اجمل روايه حب (دنياي عقبك ماسوت ربع ساعه)

--------------------------------------------------------------------------------

مرت الايام وخلصت ايام رحلت عائله بوفهد & بو خالد
وصلوا المطـار ...
وكان اكثر انسان فرحان هو ساره !!
لانه يمكن تشوف عبدالرحمن !!
ركبوا الطياره .. ووصلوا مطار الدوحه ..........
الطامه الكبرى كانت وجود العاشق المغرم ولد خالت ساره !!

ساره : ( في قلبها ) وعله هذي شنو يبي ياي .. افففف اكرهه اكرهه ...

وصل وسلم عليهم !!
بعد ماابتسم لساره ابتسامة المحب الهايم ..
ركبوا السياير ...
ووصلوا البيت ....
دشت ساره غرفتها ...
تمت تصيح تصيح تصيح
لانها تذكرت الدادا .... اللي كانت تنيمها .. بحضنها
اتصلت حق عبدالرحمن .. وهو بشغله وكان عنده اجتماع
اول ماشاف رقم ساره القطري.. استأذن من موظفينه وطلع
يكلمها ..

عبدالرحمن : الوو ...
ساره : ( وهي تشهق ) هـ .. هــ .. هـلا
عبدالرحمن : شفيج .!!!
ساره : دادا ...
عبدالرحمن : شفيها !!
ساره : مايات معانا قطر
عبدالرحمن : واااااااي طيرتي قلبي فكرت فيها شي
ساره : ( صاحت زيااده ) ااااااااااه بموووت بموووت
عبدالرحمن : بسم الله عليج ..
ساره : عبدالرحمن ...
عبدالرحمن : لبيه
ساره : ابي دادا ... برد لها فرنسا
عبدالرحمن : ( مبقق عيونه ) شنوو!! شفيج انتي اصلا هي باقي لها 15 يوم وترد لج ... هي بعد تبي تشوف عيالها شدعوه ساره
ساره : ( تشهق ) لا لالالالالالالالا انا بنتها بس ..!!
عبدالرحمن : معليه .. هدي انتي اللحين ...
ساره : ( هدت شوي)
عبدالرحمن : حتى الحمدلله ع السلامه ماخليتني اقولها لج بل
ساره : الله يسلمك
عبدالرحمن : فديت اللي يصيحون انا ...
ساره : ( بدلع ) عبدالرحمن عااااااااااد
عبدالرحمن : هاهاهاهاهاهاي
ساره : خلاص انا بسكر
عبدالرحمن : افا ....... ليش !!
ساره : ولد خالتي هني .. وانا سفهته
عبدالرحمن : شنو ... شنو ...
ساره : شفيك ..!!
عبدالرحمن : شنو شفيك .. مافيه نزله ..
ساره : ( تبي تخليه يغار) .. شفيك هذا مغرم صبابه ........!!
عبدالرحمن : بعد .!!
ساره : أي
عبدالرحمن : اوكي باي
ساره : شفيك امزح
عبدالرحمن : لا والله هذي مب مزحه !!
ساره : اسفه زين
عبدالرحمن : سامحتج !!

صبـاح الدوحه
الساعه 9 ...

في بيت ابوخالد ..

قامت ام خالد بدري وتمت ترتب في الهدايا ..
وقالت للخدامه تحط لها الفطور ..
وافطرت .......
اما خالد فكـان نايم لانه سهر مع ربعه ..

في بيت ابوفهد ..

ابوفهد & ام فهد ...
كانوا قاعدين يتريقون مع بعض ...
وفتح ابوفهد الموضوع مع ام فهد
وقالها انه ساره وافقت وانا بكلم عبدالرحمن
اليوم وبقوله ...
اما ام فهد ماكان فيها الا تقول الله يقدم اللي فيه الخير .......


في بيت ابوعبدالرحمن ...

كان عبدالرحمن يفطر بسرعه خياليه
لانه هو والاكل عداوه مع بعض .....
شرب عصير برتقال وهو واقف
وام عبدالرحمن كانت تحن عليه عشان يقعد
لكن راسه يابس ..
اكل ربع كرواسون وطلع بسرعه
شال اوراقه والاب توب .......
وطيرااااان ع الشركه ........!!


الكل راح شغله.....
دش عبدالرحمن شركته ..
مااوصف لكم شنو كانت الهيبه فيه ...!!
اجمتع اجتماع سريع ويومي مع موظفينه ..
وبعدها سمح لهم بمداومة شغلهم ..

