**|| كلمة أحبك... قصه حب||**

الجزء الثاني

راشد وهو ساير بيت اخته تم يفكر انا ليش سويت جيه فالبنيه؟ وليش رمستها بهالاسلوب بس انا كنت مستعيل وهم سادين الدرب عني وهى بعد ماقصرت ردت عليه بس حلوه وهو يفكر رن الموبايل راشد:الو ..
عبدالله:هلا والله بوسنيده وينك ياريال
راشد:موجود تدري انشغلت مع الرضيعه والمولود اليديد
عبدالله:صدق نسيت ابارلك مبروك ويتربا في عزكم ان شاء الله
راشد:تسلم بوحميد…
عبدالله:خلاص عيل بخليك ونتلاقا اليوم
راشد: ان شاء الله
عبدالله: في وداعة الرحمن
راشد: ربي يحفظك ومع السلامه…
عبدالله وراشد ربع من ايام الدراسه ونادرا مايفترقون …

كانوا متيمعين كلهن في بيت فطامي في الويك اند كلهن عليا.عواشي.عنود ومريم ….

عنادي:اقول ميمي وين تتوقعين بيخلونج في الورك بليسمنت(فترة التدريب لانهن بعد ثلاث شهور بيتخرجن) ؟
مريم:والله ماادري بس ابا مكان مافيه وايد ريايل تدرين بعد السلطات العليا ماتوافق (مريم مالجه وبتعرس في الصيف ).
فطامي:الله يعينج انزين بتشتغلين بعد العرس؟
مريم:ماادري قال لي ماشي شغل بعد العرس وانا بحاول اقنعه الله كريم..
عواشي: متى بيخبرونا عن الورك بليسمنت؟
عليا: انا سمعت بعد يومين..
وبعدين تمن يسولفن لين الساعه تسع وخلاف كل وحده سارت بيتهم..
يوم السبت هو اليوم اللي بيخبرونهم كل وحده وين بتكون في الورك بليسمنت
عواشي: يلا نسير الكلاس اللحين معلقين الاسامي والاماكن
ردن البنات:يلا عيل بسرعه وساروا الكلاس وفعلا حصلوا كل البنات متيمعين وكل وحده تدور اسمها
عنادي: انا وعواشي في غرفه وصناعة الشارجه
عليا: صدق والبقيه ؟
فطامي :لحظه بندور
مريم:عيوني اشلقن وانا ادور اسمي واخيرا حصلته انا في مصرف الاسلامي وابتسمت زين والله حماده بيستانس وانا مع بنت كلاسنا شويخ …
فطامي:علايه انا وانتي رباعه حاطينا في شركه الامارات للمقاولات والهندسه علايه: ياسلام بيكون روعه الورك بليسمنت ..
كلهن كانوا مرتاحات من الاماكن وبيكون الورك بليسمنت بعد شهر ولازم يستعدون من اللحين من بروجكتات وبرستنيشن ومحاضرات واشياء مالها اخر ولازم يشدون حيلهن لان هذا السمستر الاخير ...

بعد مرور اكثر من اسبوعين كانت عليا في المكتبه تكمل البحث ويتها فطامي وقالت :اوووووووف بسرعه عليوه انا مستعيله على طول تذكرت عليا راشد وهو يتحرطم عليهم تذكرت ملامحه وكيف هالانسان شايف عمره وطريقة اسلوبه يوم رمسها فطامي وهى عاقده حياتها: علايه بلاج انا من الصبح ارمسج وين سرحتي؟
عليا:ماسمعتج شو قلتي؟
فطامي: ماما انتي فيج شي اليوم شو متريقه فول ولا فلافل هههههه
عليا:خليته حقج الفول يالدبه ذكرتيني بشي ماابى اتذكره وردت تذكرت راشد والموقف اللي حصل فطامي: علايه بالزين قولي لي شو السالفه
علايه: السالفه ومافيها الله يسلمح ويسلم غاليج وخبرتها علايه عن راشد واللي حصل دووم تخبر فطامي كل شي يستوى حتى فطامي ومابينهن اسرار وتمت فطامي تتحرطم عليها عسب انها ماخبرتها بالسالفه من زمان بس عليا بررت موقفها وتمن يسولفن لين ماخلص البريك بعدين ردوا الكلاس وفطامي تغمز لعليا وتبستم لين الاستاذ شافها وعصب ...
خلص الدوام وكل البنات ردن لبيوتهن ومر الاسبوع الاخير ومن يوم السبت كل وحده بتسير مكان التدريب لمدة شهرين..

