راشد وهو يشوف ويه نور بصدمه : شفيه ويهج ؟
نور : مافي شي .. ليش ؟
راشد : متى نمتي امس ؟
نور بعيون تعبانه : مانمت
راشد قرب من نور اكثر : ليش ؟
نور بارتباك .. شنو تقوله .. : ماياني نوم ..
راشد : نور انتي تعبانه .. !! تشتكين من شي ؟ يعورج شي ؟
نور : اووو ياراشد زهقتني من كثر ماتسألني .. مافيني شي .. خلص
راشد : زين عيل الحين تتريقين معاي مثل العالم والناس .. وعقب بنزل حمام السباحه وانتي بعد بتنزلين
نور: هههه انتا مسوي ريوق ؟
راشد وهو ماسك البيضه بيدينه : اييي شنو مو عاجبج .. ترى اخوج احسن طباخ في الشرق الاوسط
نور ضحكت والتفتت تبي تروح
بس راشد مسكها من شعرها وهي ماشيه من ورى
نور : آآآآآآآآآآآي رشووووود شعري
راشد : انا مو قلتلج بتتريقين معاي .. وين رايحه ؟
نور : مومشتهيه
راشد : غصب طيب بتاكلن .. نور شقلنا احنا ؟
نور اللي ودها ترجع مثل اول وتحاول تغصب روحها : زين

في بيت بوراشد
ام راشد قاعده تتابع المسلسل القطري عندما تغني الزهور
فرح نايمه على ريول امها ومتابعه معاها
هشام داش الصاله
هشام : اوووف يما هذي بنتج وينها عيزت وانا ادق عليها ماترد علي ..
ام راشد : دق على رشود
هشام : رشود بعد مايرد
ام راشد : تلقاهم نايمين او نازلين البحر
هشام : اوو مو وقته كلش
فرح : وانتا شبغيت من نور ؟
هشام : عن اللقافه انتي ..مالج شغل ؟
ام راشد : لاتصرخ على فروحه حبيبتي .. هذي محد يرفع صوته عليها
فرح وهي مستانسه تحر هشام
هشام : ياربي تعيني .. والله والله مو لايق
ام راشد : شنو اللي مو لايق ؟
هشام : الدلع على الجياكر
فرح قامت من ريول امها وهي تطق هشام بالريموت اللي بيدها
ام راشد : زين لك جذي .. لاخليتونا نتابع المسلسل وازعجتونا .. وبعدين معاكم ؟
فرح : يما شوفيه ليش يقول جيكره ؟
ام راشد : اوووف فروح اخوج يتغشمر بس فكيني خل نشوف
هشام : يمااا ولي يسلمج دقي على نور يمكن ترد عليج
ام راشد التفتت لهشام : صج انتا شتبي فيها . مو كل يوم اهيا بويهك ماصارت عزيزة الا الحين
هشام : بغيتها بموضوع
ام راشد : موضوع شنو ؟
هشام : بش بش .. اا لا اقصد شب شب .. لا ويي انا شقاعد اقول
ام راشد : شتخربط انتا ؟
هشام : فرحوا سكري اذونج .. يما امم انا بسألج سؤال ممكن ؟
ام راشد : بعد المسلسل
هشام : يماااا
ام راشد وهي تقصر على التلفزيون : اووف قول شبغيت ؟
هشام : اممم .. يعني .. انا لو طلبت منكم تخطبولي .. بترضون ؟
ام راشد : هاا ؟
فرح تضحك
هشام يكلم فرح : وانتي ليش تضحكين يالدلوعه هاا .. في شي يضحك ؟
ام راشد : هشوم طوفت علي المسلسل عشان سوالفك البايخه
هشام : يما من صجي اتحجى .. مم يعني انتي شرايج؟
ام راشد : والله تتكلم جد ؟
هشام بتردد خايف من ردة الفعل : أي
ام راشد : والله ماادري شقولك .. ودراستك ؟
هشام : اول تتوقعين ابوي يوافق ؟
ام راشد : تبي الصج .. مااعتقد .. رشود اخوك للحينه ماتزوج وبعدين انتا بعد باجيلك سنه على ماتتتخرج .. توك صغير وانا امك
هشام : بس خطبه يما وبعد التخرج اتزوج
ام راشد : والله ماادري .. بس راشد ؟
هشام : شفيه راشد ؟
ام راشد : يعني ابوك ماراح يرضى يخطبلك واخوك العود للحينه ماتزوج
هشام : يي رشود خلوه علي .. انا بقنعه
ام راشد : على ايدك .. لاني شايفتله ذيج البنت السنعه بس خل يوافق
هشام وهو رافع ايده بشكل مضحك : يااااارب
ام راشد : هشووووم ماني خابرتك مستعيل على الزواج .. ماكان هذا كلامك قبل جم شهر
هشام : مو مني .. من هالمينونه اللي هبلت فيني
ام راشد : منو ؟.
هشام : شنو منو ؟؟ .. هاا .. ماقلت شي انا .. شفيج الله يهداج ياام راشد كبرتي وصرتي تتخيلين اشيا وكلام بعد
ام راشد : هشووووم وويعه
هشام : يماا .. لاتقولين حق ابوي زين .. اخاف يعفس المخططات
ام راشد : هههههه زين يله فارج الحين .. خلني الحق على الباجي .. فرووح شنو صار بزهور ؟
هشام : افاا عليج .. مو بس افارج الا اذلف بعد ..
هذي احلى بوسه على راس احلى ام في الدنيا .. يله مامي انا ماشي
ام راشد : وين بتروح ؟
هشام : بروح النادي .. المدرب اليوم بيقول اسامي اللاعبين اللي راح يلعبون مع المنتخب
فرح : الله .. يعني انتا بتلعب مع المنتخب هالسنه
هشام : قولي ان شالله
ام راشد : وخالد معاك بعد
هشام : اكيييد
ام راشد : زين يما الله يوفقكم .. لاتتأخر
هشام : انا ماراح اتأخر .. احم .. بس يعني انتي لاتنسين موضوعي
ام راشد : ان شالله
هشام : يله فمان الله
ام راشد : فمان الباري

في بيت بوخالد
الساعه 5 العصر
حصة : ريوم شنو باقيلج الحين ؟
ريم : ماادري .. اعتقد مابقى شي
حصه : حجزتي الكوشه والدي جي ؟
ريم : أي امس انا وفاطمه رحنا
حصه : وزعتي كروت العرس كلها ؟
ريم : أي مابقى غير اهل خالتي ام راشد
حصه : ترى برنامج العروس يبدى باجر مو تنسين ؟
ريم : حصه ميصيرنأجله الين عقب باجر ؟
حصه : ليش ؟
ريم : حابه باجر اعزم رفيجاتي ونطلع نتعشى بمطعم كلنا .. تدرين مابقى الا ايام وودي اتم مع رفيجاتي شوي
حصه ابتسمت : خلص على راحتج
ريم : صج ؟
حصه : ايي صج .. افاا اللي تامر فيه عروستنا بنسويه
ريم : زين عيل خل ادق عليهم وبدق بعد على نور اخبرها .. يااي ونااسه
قامت ريم ودقت على رفيجاتها كلهم وعقب دقت على نور
ريم : الو
نور : هلا هلا بالعروس ..
ريم : هلا فيج يالغلا .. نوروه انتي وينح ؟
نور : انا بالشاليه
ريم باستغراب : شتسوين ؟
نور : ماكو انا وراشد قلنا نقعد شوي ونغير جو
ريم : ومتى بترجعين ؟
نور : باجر لاني بشوف فستاني ماادري عنه
ريم : خوش .. عيل باجر تيين بيتنا العصر لاني مسويه يمعه انا ورفيجاتي وعقب بنطلع نتعشى بمطعم كلنا
نور : بس فشله مااعرف احد
ريم : عادي تتعرفين عليهم .. خوش بنات .. وبعدين انا ابيج وياي
نور : انتي تامريني .. جم ريم عندنا احنا
ريم بغرور : وحده ههههههه
نور : هههههههههههه
ريم : مو تنسين نوروه .. وقولي حق فرح بعد
نور : ان شالله
ريم : يله مع السلامه
نور : مع السلامه

سكرت نور من ريم وراشد يمها
راشد : تدرين جم مرة داق علي هشوم .. خمس مرات
نور : وانا بعد داق علي .. ماادري شيبي .. تدق عليه انتا ؟
راشد : اوكي ..
ويدق على هشام بس مايرد
راشد : مايرد .. دقي عليه انتي .. انا بروح مركز سلطان بييب شيبس وبيبسي وجلكسي وجم شغله .. لان معاي بالسيارة فلم يايبه بوريج ياه انما ايه فلم مو طبيعي
نور : لاتقولي طق وتكفخ وبوكسات
راشد : لا شغله تحبينها حييل
نور : لاتقولي فلم شاروخ اليديد
راشد : هههههههههههههههههههههههههههه .. عدل
نور قامت تناقز من الوناسه : وناااااااااااسه
راشد بس هاا يقولون يبجي .. بيبلج علب كلينكس هههه
نور : زين لاتطول .. ويبلي معاك عصير
راشد بقلبه مستانس لان نور مرتاحه وييتها الشاليه ردتها لحالها قبل .. وهالشي خلاه يرتاح من صوب نور

في النادي
خالد : الحين انتا ليش زعلان ؟
هشام : وتسألني ليش خلود .. ليش ماقلتلي ؟
خالد : الصراحه .. انا ادري ان قلتلك بتعفس كلشي وانا ابيهم ياخذونك ضمن المنتخب
هشام : وانتا ماتقدر تاخذ الدورة الا الحين ؟
خالد : حاولت هشووم والله .. بس وقت الدورة ثلاث اشهر .. ومااقدر اغير الوقت على كيفي
هشام بضيق : خلص انا بعد بروح للمدرب الحين وبعتذرله .. خل يختار لاعب غيري
خالد : ينييت انتا ؟ .. تدري ان هذا كان حلمي وحلمك من زمان هشووم .. لاتخرب كلشي
هشام : بس انتا مو معاي
خالد : وجودك انتا بالمنتخب كافي .. جني انا هناك
هشام وهو يحظن خالد : والله راح توحشني بالدب .. انطر بس تخلص المباريات بييك على طول
خالد : ههههههههههه .. بتيي حقي ولا حق الشقر اللي هناك
هشام : هههههههه اكييد حق الشقر .. عيل عشان طلتك البهيه
خالد : مالت علييك هههههههههه
هشام : ومتى بتسافر ؟
خالد : الدورة بتبدى مع الدوامات ومدتها ثلاث اشهر راح اتم في لندن في المعسكرات وان شالله مااطول
هشام اكتفى بابتسامه ومن داخله زعلان لانه خالد ماراح يكون ضمن فريق المنتخب .. هالشي كان حلم خالد وحلمه من يوم اهما صغار ولما تحقق وصار قريب طلعتله هالدورة
خالد : هشوووم عاد هالله هالله بالاقوال السنعه .. بيض الويه
هشام : الله كريم
خالد : انا بتابعك من هناك وادق عليك عقب كل مباراة ان شالله
هشام : اووف خلص لاتييب طاري السفر الحين .. امش خل نغير ملابسنا ونطلع شوي
خالد : هههههه ياابو الاحساس انتا .. زيين يلله مشينا

في الشاليه
الساعه 12 بلليل
راشد : هههههههه نوروه خلص ترى الفلم خلص من ساعه وانتي للحين متأثرة وتبجين
نور : اهي حراام كسر خاطري .. لاتييب افلام تبجي رجاءا
راشد : ههههههههههه .. زين
رن تلفون راشد
راشد : اوو توه يدق هشووم .. وين كان هذا نايم ..!!
راشد : الو
هشام : هلا راشد
راشد يعيب عليه : هلا هشام
هشام : بغيت شي ؟
راشد : انتا اللي مكسر تلفوني وتلفون نور .. ماادري عنك انتا شبغيت
هشام : لاخلص ولاشي بعدين
راشد : شنو بعدين .. شفيك انتا بعد ؟
هشام : متضايق رشود
راشد : حشى .. شفيكم انتوا ؟
هشام : .....
راشد : زين انتا وينك الحين ؟
هشام : بالطريج رايح البيت
راشد : زين كمل طريجك الين الشاليه .. تعال وقولي شفيك
هشام : انتوا قاعدين ؟
راشد : ايه باجر الصبح بنرد ..
هشام : زين عيل بخبر امي وايي
راشد : لحظة .. مر البيت ييب لك ملابس
هشام : وااي صج نحييس .. شنو حركات الانجليز هذي .. قولي اعطيك بجامه من عندي مالي خلق ارد البيت
راشد : ههههههههههههههههههههههههههههه
هشام ابتسم : زهبلي بجامتك .. يله باي

نور تكلم راشد : بيي الحين ؟
راشد : yes
نور : ليش شفيه ؟
راشد : وانا ادري .. كل واحد فيكم شايل هموم ومتاضيق وانا صاير مكتب الاستشارات
نور : وانتا مالك هموم ؟
راشد ناظرها بعين جهلت نور اللي بداخلها : همي انكم تعيشون احسن مني
نور : رشوود .. مافكرت تتزوج ؟
راشد : بل .. لاتفاولين الله يخليج .. من احد يبيبلي طاري الزواج اتذكر سلوى
نور : ههههه تدري انها تزوجت ؟
راشد : صج .. الحمدلله الله رحم حالي
نور : هههههههههه .. وانتا بعد لازم تتزوج
راشد : لا انا خلوني بعييد .. جذي احسن
نور : راشد .. معليه اسألك سؤال بس تجاوبني بصراحه
راشد : قولي
نور :ليش انتا وابوي دايما تختلفون
راشد انصدم من سؤال نور ماكان متوقع ان احد ملاحظ هالشي غيره وغير هشام وامه .. اهوا دايما يحاول ان مايختلف مع ابوه يدام خواته عشان ما يي يوم ويسألونه هالسؤال
راشد : مانختلف
نور : احس مرات انك تختلق معاه المشاكل بس عشان تخالفه
راشد : لانور انتي غلطانه .. احيانا الاباء مايفهمون شنو احنا نبي بالضبط .. يفكرونه سلع او العاب يلعبون فيها متى مابغوا ويحركونها مثل مايبون .. واحيانا احنا مانفهم تصرفات اهلنا يشوفونها في مصلحتنا
نور : كلامك متناقض مع افكارك وتصرفاتك .. لو اللي تقوله صح .. جان وافقت على زواجك من سلوى دامك تدري ان هالشي يمكن ابوي يشوفه من مصلحتك ؟
راشد وبنظرة غريبه اول مرة تشوفها نور : سبب رفضي ماكان لاني مابيها اهيا بالذات وبس .. يمكن هالشي كان في البدايه .. بس ..!!
نور : بس شنو ؟
راشد تذكر الموضوع اللي عرفه في ذاك الوقت وانصدم منه وهو اللي كان سبب رفضه : مافي شي .. يله ماتبين تنامين ؟
نور استغربت من راشد شلون سكر على الموضوع : راشد .. شنو السبب الثاني
راشد : نور هالموضوع راح وانتهى خلاص .. يله قومي
نور : مابي بنطر هشوم ..
راشد : على راحتج ..
وقام من الصاله وصعد غرفته وذكريات ذيج الليله كلها يت في باله مشهد مشهد .. وهو يقول بقلبه : شتبيني اقولج يانور .. شقول ..!!