ابوفهد بعد ما وقع ع الاوراق المهمه
اتصل على عبدالرحمن .......

عبدالرحمن : الو ..
ابوفهد : هلا يبه ..!!
عبدالرحمن : مرحبا .. مرحبا ملالالاين ولايسدن
ابوفهد : مرحبا بك ...
عبدالرحمن : شحالك يايبه .. ان شاء الله بخير
ابوفهد : بخير عسى عمر طويل .. شحالك انت ..!!
عبدالرحمن : زانت احوالك ..
ابوفهد : مشغول يايبه ..
عبدالرحمن : حتى لو الدنيا كلها فوق راسي افضي لك امر يايبه خدمه .. لزوم ..!!
ابوفهد : لا بس بغيت اكلمك بموضوع الخطبه
عبدالرحمن : تفضل .. يايبه ..
ابوفهد : ابشرك ان ساره وافقت ...
عبدالرحمن : ( شوي ويطير بس لزوم الثقل) الله يتمم على خير ..
ابوفهد : امين يايبه .. ومتى مابغيت الملكه احنا جاهزين ترى
عبدالرحمن : اكلم الاهل وارد عليك
ابوفهد : مافيه مشكله .. .
عبدالرحمن : الله يطول بعمرك ..
ابوفهد : يالله يبه .. تامر بشي ..!!
عبدالرحمن : طولة عمرك ...
ابوفهد : مع السلامه
عبدالرحمن : في حفظ الرحمن

سكر ابوفهد ....
واتصل عبدالرحمن ع امه

ام عبدالرحمن : هلا يبه ...
عبدالرحمن : يمه ابشرج
ام عبدالرحمن : شنو ..!!
عبدالرحمن : ابشرج انهم وافقوا
ام عبدالرحمن : من اللي وافقوا ...
عبدالرحمن : بنت ابوفهد .......
ام عبدالرحمن : واي وااي وااي قلبي قلبي ... صج
عبدالرحمن : أي والله صج
ام عبدالرحمن : الله يتمم علي خير ..

سكرت ام عبدالرحمن من ولدها
وطارت ع البنات تبشرهم ....
مااوصف لكم البنات شلون مبحلقه عيونهم
مايدرون هم فرحانين منصدمين .. مب عارفين
يحددون مشاعرهم ..!!

دق صوت الرساله في جوال ساره ..
حاولت تفتح عيونها بصعوبه ...
المرسل كان عبدالرحمن

لليل احبك مابقى في السما نور
والى ضواني الليل ..للصبح أحبك
واللحظة اللي كلها عند وغرور
أشوف قبريبين عينك ..وقلبك
في صدري سراجٍٍ حزينٍٍ ..ومكسور
رغم المطر والريح ..شلتهفي دربك
والله مابه غير لوعاتي قصور
وخوفي عليك الله ربي وربك
ما بي جهدابني على صمتك جسور
لا حيرتني أسباب سلمك وحربك
العمر أحبك ..مابقى فينيشعور
والى جفاني العمر ..وشلون أحبك

ابتسمت ساره ابتسامة الرضى
لانها عرفت ان ابوها كلم عبدالرحمن
وقاله عن موافقتها في الزواج منه ..
انخشت ( استخبت) في المحلف ..
ورااحت في نوووم عميق ...

الساعه 1:00
حسب توقيت الدوحه / قطـر

رد الجميع للبيوتهم ...

دش عبدالرحمن بيتهم ..
الابتسامه شاقه الحلج .. من الونـاسه
ركضوا البنات حق اخوهم وهم يضمونه
مبرووك مبرووووووووك

عبدالرحمن : رجاءاً لااحد يضمني
البنات : ليش ..!!
عبدالرحمن : المدام بعدين تزعل ...
البنات : اهاهاهاهاهاههاهاهاهاهاههاااااا اااااااي

دش ابوفهد البيت
وكانت في استقباله ... ام فهد
مسك يدها وباسها ..
ابتسمت له ابتسامه نسته التعب ...
مسكت يده وراحوا ع طاوله الطعام
الخاصه فيهم ..
غدته ... وبنفسها مسكته ...
ودخلته الغرفه ... وخلته ينام ويرتاح ...

بينما ..........
سـاره لازالت في نووووووووووم عميق ...

المغرب ...