الجزء الخامس
بعد مرور اكثر من اسبوعين على تواجد علايه وفطامي في الورك بليسنت كان راشد يعامل عليا بكل برود حتى عيونهم ماتتلاقا كان راشد دووم يتجنب عليا .. رد منصور الشركه من اسبوع راشد وكانوا مع بعض في المكتب
منصور: راشد عندنا بنات يدربن في الشركه؟
راشد:هيه بنتين وحده منهن ابويه يعرف ابوها وموصيني عليهن
منصور: عاد هذا اختصاصك رشود ويغمز له
راشد: لا والله تدري بي مايخصني عسب تسير وتخبر ابوها وافضح ابويه جدامه
منصور: ومن متى انت تحاتي هالشئ احيد على طول هب ريح ماشاء الله عليك
راشد: خلاص كبرنا على هالسوالف
منصور: علينا
راشد: حشرتنا يابويه خلنا في الشغل احسن
وتموا يتناقشون عن امور الشركه والسفره الاخيره لان منصور كان برع البلاد ويدور على معدات للشركه…

عليا ياربي ادش مكتبه ولا لأ بعدين ماحصوا غيري يودون الملفات يارب مايكون موجود في مكتبه دشت المكتب وقلبها يدق بسرعه وشافت انه مب موجود وقالت في خاطرها الحمد الله حطت الاوراق وشافت صورة بنت صغيره معقوله معرس؟ البنت تشبهه وحست بالغيره فجأه سمعت صوته: عايبتنج الصوره؟
عليا مفتشله كيف ماسمعته وهو يدش المكتب عليا: اسمحلي وايد يعيبوني اليهال ماشاء الله عليها غاويه وتبتسم
راشد: لازم طالعه عليه وابتسم
اول مره يبتسمون حق بعض راشد يقول في خاطره ماحلاتها وهى تبتسم
عليا: خلاص عيل اسمحلي بسير المكتب
راشد: مسموحه قبل لاتسيرين بغيت اسال شو الشغل وياكم
عليا: الحمد الله اوكي
راشد: لاتنسين اذا بغيتي شي خبريني الوالد موصني عليكن
عليا: ان شاء الله وظهرت من مكتبه…..

يوم الاربعاء العصر كانت عليا في حجرتها تفكر في راشد هالاسبوع احلى اسبوع مر عليه اول مره يبتسم لي بس لو ظهر معرس كيف اسمح لنفسي افكر في واحد معرس سمعت حد يدق باب حجرتها عليا: منو؟ كانت بشكارتهم تقول ان ابوها يترياها في الصاله نزلت
عليا: هلا ابويه خير ان شاء الله
بوسعيد: هلا عليا لا سلامتج انا ساير العزبه بتين
عليا:ماادري متى بترد ؟
بوسعيد: يومين ورادين بدال يالسه في البيت روحج
عليا: خلاص عيل بزهب اغراضي وبرد ب
وسعيد: لا تبطين بترياج في السياره
عليا: ان شاء الله…
وصولوا العزبه حزة المغرب كانت عليا ترتب الاغراض رن تلفونها
كانت فطامي متصله عليا: هلا والله
فطامي: هلا فيج علايه وينج؟
عليا: انا في الذيد
فطامي: في الذيد شو تسوين
عليا: ماشي كنت ملانه ويت مع ابويه العزبه
فطامي: اونج تغيرين جو ههه
عليا: شو نسوي بعد
فطامي: كنا متفقين نتيمع في بيت عواشي خلاص بخبر الشله بنأجل الاجتماع
عليا:هههه اللي يسمعج يقول اجتماع مجلس الامم المتحده هههه
فطامي: هى بعد شو وناوين نحرر فلسطين بعد
عليا: ههه
فطامي:شو السالفه المزاج رايق هالاسبوع
عليا: الحمد الله
فطامي: علايه شو تحبين
عليا: بحب منو يعني
فطامي: حبيب القلب ناصر(ناصر يحب عليا من الصغر بس عليا ماتحبه وتعتبره شرات اخوها وهو دوم يحاول يتقرب منها بس ماتعطيه مجال)
علايه: دخيلج لاتذكريني فيه
فطامي: ولد عمج لازم تذكرينه
عليا: بسكر لاني برتب الاغراض
فطامي: سوري علايه كنت امزح معاج لاتزعلين وغنت ان زعلت برضيك وكل عمري فداك
عليا: خلاص اذا سمعج عيضه بيعتزل ههه
فطامي: خلاص عيل بخليج وديري بالج على عمرج
عليا: اوكي وانتي بعد يلا باي
فطامي :باي حبي…