نور تمت بحالها في الصاله تنطر هشام يوصل .. ومستغربه من راشد .. في موضوع اهوا مخبيه وماحد يدري عنه .. اكييد في شي .. شكله وهو يتحجى ويسولف ونظرته وكلامه كلها تدل على ان راشد مو خالي .. خل يي هشوم وكلمه

مرت ربع ساعه ونور متملله وفكرت تدق على بشاير
نور بقلبها : اخاف بشور نايمه هالوقت فشيله خل ادزلها مسج واذا ردت علي دقيت
وقامت دورت مسج مناسب بس مالقت .. واخيرا قررت تلعب معاها شوي وقامت دزتلها
(( لو نايمه عند احد من صديقاتج وشافج اخوها شنو بيقول عنج .. اختاري من 1 الى 12 ))
وبعد ثواني ردت بشاير
(( ان شالله مو بيتكم بس .. 3 ))
نور يوم شافت اختيارها ضحكت وقررت تدق عليها
نور : مبروك ياعروسه
بشاير : الحمدلله والشكر .. نوروه راشد اخوج شنو مشربج هناك .. اخاف سكرانه الناس تقول مسا الخير والاحساس والطيبه .. نوم العوافي .. احلام سعيده .. وانتي تخربطين
نور : ههههههههههههههههههههه .. مو مني من الرقم اللي مختارته انتي
بشاير : شنو ؟
نور : رقم 3 اهو (( والله لاخطبها )) ههههههههههه
بشاير : طالع هذي .. وانتي ليش مستانسه جذي
نور : لانج انتي اللي اخترتي تصيرين مرت اخوي مو انا ههههههه
بشاير : هههههههههههاااي يحليلج ضحكتيني لو تنطبق السما على الارض ماتصير
نور سمعت صوت الباب : زين عيل حبيت اسمع صوتج بس
بشاير : بعد قلبي والله .. دقي باي وقت
نور : ان شالله .. تصبحين على خير
بشاير : وانتي من اهله .. مع السلامه

هشام : منو هذي اللي تقوليلها تصبحين على خير ؟
نور : مالك شغل .. تعال ابيك بموضوع
هشام : والله انا اللي مخي في الف شغله وشغله .. راشد وينه ؟
نور : بغرفته ..
هشام وهو يغمز حق نور : كنتي تكلمين بشاير
نور : هههه اييه شتبي ؟
هشام : نحييسه جان سلمتي عليها
نور : شكو ..!!
هشام : اووف وين رشود انتي ماتبردين القلب
نور : هههههههههه .. تعال صج باسألك عن راشد
هشام : شفيه ؟
نور قالتله السالفه كلها وشنو صار وشنو رد عليها راشد
هشام ارتبك : ماكو شي .. يعني ماكو شي وبعدين شنو هاللقافه
نور : تعال .. شكلك انتا بعد تعرف .. شسالفه ؟
هشام : هاا .. أي سالفه .. قلنالج ماكو شي عن الطفاقه

وصعد هشام لراشد يكلمه

هشام : رشوود
راشد : هلا كاني هني .. تعال
هشام : انتا شقايل حق نور ؟
راشد : اسكت مابغيت الا روحي
هشام : امسكتني والا تقولي راشد شفيه وشنو السالفه اللي مايبي يقولي ياها
راشد : انا ماادري شلون فلت لساني .. اهيا اسألتني عن علاقتي مع ابوي وبعدين يابت طاري زواجي من سلوى وهني ماعرفت شقول
هشام : حط بالك رشود .. ترى البنات ان دروا بتدري امي .. وبنطيح بمشاكل مالها اول ولا تالي
راشد : زييين .. انتا قولي شفيك ؟
هشام : اسكت .. اليوم اختارني المدرب من اللاعبين اللي تم الموافقه عليهم لفريق المنتخب
راشد : صج والله ؟ .. وهالشي يزعل ؟
هشام بضيق : خالد مو وياي .. طلعتله دوره بلندن
راشد : هههه .. زين من جذي زعلان ؟
هشام قام من عند راشد : رشود انت ماتدري خالد شنو يعني لي .. خالد اخوي وولد عمي وصاحبي وكلشي

راشد حس بالغيرة .. فعلا اهوا ماكان قريب من هشام مثل خالد .. : وانا وين رحت ؟
هشام : موجود .. بس بعد خالد غير
راشد : مثل هالدورات تكون مثل الحوافز للضباط .. يعني هالشي بيكون لصالح خالد والمفروض تفرح له مو تزعل وتتضايق
هشام سكت وماعلق
راشد : ههه بس هذا اللي مضايقك يالدب
هشام : ووفي شي ثاني بعد .. مم انا ناوي اخطبلك
راشد : ههههههههههههههههههه .. لاياشيخ .. صاير خطابه بعد .. انت شنو بتاع كلو .. بعد سنه بتصير محامي وتلعب كرة .. وطالعلي الحين تخطب حق العالم ههههههههه
هشام : ههههههههههه ايي اضحك .. شسوي .. قال شحادك على المر .. قال اللي امر منه
راشد : اوو مر .. !!
هشام : الله يسلمك انا ناوي اخطب ..
راشد : هههه ومن والمينونه اللي بتوافق عليك ؟
هشام : خخخخ شدراك انها مينونه ؟ ههه
راشد : الحمدلله والشكر .. ههههههه
هشام : عاد انا قلت حق امي .. وقالتلي ميصير تتزوج قبل اخوك راشد .. وانا قلت حق امي خلي رشود علي
راشد : والحين انتا ياي تقنعني اتزوج ؟
هشام : مااقنعك .. ياي اخبرك ان امي لقتلك بنت وناويه تخطبها لك
راشد : ههههههههه اقول اترك عنك هالموضوع الحين .. وين نور ؟
هشام : انا يااي عشان هالموضوع .. تكفه رشوود قول موافق
راشد : مستحيل
هشام بخيبه : ليييش ..!!
راشد : ماافكر بالزواج
هشام : يعني بتحرم قلبين يحبون بعض من اللقاء .. ياواد ياقاسي
راشد : هههه لحظة لحظة .. قولي منو هذي اول ؟
هشام : هذي الله يسلمك رفيجة نور .. والصراحه انا ابيها رشود تكفه لاتقتل حبنا بعدين يصير حالتي مثل قيس ابن الملوح
راشد : ههههههه بس بس لاتشعر الحين .. خلص انا اكلم امي واقولها تخبطها وانا مو ناوي الحين
هشام بفرح : يعيييييييييش اخوي ههههه
راشد : زين يله فارج الحين خل انام شوي
هشام : وين البجامه بالاول .. ولا تبيني انام بالجينز !!
راشد : ههه افتح الكبت وخذها ..
هشام : اوكي دكتور

طلع هشام وراشد شاغلته امية فكرة وفكرة .. موضوع الزواج هذا وحال هشام ونور .. وذكريات موضوع مر عليه خمس سنين ومايدري شنو التطورات اللي صارت فيه يديده ..حس بالضغط .. كلشي على راسه .. واخيرا استسلم للنوم

الساعه 11 الصبح
راشد يقعد نور : نوروه يلله قومي
نور بنعس : روح قعد هشوم اول
راشد : هشوم بخليه اهوا بيي لاني عيزت وانا اقعده مو راضي يقوم
نور بكسل : زين يلله كاني قايمه
راشد : بسرعه لاتتأخرين

قامت نور سبحت على السريع وغيرت ملابسها ولا تدق عليها فرح
نور : هلا فروحه
فرح : انتوا وينكم .. كللكم بالشاليه ؟
نور : هههه اييه
فرح : زين متى بتيوون
نور : انا وراشد الحين بنرد البيت .. بس هشام نايم اول مايقوم بيي
فرح : وييي انا معتمده على هشووم يودينا
نور : وين ؟
فرح : اليوم بستلم فستاني مال عرس ريم
نور : امبيييييي تعاالي .. انا اليوم بروفتي الاخيرة منو يوديني بعد
فرح : شوفي راشد اذا ماعنده شغل مروني ونروح
نور : ايي صح .. زين يله اقوله وابلغج
فرح : اوكي لاتتأخرون .. بيباي
نور : باي

نزلت نور تحت في الصاله لقت راشد وبيده مفاتيح السيارة ينطرها وهشام نايم في الصاله
نور : هههههههههه ويي هذا شفيه نايم بالصاله
راشد : لا وبعد البجامه اللي خذاها مني مالبسها نايم بالجينز
نور : هشوم طول عمرة عفسه وفوضوي الله يعين اللي بتاخذه
راشد : تعالي صج منورفيجتج هذي اللي يقول بيخطبها
نور طلعت عيونها : يخطبها !!!
راشد : ايي امس يايني ويكلمني انه يبيها ومسوي فيها قيس ههههه
نور وهي تضحك : لايكون بشاير ؟
راشد : والله ماادري عن اسمها بس قالي رفيجتج .. وقاعد يقنعني اوافق اتزوج لان امي قايلتله ماكو زواج قبل اخوك العود
نور : هههههههههههه والله لو تدري بشاير بتنصدم
راشد : ليش اهيا ماتبيه ؟
نور ماتدري شترد : تصدق ماادري .. اهيا من كثر مااذاها المسكينه تقول تكرهه .. بس الله اعلم بالقلوب
راشد : تكفيين نور شوفي شنو كان يطالع .. الفلم الهندي اللي يبته ذاك اليوم
نور :ههههههههه الحب عامل عمايلوه
راشد : قومي قومي لانتأخر بس
نور : ابي ادق على بشور اقولها

شوي ولا هشام يقوم
هشام : نور تكفيين .. اذا رفضتني لاتقوليلي
نور مخترعه : بسم الله الرحمن الرحيم انتا مو نايم ؟
راشد يضحك : يبي يطمن .. جذي الحب يحرمك من النوم .. والله حالتك ماتسر هههههههههه
هشام : اووف انتوا مو فالحين الا بالطنازه .. وينك ياخلود انتا بس اللي فاهمني
اقول نور .. انتي تتوقعين توافق ؟
نور تستغل الوضع : شوف اذا رضيت اليوم تودينا الخياط بقولك رايها
هشام فز من مكانه : مو بس الخياط .. اوديج القمر اذا تبيين
نور وهي تصفق مستانسه : عاااش هشوووم هههه زين انا بروح البيت الحين باخذ الفاتورة واجهزلي جم شغله وانتا لما تيي نروح
هشام : تامرين نور هانم .. أي اوامر ثانيه
نور : هههه لا تقدر تنصرف

ركبت نور مع راشد وردوا البيت واثنينهم تغيرت افكارهم من هاليومين
نور طلعت من حزنها شوي .. ولو ان عبدالله حاضر في كل خطوة تخطيها وكل نفس تتنفسه لكنها على الاقل قدرت تتخطى حالة الحزن اللي كانت عايشتها
الحب اصبح لها جريمه وماتبي تكررها ولاتخوضها مرة ثانيه بحياتها
راشد موضوع الزواج هذا شاغله .. وصورة شوق مرتبطه بهالموضوع .. ماايدري ليش كل ماطرى هالموضوع على باله ظهر ويه شوق الطفولي والبريئ يدامه .. راشد ماقدر يخبي حقيقه اعجابه بشوق بس يمكن ماوصلت حد الحب .. يمكن هدوءها وحياها شده لصوبها وايد
وبنفس الوقت حس راشد بالمسوؤليه اتجاه خواته واخوانه .. ويمكن حس بالراحه انه نور وهشام الجأوله يوم كانوا متضايقين .. وهالشي خلاه يلوم روحه .. وينه عنهم كل هالسنين .. لا ابو يدري عنهم ويحس فيهم .. وام بروحها تبي من يواسيها على ابوها واخوانها ومرت ابوها
كان الطريج الى البيت فر صه لنور وراشد يفكر كل واحد فيهم بحياته اليديده ويخطط لها

في بيت بوخالد
الصاله كانت مليانه بالبنات
مها وابتساام وهيا ونورة وسعاد واسماء.. رفيجات ريم
نوروفرح
وحصه وفاطمه
مشاعل ومها بنات اخت زوج فاطمة

ريم اتفقت مع الكل انهم يلبسون جينزات وتوبات فيها حركه
ريم كانت لابسه جينز اسود حلو وتوب اسود فيه قصات وسلاسل روعه وفاتحه شعرها الطويل وكان شكلها جنان
نور كانت لابسه جينز فاتح ومشكوك من طرف واحد بالتركواز مع توب تركوازي سمبل ومكياج ناعم ورافعه شعرها بطريقة تلوق على لبسها وكانت ملفته بشكل روعه
البنات الباجي كانوا لابسين حلو .. لكن مشاعل كانت الاجمل بينهم
مشاعل كانت حلوة وناعمه بس ماتقارن بجمال نور الجذاب ..
كانت لابسه جينز ياي على الزيتي مع توب حلو وشعرها كان كستنائي فاتح وملامحها ناعمه

الكل كان فرحان ومستانس .. ونور ريم قبل لايوصولون البنات جهزوا المسجل وتموا البنات بين رقص ووسوالف وكانت القعده ماتنمل
حصه وفاطمه كل شوي يطلون عليهم وفرحانين لريم ..
حصه تكلم فاطمه : ماشالله هذي بنت سميه حماتج .. مملوحه وناعمه
فاطمه : منو مشاعل ولا مها ؟
حصه : اللي لابسه زيتي
فاطمه : تقصدين مشاعل
حصه : شرايج ماتناسب خالد ؟
فاطمة : والله مشاعل خوش بنيه
حصة : جم عمرها ؟
فاطمه : 20 وتوها تشتغل ..
حصة : زيين عيل خل اقول حق خالد اذا له نيه زواج نخطبها له شرايج
فاطمة : الله يسمع منج ان شالله
حصة : بس عاد فرق بينها وبين نور ..
فاطمة : نور ماشالله عليها كاملة .. شوفيها شلون طالعه من بين كل البنات تقولين قمر
حصه : ومشاعل بعد ماعليها زود ..
فاطمة : صاجه .. وان شالله تكون من نصيب خلود
حصة : ان شالله ..

