قصة ام في دار المسنين مع قصيده

بسم الله الرحمن الرحيم


اكتب لكم قصه حقيقيه من اجل الفائده , قصه ام اخذوها ابنأها الى دار العجزه شيئ محزن .

القصه كتالي :_

في يوم من الايام كنت ذاهب الي البيت ورأيت شي لايصدق , كان جارنا امام منزلنا هو واخوانه يأخذون امهم الي ماكن لا اعرف الي أين , لاكن كنت اري الام تبكي بصوت عالي .


وتقول الام : ليش تسون فيني كذا حرام عليكم انا امكم الي ربيتكم وتعبت عليكم ونتم صغار والحين تسون فيني كذا .


وقال الابن الاكبر محمد : لازم نسوي كذا غصب عنا وبعدين كلها كم شهر وترجعين لنا هذا من مصلحتك عشان بعد نسوي لك فحص طبي وراح ترجعين لنا .


وقالت زوجت الابن الاكبر : كان لازم نسوي كذا من زمان عشان نقدر ناخذ رحتنا في بيتنا .


وقال الابن الاكبر محمد لزوجته : تروحين معنا نودي امي ؟


قالت زوجته محمد : لا انا معزومه ولا زم اتجهز للعزيمه قبل لا اتأخر .


المشكله زوجه محمد هي بنت خالت الام يعني تقول خالتي .


والام تبكي بكاء شديداُ خارج المنزل وتلطم خيدها


وتقول الام : خذوا الفلوس وخذوا كل شي وخلوني .


وقال محمد : انتي بترجعين بس كم شهر وترجعين انتي خلاص


وبعد ماذهبوا من امامي كان عقلي طار من رائسي من المشهد الذي مر من امامي لان هذا المشهد لايمكن ان

نراه الافي المسلسلات او الافلام التلفزيونيه , وبعد مده كان في بيتنا عزيمه وكانت محمد من ظمن المعزومين

وسألت محمد عن والدته وعن المشهد الذي مر من امامي


وقال محمد : عادي امي تبعت مافيه احد يقدر يرعاها واخذتها الى داره العجزه

وقالت له : ليش كان جبت لها شغاله ترعاها

وقال محمد : جبت لها شغاله وسافرت ومابغيت اجيب لها شغاله ثانيه

وقلت له : ومتي راح ترجع الولده انشالله الي البيت

قال محمد : مدري يمكن بعد سته شهور كذا

وقلت له : غلط الي سويته كذا يعني كان جبت شغاله غيرها او حتي اخذتها الي اخوانك

وقال محمد : عندي اخت واخوي الصغير رفظوا يخذونها عندهم وبعدين هم الي استشروا اني اخذها الي دار المسنين وبعدين احسن لها

لاكن محمد صدمني بخبر انه اخذ امه الى دار العجزه , ولاكن بعد كم مده عرفت محمد ليش اخذ ولدته الى دار العجزه من اجل باقي ورث ولده الذي قسم محمد ورث امه على نفسه وعلى اخوانه

وبعد ثلاث شهور جي خبر لمحمد من دار العجزه ان امه توفت .

وذهب محمد لدار العجزه واخذ ولدته وكان معها وصيه وكتبت فيها ( الي سويته ياولد محمد غلط لاكن الله يسامحك ويرزقك ) الله يرحمها انشالله .

لاكن محمد من بعد ماودها لدار العجزه الي يوم وفاتها لم يزرها ولايوم ابدن .

وحان وقت الدفن وذهبت للمقبره

ونا اقول في نفسي : هذا محمد وأخوانه العاقين الذين ربتهم امهم وتعبت وسهرت عليهم يعملون فيها كذا


لاكن مانقدر نقول غير الله يرحم ام محمد , ويهدي ويصلح محمد واخوانه





ولكم هذه القصيده الموئلمه

الام ماتت والقصيده سلمها الدكتور للولد وهو يستلم الجثة

هذة قصيدة لأم تعيش في دار المسنين تنثر كل أحزانها بصوت الامومة لولدها الذي
رماها وتركها من أجل خاطر زوجتة التي رفضت العيش مع أمة.....؟؟
وتمر ثلاث سنوات ولم ترى فلذة كبدها ولو مرة واااحدة فكتبت هذة القصيدة ....


يامسندي قلبي على الدوم يطريك ×× ماغبت عني وطيفك سمايا

هذي ثلاث سنين والعين تبكيــك ×× ماشفت زولك زايرآ يا ضنايا

تذكر حياتي يوم أشيلك وأداريك ×× والاعبك دايم وتمشي ورايا

ترقد على صوتي حضني يدفيك ×× ماغيرك أحدآ ساكنن في حشايا

وليا مرضت أسهر بقربك وداريك ×× ماذوق طعم النوم صبح ومسايا

ياما عطيتك من حناني وبعطيك ×× تكــبر وتكــبر بالامل يا مـنايا

لكن خسارة بعتني اليوم وشفيك ×× وأخلصت للزوجة وأنا لي شقايا

أنا أدري أنها قاسية ما تخليك ×× قالت عجوزك ما أبيها معايا

خليتني وسط المصحة وأنا أرجيك ×× هذا جزا المعروف وهذا جزايا

ياليتـني خــدااامة بين أياديك ×× من شأن أشوفك كل يوم برضايا

مشكور ياوليدي وتشكر مساعيك ×× وأدعي لك دايمآ بالهدايا

حمدان يا حمدان أمك توصيك ×× أخاف ماتلحق تشوف الوصايا

أوصيت دكتور المصحة بيعطيك ×× رسالتي وحروفها من بكايا

وأن مت لاتبخل علي بدعاويك ×× وأطلب لي الغفران وهذا رجايا

وأمطر ترااب القبر بدموع عينيك ×× ما عاد ينفعك الندم والعنايا

لله لايجعلنا ممن يعيق امه او ابوه ويجعلنا نكسب الرضاء فيهم


منقول
تحياتـــــــــــــــــــــــــــــي

يسلمو ع النقل