بعد يومين

ردت عليا الشارجه ومر الاسبوع الرابع في فترة التدريب وتبادلوا الاماكن عليا سارت مكتب فطامي وفطامي يت مكان عليا
كانت عليا مب مرتاحه ذاك الزود من مكانها وتتمنى انها ترد لمكتبها الأولي لانها مابتشوف راشد وايد كانت على الاقل تشوفه.
حتى راشد تكدر يوم عرف انها سارت القسم الثاني ويفكر اكيد تتحراني نسيتها وكتب هالابيات

خل ملـكني بالـوداد وهويته واصبحت من حبه متيم ومفـتون
حاز الغلا بالقلب من يوم ريته وصارت حياتي من عرفته لها لون
الصاحب اللي مادقايق نسيته طيـفه يراودني وترجيه لعـيون
أشتاق له والشوق لوني خفيته بين بعيني للملا سـر مكنـون
يرتاح بالي ياملا كان جيتـه وايبش له قلبي ولو كان محـزون

*** قصيده للشاعر سعيد بن سهيل الراشدي

رشوووود
راشد: بسم الله الرحمن الرحيم من وين ظهرت
عبدالله: ههه بلاك ياريال دقيت الباب بس كنت في عالم ثاني
راشد: عنبو هاللي مايخلي الواحد يسرح
عبدالله: كنت سرحان في منو
راشد:مايخصك خير اشوفك يايني الشركة شو عندك؟
عبدالله: شو نسيت انت ماكنت محتشر وتبا الاوراق يبت لك هذا يزاي يعني
راشد: اوه صدق نسيت تسلم لي الغالي
عبدالله: خلاص عيل بترخص
راشد: على وين اصبر دقايق وبنظهر رباعه بنتغدا برع شو رايك
عبدالله: انزين بسير بسلم على ابوك ومنصور وبرد لين ماتخلص شغلك
راشد: انزين …..

عبدالله ظهر من مكتب راشد وهو يمشي فتح الباب اللي يودي قسم الثاني بقوه وماانتبه على فطامي وهى شاله ملفات وطاحوا من ايدها
عبدالله: اسمحيلي الشيخه ماشفتج
فطامي: لاعادي حصل خير وهى تحاول ترتب الملفات وتم عبدالله يساعدها
عبدالله: السموحه مره ثانيه ماانتبهت
فطامي: ماعليه والغلطه مني بعد لاني شليت ملفات وايده
ابتسمت وكملت دربها عبدالله تم واقف مكانه وماتحرك شافه راشد: سلمت على ابويه ومنصور
عبدالله: شو ؟لا ماحصلتهم
راشد: بلاك بوحميد
عبدالله: ماشي يلا نظهر تراني ميت من اليوع
راشد وهو يضحك عيل اليوع اللي مسوي بك جذه ..
وساروا المطعم وطلبوا لهم الغدا راشد: بوحميد اشوفك ماتاكل
عبدالله: لاعادي وسأل عندكم غزلان في الشركه
راشد: غزلان؟ عبدالله يسوي عمره مب مهتم شفت موظفه يديده اليوم
راشد: هيه عندنا بنتين يدربن في الشركه
عبدالله: لين متى؟
راشد: باقي لهن اسبوعين تقريبا عبدالله وهو يحاول يسوى عمره عادي يبا يعرف كل شي عنها بس استحى يقول حق راشد عن يفهمه غلط وكمل اكله..

الجزء السادس

الاسبوع قبل الاخير

كان راشد في مكتبه ويفكر ليش هو يتجنب عليا ويحاول مايمر صوب قسم الثاني عسب مايشوفها هو مستغرب من عمره مدام هى عايبتني ليش اعاملها جى انا راشد لازم هى اللي تتقرب لي بس مااظنها من هالنوع اتصلت فيه السكرتيره وقالت له ان منصور وابوه متيمعين ويبونه ظهر من مكتبه وهو يمشي سمع فطامي ترمس الموظفه وتقول: هيه انا وعليا من زمان مع بعض
الموظفه: الله يديدم المحبه عليكم
فطامي: يوم الخميس عيد ميلادها وماعرف شو اشتريلها انتي شو رايج ؟

راشد انا شو اسوي اسمع البنات يرمسن عليا عيد ميلادها هالخميس امممم يبالي اسوي شي وكمل دربه وسار مكتب بومنصور وتناقشوا بامور الشغل…