في الصاله
كان الفرح عام المكان والكل يرقص ومستانيس .. باختصار كانت القعده حلوة ونور اختلطت مع البنات بسرعه واهما حبوها
ريم : بنات يله كل وحده تلبس عباتها بنطلع الحين عشان نرد مبجر مانبي نتأخر
قاموا البنات يلبسون وريم دخلت تاخذ عباتها
قامت اسماء بحكم انها الجريئه بينهم وقالت
اسماء : بنات عرس ريووم يوم الخميس .. لازم نسوي لها مفاجأة شرايكم ؟
البنات كلهم وافقوا على كلامها ..
سعاد : شرايكم نيبلها كيكه
ابتسام : لا فكرة قديمه نبي شي يديد
نور : بنات .. انا في بالي فكرة بقولها لكم
اسماء : قوولي نور
نور قالت لهم الفكرة وراقتلهم ووصت كل وحده فيهم تلتقط احلى صوة لريم خلال هالقعده من غير ماتحس عليهم
اسماء : زين ومنو بينفذ الفكرة عقب
نور : ماعليكم انا اعرف رفيجتي شاطره بهالسوالف .. اقولها تسويلنا ياه
هيا : صار عييل ..
اسماء : شششش ياات ريم
ووصلت ريم والجيمع لبس وطلعوا بثلاث سيارات
سيارة ابتسام واسماء وفاطمة اخت ريم
وصلوا المطعم وكانت احلى قعده .. تعشوا واستانسوا وكانت ريم حاسه انها بتفقد هالقعده ويعز عليها فراقهم
اسماء : بنات قبل لاتروحون بيوتكم والمطعم فاضي خلونا نلعب لعبه على السريع
ريم : يله قولي
اسماء : كل وحده تسأل الثانيه سؤال او تطلب منها طلب والثاينه لازم تنفذة واذا مانفذته عقابها ترقص مصري على اغنيه خليجيه يوم العرس
ريم : ههههههههههههههههه خوش خوش .. ان شالله مااطلع انا بس
اسماء : بما انج العروس .. لازم نبدى فيج . . نبيج تنزلين من تحت الطاوله وتطلعين من الجهه الثانيه
ريم : يالنحيييسه هيييين يااسوم .. تشوفين اذا زوجتج اخوي
اسماء : لادخيل قلبج كلش ولا هالشي .. خلص هوونا
الجميع : ههههههههههههههههههههههههههههههههههه
ريم : بسويها ترى سهله بس راقبولي المكان لحد يشوفني
وتموا يلعبون وهم مستانسين .. وراح الوقت واهم مو حاسين فيه
رجعوا البيت ونور ردت مع ريم بيتهم لان اخوها هناك
ريم : نور لاتنسين البطاقات ملوت اهل امج
نور : اوكي .. يله تامريني على شي ؟
ريم : لا ولا شي سلامتج ..
نور : يله تصبحين على خير

طلعت نور مع هشام للبيت اماريم فماباجي على عرسها غير ثلاث ايام يادوب تقضيهم بين برنامج العروس اللي يبدى باجر ويخلص يوم الاربعا
وبنفس اليوم بلليل بيت بوراشد بيون يقضون السهره هناك حسب طلب بوخالد

الدمام
علي يكلم عبدالله : لا عبدالله مالك عذر تيي يعني تيي
عبدالله : علي والله مشغول صدقني
علي : شدعوة اذا كلش حاس روحك ماعندك وقت تعال الخميس بلليل واطلع اليمعه الصبح
عبدالله اللي انحرج ومايدري شيرد : خلص مثل ماتبي .. بس لاتقولي اقعد ولا شي .. يوم واحد احضر العرس وارجع
علي : اوكي .. يله هذي سارة تبيك
عبدالله : هلا سارة ..
سارة : هلا عبدالله شلونك وشلون ابوي وفراس
عبدالله : طيبين الحمدلله .. انتي كيفك ؟
سارة : بخير فديتك .. اقول صحيح مرت فراس بتيي معاه ؟
عبدالله : اعتقد هو قال
سارة : اووف الله يعينا عليها عاد هذي دايم شايفه روحها
عبدالله سكت وماعلق
سارة : يله عبدالله لاتتأخرون انا جهزت غرفة لابوي تحت وفراس ومرته جنبه وانت غرفتك موجوده
عبدالله : طيب سارة
سارة تبتعد شوي عن علي : انسى عبدالله انسى
عبدالله : لو اقدر كان نسيت
سارة : حاول وبتقدر
عبدالله : الله كريم
سارة بيأس : طيب حط بالك على روحك
عبدالله : ان شالله .. مع السللامه

علي يكلم سارة ..
شفيج .. شكلج متاضيق سارة .. صاير شي
سارة : والله هالعبدالله حالته ماتسر
علي : ليش عسى ماشر .. خرعتيني
سارة اللي متاضيقه من حال عبدالله وحبت تقول لاحد يمكن يقدر يساعدها : اهوا ماكان يبي البنت اللي ابوي خطبها .. كان وده يخطب بنت بوراشد . .بس ابوي استعجل وخطبله من غير لايسأله
علي : الله يعينك ياعبدالله .. والله ماادري شقولج
سارة : اسكن علي .. احس روحي مخنوقه ودي ابجي
علي : سارة حبيبتي .. لاتخافين .. ان شالله بس يتزوج راح ينسى وترد حالته مثل قبل
ماتدرين يمكن هالزواج فيه خير له
سارة : ان شالله

يوم الثلثاء
الساعه 2 الظهر
بيت بوراشد
ام راشد : حيا الله من يانا .. حياج الله ام عيسى تفضلي
ام عيسى واقفه هي وشوق وهي تدش داخل : الله يحيج ياام راشد .. تسلمين
ام راشد وهي تدخلهم غرفة الاستقبال : زين انه شفناكم وييتوا على كثر ماسولف لنا راشد عنكم
ام عيسى : يحليله راشد والله تعودنا عليه تصدقين
ام راشد تكلم شوق : شلونج يابنيتي شخبارج ؟
شوق بصوت هادي وابتسامه : بخير خالتي الحمدلله
ام راشد وهي تكلم ام عيسى : ماشالله هذي بنيتج الكبيرة ؟
ام عيسى : لا عيسى اكبر عيالي وعقب شوق وعندي بدر الصغير
ام راشد : ان شالله استانستو بلندن ؟
ام عيسى : ويييي ياوخيتي .. لندن ماتنبغى .. كلها هالاجانب واللي مطلعه ريولها واللي مطلعه يدينها .. انا ماادري الناس شحقة ميته عليها
ام راشد : هههههه .. الجو ياام عيسى .. الجو
ام عيسى : أي والله صدقتي كلش ولا جوهم .. تصدقين انا رحت هناك بيضيت هههههه
ام راشد : هههههههههههههههه
ام عيسى : شنسوي حق هاليهال .. نبي نونسهم
ام راشد : صاجه .. عاد ليش مايه بوعيسى
ام عيسى : لا ويين .. بوعيسى رايح مع ربعه طالعين يحدقون
ام راشد : هذي الساعه المباركه اللي زرتونا فيها
ام عيسى : والله ساعتج ابرك .. انا قلت لراشد ماله داعي ياوليدي .. بس هو اصر الا انتعبكم
ام راشد : ههههه شدعوه تعبكم راحه
وتدش نور وفرح ويسلمون
تغدى الجميع .. وام راشد استانست على ام عيسى .. وقعدوا على سوالف وجاي
نور كانت تسولف مع شوق وارتاحت لها حييل .. البنت حبوبه وهاديه وراكزة ..
نور : زين .. رحتوا محلات السلفريدج اللي باكسفورد ؟
شوق : لا .. ليش حلو ؟
نور : من صجج ؟ انا قايله حق راشد عن هالمحل .. الله يسلمج اهوا محل كبيير وفيه اغلب الشغلات اللي ندور عليها .. جناان
شوق : يي .. عيوس نحييس .. كل ماقلتله ودني السوق .. يقول انتوا ماتملون من السوق
نور : ههههههه مب بس اخوج .. كل الشباب جذي
شوق : أي والله صاجه ..
وعلى هالسوالف والقعده الحلوة .. ام راشد حبت ام عيسى .. وحستها مثل اختها بالضبط .. وشافتها الاخت اللي فقدتها ام راشد بحياتها
ام راشد وهي عند الباب تسلم على عيسى : زين ياوليدي كرروها كل مرة ..
عيسى وهو واقف يم راشد : مانبي نتعبج ياخالتي .. والله انتوا ماقصرتوا
ام راشد : ولا انتوا قصتروا يوم كان راشد عندكم
ام عيسى : ها ياوخيتي بينا اتصال ان شالله
ام راشد : ان شالله .. سلمي على بوعيسى
ام عيسى : يوصل ان شالله

وطلعوا مع راشد الين السيارة
ام عيسى تكلم راشد : وانتا ياوليدي جنك نسيتنا .. ماتقول ولهت على طباخ خالتي .. ماوحشتكش على قوله اخوانا المصرييين
راشد للي ضحك من قلبه : ههههههههههههههه .. بلى خالتي .. وفي حد مايشتاق لطباخج .. ان شالله قريب بس شسوي ولدج مايعزمني .. مابي ارز الويه
عيسى يدز راشد بيدينه : انا يالدب ؟
ام عيسى :عيوووس .. صج مافيك خير
عيسى : استانست .. هذي هي الحين بتثور فيني
راشد : هههههههههههههههه .. لا خالتي عيسى مايقصر .. ان شالله قريب بزوركم
عيسى ركب السيارة وهو يكلم راشد : يله تبي شي ..!! انا اكلمك ان شالله
وراشد حس ان عينه فاقدة شخص .. بس مابين بالسيارة .. قرب شوي من عيسى وعينه تدور على شوق
راشد بتردد حط عينه بعين عسليه جنان : شوق شلونج !!
شوق بصوت بشويش ينسمع : بخير انتا شلونك راشد ؟
راشد بقلبه .. والله ياهشوم بتنفرج كربتك قريب .. شكلي بكلم امي اليوم : بخير .. الحمدلله ..
عيووس .. اكلمك اليوم طيب ؟
عيسى : طيب .. يلا مع السلامه
راشد : الله وياك
راح عيسى .. وعين راشد للحينه تتبع الكرسي اللي ورى .. وين ماكانت شوق قاعده .. ورجع دخل البيت
ام راشد تكلمه : يحليلها ام رفيجك والله خوش مرة
راشد : وعيسى بعد .. وشوق كلهم ماشالله
نور وهي تخز راشد : عيسى ومنو ..!!
راشد عرف قصد نور : هههههههه شتبين !!
نور : بس حلوة !
راشد : صج نور ؟
نور : وحبوبه بعد ..
ام راشد : انتوا شتقولون ؟
نور : هههههههه اقولها رشوود ؟
راشد : لا نطري .. بعدي ماقررت
نور : والله محد بيستانس كثر هشووم .. بتفك ازمته
راشد : ايييه .. ههههه الا وين هشوم
نور : ماادري .. يمكن نايم
راشد : زين انا بمشي .. احد يبي شي ؟
نور تغمز لامها
ام راشد : زيين زيين بقوله
راشد : شنو ؟
ام راشد : نور تبي تاخذ فستان عرس ريم من المشغل وتبي تشتري جم شغله ناقصتها حق العرس .. انا قلت يعني لو تقدر توديها
راشد : لازم يعني نوروه ؟
نور : كيفك خلص
راشد تذكر ان اذا ماودها من بيوديها .. خواته ماعندهم احد .. : قومي يالله وقولي لفروحه بعد ..
نور بسعاده لاتوصف : ان شالله .. بروح ابدل
راحت نور .. تشوف شنو ناقصها وهي تكلم فرح : يله لبسي ترى الحين بنروح
فرح : اخذتي من امي فلوس ؟
نور : مب لازم راشد معانا اهوا بيدفع
فرح : زين انا ناقصتني ساعه واكسسوار شعر
نور : ماادري انا جنه عندي ساع
وتذكرت نور الساعه اللي اهداها ياه عبدالله يوم عيد ميلادها تناسب الفستان تمام
فرح : نور !
نور : روحي فرح لبسي انا بعد بلبس
فرح : عندج ساعه ولا لا ؟
نور : طلعي فرح الحين .. بشوفلج
طلعت فرح وسكرت نور الباب واستندنت عليه وتذكرت ذاك اليوم شلون فرحت بهديته .. بوجوده .. بصوته وبالورد وبكل شي .. شلون حياتها كانت مع عبدالله .. شلون كان يتذكر اقل كلمه هي تقولها .. وشلون كانت تفكر لهديه له يوم ميلاده ..
فكرت تلبس الساعه .. لكن بعدين شالت هالشي من بالها بس تذكرت فراقه .. شلون باعها برخيص وهي اللي شرته بالغالي
رمت الساعه من يدها ورمت كلشي يتعلق فيه من حياتها

خلاص الماضي ودعته
محيت ذكراه من قلبي
انا من باعني بعته
ولا دربه يجي دربي
خلاص الماضي ودعته
تعاند كل احاسيس
وابدا خطوة النسيان
متى مازارني طيفك
اقوله روح ياخوان
خلاص الماضي ودعته
صبرت اكثر من اللازم
صبرت ومابقى بي حيل
وعمري صار بس ذا بك
بقايا للسهر والليل
خلاص الماضي ودعته

الاربعاء
في بيت بوخالد
الساعه 3 ونص العصر
وصل بوراشد وفراس وزوجته اميرة وصبا بنتهم وعبدالله مطار الكويت
علي وسارة ومشعل كانوا في الاستقبال
علي : حيالله عمي تو مانورت الكويت والله
سارة : وربي وربي الدنيا كلها منورة بوصولك يبا
وسلموا على فراس واميرة وعبدالله
سارة تكلم فراس : شدعوه يااخوي من العيد الين العيد اشوفك .. ماتقول اختي ازورها واتطمن عليها
فراس كان بيتكلم ولا ترد اميرة : وشنو فيها الكويت نجي نزورها ..!! حر مووت
سارة تخز فراس مستغربه وتقول بقلبها : بدينا من الحين
وتكلم اميرة : فيها اخته حبيبته .. مايتحمل الحر عشانها .. ولا شرايك فراس ؟
فراس : هاا . .أي صح .. يله بتوصلونا ولا ناخذ تاكسي
علي : افاا عليك بس انت تامر . .. حياك الغالي
وهم متجهين الين السيارة .. ابو عبدالله كان بشويش يمشي ويسولف مع سارة ويطمن عليها
علي كان يكلم فراس عن أجارات السكن في الكويت مندمج معاه
عبدالله كان شايل صبا بنت فراس .. وفي عالم أخر ,,

بيت بوخالد
بوخالد يكلم خالد : قوم يابوك شوفهم وصلوا ولا لا ؟
خالد : انا قايل لعبدالله اول ماتوصلون كلمني ..معقوله تأخرت طيارتهم الحين الساعه 3ونص
بوخالد : زين كلم علي ريل سارة .. اذا الطيارة عليها تأخير ولا شي
خالد : ان شا لله يبا
علي كان معاه عبدالله وبوعبدالله في السيارة ومشعل كان معاه فراس واميرة وسارة
ويدق خالد على علي .. وعقب جم رنه رد عليه
علي : هلا بالغالي ..
خالد : السلام عليكم .. هلا فيك بومحمد
علي : وعليكم السلام والرحمه .. شخبارك خالد شمسوي ؟
خالد : نسأل عنكم .. والله ابوي يحاتي .. يقول طيارة عمي بوعبدالله ماوصلت للحين ؟
علي بابتسامه : الا وصلوا وكاهم يمي الحين رادين البيت
خالد : والله .. زين طمنتي يااخوك .. هذا وانا قايل لعبدالله وموصيه اول مايوصل يكلمني
علي يلتفت لعبدالله وقلبه مكسور على حاله .. من اول ماوصل ماتحجى ولا نطق بكلمه وهو سرحان وباين عليه الارق والتعب حيل
علي : لا الظاهر نسى ..
خالد : زين عطني اتحمدله بالسلامه
علي يكلم عبدالله : عبدالله ... عبوود ..
عبدالله : هلا علي
علي : خالد عالتلفون يبيك
عبدالله : اوو هو قالي اخبره اول مااوصل .. عطني ياه
خالد : جذي يالدب وانا اللي قايلك خبرني قبل ماتوصل
عبدالله : ههه السموحه الغالي .. والله نسيت حقك علي
خالد : ولا يهمك اهم شي وصلتوا بالسلامه .. اقول ابوك يمك ؟ ابوي يبي يكلمه
عبدالله : ايه لحظة شوي
عبدالله يعطي التلفون لابوه : يبا هذا بوخالد عالتلفون
بوخالد : الو السلام عليكم
بوعبدالله بصوت كله شوق : وعليكم السلام ورحمه الله وبركاته ..
بوخالد : الحمدلله على سلامتك الغالي والله نورت الكويت
بوعبدالله : منوره باهلها والله
بوخالد : يعني ماتييون الا بالمناسبات .. شدعوه وانا اخوك وحشتونا
بوعبدالله : مايوحشك غالي والله .. وربي لو مو معزتكم ماجينا .. حنا اهل وهذا احنا جيناكم .. الجايه عليكم عاد
بوخالد : هههههه .. ان شالله يله اخليك الحين ... ترى ها مااوصيك اليوم العشا ببيتنا ومنها تشوف بوراشد والجماعه كلها
بوعبدالله : ان شالله خير الغالي
بوخالد : سلم على العيال .. مع السلامه
بوعبدالله : بحفظ الله .. الله وياك