( مذهله .. ماهي بس قصه حسن رغم ان الحسن فيها
بحد ذاته مشكله ... )

تلفون ساره كان يرن
والرقم فرنسي ..

ردت ساره

ساره : yes
المتصل : مرحبــــا حبيبي كيفك ..!!
ساره : ( طاحت التلفون من يد ساره وتمت تصاارخ ) لا لا لا لا لا لا لا لا لا لا لا لا لا لالالالالا


في بيت ابو عبدالرحمن

في مجلس الرياييل ( الرجال)

عبدالرحمن : ( بعد ماباس راس ابوه ) .. شحالك
ابو عبدالرحمن : بخير الحمدلله
عبدالرحمن : يبه .. ترى العرب اللي خطبنا منهم وافقوا
ابو عبدالرحمن : ع البركه ع البركه الله يوفقك
عبدالرحمن : الله يطول بعمرك
ابو عبدالرحمن : متى تبي تملج ( تملك ) عليها ..
عبدالرحمن : بس يحددون الوقت ..
ابو عبدالرحمن : على خير ان شاء الله

--------------------------------------------------------------------------------

بيت ابو خالد ........

ام خالد : هلا فديتج ..
ام فهد : شخبارج ..!!
ام خالد : بخير حبيبتي .. شخبارج انتي ..!!
ام فهد : انا ..... بطير من الفرحه
ام خالد : طيريني معاج ولو اني مااعتقد اطير من المتن
ام فهد : ههههههههه الله يقطع بليسج
ام خالد : يالله قولي
ام فهد : عبدالرحمن .. ولد ام عبدالرحمن اللي في فرنسا
ام خالد : لا لا لاتقولين جاو خطابه لساره
ام فهد : ( بأبتسامه عريضه ) أي
ام خالد : ( وهي تلولش ) ياعله مبروووووووووووووك الف الف مبرووووووووووووك
ام فهد : الله يبارك فيج .....
ام خالد : السيده نمله وين عيل نبارك لها ..!!
ام فهد : والله فوق نايمه ماقامت صار لها وقت
ام خالد : بل بل قولي لها لاحقه ع الرقاد فترات طويله
ام فهد : خخخخخخ الله يقطع بليسج بس عن العياره
ام خالد : اوكي عيل ........... انا مب فاضيه لج ..
ام فهد : ليه .. !!
ام خالد : اتابع مسلسل
ام فهد : اها اوكي عيل ........ باي
ام خالد : هلا ...

سكرت ام فهد من ام خالد وهي طايره من الفرحه
اذن العشاء حسب التوقيت المحلي للدوحه
رواحوا يصلون الرييايل ..
وبعد ماخلصت الصلاه مسك عبدالرحمن تلفونه

واتصل حق حبيبة قلبه ...

رن رن رن رن رن............................ .
ورد اتصل مره ثانيه
ورن رن رن رن رن .............................. .
واتصل اكثر من 10 مراات
طرش مسج حق ساره
ساره فيج شي ؟؟
تم ينطر المسج لكن مافيه فايده كلش
ماقدر عبدالرحمن ينطر
وتم يتصل يتصل ومافيه فايده
في بيت ابو خالد ..

كانت ام خالد غرقانه في المطبخ
وكانت ماسكه كتاب طبخ واتعلم اكله جديده
في عز ماكانت ام خالد تفكر في المقادير
كانت اتدور الملح وينه ..
لفت اتدور الملح في باقي المطبخ
شافتــه وتجمدت .. وقفت مكانها وهي اتطالعه
بنظرات التعجب ..

......: شخبارج !!
ام خالد : ( بأستغراب وكل علامات التعجب تملئ عيونها ) بخير ..
......: والله لج وحشه
ام خالد : ابو خالد لاتحاول تكذب علي نفسك
ابو خالد : لا والله الا يمكن اول مره اقول الحقيقه حق نفسي
ام خالد : ع العموم ولدك فوق في غرفته قاعد يلعب سوني
ابو خالد : ماجيت ابي اشوف ولدي .. جاي اشووفج

جاي تسأل ..
وتعذر في كلامك؟؟
قولي اول عني وين كان اهتمامك ..
لما كان قلبي بيدينك وشوقي ما بينيي وبينك
حبي لك صادق معايا صار مايسوى بعينك
رحت مافكرت فيني ..!!!
مافكرت فيني ................اااااااااااه.. .............!!!
والدموع الي بعيني كلها والله منك
والله منك ..........
رحت عني ماتبيني !!!
ماتبيني !!
واللحين جاي تسأل ...