فطامي ظهرت من المكتب وسارت عند الموظفه الثانيه لانها بتشرح لها عن شغله هى مافاهمتنها وهى تمشي شافت عبدالله من بعيد نزلت راسها

عبدالله:السلام عليكم
فطامي: وعليكم السلام والرحمه
وكملت دربها عبدالله اووف هاي ماعطتني مجال حتى اقولها اشحالج ماعليه بسير عند رشود ودش مكتبه وين سار هذا بعد بترياه دش المكتب
راشد: ماشاء الله شو هالمفاجأه؟
عبدالله: هلا باحبيب قلبي
راشد: شو هالحب اللي نازل عليك
عبدالله: افا انت الصديق اللذي لااستبدله بمال الدنيا
راشد:ههههه قول سقراط بغيت شي؟
عبدالله: لا بس حبييت اسلم عليك
راشد: اها تسلم عليه ولا يغمز له
عبدالله وهو يستهبل:ولا شو؟
راشد:عشان خاطر الغزلان على قولتك منو عايبتنك اعترف
عبدالله: ياشيطان كيف عرفت؟
راشد: من نظراتك رمستك حتى تذكر في المطعم تسوى عمرك مب مهتم وانت بتموت وتبا تعرف عنهن
عبدالله: ههه شو نسوي القلب ومايهوى
راشد: انا اعرفك اكثر من نفسك وافهمك حتى مايحتاي ترمس
عبدالله: هههه مستوى محلل نفسي اليوم
راشد: قولي بسرعه منو عايبتنك؟
وهو كان خايف ان عبدالله معجب ب عليا
عبدالله: هاللي في قسمك شو اسمها؟
ارتاح راشد الحمد الله يطرى فاطمه راشد: وشو تبا في البنيه خلها في حالها صدقني هاي مب من النوع اللي في بالك
عبدالله: ادري وانا نيتي صافيه
راشد: يبين يلا نظهر شو رايك
عبدالله: راي من رايك
راشد: معلوم كل هذا عشان خاطر الحبايب
عبدالله: لازم اطمن عليها
راشد: يابويه عن تفضحنا وياعيونك ههه
عبدالله: اوووف من حشرتك مب موجوده في المكتب
راشد:هههه احسن يلا بسرعه نظهر…

يوم الخميس

البنات متفقات بدون عليا ماتدري انهن يسوون مفاجأه حق عليا واتفقوا انهن يسون حفله بسيطه في بيت عواشي لانهن من زمان ماتيمعن بسب الورك بليسمنت..

كانت عواشي ترمس عنود عنادي اذا تقدرين تيبين بيتنا من وقت تعالي
عنادي: بحاول بقول حق ابويه
عنادي: لاتقولين حق علايه شي ماتدري
عنادي: ادري حتى ماطرشت مسج نحن اتفقنا على هالشي
عواشي: كلهن بيكونون موجودات انا انتي فطامي وعلايه حتى خواتي
عنادي: ومريوم؟
عواشي: ماتقدر لان امها مريضه
عنادي: افا عواشي: عنادي بخليج اللحين بكمل الترتيب
عنادي: خلاص عيل وان شاء الله نتلاقا اليوم باي
عواشي:باي و c u

كملت الترتيب واتصلت في فطامي تذكرها بالكيكه وقالت انها بتي بيتهم حزة المغرب وبتساعد عنود وعواشي لانهن يبون قبل اذان العشا يخلصن وفعلا كل شي كان جاهز بس كانوا يتريون عليا.

عليا منسدحه على الشبريه وتفكر محد تذكر عيد ميلادي هالسنه
حتى ربيعاتي مسج ماطرشولي اكيد نسوا شرات مانساني راشد ماعليه بسير اتزهب اكيد يتريوني في بيت عواشي تلبست وخلت محى الدين يوصلها واول مادشت الميلس ماشافت حد لانهن كانوا مسكرين الليتات قالت يمكن يالسين في الصاله بغت تظهر فجأه يفتحون الليتات ويقولون عيد ميلاد سعيد علايه happy birthday to you علايه من الصدمه والفرحه نزلت دموعها
فطامي: فديتج علايه ليش تصيحين
عليا: من الفرحه تدرون تحريتكن ناسيات
عواشي: افا ونحن نقدر بس حبينا نسويلج مفاجأه امسحي دموعج الغاليه.