بوعبدالله كانت فرحته ماتوصف باتصال بوخالد .. طول عمرهم كانوا يروحون ويجون عند بعض .. بس من توفت ام عبدالله .. هولهى بزواجه .. والعيال كبروا وانشغلوا .. وصار الاتصال فقط بالمناسبات المحدوده
يوم الخميس
الساعه 11 الصباح
نور زايرة بشاير ببيتهم .. وقاعدين بالغرفه
بشاير : زين شرايج فيه الحين ؟
نور : حلو .. بس نبي اغنيه حلوة تلوق على العرض
بشاير : مم شرايج بهذي ؟
نور : أي حلوة .. زين حطي هالصورة بعد
بشاير : وااااو نور .. هالصورة عجييبه .. كلكم فيها
نور : هذي يوم كنا بالمطعم خذيتها واحنا ناكل .. شوفي ريم هني
بشاير : بتفقدونها ؟
نور : حييل والله .. يله الله يوفقها
بشاير : زين شوفي العرض كله
نور : روعه روعه بشور .. يله قومي دام خلصنا نمر البيت اخذ اغراضي وفرح وامي ونروح الصالون
بشاير : خل اشوف امي زاهبه .. واييج
نور : اوكي

راحت ام بشاير وام راشد ونور وفرح وبشاير كلهم الصالون
نور وبشاير خلصوا مبجر واتجهوا الي الفندق عشان يظبطون المفاجأة لريم .. اما ريم فكانت في صالون الفندق
دخلت بشاير ونور على ريم بالصالون
نور : ريووم ماخلصتي للحين ؟
ريم : باجي بس شعري .. نور وااااااو شنو هذا
نور بحيا : احم احم .. حلو
ريم : أأأأخ بس لو وافقتي على خلود
نور وهي تطق ريم : مالت عليج زيين ..
ريم : تطقيني وانا عرووس .. بدال ماتحظنيني وتبجين على فراقج
نور : هههههه شدعوه رايحه القمر .. !!
ريم : هههههه .. بشور شلونج ؟
بشاير : الحمدلله .. مبروك مقدما يالغاليه
ريم : الله يبارك فيج .. نوروه .. خلص هونا عنج .. والله رفيجتج صكت عليج نخطبها لخلود احسن
نور : هههههههه لا عاد بشور محجوزة حق حبيب القلب
بشاير : ويييييييع
نور : هههههههههه ماعليج منها مو من قلبها
بشاير اللي انحرجت : نوروه وبعدين معاج انتي ؟
ريم تغمز لنور : صج صج ..!!
نور وهي تضحك : ايييييه
ريم : أي واحد ؟
نور : ولدكم .. هشووم
بشاير : نوروه ويهد . لاتطلعين اشاعات زين
نور : زيين خلص لاتعصبين ههههههه
ريم : بناات .. انا خايفه
نور : ليش .. مشعل قايل انه بياكلج ؟
ريم : ههههههههههههههههههه .. حلوة
بشاير ونور : ههههههههه .. قومي يالله بلا دلع سوي مكياجج .. واحنا بننطرج بره
نور كانت لابسه سلفر حرير من النوع الغالي .. طويل ومخصر على جسمها وفيه فصوص سوار فسكي من الظهر على طول الفستان .. وكان له ذيل بسيط ومكياجها وشعرها زي نانسي في اغنيه انتا ايه
وكان شكلها ملفت وجمالها جذاب
اما بشاير فكانت لابسه اوف وايت .. طبقات قصير الين الركب ومعاه شحاطه ذهبيه ومزينه شعرها القصير الين جتوفها بورده زي اخر طلعه لهيفا وهبي
وكان شكلها حلو وروعه
العرس وكان متعوب عليه .. والكل مستانس مابين رقص ووناسه
ام راشد وفرح وام بشاير يوو عقب ..
نور تكلم امها : يما عطيتي بطاقات حق مرت ابوج واهل ابوج ؟
ام راشد : دقيت ثلاث مراات وكل مرة يقولولي طالعه .. واخر مرة دقيت قالتلي عندي استقبال
نور : هههه يعني ماتبي تيي ؟
ام راشد : تدرين شسويت ؟ عطيت كرتين لام عيسى وشوق والكرت الثاني عطيته لزوجة رفيج ابوج
نور : منو اعرفها ؟
ام راشد : أي زوجه العميد عبد الوهاب تعرفينه رفيج ابوج بالشغل
نور : ايي عرفته .. زوجته صبيحه ؟
ام راشد : ايي هذي اهي
نور بابتسامه : زين .تسوين .. انتي سويتي اللي عليج وتعزمين رفيجاتج احسن

دخلت ريم والكل معجب بجمالها ويحسد اللي بياخذها لانها طلعت روعه فوق مااهيا حلوة ونعومه
بشاير تنادي نور : نور نوروووه ..
نور : نعم كاني يايه
بشاير : يوو كل رفيجاتها ؟
نور : ايي يله شغليه الحين
بشاير : طيب
وشغلوا الفلم اللي كان بدايته اهداء من رفيجات ريم لها
وكان يحوي صور تضم ريم من وهيا صغيرة مع رفيجاتها الين اخر يوم قبل الزواج .. ورافقته اغنيه لعبدالمجيد جناان
وكان الفلم مؤثر اللي خلا ريم تبجي يوم قاموا رفيجاتها كلهم يرقصون حوالينها والفرحه مو شايلتهم لرفيجة عمرهم رغم حزنهم بفقدانها ..
صار وقت دخول المعرس .. قاموا الحريم يتغطون
نور تكلم هشام بالتلفون : منو بيدش ؟ نغطيها ؟
هشام : ايي اخو مشعل بيدش واحنا كلنا بندش بعد .. وعيال عمي بوعبدالله
نور من الازعاج ماسمعت زيين : يي هشوم ماادري شتقول .. زين حصه بتدق على خالد وتقولكم متى بتدشون
هشام : زين يله باي
نور : باي
ام راشد تنادي نور : نور .. تعالي يما
نور راحت لوين ماامها كانت واقفه وشافت يمها وحده ويهها مو غريب عليها : هلا يما
ام راشد تكلم سارة .. : هذي نور شفتيها ؟
نور بصدمه كانت تشوف سارة وتحاول تكون طبيعيه بس ماقدرت
سارة اللي سلمت على نور وهي تقول بقلبها .. الله يسامحك يايبا .. هالبنت ماتتفوت .. جمال واهل واخلاق
نور ابتعدت بسرعه وهي بصمت رهيب
ساره : شلونج نور ؟
نور : بخير الله يسلمج
سارة وهي تناظر نور وكان ودها لوتطمن عبدالله على نور : الحمدلله
نور تكلم امها .. : انا بروح عند بشاير
راحت نور عند بشاير بذهن شارد
بشاير : نور .. نوروه يله لبسي ترى الحين بيدشون
نور : هاا .. يله زين
راحت تلبس نور وعقبها دخلوا الرياييل
بشاير : نوروه .. اخوج هشوم هذا ؟
نور : ههههه ايييه .. شوفيه شلون يخزج .. خل اروحله
راحت نور وسلمت على هشام وراشد ..
هشام يهمس لنور : ياحلووها ام البيج هذي منو ؟
نور : وااي انتا مافيه اعير منك .. بس بس ذبحت البنت خز
هشام : والله صح منو هذي ؟
نور : يالمليييق ..
هشام : زين قوليلها طالعه اليوم ... شيفه .. اأأ اقصد قمر
نور : ههههههههههههههه هيين بعلمها
هشام : لا واللي سلمج الحين تبرطم وتزعل وتفركش الزواج .. مو وقته
نور : ههههههههههه
هشام بصوت واطي : نوروه غطي ويهج ماتشوفين كله رياييل داشين ؟
نور تبي تغيضه وهي تتلفت ورى .. : وين ماكوا احد غريييب
والتقت عيونها بعينه

في الطرف الثاني
عبدالله : علي مابغى ادش يعني مابغى ادش
علي : ادخل انتا مو غريب عبوود
مشعل : عبوود ان مادخلت معاي .. ترى ماادخل بعرسك
عبدالله انحرج بس ماكان وده يدش عشان مايشوف نور ونظراتها اللي بتذبحه
علي : يالله ياريال .. عزيمه اهي !!
عبدالله بيأس : طيب

وهم داشين الصاله عبدالله مارفع عينه عن الارض .. كان وده لو يقدر يرجع ومايكمل الدرب مع باجي الرياييل
رفع عينه عبدالله يوم سمع حد يناديه
ساره : عبدالله .. علي وينه ؟!!
رفع عيونه عبدالله وقال : علي هناااك جنب خال
وتجمدت عيونه بعيون مافاارقته ولا لحظة بحياته
بس هالمرة هالعيون الحلوة المكحله .. كانت تبجي ومليانه دموع وتناظره وهي تخبي اشيا كثيرة
عبدالله ماقدر يتحرك من مكانه .. وريوله ماشالته وين ماكان واقف .. حاول يجر خيبته .. يجر حزنه .. يبعد عيونه او ريله بس ماقدر .. الين هالعيون فارقته وهي ترميه بسهم آلم قلبه وماقدر يتحمل مواجيعه
تحرك بدمعه محبوسه الين مامشعل كان واقف وسلم عليه ومادرى شلون هالاحرف طلعت منه وقال
مبروك !!
وعقبها حس انه كان اسرع من الريح .. طلع من الصاله وماكان وده يفارقها .. بس ماقدر يتحمل نظرتها .. كانت مؤلمه حيل
طلع ولحقته سارة
سارة : عبدالله .. عبدالله
عبدالله من غير مايلتفت لها وقف : نعم
سارة : شفيك ..!!
عبدالله : الله يخليكم اتركوني .. كفايه مب قادر اتحمل ياسارة مب قادر .. قلتلكم مافيني ادخل واشوفها مافيني
سارة : هدي روحك الحين بالبيت نتحجى خلص
عبدالله ناظرها بنظره والتفت وطلع من هالمكان
خذا تلفونه ودز لنور .. (( حاولت اجمع في غيابك شتاتي .. بعضي معك عيا يفارق خويه ))

بشاير اللي كانت تدور نور وتدق عليها لكن ماترد واخيرا شافتها بغرفه البوفيه
بشاير : نوروه انتي وينج .. عيزت وادق علييييي
وانصدمت بدموع نور وهي تراقب الدريشه وبيدينها تلفونها وتبجي
بشاير : نور .. نور شفيج شصاير ؟
نور اللي حضنت بشاير وتمت تبجي وهي تقول : شفته بشور .. شفته .. كان داخل مع الرياييل ..
بشاير امسكت نور من جتوفها : وشنو يعني شفتيه .. هالشي المفروض يخليج قويه مب بهالضعف اللي انتي فيه
نور .. اللي تسوينه هذا مو زين لج . . دموعج ماراح ترد شي .. كلشي انتهى مثل ماقلتي .. حاولي تنسينه
نور بصوت يقطع القلب : ياليت
بشاير وهي تسمع صوت رنه مسج من تلفون نور : اكييد اهوا
نور وهي تفتح المسج اللي كان فعلا من عبدالله وعقب ماقرته غمضت عينها بالم وبصورة تدل على تعب هالقلب الصغير بشاير اللي قلبها متقطع على نور .. واحضنتها بقوة ..
بشاير : انسي كلشي .. كلشي .. وامشي نروح نستانس
نور مشت مع بشاير جسد .. لكن روح وقلب ماقدرت الا تتركهم معاه
حاولت كثير انها تنساه .. لكن حبها له اكبر من مجرد شي ينسى .. لانها عاشت فيه وعاش فيها
البنت الجميله اللي ظهرت هالليله في العرس .. والكل كان حاط عينه عليها .. كانت مجرد ورده حلوة المظهر .. لكنها من الداخل تنزف .. وتنزف بقوة والم

مر على عرس ريم ثلاث اشهر .. وخلال هالاشهر .. تقدم هشام لبشاير وخطبها بعد ماتم الاتفاق على انه يكمل هالسنه وعقبها يتزوجون
راشد كلم امه عن شوق وامه فرحت من الخاطر .. لانها حست ان هالبنت دخلت قلبها وبنت ناس واهلها زينين
لكن ماتم الاتفاق رسمي .. مجرد كلام بين راشد وامه عنها الين مايخلص راشد سنه التدريب مالته اللي بدت من شهر
اما نور .. فبعد عرس ريم .. كثروا خطاطيبها .. لكنها في كل مرة تتعذر باي عذر .. كانت شايله فكرة الزواج من راسها .. او بالاصح فكرة كونها مع ريال .. رغم محاولات امها وتدخل اخوانها الا انها كانت مصرة على موقفها وتمت عايشه على امل وخيال عبدالله وذكراه بس بصمت
بشاير كانت رافضه خطبتها من هشام .. لمجرد الاستمتاع في تعذيبه .. ولو انها من الداخل عرفت انها تمووت فيه .. لكن طبعا مانست اللي سواه فيها .. عشان جذي .. ماوافقت على الخطبه الا بعد شهرين وكان وقتها هشام يحاول يرضيها باي طريقه
عبدالله ملج على مضاوي بنت بوضاحي ... والزواج بيتم بعد شهر حسب كلام ابو عبدالله
وطبعا اهوا مافكر يشوفها ولا حاول .. رغم محاولات سارة في كثير من المرات بانها تخليه يشوف صورتها لكن رفض عبدالله خلاها تعرف انه للحين مانسى نور .. لكنها بقلبها تقول .. مصيرك ياعبدالله بتنسى
ريم ومشعل .. اجمل زوجين في الدنيا

في بيت بوراشد
غرفة نور
هشام : زين .. ليش غيرت وقت محاضرتها ؟
نور : اوووف هشووم زهقتني .. قلتلك ماغيرتها .. اهيا دكتورها اعتذر مرتين .. وانا عرضت عليها ترد معاي لاني اخلص بهالوقت بس
هشام بضيق : ودكتورها ناوي يداوم طول هالكورس ؟
نور : ياااربي الله يعيني عليكم واحد بالبيت ووحده بالجامعه
هشام :زين نوروه .. اختي العزيزة
نور اللي هدت الكتاب من ايدها : نعم
هشام :شكثر تحبين اخوج؟
نور: ماعندي اسلفك ..
هشام :شدعوه انا اخذ من اختي فلوس .. افااا
نور :هاا شتبي ؟
هشام : مم يعني لوباجر تقولين لبشاير انج بتردينها ..
نور : محاضراتي تخلص قبلها بساعه
هشام : معليه قعدي نطريها .. ولا انتو مو رفيجات طفوله ؟
نور : ههههه نصااب وبعدين ؟
هشام : مم .. انا بيي اخذكم
نور : ماراح ترضى
هشام : عاد انتي لاتقولين لها اني انا اللي باخذكم .. قوليلها السايق
نور : نو .. ماتعودت اجذب عليها
هشاام : اوووف .. حراام عليكم خطيبتي وممنوع اشوفها يعني .. بالخش مثل الحراميه
نور : ههههههه هشووم اخاف تزفني .. ترى بشور مو هينه .. اخاف من لسانها والله تحقد علي
هشام : ماعليج .. انتي بس وافقي وخلي الباجي علي
نور : زين .. زين يله اطلع الحين خلني ادرس باجر عندي كويز
هشام : فديييت هالاخت .. يااربي انا شلون اعيش من غيرج
نور : يماا منك انت .. سكر الباب وراك