ام خالد : شوف ياابو خالد لا عاد تفكر في الرجوع لانه رجوعي صار مستحيل
ابو خالد : بس ياالغاليه الانسان يغلط وان حسيت بغلطي وجيت اعتذر
ام خالد : بعد شنو !!!!
ابو خالد : ( وهو منزل راسه ) ااااااه
ام خالد : لا بصرااحه جات متأخره

طلع ابو خالد من البيت
بس ماقعدت ام خالد بكل قوتها ع الكرسي
وضمت وييها بيدينها .. وتمت تصيح
وهي تهز راسها اللحين جاي اللحين ......!!


في بيت ابو فهد ..

ام فهد وابو فهد
قاعدين في غرفة ساره اللي انهارت من الصياح
والحزن ...

ابوفهد : ( بعد ما حس انه بنته ارتاحت ) خلاص يايبه نامي انتي وبكره لج مني اللي تبينه اسويه
ام فهد : ( بعد ماباست راس بنتها ) خلاص ارتاحي بكره ابوج بيسوي كل شي انتي تبينه
ساره : ( بعد ماحست بالراحه ) اوكي

اما عن عبدالرحمن ..
اللي كان يمشي في غرفته رايح وراد
وينطرها تتصل له ..
ماقدر يصبر رااح يمشي للتلفون
الا ساره تتصل ...

ساره : الو
عبدالرحمن : الحمدلله ع السلامه
ساره : ليش !!
عبدالرحمن : ليش ..!! تسأليني انا ليش اسألي روحج كم اتصال انا متصل ولا انتي معبره ولا اتصال شفيج انتي استخفيتي
ساره : .............
عبدالرحمن : اسمعيني عدل ..
ساره : هلا
عبدالرحمن : لو اتصلت مره ثانيه ومارديتي علي من اول اتصال لاتلومين الا نفسج شفيج انتي والله استخفيت شوي
ماقدرت اقعد ولاقدرت اوقف ولاقدر اسوي شي كلش
احس كل شي قدامي توقف
ساره : ...................
عبدالرحمن : ( وهو للحين يصرخ ) قسم بالله قهرتيني شوي
ساره : ...................
عبدالرحمن : ( وهو كل شوي قاعد يعلي نبرة الصراخ ) شفيج انتي اكلمج ولا صرتي مااتكلمين ..
ساره : ( وهو تبلع العبره ) عبدالرحمن انا بسكر التلفون باي
عبدالرحمن : بعد اكثر من 20 اتصال بتسكرين مني
ساره : أي ..
عبدالرحمن : باي

ماترك لساره المجال وسكر التلفون في وجهه ساره
تمت ساره تصيح بقهر ...
كان ودها تهاوشه .......
اتصلت واتصلت واتصلت لكن التلفون كان مغلق

شكراُ

كانت هذي الكلمه اول شي تصبح فيها عبدالرحمن
من ساره بعد مافتح تلفونه الصباح ..
تم يطالع الكلمه وينزل السهم لكن مافيه غير هالكلمه
اللي خلته حيران مب عارف شنو يسوي ...
يتصل ولا مايتصل
يروح يرضيها .. ولا يتركها من البدايه
مب عارف شيسوي ...
حاس انه ضايقها بس هي قهرته ..
بس هو مب عارف شنو في ساره ..
نفض عبدالرحمن افكاره من راسه ..
وراح ياخذ حمام دافي عشان يقدر يروح
للشغل وهو مصحصح ..
طلع عبدالرحمن وسحب تلفونه وتعطر من عطر
ساره واخذ نظارته ..
وهو فاتح الباب حق الغرفه اللي تلفونه يرن
وكان المتصل ساره .......
مااقدر ابالغ لو اقولكم ان عبدالرحمن انتفظ
نفظه محترمه ..... حس انه كل شي فيه جسمه تغيرت
تم يطالع الاسم مب قادر يستوعب انه ساره المتصل