وتمن يسولفن لين حزة العشا وشافت عليا ان على الكيك صورتها يوم كانت صغيره
فطامي: شو رايج عيبتج الكيكه
عليا: والله انكن شلة المفاجأت
عنادي: احم احم هو اصلا قي شراتنا ولا تنسين الهدايا بعد ……

وتمن يسولفن ويضحكون وكل وحده ترمس عن الورك بليسمنت
والمواقف اللي تستوى لها بعدين عليا شكرتهم على المفاجأة وخلاف كل وحده ردت بيتها..وصلت عليا البيت ودشت حجرتها شافت باقة ورد عوده وفي النص باتشي الله روعه وزقرت البشكاره وعرفت منها ان ريال مصري وصل الباقه الساعه 8ونص من ازهار داماس ويلست تفكر منو مطرش لها امممممممم يمكن مريومه لانها مايت الحفله وماتدري ان راشد هو اللي مطرش الورود..

راشد وهو في السياره يسمع اغنية ميحد حمد**** بحتفل في عيد ميلادك للاسف بحيه من دونك المهم ابقا ع ميعادك واحفظ التاريخ واصونك**** وفكر شو بتكون ردت فعل عليا اذا درت اني مطرش الورود اكيد بتفره على ويهي بس الحمد الله ان ازهار داماس عندهم توصيل للبيوت وانا وصيتهم انهم مايقولون منو اللي مطرش ان شاء الله مابتعرف فديت محل باتشي لولاه ماشفتها وتذكر اول مره يوم شافها….

الجزء السابع

الاسبوع الاخير في فترة التدريب وكل وحده مشغوله في شغلها بعد ماخلصت عليا شغلها سارت القسم الثاني عند فطامي وهاي علثه عسب تشوف راشد من زمان ماشافته دشت المكتب وسلمت
فطامي: مرحبا ملايين هلا بالزين كله
عليا: حبيت اسلم عليكن خلصت شغلي وييت..
الموظفه: هلا فيكي عليا شو القسم التاني ان شاء الله مرتاحه فيه
عليا: الحمد الله وتمن يسولفن ويظحكن فجأه دش عليهم راشد
وقال: اظن هنى مكان شغل مب ميلس حريم مسوين حشره واللتف صوب عليا وكمل اذا ماعندح شغل تقدرين تسيرين المكتب وخلي كل وحده تشوف شغلها وسار مكتبه
عليا فطامي والموظفه منصدمين حتى عليا ظهرت بسرعه وتقول في خاطرها كيف يرمسني بهالطريقه؟ ونحن ماكنا مسوين حشره ولا كل هذا لاني كنت موجوده انا استاهل كنت سايره اشوفه اصلا هذا واحد حتى السلام وايد عليه

فطامي ترمس الموظفه هذا بلاه معصب ويطلع حرته فينا؟
الموظفه: انا اول مره اشوف الاستاذ راشد هيك هو دووم رايق يمكن في شي مضايقه فطامي: ولو لازم مايرمسنا بهالطريقه تقولين نشتغل عنده

بعد ماخلص الدوام عليا وفطامي في السياره واكنت عليا ساكته
فطامي: علايه لين متى بتمين ساكته وماترمسين؟ خله يولي
عليا: بتشوفين فطامي شو بسوي انا وايد سكت له
فطامي: طنشي
ترد عليها عليا بعصبيه: بس في خاطري شي واحد ابا اعرف ليش يعاملني بهالطريقه ومادري على شو شايف عمره يتحرا الناس اقل عنه
فطامي: لاتتهورين وتسوين شي تندمين عليه وماباقي لنا شي هالاسبوع الاخير
عليا: بتشوفين شو بسوي يا انا يا هو
فطامي: تدرين فرح قالت لي اول مره تشوفه معصب مع ان كل الموظفين يحبونه
عليا ردت بغيره: لا والله عيل يتحراني انا اقل منهم ماعليه براويه ..

اليوم الثاني

على طول عليا من الصبح وهى تتريا الوقت المناسب عسب ترمس راشد تقريبا الساعه 12 ونص دشت عليه المكتب وسلمت رد عليها بدون نفس وسأل اذا في شي ردت عليه

عليا: عندي سؤال في خاطري اعرف جوابه
راشد:خير؟
عليا: انت على شو شايف عمرك وشحقه أخر مره هزبتني جدام البنات وكأني مسويه جريمه
راشد:...
عليا: مارديت على سؤالي ليش تعاملني بهالاسلوب يمكن جاتله حد من هلك وانا ماادري
راشد:.....
عليا: ممكن ترد عليه
راشد وبكل برود: تدرين انج متوهمه وانا مب ملزوم ارد عليج
عليا: انا الغلطانه اللي ارمس شراتك الحشيمه مب لك لبومنصور

ظهرت من مكتبه حتى ماسلمت على فطامي وفطامي شافتها بس حبت تسالها شو اللي استوى بينهم عقب الدوام ....