في بيت بوخالد
ريم : والله بتعجبك .. انتا روح شوفها وعقب احكم
خالد بقلبه .. يعني مافي امل يانور : ماادري ريم
حصه : خلنا نروح وان ماعجبتك سو اللي تبيه
خالد : ونور ؟
حصه بعصبيه : ردينا على نور .. يبا البنت ماتبي تتزوج ليش مو راضي تفهم ياخالد
خالد بيأس : خل ريم تسألها .. اخر مره
حصه : البنت قالتلي مابي خالد .. مابيه مو عاجبني ..
خالد بصدمه : هي قالت جذي
حصه : ايه .. اقص عليك انا ..!!
خالد : خلص سو اللي تبونه
وطلع من الصاله وهو متاضيج .. معقوله نور ماتبيني انا بالذات .. بس ماكان هذا ردها

ريم تكلم حصه باستغراب : ومتى كلمتي نور ؟
حصه ببرود وهي تصب لنفسها جاي : ماكلمتها
ريم : يعني تجذبين ؟
حصه : عشان اخوج
ريم : بس مب زين تتبلين على البنت .. حرام عليج
حصه : فكينا انتي الثانيه .. يعني شنو سبب رفض نور لخالد دامها ماتبيه اهوا بالذات
ريم بنبره حاده : لو ماتبيه اهوا بالذات جان مارفضت كل اللي تقدمولها من طرفي وطرف فاطمه
حصه : طيب .. رفضت خالد لا غيره .. ليش نخليه يتعلق بامل ضعيف ..
ريم : بس مو على حساب غيرنا .. مانجذب ياحصه ونتبلى على بنات الناس
حصه : وييييه .. سويتها جريمه وقصه ..
ريم : ويمكن خالد وافق رده فعل للكلمه اللي قلتيها
حصه : اووو .. خلصينا انتي الثانيه .. ودقي على فاطمه خلينا نحدد وقت نزور حماتها سميه
ريم قامت ولا علقت على كلام حصه .. : ودقت على فاطمه وكلمتها وعقب عطت التلفون لحصة و دقت على مشعل يي ياخذها

في الطرف الثاني
فاطمة : كلمتي خالد ؟
حصة : ايه وقال سو اللي تبونه
فاطمة : زين عيل متى تبينا نزورهم ؟
حصه : اول دقي وسأليها ..
فاطمة : ويييه .. من بيلاقي مثل اخوي خالد .. كامل والكامل وجهه سبحانه
بس الصج ينقال .. خلود الف بنت تتمناه
حصه : الا نور
فاطمه : البنات تارسين الديرة .. ونصيبهم مو لبعض
حصه : ادري .. بس اخوج يبيها .. تصدقين لليوم يقول لريم كلميها
فاطمة : تدرين .. !! ياكثر اللي شافوها بعرس ريم واخطبوها بس اهي ترفض
حصه : وشنو السبب عاد ؟
فاطمة : تقول تبي تكمل دراستها
حصه : وعمي شلون مطاوعها ؟
فاطمه : من صجج .. والله لو يدري عمي تلقينه ماخلاها .. بس الظاهر ان مرت عمي عايشه ماتقوله ان نور ترفض كل اللي تقدمولها
حصه : المهم .. خلينها من نور الحين .. نبي الخميس الياي نزورهم
فاطمه : خلص انا بكلمها واردلج خبر
حصه : صار .. يله سلمي عليهم .. مع السلامه
فاطمة : مع السلامه

في الدمام
المستشفى
الدكتور : انا الحين احذرك .. ترى صحتك في تدهور والتدخين هذا بيضر التنفس عندك
عبدالله : دكتور .. احس بحرقة واختناق اذا مادخنت
الدكتور : طبيعي لانك تخلص علبة كامله يوميا .. اخ عبدالله ترى حالتك الصحية ان ماحطيت بالك عليها ترى اهيا بخطر
عبدالله يضحك .. وعقب قال : طيب
وكتب الدكتور شويه مضادات للحرقه : بالسلامه

طلع عبدالله من الطبيب وتركي كان ناطره بره
عبدالله : قلتلك مافي شي انتا بس متخوف مدري من ايش ..!! امش يله
وهم يمشون
تركي : انا ياعبدالله .. وربي لو ماجريتك جر ماجييت هناا .. الصحه ماتتعوض
المهم شقال الدكتور ؟
عبدالله : عطاني مضادات للحرقه وقالي وقف تدخين
تركي : سمعت ..!!
عبدالله : ليت الفعل زي الكلام
تركي : والله محد خسران غيرك .. ياعبدالله الحبن بديت حياة جديده وبعد شهر بيكون لك زوجه وعايلة .. ان مااهتميت بصحتك عشان نفسك .. اهتم فيها عشان اهلك وزوجتك واصحابك واللي يحبونك
عبدالله : اللي يحبوني ماعادوا يبوني .. وشله اهتم بصحتي
تركي : لازم تنسى .. وتبدى حياة جديده
عبدالله سكت .. كلام تركي صحيح والكل يعيد عليه نفس الكلام .. ابوه .. فراس .. وسارة .. بس ليش هو مب قادر ينسى ..
تم طول الطريج ساكت .. حس ان ممر السمتشفى طول اكثر من اللازم .. تعب من التفكير ومن الواقع ومن الحرمان
تعب حتى من المستقبل اللي للحين مايدري وش هي بيكون حاله

رجع البيت
عبدالله : يله تركي تبي شي !!
تركي : ايه .. ابيك تهتم بصحتك .. وترد عبدالله اللي اعرفه .. مبسوط ويضحك رغم آلامه وحزنه كل الربع فاقدينك .. كلهم ينتظرون عبدالله الاولي ..
عبدالله ناظر تركي بنظره وعقب قال : تدري .. احس ربي ماجمعني باللي احبها عقاب لاني لعبت بقلوب كثير من البنات .. بس وربي ياتركي .. اني حبيتها من قلبي .. ولا عمري حبيت حد كثر ماحبيتها
مااحس ان حياتي لها طعم من غيرها .. الواحد ليبغى يتزوج الدنيا ماتوسعه من الفرحه .. الكل يباركله وهو مستانس
وانا احس الناس تعزيني .. وترثي حالتي من دونها
تركي ماعرف شيقول .. عبدالله كان صاج بكل كلمه قالها لكنه علق : الله يوفقك ان شالله .. ادعي ربك ينسيك ياعبدالله
عبدالله : اذا بدعي رب العالمين .. ابدعيه يجمعني فيها
تركي : عندك للحين امل ..!!
عبدالله : الين اخر نفس فيني .. فمان الله

اليوم الثاني
في الجامعه
نور : اما دكتورج هذا نكته نكته ههههه.. اول مرة اشوف دكتور شعر عربي ودمه خفيف هههه
بشاير : هههه والله موتنا من الضحك ..
نور : زين خل ادق على هشام .. اأأ اقصد السايق اشوفه وصل ولا لا
بشاير : هييي .. انتي قلتليلي بتعزميني على الغدا .. مو تحزرين فيني . .ترى انا مييته يووع
نور : ههههههه افاا علييج .. خليني ادق بس
وتدق نور على هشام
نور : الو .. مسا الخير محامينا
هشام : هلا هلا .. براعيه الصوت وباللي يمها
نور : احم احم .. يسلمو ههه .. اقولك السايق بره ؟
هشام : هاا . .ايي اخذكم الحين
نور اللي تسوي روحها ماتدري : وليش انتا ؟
هشام يلقنها شنو تقول : قولي ان سييارة البيت وقفت بالشارع
نور اللي تكرر اللي يقوله هشام : ويييه سيارتنا وقفت .. شلون نرد البيت الحين ؟
هشام : هههههههههههه وربي اموووووووت علييج يااحلى اخت .. ياايكم طيران
نور : لا اخاف بشاير تستحي .. هاا .. زين يله تعال باي

بشاير وهي فاتحه عيونها على الاخر .. : شنو يله تعال ؟؟!!
نور : بشوور شسوي سيارتنا واقفه .. تبينا نرد بتكسي ؟
بشاير : وليش هشام اللي يي ياخذنا .. ليش مو ابوج ؟
نور : هههه حلفي !!! متى ابوي اخذني من الجامعه ؟
بشاير بخجل : لا مابي .. شنو يقولون عنا البنات ؟
نور : مايقولون شي .. انتي مو بروحج انا معاج وبعدين هشام خطيبج ولا نسيتي ؟
بشاير : لا مانسيت ... بس للحين ماصار شي
نور : ششش بس لا تزيدين حجي وايد .. يله امشي نوقف عن الشمس الين مايي
بشاير بتردد : طيب .. ادق على امي اول
نور : اوكيه

بشاير تدق على امها اللي ماعارضت الفكرة .. وعقب عشر دقايق وصل هشام بسيارة الجييب
نوروبشاير وهم متجهين للسيارة
نور بخبث : ههه بشور شوفي البنات شلون يخزون باخوي فديته .. مزيون
بشاير بغيره : وييه .. ماعندهم سالفه مادري على شنو !!
نور : هههههههه انا ادري .. جيكر وشيفه
بشاير : انتي هيييي . .لاتقولين شيفه
نور : هههههههههه الحين توج تقولين ماعندهم سالفه
بشاير وهي تضحك : بس انا اللي اقول ههههه
نور : امبييي هذي بتدش معانا السيارة ..
بشاير بعصبيه : واخوج يخزها .. الحين ببط عيونه
نور : ههههههههههههههههه .. قاعد يخزج يالحوله ..
بشاير باحراج : لاتجذبين .. خلص ماني يايه
نور : يله فشلتينا الحين احد ينتبه علينا .. بطلي دلع

دخلت نور وشاير السيارة .. وسلمو
عقب قال هشام : شلونج بشاير ؟
بشاير من ورى : بخير الحمدلله
هشام : سامحينا السيارة كانت عطلانه واضطريت انا اييبكم
بشاير : معليه .. بس لوقايلتلي نور جان اخذت سيارتي وماتعبناكم
هشام : شدعوه تعبكم راحه .. احنا نتشرف والله

نور كانت منصدمه من هالانسجام الغير طبيعي .. وتقول بقلبها .. اول مرة مايتهاوشون فيها .. الحمدلله يارب
هشام قام حط اغنيه عبدالمجيد عبدالله .. اهتم فيني
وعقب قال : بشاير .. هالاغنيه شتذكرج فيه ..!!
نور ضحكت : احم احم نحن هناا ههههههههه
بشاير كانت منصدمه : عادي ..
وقامت ودزت مسج حق نور (( اخوج استخف وقعد .. اخاف مريض ولا فيه شي .. دخيلج مو طبيعي هذا مو هشام ))
نور قرت المسج وضحكت حييل ..
هشام : الحمدلله والشكر .. شفيج تضحكين ؟؟
نور : ماكو شي روميو .. خلك مندمج مع الاغنيه
هشام مااهتم لكلام نور .. لانه مايستحي منها وبعدين الفرصه ماتتكرر وعقب قال : ياليت نسمع ضحكات ناس اللي ترد الروح
بشاير هني انحرجت حييل ودزت لنور )) ودوني بيتنا .. اخوج باعها ))
نور تكلم هشام : هشووم شنو صار على خطبه راشد اخوي ؟
هشام : ماكو كلم امي واهي ناويه تكلم ابوي هاليومين ان شالله ويخطبونها رسمي لانه اهوا يبي يملج قريب
نور : اووو تطورات ماادري عنها
هشام : اييه .. بعد خالد بيخطبون له قريب يوم الخميس الياي
نور : والله ؟
هشام : اييه .. خبرج خلود كلشي اسويه لازم يسوي نفسي .. يغااار هالدب ..
نور : الله يوفقه يارب خالد خوش واحد
هشام : واشوفج وافقتي عليه
نور بضيق : شياب هالموضوع الحين
هشام : ماادري عنج .. انتي تقولين خوش واحد
نور : وانا صاجه
هشام : عيل ليش رفضتيه .. حسافه كنت ابيه يكون لج .. خلود مافيه منه
نور سكت وحست انها بتبجي .. ليش هشام يقول جذي .. اهي موبيدها .. ليش مايحس ان الموضوع اكبر مو موافقتها او رفضها .. تذكرت كلشي صار بعد رفضها لخالد .. وتمت ساكته وهي ملتفته صوب الددريشه
بشاير حست بنور .. وتقول بقلبها .. صج رياييل مايحسون وقامت دزت لها مسج (( ماعليج منه نور .. هشوم لسانه متبري منه ماتعرفينه ..!! ))
قرت المسج نور وسكتت
هشام : انتي شسالفه تلفونج كل شوي وصلج مسج ؟
نور وهي تبي تحره : بشور تبي تقولي اشيا ماتبيك تسمعها ..
هشام التفت الين ورى ورد عقب : عسى مو قاعده تحش فيني بس
نور : هههه بلى .. اصلا كل موضوعنا عليك
هشام : هيين انتوا الثنتين .. ان ماغديتكم فلافل ماكون هشام
بشاير : انا بروح بيتنا
هشام : لا لا مايصير وشنو تقولين علينا بعدين قليلين اصل مانغديج .. عيب
بشاير : نور بلييز مابي اتغدى .. ودوني البيت
نور : سمعت شقالت .. يله لا تسوي فيها حاتم الطائي
هشام : تامرين امر يانور .. جم نور احنا عندنا .. وحده ومطلعه الشيب براسي
نور ضحكت لان الحجي كان موجهه لبشاير والاثنينين في انسجام