عبدالرحمن : ( وهو يطلع من الغرفه ويسكر الباب ) الو
ساره : متصله اقول كلمه .........
عبدالرحمن : اعتقد ان الناس يقولون السلام عليكم صباح الخير ..
ساره : ماكنت ادري انك قاسي لهالدرجه ..
عبدالرحمن : دقيقه بس بدش اللفت وبيقطع الارسال
ساره : لاتحاتي انا بسكر ..
عبدالرحمن : ساره عن حركات اليهال .. قلت لج اللفت بيقطع الارسال انطري بدق لج انا .. باي
ساره : ....................
عبدالرحمن : شفيج اقولج باي
ساره : سكر ... حد ماسكك من يدك
عبدالرحمن : انزين قولي باي
ساره : باي
سكر التلفون ودش عبدالرحمن اللفت ..
ومسك التلفون واتصل

ساره : نعم
عبدالرحمن : نعم الله عليج ...
ساره : ........
عبدالرحمن : لحظه
ساره : اوكي

وهو داش غرفة الطعام ويبوس راس امه

عبدالرحمن : صباح الخير يالغاليه
ام عبدالرحمن : صباح النور يايبه
عبدالرحمن : يالله يالغاليه انا بطلع تامريني بشي
ام عبدالرحمن : ماتفطرت ......
عبدالرحمن : مب يوعان يايمه
ام عبدالرحمن : بس يايبه لازم تاكل .....
عبدالرحمن : باكل بعدين

طلع عبدالرحمن ...

عبدالرحمن : الو
ساره : هلا
عبدالرحمن : ممكن اعرف ليش انا قاسي !!
ساره : بس جذي ..
عبدالرحمن : شلون جذي
ساره : عبدالرحمن انا ابي اسكر
عبدالرحمن : انتي كل شوي بسكر بسكر صبري شوي لاحقه والله لاحقه
ساره : ( ودموعها تنزل على خدها وصوت العبره يوقف في مجرى التنفس ) خلاص عبدالرحمن خلني ابي اسكر
عبدالرحمن : ( وهو يركب سيارته ) انتي ليش تصيحين اللحين ؟
ساره : ولا شي خلاص عبدالرحمن
عبدالرحمن : ساره شفيج !! لا تخرعيني عليج
ساره : ليش وش اللي يهمك ..
عبدالرحمن : شلون شنو اللي يهمني انتي ماتدرين ان انتي بتصيرين حلالي ..
ساره : اها اوكي ......
عبدالرحمن : شفيج !!
ساره : عبدالرحمن مافيني شي خلاص ..
عبدالرحمن : شفيج !!
ساره : ( صرخة ) قلت لك مافيني شي
عبدالرحمن : ( عصب عبدالرحمن ع الصرخه واصلا هو كل شي يهون عليه الا انه حد يصرخ عليه ) ساره مب عشان انا قاعد اسألج شفيج تصرخين علي ... تراني مااحب احد يصرخ
في ويهي ورجاُ احترميني .. وترى ماله داعي زين
ساره : ( وهي تشهق ) اوكي باي
عبدالرحمن : شفيج كل ماقلت شي قلتي باي
ساره : أي باي .. ابي اسكر خلاص
عبدالرحمن : اوكي
ساره : بس ع فكره
عبدالرحمن : هلا
ساره : ترى تلفوني بقفله ...
عبدالرحمن : هذا اللي تبينه ......
ساره : ................... انا عطيتك خبر
عبدالرحمن : خلاص سوي اللي براسج
ساره : اوكي ...
عبدالرحمن : باي
ساره : باي

وتموووا ساكتين فتره طويله .......

ساره : سكر
عبدالرحمن : سكري انتي
ساره : لا شدعوه امس تسكر التلفون في ويهي واللحين تقولي سكري صج والله شفيك انت تناقض نفسك

طوط طوط طوط ...... تسكر التلفون في وجه ساره
رغم ان عبدالرحمن مب من عادته انه يسكر التلفون
في وجهه أي انسان بس ساره كلامها ينرفز .............
سكر عبدالرحمن التلفون والضيقه تقطع انفاسه
راح غرفته وتم قاعد ع الكرسي يفكر شسالفة
ساره اللي اقلبت عليه فوق تحت بدون مايدري
اما ساره فكان مكانها المخده اللي ضمتها لصدرها
وتمت تصيييح لدرجه انه المخده صارت مليانه من
دموع ساره ..

--------------------------------------------------------------------------------

الله يستر من بدايتها زعل ........
مااعرف اذا كانت هالعلافه بتم ولا بتوقف .........
انطروني في الاجزاء الباقيه

العفو مشكورة ع المرور

مشكوووورة على القصة الرائعه

ربي يعطيك العافيه