عليا وصلت مكتبها وتمت تفكر ياربي اكيد شي سبب يخلي راشد يعاملني بهالطريقه وانا لازم اعرفه ولا ليش اتعيب عمري مايهمني وكملت شغلها بعد ماخلص الدوام كانت عليا وفطامي في السياره

فطامي: علايه خبريني شو استوى بينكم
عليا وتسوي عمرها مب فاهمه: بين منو؟
فطامي:لاتستهبلين بينج وبين راشد
عليا: ماشي بس قلت كل اللي في خاطري
فطامي: مثل شو
عليا: يعني ليش شايف عمره علينا وعطيته من هالزين وكان في خاطري اقول اكثر
فطامي: علايه بلاج انتي هالاسبوع خليه يعدى على خير
عليا: والله لو كان يحشم الناس كنت بحشمه
فطامي: طنشي بيتغايض اكثر اقول علايه انا يوعانه شو رايج نتغدا
عليا: اممم ماادري ولا شورايج نحتفل بهالمناسبه
فطامي: حسبي الله علي بليسج خليتيها مناسبه
عليا: انتي قلتيلي طنشي وانا بسمع كلامج
فطامي: امم انزين شورايج بشيليز
عليا: شيليز اللي بصحارى؟
فطامي: هيه ها شو قلتي
عليا: اممم ماخبرتيني قبل انا راس مالي 30 درهم
فطامي: ولا يهمج على حسابي ونغير جو شويه لاعت جبدي
عليا: زين عيل دووم بقولج مب مسويه حسابي عسب تغديني ببلاش
فطامي: هاللي ماينعطون ويه
عليا: اسولف بلاج ههههه محى الدين ودنا صحارى
محى الدين: ان شاء الله

وصلوا صحارى وتغدوا وتمشوا ويشوفن اليديد اللي منزلينه المحلات وبعد ساعتين تقريبا ردوا البيت... وصلت عليا البيت ودشت حجرتهاوتفكر والله اني بضيع بدونج فطامي لولاج ماكنت اعرف شو اسوي وشافت صورت امها وحضنتها وينج يالغاليه لو كنتي عايشه كنت بقولج كل اللي في خاطري وباخذ شورج ونزلت دموعها آه ياالغاليه خليتيني بروحي فالهدنيا صح ان ابويه مب مقصر بس محد يقدر يعوض حنانج وحبج وتمت تصيح دش عليها مايد
عليوه شو فيج ادق الباب ومارديتي عليه؟
عليا: ماشي
مايد: كل هالدموع وماشي شي مستوي؟
عليا: لا
مايد: عيل شو فيج روعتيني
عليا: مايد لو كانت الوالده عايشه بتكون حياتنا احسن صح
مايد: اكيد بس شو نسوي هذا امر الله
عليا: على الاقل حسيت بحنانها
مايد: دخيلج عليا لاتسوين بعمرج جذه هذا امر الله
عليا: ونعم بالله
مايد: شو رايج تصلين ركعتين اكيد بترتاحين بعدين ارقدي
عليا: هاللي بسويه
مايد: اللحين انتي عليا اللي اعرفها خلاص انا بخليج ترتاحين
عليا: تسلم مايد

ظهر مايد من حجرتها وصلت حست براحه وبعدين رقدت لين يوم الثاني وماحست بعمرها
واليوم الثاني سارت الدوام ومر الاسبوع الاخير بسرعه بدون مشاكل وتمت عليا تجنب راشد واخيرا ردوا الكليه لانهن بيمتحنون وعندهن برسنتيشين عن كل وحده شو سوت في الورك بليسمنت وكلهن كانوا مشغولات وشغلت عليا نفسها بالدراسه لتنسى راشد وكل اللي حصل في الورك بليسمنت كل ماكانوا يرمسون البنات عن الدوام كانت عليا تجاوب باختصار وفطامي كانت تخبرهم باللي يستوى عسب محد شك ومحد درى عن سالفه راشد وتمت السالفه بين عليا وفطامي....