رجعوا البيت
نور : والله شكلها متحلفه فيني
هشام :آآآآه ياحلوها وهي معصبه .. هذا اللي يحليها
نور : الحمدلله والشكر .. الله يتمم علينا العقل
هشام : نوروه ماتسمعين صوت عالي ..!!
نور : بلى .. صوت ابوي وامي .. من الصاله
هشام : شصاير ؟
نور :ماادري .. تعال خل نشوف
واتجهوا الاثنين للصاله ..
هشام : عسى ماشر .. شفيكم يما !!
ابو راشد : قول حق اخوك رشود هذا .. خل يشيل هالبنت من راسه احسن
هشام مو فاهم : شسالفه ..!! يما
ام راشد : اسأل ابوك .. من قلتله ان راشد يبي يتزوج بنت شاهين العيسى وهو حمقان ومعصب
هشام : ليش يبا .. ألبنت فيها شي ؟
ابوراشد : انا قلت لا .. يعني لا !!
نور منصدمه .. : معقوله انتا ابو .. شهالقساوة .. ليش دايم تفرق الناس وماتجمعهم مع اللي يحبونهم
تمت ماسكه هشام بقوه ودموعها تنزل بصمت .. ليش وشنو السبب ماتدري ..
دخل راشد فجأة .. ويه يركض صوب الصاله بعد ماسمع اصوات عاليه
راشد : شفيكم .. صوتكم واصل اخر الدنيا يبا ؟
ابوراشد : اسمعني انت .. البنت هذي شيلها من راسك ..
راشد منصدم : أي بنت ؟
بوراشد : بنت شاهين العيسى
راشد : لييش ؟
بوراشد : بس جذي .. ماكو سبب
راشد ناظر ابوه بنظرة غريبه وعقب قال : مايكفي عليك انك ابو بالاسم .. حتى هالشي ماتبينا نحسسك فيه .. انت حرام تكون ابو.. حراااااااااااااام
بوراشد وهو يطق راشد طرااق على خده : جب ..!!
راشد وهو حاط ايده على خده : طقني .. كفخني .. خلني اصحى .. يمكن اللي قاعد اشوفه حلم ماهو بحقيقه .. هدمت حياتنا واحد ورى الثاني .. ومادريت عنا لا واحنا صغار ولا واحنا كبار .. يتمتنا وانتا موجود .. والحين ياي تحرمنا واحد واحد .. من حياة ثانيه بعيده عنك .. انت شنو ..!! في قلب بهالقساوة
مو كفايه عليك مخبي بلاوي عن امي وعن اخوك .. مو كفايه عليك الصدمه اللي عيشتني فيها انا وهشام طول هالسنين .. صدمه معرفتنا بابونا الظابط .. اللي مخوف الكل وهو في الحقيقه يعيش حياة مع وح
هشاام : رااشد ..!!!
سكت راشد .. بس بعد مافرغ كل اللي بقلبه طول هالسنين .. بعد ماقال كل اللي كان لازم يقوله من سنين كثيرة ..
دمعت عيونه .. وطلع من البيت وهو في حاله مايعلم فيها الا رب العالمين

عم الهدوء المكان كله
بوراشد وهو يوجهه كلامه لهشام وام راشد : راشد مستحيل يتزوج بنت شاهين .. سمعتوني ..!!
وطلع اهو الثاني من البيت عقب ماقالهم انه مايبي يشوف راشد مرة ثانيه

مر شهر على ذيج السالفه وكان راشد ساكن في بيت عمه بوخالد والوضع للحينه متأزم بينه وبين ابوه
بوخالد يكلم راشد : اسمع بعد ثلاث ايام عرس عبدالله بالدمام .. وابو عبدالله محرص علينا نروح .. وانا ماودي نروح وانت ابوك للحينكم متزاعلين .. روح وانا عمك له واعتذرله واذا على سالفه الزواج انا بكلمه وان شالله بيوافق
راشد : عمي انتا ماتعرف ابوي .. تقدر تسأله شنو السبب .. خل يعطيني سبب واحد مقنع وانا مستعد اصرف النظر عنها
بوخالد : خلص اليوم ان شالله نروح انا وانت له في البيت وتعتذرله ونفهم منه سبب رفضه
راشد : ماراح يستقبلني
بوخالد : بس انا معاك هالمرة مو مثل المرات اللي فاتت
راشد : طيب . .بس اخر مره راح احاول فيها ياعمي
بوخالد : ان شالله بيصير كل الخير ياوليدي

في بيت بوراشد
ام راشد تكلم نور : روحي يماا شوفي كلشي زاهب بالديوانيه لان اخوج راشد وعمج وولد عمج بيون الحين
نور : يماا .. تتوقعين ابوي بيستقبله
ام راشد وهي ضايق خلقها : ان شالله .. وجود عمج معاه بيخليه يستقبلهم .. والله ماادري ليش تسوي جذي يابوراشد .. هذا اكبر عيالك وشايل اسمك .. وايدك اليمين .. طول عمره يمشي على شورك .. ليش تسوي جذي
نور اللي دنت يم امها وهي تمسح دموعها : لاتبجين يماا .. ان شالله بيصير كل خير
ام راشد : بس لو افهم ليش مايبي بنت شاهين .. شنو العيب فيها او في ابوها ؟
نور بقلبها .. : العيب مو بالبنت يما .. العيب في ابوي
نور تهدي امها .. : عمي بيتفاهم زين مع ابوي يما .. وكلشي بيرد طبيعي وراش بيرد البيت هني لا تبجين
ام راشد : ان شالله ..

راحت نور تجهز اللي وصته عليها امها .. وهي فكرها بعييد عن كلشي بيدينها ..
غيرت ملابسها ولبست حجابها وراحت المطبخ توصي الخدم يزهبون الجاي والقهوة

فرح توها نازله من غرفتها : نور شقاعده تسوين .. !! ووين بتروحين ؟
نور : ولا مكان .. بس عمي واخوي راشد بيون الحين
فرح بصدمه : والله .. !! وابوي ؟؟
نور : ماادري فرووح الله يستر
فرح : طيب وليش لابسه شيلتج ؟
نور : لان خالد ولد عمي بيي
فرح : زين .. انزل انا ؟
نور : لا امي قالتي اقولج لاتنزلين .. الين مااناديج انا ..
فرح : احسن بعد ..
نور : فرووحه .. اسمع تلفوني يرن .. روحي شوفي منو بلييز
فرح : زين
راحت فرح تشوف تلفون نور .. وعقب ياات وبيدها التلفون
فرح : هذي ريم تبيج
نور بوناسه ..: هلا وغلا بالريم .. زين سمعنا هالصوت انتي وينج ؟
ريم : ههههه موجوده يالغاليه .. بس انتي المختفيه
نور : أي والله .. تدرين كويزات وامتحانات ودوام متعب
ريم : ممم زين بغيت اسألج بتروحون عرس عبدالله بالدمام ؟
نور بصدمه شلتها عن النطق .. او بالاصح كانت غير مستوعبه الاسم اللي سمعته
ريم : الو .. نور ؟؟
نور : ه .. هلا .. معاج ..
ريم : بتروحون ؟
نور : ماادري .. خلينا الحين بسالفه راشد اخوي
ريم : تعالي شصار ؟؟ خلود قالي انه للحين مو راضي عمي يكلمه
نور بذهن مشتت : ايه .. اليوم ياي عمي واخوي .. وان شالله يصير خير
ريم : ان شالله .. طمنيني نور شنو بيصير .. ويارب يكون اليوم خير
نور : يارب
ريم : زين .. نوروه . . تتوقعين امج بتروح العرس ؟
نور وهي تغمض عيونها بالم : ماادري ريم
ريم : والله وناسه .. العرس بيكون الخميس ماعندج دوام .. والصراحه كلنا بنروح وحجزنا من قبل يومين ونقعد كلنا بنفس الفندق .. تعالي والله سفرة ماتتفوت
نور : ماادري .. يمكن مااقدر .. السبت عندي امتحان
ريم : شوفي الامتحان يمديج تدرسيله يلله نور
نور ماقدرت تنطق اكثر : ريم حبيبتي بعدين اكلمج .. يمكن عمي يه .. تبين شي ؟
ريم : لاسلامتج .. دقي عاد
نور : ان شالله .. مع السلامه
سكرت نور من ريم .. وهي بشبه صدمه وكملت تحضيرالقهوة وهي تبجي بهدووء وتمسح دموعها بهودء بعد
وفي كل دمعه تنزل من عينها واللي تقرر انها تكون اخر دموعها .. تجر وراها سيل طويل ماله نهايه

رن جرس البيت .. ودخلوا بوخالد وخالد وراشد وهشام وابوراشد كان بالديوانيه ومو باين على ويهه أي تعابير

بوراشد : حياك الله يااخوي .. تو مانور البيت والله
بوخالد وهو ماسك راشد بيده : بوجودكم وان شالله بينور اكثر لما نشوف راشد رجع لبيته
بوراشد : والله ان ماتسنع وصار ريال .. ماابيه ببيتي
راشد انحرج من كلام ابوه .. وخالد انصدم من اسلوب عمه
بوخالد : راشد طول عمره ريال وانا اخوك .. والانسان خطاي وكلنا نخطي عدل .!!
بوراشد : صحيح
بوخالد : وهذا انا يايبه يعتذر منك ويبوس راسك
قرب راشد من ابوه وباس راسه ببرود وعقب ابتعد ورجع لوين ماكان عمه قاعد
ابوخالد : اييه وانا ابوك .. هذا راشد اللي نعرفه كلنا .. طول عمره ريال .. الحين خلنا نقعد ونتفاهم يااخوي ونحل المشكله
بوراشد : هالبنت لا .. يعني لا ؟
بوخالد بعصبيه : قلنا نتفاهم مانصارخ ونفرض راينا وبس .. ماتعودت منك هالاسلوب يابوراشد
بوراشد : السموحه بوخالد .. ماكان قصدي .. بس هالسالفه انا منتهي منها ومابي احد يناقشي
بوخالد : وليش هالبنت بالذات مب راضي عليها .. ميصير الرفض من غير اسباب
بوراشد وقف بعصبيه : ابوها .. ابوها خذا صفقه مني قبل جم شهر ورست لشركتهم واللي المفروض ترسي لنا بس ايوها تم ورى الموضوع الين ماخسر الشركه ملايين كنا المفروض نربحها .. وتبيني بعد هذا كله ازوج ولدي لبنته؟
راشد انصدم .. وبوخالد اكثر
بوخالد : وتربط مصير عيالك بسبب تافهه مثل هذا ؟
راشد : بوخالد ؟
بوخالد : لا تقول بوخالد .. معقوله الكلام اللي تقوله ولا انت تضحك علينا .. صفقه وخسرتها .. عيالك يدفعون الثمن ليش ؟
بوراشد : أي ثمن واي خرابيط .. والدنيا متروسه بنات .. يعني مافي غيرها ؟
بوخالد : حسبت ان اخوي يفكر بعياله قبل مايفكر بروحه .. هذا اللي ربيتك عليه ..!! هذا اللي علمنا ياه ابوي سنين طويله ؟
بوراشد : انت مكبر الموضوع عالفاضي .. وحاط اعتبار لكلام اليهال
راشد ماتحمل اكثر .. واتجهه الين الباب يبي يطلع لكن بوخالد مسكه من ايدينه
بوخالد : انطر ياراشد .. بوراشد .. ولدك ولدي .. واذا انت ماتبي تخطبله .. انا بخطبله البنت
بوراشد : من صجك انت ؟
بوخالد يدز راشد يروح لابوه ويستعطفه شوي
وراح راشد لوين ماكان ابوه واقف
راشد : يبا .. انا اسف على الكلام اللي طلع مني .. والبنت مالها ذنب باللي بينك وبين ابوها .. وصفقه راحت تيي وراها صفقات .. يبا عشان ولدك .. ماعمري طلبت منك شي وهذا انا اطلبه .. دخيلك لاتردني
خالد انبهر من قساوة عمه .. هو يعرف انه صارم وغير مبالي بعياله .. بس ماتوقع يكون قلبه قاسي بهالطريقة
اللي يشوف راشد بهالطول والعرض مايتوقع انه انسان مكسور فاقد حنان الاب ..
بوراشد وهو لاف ويهه الصوب الثاني : خلاص سو اللي تبيه .. بس انا ماروح .. عندك عمك خل يروح معاك
راشد ابتسم ابتسامه بارده وعقب قال : مشكور يبا ..
وباس راسه مرة ثانيه وببرود اكثر
بوخالد : رشوود يله قوم من عند ابوك اشووف .. وسولنا طريج .. نبي نشوف ام راشد ونشرب عندها استكانه جاي
بوراشد بابتسامه لعمه اللي في نظره اغلى من الاب : ان شالله

نور وام راشد بالصاله
راشد : هلا وغلا بام راشد والله والله ولهت عليج
ويركض لامه يلمها وهي تبجي وقلبها متقطع على ولدها .. اللي شاف الهوايل من ابوه
نور : ويييه كل هذا زعل رشوود .. والله ولدج دلوع ههههه
راشد : شدعوه .. بيتنا اصلا كان ظلمه وتوه نور يوم ييت
نور : ههههههههههه
راشد : يله زهبي الجاي والقهوة عشان عمي بيدش
نور : من عيوووني

في الدمام
سارة وعيالها وريلها كانوا هناك من يومين
سارة تكلم عبدالله : ياعيني شنو كل هذا ؟
عبدالله : هههه ايش ؟
ساره : وين رايح .. شنو هالكشخه ؟
عبدالله : مافي بس جااين رجاجيل عند ابوي وبنزل تحت
ساره : ايه من قدك .. معرس جديد والكل جاي يباركلك
عبدالله : معرس !! ... ليه وهو كل معرس لازم يكون فرحان والناس تجي تباركله ؟
ساره : يعني تبي تقنعني انك مب فرحان ؟
عبدالله : هههه .. وانا من متى اانتوا تحسون فيني .. خليها على الله
سارة : حراام عليك عبود .. انا اختك حبيبتك مااحس فيك ؟
عبدالله : سارة .. بيت بوراشد وبوخالد بيجون ؟
سارة : كلمتني ريم وقالت ان اهما كلهم بيجون
عبدالله : بيت بوراشد بعد
سارة : اعتقد
عبدالله وهو وده يعرف اذا نور بتي ولا لا : كلهم ؟
سارة : عارفة شتقصد .. ماادري
عبدالله سكت ومشى من عند سارة لكنها نادته
ساره : عبدالله .. بذمتك حرمه ثانيه الحين .. انساها وابدى من جديد
عبدالله : سارة .. بقولك كلمتين وماعاد تشوفيني افتح هالموضوع مرة ثانيه ..
انا بنساها .. صدقيني بنساها .. لكن تأكدي اني نسيت روحي وسعادتي وراحتي معاها ..
ومشى عبدالله لوين مالازم يكون موجود .. وكأنه لعبه يحركها ابوه زي مايبي يضحك ويوقف ويقعد ويسلم وهو جسد من غير روح
وعقب كل شي يصعد لغرفته وماينام الا وذكرى نور تكون اخر مايطري بباله .. وصورة ويهها الطفولي اخر ماتشوفه عيونه

اليوم الثاني
في بيت بوراشد
بوراشد وام راشد وفرح ونور قاعدين يتغدون
بوراشد وهو متابع برنامج على الجزيرة : ماعندي وقت عايشه .. روحوا انتوا
ام راشد : دخيلك بوراشد .. منها نحضر عرس عبدالله ومنها تسافر معانا .. متى متى ماطلعنا يميمع كلنا
فرح : ايي يبا الله يخليك تعال معانا
ابوراشد : مااقدر .. الاجتماع مهم ولازم احضره
ام راشد : يتأجل يوم او يومين ماراح يتأثر شي
ابوراشد : خلص .. بس نتم يومين ونمشي ..
ام راشد وهي مستاسه : الله يخليك يارب ويديمك .. هشام بيي بس بشوف راشد اذا يقدر ولا لا ..!!
نور قامت