اليوم الخميس عبدالله وراشد كانوا يالسين في ستار بوكس اللي على البحيره هم متعودين يتقابلون فيه وكانوا يسولفون

عبدالله: راشد انا ناوي اعرس
راشد: شوووو بوحميد شو انت صاحي
عبدالله: وليش يعني ان مب قد الزواج
راشد: افا عليك بوحميد قدها وقدود بس شو الطاري عليك
عبدالله: انزين وابغيك تساعدني
راشد: انا شو يخصني؟
عبدالله: لانك تعرف البنيه
راشد: منووو؟
عبدالله: فاطمه اللي كانت تدرب عنكم
راشد: صدق بس ليش هي بذات انت حتى ماتعرفها
عبدالله: ماادري من شفتها واحس ان هالانسانه اللي اتمناها
راشد: وشو المطلوب مني
عبدالله: عطني اسمها بالكامل وبخلي الوالده تصرف
راشد: اوكي

عطاه راشد اسمها عبد الله كان يرمسه وهو في عالم ثاني يفكر حتى عبدالله يفكر بالعرس
عليا من خلصت فتره التدريب وانا مااعرف شي عنها اه ياربي لازم انساها وطرت على باله فكره
بس بيسويها ولا؟؟؟

الجزء الثامن

بعد مرور ثلاث ايام

بيت فطامي

كانت فطامي يالسه مع خواتها وامها في الصاله واكانوا يطالعون تلفزيون
ام سالم: فطامي بنيتي بغيتج في سالفه
فطامي:خير ان شاء الله
خوات فطامي مهاوخلود :ونحن
ام سالم: ماابيكن بغيت اختكم العوده
مها+خلود: افاااا والله
فطامي تغايضهم: هاهاي مايبونكم وسارت عند امها الغرفه الثانيه
أم سالم: فطامي ناس يبون يخطبونج
فطامي ومب مصدقه: يخطبوني ومنو؟
أم سالم: ناس ماسمعت عنهم الاكل خير اصل واخلاق وطيبين
فطامي: انزين مااماتي وماعندهم اسم وحليلهم وتضحك
ام سالم: فطيم تراج غديتي حرمه يوزي عن هالسوالف
فطامي: وابويه واخواني يدرون؟
ام سالم: اكيد انا رمستهم قبل عيل كيف عرفت عنهم
فطامي:وهم موافقين
ام سالم: ماعندهم خلاف وانتي شو رايج؟
فطامي: قولي اسمهم ومن وين عرفوني وبعدين بخبرج
أم سالم: اسمه عبدالله بن سعود وامه قالت خواته يعرفونج
فطامي: هالاسم مب غريب عليه يمكن بعد تراني احفظ الويوه أكثر من الاسامي
أم سالم: شو يعني بتفكرين في الموضوع
فطامي: اكيد
أم سالم: واذا قررتي خبريني
فطامي: ان شاء الله
ظهرت فطامي من عند امها وفي الصاله شافت خواتها( خلود سنه اولى في الجامعه ومها طالبه ثانويه عامه)
خلود: فطامي خبرينا شو السالفه؟
فطامي: ماشي
مها: خبرينا نحن خواتج امممم خليني اتوقع حد ياي وخاطبنج صح
فطامي: يالعفريته كيف عرفتي
مها: هههه شوفي ويهج مستوى طماط
خلود: ههههههههه
فطامي: ههه مايضحك
وسارت حجرتها وعلى طول دقت حق عليا تخبرها بالسالفه
عليا: آلو
فطامي: علايه لحقي عليه
عليا: شو مستوي لاتزيغيني
فطامي: ناس خاطبيني لولدهم
عليا: ناس وانتي وماتعرفينهم
فطامي: شو اسوي بعد زين اعرف اسمهم
عليا: فطيم لايكون تعرفينه من ورانا وتسوين عمرج ماتدرين
فطامي: لا والله انتي تعرفين زين والله اني تفاجأت من السالفه
عليا: ادري بج اسولف عن تزعلين
وتمن سولفن وبعد ماسكرت عليا من عند فطامي يلست تفكر شو السالفه الشله بدت تنقص اول شي مريومه واللحين فطامي وناقص انا وعواشي وعنود الله يسعدنا ان شاء الله….