ام راشد : يما ماااكلتي .. احطلج فواكه شوي ؟
نور : لا يما .. الحمد لله شبعت ..
وصعدت غرفتها وهي ماسكه راسها بالم وتقول بقلبها :شسوي الحين.. مستحيل اروح .. مستحيل
ودقت على بشاير
نور : الو
بشاير : هلا نونو حبيبتي .. اقولج بصلي وعقب ادق عليج
نور : زين
بشاير : نور شفيج ..!!
نور وهي تبجي : مابي اروح عرسه
بشاير بصدمه : ليش خالتي ووعمي بيروحون
نور بدموع اكثر : ايه
بشاير سكتت .. وعقب قالت : شوفي انتي لازم تروحين عشان سببين .. اولا عشان تأقلمين نفسج على هالوضع .. يانور انتي راح تشوفينه بعدين وايد .. ومو بعيده تشوفين زوجته وتزوركم بالمستقبل .. لازم تتعودين على هالوضع
وثاني شي .. عشان تورينه انج مو مهتمه له ..
نور هدت شوي .. كلام بشاير صحيح .. بس ياترى تقدر تشوفه .. تقدر تصمد وماتنهار
بشاير : نور .. !!
نور وهي تمسح دموعها : معاج ..
بشاير : نور ادري الموضوع صعب .. بس لازم تتعودين عليه
نور:خلص بشاير .. بروح العرس
بشاير : وتنسينه ؟
نور غمضت عيونها بالم : اوعدج
نور كان في كلامها اصرار غريب .. صحيح هي بتقدر تنسى عبدالله وتبدى حياتها من يديد ؟.. اوبكلامها هذا تحاول تخبي حبها بكره مزيف؟ او هذا كله غضب مايطفيه شي بالدنيا ؟

يوم الخميس
الدمام
عرس عبدالله
سارة واقفه عند باب الصاله وهي ترحب بالمعازيم يم اهل العروس
ريم وفاطمه وحصه دخلوا وسلموا على سارة
سارة : هلا وغلا .. حياكم الله
فاطمه : مبروكين الغاليه
سارة : الله يبارك فيج
فاطمة : ام راشد مايات للحين ؟
سارة بقلق : لا للحين .. تلقينهم قريبين
حياكم الله .. تفضلوا
ريم وفاطمة وحصه كانوا كاشخين ولابسين لكن مو بشكل بارز وملفت

في الطرف الثاني
نور دخلت مع امها وفرح
نور حست ان الدنيا كلها تلف فيها .. ان الناس تدور والدنيا مقلوبه .. حاولت تتماسك وتبين انها بخير
هاليوم نور كانت حديث الحريم والخطابات .. كانت مصرة تطلع اجمل وحده في العرس .. مب عشان شي بس عشان تثبت له انه خسر وخسر كثيير
سارة : هلا والله .. تأخرتوا ليش ؟
ام راشد : تدرين بنات يبون يكشخون ويلبسون ..
سارة وعينها على نور : ماشالله تبارك الله .. الله يبلغج فيهم ان شالله .. هذيل عرايس
ام راشد : الله يسلمج .. بس عاد بنات هالايام يتدلعون مايبون يتزوجون
سارة باهتمام : ليش ماشالله مو ناقصهم شي ..
ام راشد : يتعذرون بالدراسه والجامعه .. الله على زمانا من تكمل البنت 16 ولا 17 الا وعندها ولد ولا اثنين
سارة كانت تشوف نور وهي خايفة ان يكون سبب رفض نور للزواج اهوا عبدالله ..
سارة : والله لو حمود ولدي كبير جان زوجته وحده من بناتج
ام راشد : هههههههههههههه
نور التفت لساره وعقب راحت عيونها على الكوشه
ريم تنادي نور : نوروه ..
نور : هلا كاني يايه

دخلت العروس .. موضي
ونور كانت في صمت وهدوء مو طبيعي ..
ريم : نور تعبانه فيج شي ؟
نور اللي كل شوي تمسك راسها : لا بس دوار بسيط .. عادي ولا يهمج
ريم : شنو مااكلتي شي من الصبح
نور : بلا اكلت بس مااعرف ليش والله
ريم : زين شرايج فيها حلوة ؟
نور : منو ؟
ريم : شفيج العروسه ؟
نور رفعت عيونها وعقب قالت : حلوة
ريم : مم يعني عاديه .. توقعتها احلى
نور : مو مهم .. المهم هو يرتاحلها
ريم : بس مو مثلج
نور انصدمت : شنو ؟
ريم : ههه شفيج .. اقصد اليوم انتي صاكه على الكل .. حتى على العروس شوفي الحريم شلون يخزون فيج .. وكل شوي يت وحده واسألت امج عنج
نور : ريم .. متى بيخلص العرس ؟
ريم :ههههههههههههه .. بسم الله تونا يايين ماصارلنا ساعه
فاطمه وحصه : قوموا يلله نرقص على هالاغنيه .. سارة تنادينا
ريم : يلله نوروه . .قومي
نور : مابي
ريم : قومي عن العيارة .. بعد قولي ماتعرفين ترقصين .. انتي تحبين هالاغنيه
نور : لا ريم راسي يعورني
ريم :قومي شوي
نور : بقوم .. بس بعد شوي
ريم : على راحتج

نور بقلبها ماتبي تظهر أي انكسار او ضعف .. كان ودها تقوم ترقص .. بس حست هالامر اصعب مما كانت تتصور تمنت وقتها انها ترد الفندق لان زاد عليها الصداع ..
ريم تجر نور : يله نوروه
قامت نور .. على اغنيه بكيتك لحسين الجسمي
ورقصت ووجنها ترقص بيوم كفنها .. كانت تتصنع الابتسامه وهي من الداخل بكل نغمة تنجرح الف الف خنجر
وتصيييح لالم من الداخل .. لكن ماحد يحس .. ولاحد يشوف غير قمر يرقص وماخذ الانظار كلها

ريم وفاطمة وحصة وام راشد وفرح يصفقون مبسوطين ..
فاطمة : بسم الله ماشالله عليها .. اقري على بنيتج خالتي ام راشد
ام راشد : لا اله الا الله .. الف من ذكره
ريم بقلبها يلتنا نطرنا شوي وحاولنا فيج يانور .. وكنتي من نصيب خالد

وقت دخول المعرس .. تغطوا الحريم
ونور قلبها كل ماله ويدق .. خايفة انها تنهار .. خايفة
قعدت تقرى المعوذات وسورة الكرسي وتذكر الله وهالشي خلها هاديه شوي ..

في الطرف الثاني
سارة تكلم علي بالتلفون : يلله خمس دقايق ودخلوا
علي : طيب

دخل عبدالله .. وكأي معرس اول مايدش الصاله .. تكون انظاره ملتفته صوب الكوشه اللي قاعده عليها شريكة حياته اللي اختارها ورضى فيها ورضت فيه
بس وين كانت عيون عبدالله .. وتدور علي مين ..!!
تلتفت بين الويوه الين ماتشوف عيون مو غريبه عليها ابد .. عيون تمنت تكون يمه في هالليله ..
حس بالانكسار وبالضعف .. كان وده لو يقوم من مكانه الحين ويسحب ايدينها ويطلع فيها بعييد عن الكل
كان وده يمسح الدموع اللي غارقة عيونها والمحبوسه كبرياء ..

في الطرف الثاني
نور ماقدرت تتم اكثر .. خاصه بعد مادخل عبدالله وعيونه مافارقتها كلش
قامت ودقت على هشام
نور : الو هشام
هشام : هلا نور ..
نور : تقدر تردني الفندق الحين ؟
هشام : ليش ؟ خلص العرس ماشالله ؟
نور : لا بس راسي يعورني
هشام : ماادري ماعندي سيارة .. خلص باخذ سيارة خالد واييج
نور : طيب .. دق علي اول ماتوصل
هشام: زين يله باي

ريم : نوروه شكلج تعبان حيل
نور : أي والله .. دقيت على هشام يي ياخذني برد الفندق
ريم : زين تسوين .. اقول نوروه .. شفتيه ؟
نور : منو ؟
ريم : المعرس عبدالله .. تدرين انه اول مرة يشوف زوجته
نور بفضول : ليش ؟
ريم : لان هني المتزوجين مايشوفون حريمهم مثلنا ويقعدون معاهم .. بس بالصور .. وتقول سارة انه حتى الصورة مارضى يشوفها
نور : ليش ؟
ريم : ماادري ..
نور تصادمت عيونها مع عيونه مرة ثانيه وتم عبدالله يناظرها بشكل ملفت .. وهالشي خلا نور تقوم وتطلع
ريم : يه هشام ؟
نور : ياي بالطريج بس بدخل داخل عن الازعاج .. مافيني .. سلمي عليهم
ريم : يوصل
نور : يله اشوفكم .. باي
ريم : باي

عبدالله بقلبه وهو يشوف نور تطلع وتروح بعيد عن عيونه .. تخطيي وتجر خطواتها بعيد عن قلبه ..لكنها اقرب له من الوريد
حس انه كلشي انتهى .. ودنيته من غير نور بدت .. ياترى بيقدر يتحمل وينسى ..!!!

التفت ...
وتوها ... توها ما اختفت ...
ماكساها الليل ... باللون الحزين ...
التفت ... وتعالت صرخته ...
في نظرته ...
صاح ... لكن بالنظر ...
وانكسر .... شوفه عثر ...
حسايف .. تذبل الضحكه وهى بين الشفايف ..
تذبل الفرحه وتضيع ...
ويصبح الكون الوسيع ...
مايكفي خطوتين .. لاكساه الليل بااللون الحزين ..
يوم مدلها يده ..
كانت الرجفه لقا ..
ودعت فيها الشقا ..
وتركت بين الاصابع ..
عطرها ..
وعمرها ... ما جت على وقت الوعد ...
إلا ذاك اليوم ...
و عمرها ... ما بكت .. و ما ضحكت ...
ما حكت له .. واسكتت
مثل ذاك اليوم ...
كانت أجمل من خياله ... كانت انضر ...
كانت أكثر ... من أماني عمره الظامي حنين ..
و اختفت ... من كساها الليل باللون الحزين
اختفت في الطريق اللي معه ...
كانت تجيه ...
كيف دربٍ جمعه معها ... خذاه ...
ليتها اختارت سواه ...
تزرع القرقا لياليها ... عليه ...
وحسايف ... حسايف ...

بعد عرس عبدالله باسبوع

بيت بوراشد
ام راشد تكلم راشد : ها يماا .. تبيني ادق على ام عيسى اليوم ؟
راشد : ايي واللي سلمج ترى مافيني صبر .. يعني اقصد ليش نأجل الموضوع اكثر .. اخاف ابوي يطلع لنا بسالفه ثانيه
ام راشد: هههههه والله وكبرتوا وبتزوجون وتخلوني
ام راشد : ماعاش من يخليج يايما .. كل يوم غدا وعشا عندج
ويدخل هشام الصاله
هشام : مسا الخيرياست الحبايب
ام راشد : مسا النور .. شش اسكت بحاجي الحرمه
هشام بشويش يكلم راشد : أي حرمه ؟
راشد : احم .. خالتي .. اقصد ام شوق
هشام : ومنو شوق ؟
راشد : شفيك انت .. !! شوق اخت عيسى
هشام : هههههههههههههههههههههههههه
ام راشد تخز هشام عشان يقصر صوته
راشد : ششش ماتشوف امي تكلم خالتي .. لاتزعجهم
هشام : ياعيني .. من الحين مايبي يزعجها .. والله مو هيين رشود
راشد بابتسامه : شنو يعني .. بعض الناس مو احسن مني ..
هشام : هههه اصلا انا بتزوج عشان اريحكم من مصروفي بس
راشد : ههههههه ايييه صح .. ماادري منو اللي كان ماينام الليل وهو يفكر فيها .. ويسهر على اغاني عبدالحليم وام كلثوم
هشام : ههههههههههههه استر على والنبي يااخويا
راشد : ههههههههههههههههههه عاد اسكت لااطلع فضايحك .
هشام : ههه زيين
ام راشد وهي تتكلم بالتلفون : عيل احنا تأخرنا ..!!
راشد وهشام التفتوا صوب امهم
ام راشد : لا عيل الله يوفقها .. مبروك
راشد بصمت اكثر وانتباه
ام راشد : زين عيل ياوخيتي .. سلمي على ابوكم .. فمان الله
راشد : شصاير يما ؟
ام راشد مااعرفت شتقول : يماا .. البنت
راشد : شفيها ؟
ام راشد : البنت مخطوبه من قبل اسبوعين جذي
راشد : ........
هشام : يله الله يوفقها .. مو نصيب
راشد : .....
ام راشد : ياوليدي البنات تارسين الديرة .. والف الف بنت تتمناك .. انت نسيت انك دكتور ومو ناقصك شي
راشد : خلص يما .. مو نصيب
وطلع من الصاله مكسور .. ومكسور حييل مب عشان ماقدر يخطب شوق ..
لانه حاس انه ماله حظ بالدنيا .. وكل ماقربت منه السعاده .. وقف شي بويهه
هشام يناديه : راشد .. راشد انطر بيي معاك
طلع راشد بره البيت . . وركب سيارته
هشام : وين رايج ؟
راشد : ماادري
هشام : زين بيي معاك
راشد : ....
ركبوا اثنينهم السيارة .. وعم الهدوء المكان
وبعد ربع ساعه .. وقف راشد عند البحر ونزل من السيارة ونزل وراه هشام
هشام : عارف ان الموضوع صعب عليك .. بس كلشي نصيب رشوود .. ويمكن هالشي فيه خيره لك ولها
راشد : الموضوع مو موضوع نصيب ... الموضوع موضوع ابوي .. لو كان موافق عليها جان خطبتها من شهر
هشام : لو الله كاتب انها تكون لك بتكون لك .. لو خطبها الاف غيرك
راشد : ......
هشام : حسبتك اقوى من جذي رشود
راشد وهو يغمض عيونه بالم : تعبان ياهشام .. تعبان
هشام حس انه اللي في راشد مو قضيه شوق .. اللي فيه اكبر من جذي .. هموم وحزن وغضب ومشاعر مختلطه .. حس انه محتاج لاحد يكلمه ويكون قريب منه .. تعودوا هم اللي يشكوله دايما .. بس مافكروا انه اهو بعد انسان وله مشاعر وقلب يحس فيه .. ويتضايق من امور كثيرة
اقترب من راشد وقال : رشوود .. ثق تماما ان انا وامي وخاوتي وعمي وحتى ابوي نبيلك الخير .. وان شالله ربي يرزقك اللي احسن منها
راشد : انت مو فاهمني
هشام : ابوي ..؟؟ .. ابوي هو اللي مضايقك
راشد : ......
هشام : راشد .. يمكن انت غبت سنين عنا .. وماخالطت ابوي كثر ماانا والبنات خالطناه
انا معاك .. ابوي يمكن ظلمنا وايد .. حتى انا لا تتوقع اني سلمت منه .. دخلت الحقوق وانا كانت ميولي اني اروح الجيش مع خالد .. لكنه وقف بمستقبلي .. حملني مسؤليه خواتي وامي وانا توني متخرج من الثانوي واللي بعمري المفروض يشوفون حياتهم وروحهم .. كنت بعمري محتاج لابو يحسسني باهتمامه وحنانه مو استلم انا مكانه في البيت وفوق هذا كله .. كان دايما يتهمني بالتقصير والكسل واللامبالاه
نور كان راح يغصبها على واحد اهيا ماتبيه .. وبالزور اقتنع بعد ماحطيناه امام الامر الواقع
فرح فقدت حنان الابو قبلي وقبلك ..
كلنا قدرنا نتأقلم مع ابوي .. لسبب واحد بس .. لانه ابونا .. لانقدر نغيره ولانبدله
راشد : .......
هشام : انا ادري ان اللي ابوي سواه معاك مو شويه .. لكن تقدر تقولي شنو نقدر احنا نسوي ؟
هذا ابونا ياراشد .. وواجب علينا نتحمله ..بالعكس لازم نحاول نتقرب منه ونغيره ولو انه صعب بس لازم نحاول

راشد كان طول عمره محتاج لاحد يكلمه ويشكيله وياخذ بشوره
لكنه ماتوقع بيوم من الايام انه هالشخص هذا يمكن يكون اخوه .. اللي اصغر منه ودايم يلجأله في مشاكله
حس بالراحه .. كلام هشام صحيح ليش اهوا بس اللي متذمر .. اخوانه وخواته كلهم عايشين نفس الحياة ويمكن اكثر
راشد : تدري .. يمكن السنين اللي كنت انت هني بروحك .. علمتك اشيا انا ماتعلمتها بلندن
هشام : ههههه لاتسويني حكيم الحين ..
راشد ابتسم وبقلبه مرتاح من كل كلمه قالها اخوه رغم الاشيا الكثيرة اللي خسرها بحياته .. رغم خسارته لشوق البنت اللي دخلت قلبه

هشام : زيين ترى انا نصايحي مو ببلاش .. بتعشيني اليوم ؟
راشد : هههه ياويلي منك انت .. ماهمك الا بطنك
هشام: ها بتعشيني ولا اسحب كلامي الحين ؟
راشد : لا يبا بنعشيك يله اركب
ركبوا اثنينهم وانتبه راشد ان تلفونه كان فيه اربع مسكولات
اثنين من امه وواحد من نور .. والاخير من عيسى
راشد : امك داقه علي اهي ونور
هشام : حتى انا امي داقه علي بس 6 مرات
راشد : ههههه الحين انا اللي طالع متاضيق تدق عليك انتا اكثر مني ليش ؟
هشام : طالع هذا .. وعبالك معزتك مثل معزتي عند مامي فديتها ام راشد
راشد : الا تدري ان المفقودات دايم تلاقيها عندك
هشام : هههههههههههههههه
راشد ادق عليها واطمنها احسن
ام راشد : هلا يماا خوفوتوني عليكم وينكم ؟
راشد : هلا ام راشد .. احنا الحين يايين ناخذكم ونروح نتعشى يميع
ام راشد بارتياح .. حست انه ولدها مو متاضيق ولازعلان : يما حبيبي الزواج نصيب ونذر علي لاازوج احسن منها
راشد : ان شالله .. زين كلمي البنات وانا الحين يايكم
ام راشد : ان شالله ياوليدي .. حطوا بالكم بالطريج
راشد : ان شالله .. فمان الله

هشام : شهالكرم ياحاتم الطائي ..!!
راشد : تستاهل ام راشد نطلعها وتغير جو
هشام : والله اذا فلوسك زايده .. عطونا الله يعطيكم
راشد : واااي منك انت .. ابوي كل شهر يحطلك 500 دينار وين توديهم ؟
هشام : يااخوي المصاريف زادت .. وترى انا شاب ماني بنيه .. اطلع واروح وايي وعزايم ونوادي
راشد : اووف شكثر تتحجى انت .. زين يصير خير خلني ادق على عيسى اشوفه
ويدق على عيسى
راشد : السلام عليكم
عيسى : وعليكم السلام والرحمه .. هلا رشود
راشد : سامحني بس ماانتبهت على تلفوني
عيسى : رشوود .. الحين تخطب اختي وانا ماادري
راشد : هههه ليش ؟
عيسى : جان قلتي علاقل فركشت الخطبه وزوجتها لك
راشد : كلشي نصيب عيووس ... الله مو كاتب
عيسى : على قولتك الله كريم .. انت وينك ؟
راشد : والله بطلع اهلي اليوم جذي طلعه وتعشى يميع .. من زمان ماطلعنا
عيسى : خوش .. عيل باجر اشوفك بالديوانيه ... في سالفه ابيك فيها
راشد : صار ان شالله ..
عيسى : ها تبي شي ؟
راشد : سلامتك .. الله وياك
عيسى : مع السلامه

في بيت بوراشد
بيب بيب
ام راشد : يلله قومو كاهم عند الباب
نور اللي ماكان لها خلق تطلع من البيت : يله فروحه قومي
طلع الجميع وكانت الطلعه حلوة ..
احلى مما كان الجميع متصور
هشام اللي كان فرحان ويتحجى عن مخططاته بعد الزواج ومكتب المحاماه اللي مفكر يفتحه ومسقبله بالمنتخب
راشد اللي نسى حزنه وهمومه .. واستانس يوم شاف اخوانه كلهم مرتاحين ويضحكون وامه حبيبه قلبه مرتاحه
فرح مثل مايسميها هشام دلوعه البيت .. لكن بنفس الوقت هي حلات القعده ومن غيرها ام راشد ماتيي
نور اللي قعدتها مع اخوانها نستها جروح كثيرة متخبيه في قلبها .. نستها خسارتها لحبها وانكسار قلبها
وطلعت من جو الضيق اللي كانت فيه هالاسبوع

باختصار .. الكل رجع ونفسيته عال العال

في الدمام
رجع عبدالله وموضي من اسبوع العسل اللي كان المفروض يكون عسل
ابو عبدالله وفراس كانوا في انتظارهم بالبيت
بوعبدالله : الحمدلله على السلامه ياوليدي .. مبروكين
عبدالله : الله يبارك فيك يبا
موضي تسلم على عمها : شلونك عمي .. شخبارك ؟
بوعبدالله : بخير عساج بخير .. الحمدلله على السلامه .. ها عسى استانستوا
موضي تطالع عبدالله : الحمدلله
فراس يسلم على عبدالله : مبروك بومحمد .. والحمدلله على سلامتك
عبدالله : الله يسلمك .. يله انا بصعد غرفتي
بوعبدالله : الله وياكم ..
صعد عبدالله وموصي غرفتهم واللي كانت عبارة عن جناح كبير فيه غرفه وحمام داخلي وصاله ومطبخ تحضيري وغرفته تبديل وكان كلشي مختارته له سارة قبل ماترد الكويت
موضي : احطلك شي عبدالله ؟
عبدالله : لا مشكورة .. تعبان وابي انام
موضي : على راحتك

انسدح عبدالله في الغرفه اما موضي راحت تفتر في الجناح وتشوفه
وعقب دقت على امها
ام ضاحي : هلا وغلا موضي حبيبتي .. متى رديتوا ؟
موضي : هالحين يما .. تونا وصلنا
ام ضاحي : الحمدلله على السلامه .. ها عسى استانستوا هناك ؟
موضي : ايه
ام ضاحي : وشفيك تقولينها من غير نفس ؟
موضي : ماادري يما .. عبدالله مدري شفيه ؟
ام ضاحي بقلق : شفيه ؟
موضي : مدري .. كلامه معي قليل .. ودايم سرحان وساكت .. هو ماقصر معي ابد بس احسه مب مرتاح
ام ضاحي : يماا معليه انتوا ماصارلكم اسبوع .. ان شالله بس يتعود عليك بعدين بيتغير .. اهم شي انتي مرتاحتله
موضي : والله مومقصر علي بشي .. بس
ام ضاحي : لا بس ولا شي .. بركه الغدا عندنا خبري عبدالله وانا بقول لابوك يكلمه
موضي : طيب .. تبين شي يما ؟
ام ضاحي : ايه .. سويتي اللي قلتلج عليه كله بالسفر ؟
موضي : أيه كلشي ..
ام ضاحي : طيب .. يله انا اشوفك بكره
موضي : ان شالله
ام ضاحي : مع السلامه
موضي : مع السلامه

اليوم الثاني
في بيت بوعيسى
ام عيسى قاعده تشوف برنامج افتح قلبك
وشوق قاعده يمها
ام عيسى : شواقه .. ماقلتج امس منو دقت علي ؟
شوق : امس ؟ .. منو ؟
ام عيسى : ام راشد
شوق بفضول : والله .. يحليلها .. شلونها
ام عيسى : بخير .. بس كانت داقه عشان شي معين
شوق : شنو يما ؟
ام عيسى : تخيلي .. كانت بتخطبج لولدها راشد
شوق وقلبها يدق : زين .. وانتي شقلتيلها ؟
ام عيسى : شقول بعد .. اعتذرتلها وقلت لها انج مخطوبه ..
شوق بخيبه : .......
ام عيسى : تدرين عاد كان ودي ربي يرزقج واحد مثل راشد .. ماشالله عليه كامل والكامل وجهه سبحانه
شوق للحينها ساكته
ام عيسى : والله لو كلمتني ام راشد شوي بدري ..قبل خطبتج والله مارديتها .. بس يلله نصيب وان شالله ربي يوفقج

بعد ثلاث اشهر من الاحداث السابقة

في بيت بوخالد
حصه تكلم ريم : زين انتي لاتقوليها عشان ماترفض الفكرة
ريم : شسوي عيل ؟
حصه : كلمي ام راشد .. وقوليلها
ريم : لا اخاف نور تزعل مني .. اهي قالتلي لاتيبين لي طاري الزواج كلش
حصه : بس والله هالريال مايتفوت والف بنت تتمناه ..
ريم : ولله مادري حصه .. انا بكلمها اول واذا رفضت مافي بيدنا شي
حصه : لا انا بكلم ام راشد واخبرها .. وهي بطريقتها تقول لنور وان شالله يصير خير
ريم : على راحتج
وتدق حصه على ام راشد
يرن تلفون البيت
تشيله فرح : الو
حصه : الو السلام عليكم
فرح : وعليكم السلام والرحمه ..
حصه : منو معاي ؟ فرح ولا نور ؟
فرح : لا انا فروحه
حصه : فروحه شلونج حبيبتي .. امج هني ؟
فرح : ايه .. دقايق اذ تسمحين اناديها لج
وتنادي فرح ام راشد اللي كانت بغرفتها وتشيل التلفون من فوق
ام راشد : الو
حصه : هلا ام راشد .. شلونج معاج حصه
ام راشد : هلا وغلا حصه انا بخير الحمدلله .. انتي طمنيني عنج وعن اليهال .. ريلج شلونه ؟
حصه : كلهم بخير وعافيه .. والله انا يايتج بموضوع اليوم وان شالله ربي يكتب اللي فيه الخير
ام راشد : هلا والله امريني
حصه : الصراحه انا مكلميني ناس عن بنيتج نور .. وهما حابين يزورونكم .. وانا قلت في البدايه لريم تكلم نور بس قالتي انها بترفض والريال ماينعاب ياام راشد .. فقلت اقولج وانتي شوري عليها وربي يقدم اللي فيه الخير
ام راشد : والله شقولج ياحصه .. هالبنت مادري شفيها عالزواج .. مااجذب عليج مايمر اسبوع الا ويخطبونها لكن والله مابيدي شي .. عيزت معاها .. تقول ماتبي تتزوج
حصه : طيب شنو السبب
ام راشد : تتعذر بالدراسه .. بس وايد بنات متزوجين ويدرسون شنو فيها ؟
حصه : خلص خليها علي انا بكلمها .. اذا مايضايقج
ام راشد : لا خل اكلمها انا بالاول وان مافاد انتي كلميها
حصه : خلص على راحتج .. الا ماقلتيلي شصار على ملجه هشام حددتوها ولا بعد ؟
ام راشد : ايه .. ان شالله الخميس الياي الملجه والعرس عقب مايخلص هالسنه .. وكنت ناويه اخبركم بس انتي سبقتيني
حصه : زين عيل مبروك ويستاهل هشام .. الله يوفقه ويتمم عليه ويسعده
ام راشد : وخالد .. مو قلتو انكم لقيتوله بنيه زينه .. ماصار شي يديد بالموضوع ؟
حصه : والله خبرج كل يوم اقوله نروح نكلمهم يقولي نطري الاسبوع الياي .. وهذا اهوا كل يوم يقولي باجر
بس ماعليج .. ان شالله بنروح خلال هالشهر
ام راشد : زين تسوون .. احسن شي للشباب بهالعمر .. الزواج يعقلهم ويخليهم يتحملون المسؤليه شوي
حصه : وانتي صاجه .. الفال لراشد ان شالله
ام راشد : الله يسمع منج يارب
حصه : شايفه .. والله صار هم الشباب اكبر من هموم البنات
ام راشد : صدقتي والله ..
حصه : زين عيل .. شوفيلي موضوع نور ورديلي خبر ان شالله
ام راشد : على خير يارب ..
حصه : سلمي على البنات .. فمان الله
ام راشد : يوصل .. مع السلامه

سكرت ام راشد من حصه واتجهت لغرفه نور
طق طق طق
نور : لحظة شوي
وفتحت الباب وهي بثوب الصلاه
ام راشد : تقبل الله يابنيتي
نور : منا ومنج يما .. حياج
دخلت ام راشد وهي ماتدري شلون تقنع هالبنت اللي كارهه الزواج وكارهه انها حتى تشوف اللي متقدم لها
ام راشد : شوفي نور .. انتي الحين كبيرة وواعيه وفاهمه .. وابيج تسمعيني للنهايه .. في واحد متقدم لج ويبي يخطبج واهوا خوش ريال .. شرايج اكلمهم يوون .. شوفيه واذا مااعجبج نفركش السالفه

نور : يما لاتكملين .. هالموضوع انتي عارفه رااي فيه
ام راشد بعصبيه : أي رااي واي خرابيط .. شوفي انا مااقول لابوج عشان مايغصبج على شي .. مابيج تتزوجين وانتي مو مقتنعه .. بس سمعيني يانور .. وهذا انا اقولج ياها هالموضوع هذا لازم تلاقين له حل .. ولا ترى انا اعرف شلون اتصرف فيه

نور : ...

ام راشد : يعني شلون الحين ؟
نوروبنظرة ماتحمل شي من الامل والسعاده : ماابي
ام راشد بليين اكثر : يابنيتي .. قوليلي طيب .. شنو السبب ؟؟
نور : بكمل دراستي ..
ام راشد : بس ؟
نور : ايه .. بس
ام راشد : الله يهديج بس ... ترى الفرصه يانور ماتتكرر مرتين .. واذا ياج واحد زين اليوم .. لاتتوقعين بييلج الاحسن منه بالمستقبل
وطلعت ام راشد من عند نور ..وهي ماتدري ان بنتها ماهمها هذا ولا ذاك .. اللي كان يهمها راح وتركها .. وخذى قلبها معاه ...

في الدمام
موضي : طيب ليش مانروح انا وانت ؟
عبدالله : تبين تروحين .. روحي انتي .. انا مالي نفس
موضي : عبدالله . انتا شفيك ؟ .. ليه كل ماقلتلك نطلع انا وانت بروحنا تعذرت لي باشيا سخيفه
عبدالله : موضي لاتكبرين الموضوع .. قلتلك تبين تروحين عند اهلك روحي .. انا مانيب رايح
موضي : ليه ؟
عبدالله : تعبان
موضي : من ايش ؟
عبدالله : من العمل
موضي : بس انت رجعت بكير اليوم
عبدالله : اوو .. وشو تحقيق اهو ؟
موضي واللي بتبجي خلص : ممكن اعرف انت ليه تزوجتني
عبدالله : ....
موضي : ليه ماتجاوب ؟
عبدالله : موضي .. انا مقصر عليك بشي ؟
موضي باصرار : ليه تزوجتني ؟
عبدالله : شهالسؤال ؟
موضي : انا مااحس انك مستانس او مرتاح معي زي العالم والناس .. انت ماتبيني ولا ايش ..!!
عبدالله : مالي نفس اتهاوش .. تبين تروحين ؟
موضي : ايه
عبدالله : قومي طيب .. عشان اوصلك
موضي قامت بهدوء وهي منصدمه : معقوله ثلاث اشهر ياعبدالله وللحينك بعييد عني .. وكأنك في عالم غير العالم اللي انا فيه ..