اليوم الثاني

في الكليه الساعه 12ونص البنات متيمعات في الكافتيريا يسولفن وبدوا يحاتون لان ماباقي غير شهر وتبتدي امتحانات السمستر الاخير وبيتخرجون

عنود: الله يستر شو بنسوي في الامتحانات
عليا: هيه والله
مريم:لاتحاتون نحن بنسوي اللي علينا والباقي على الله
فطامي: اكيد مريوم تعد الايام لين شهر ثمانيه
عواشي:ههه والله في خاطري اشوفج عروس
عليا: ناس بعد يمكن يعرسون جريب
فطامي: اقول صبايا ربيعتكم انخطبت وتبتسم
عواشي+مريومه+عنادي: شووو فطامي ومنو ؟؟
فطامي: ناس الله يستر عليهم
عنادي: وافقتي؟؟؟
مريومه ترمسها برومانسيه: صدقيني وافقي اذا كان زين مافي احلى من فترة الملجه
عليا: هههه رمست حب وغرام شوفي تيلفونج لايكون أحمد متصل بج وانتي ماتدرين
مريومه: زين ذكرتيني وتفتح الشنطه فديته متصل بي وانشغلت بالموبايل وتمت تتصل في ريلها
عنادي: حب وغرام رايحه فيهاااا
وهن يسولفن مرت عليهن وحده اول مره يشوفونها وتمت تأشر على فطامي عسب ترمسها نشت فطامي وسارت لها
البنيه: انتي فاطمه سعيد صح؟
فطامي: هيه نعم ومنو انتي؟
البنيه: انا اسما اخت عبدالله
فطامي: عبدالله وتحاول تذكر
اسما: اللي متقدم لج
فطامي: ايوااا تذكرت وكيف عرفتيني
اسما:اللي يسأل يعرف اذا ممكن بغيت ارمسج
فطامي: اكيد تعالي نسير مكان هادي وناخذ راحتنا
سارن ويلسن في مكان هادي وتمت تخبرها اسما عن اخوها وين يشتغل والخ
فطامي: انزين انا في سؤال محيرني اخوج من وين عرفني؟
اسما ردت عليها بخبث: يعني انتي ماتعرفينه
فطامي: لو كنت اعرفه مابسألج
اسما: هو خبرني بالسالفه هو اربيع راشد ولد بومنصور اللي كنتوا تدربن عنده من شهرين
فطامي انصدمت وكيف مااعرفه وهوساكن خيالي معقوله عبدالله كنت اعرف ان اسمه عبدالله بس ماتوقعته
اسما: فاطمه
فطامي: معاج
اسما: ممكن تعطيني رقمج لان كلاسي بيبتدي بعد عشر دقايق
فطامي: اكيد وعطتها الرقم
اسما: بنكون على اتصال وابتسمت
ابتسمت فطامي وسارت عند اربيعاتها وبعدين سارن الكلاس وطول الوقت كانت فطامي سرحانه تفكر ويوم خلص الكلاس خبرت عليا بسالفه اخت عبدالله
عليا: معقوله عبدالله اربيع راشد
فطامي: شفتي عاد
عليا: ههه استويتي حب وغرام الثانيه
فطامي:هههه مايضحك
عليا: اذا كان زين وهلج موافقين خذيه
فطامي: هلي موافقين وسؤلوا عنه بس يتريون رايي
عليا: شو رايج تصلين صلاة الاستخاره
فطامي: والله فكره.

بعد فتره حست فطامي براحه لانها صلت صلاة الاستخاره كم مره وتحس بنفس الاحساس ووافقت عليه وتمت ترمس اخت عبدالله عسب تعرف عنه اكثر وحددوا الملجه بعد الامتحانات…
فترة الامتحانات البنات كانوا مشغولات بالدراسه وحاطيتن في بالهم انهن ينجحون الامتحانات كلها كانت سهله ماعدا الانجليزي كان صعب شويه والنتايج بتظهر بعد ثلاث شهور …

وبعد ماخلصوا الامتحانات باسبوعين فطامي ملجت كانت قمر في ملجتها و علايه وعنادي وعواشي ومريومه لابسين نفس الموديل بس اللون مختلف عسب يكونون متميزات اربيعات العروس واشتروا حق فطامي هدايا يمعوا من بعض واتفقوا انهن يشترون من باريس غاليري مجموعة عطور وميك آب بدال كل وحده تشتري والكل كان مستانس بفرحة فطامي ولانهن خلصوا من الامتحانات وتخرجوا ..


بيت عليا

كانت عليا يالسه في الصاله مع ابوها واخوانها سعيد ومايد
وحرمة سعيد وولدهم حمد
سعيد: عليا بشري بالنتايج
عليا: بعد ثلاث شهور بيخلونا على اعصابنا والله حرام
بوسعيد: يابنتي تفاؤلوا بالخير تجدونه
وتضحك عليا: انا متفائله بس في نفس الوقت خايفه
وترد عليها منى: ان شاء الله خير لاتنسين ان ناس يتريونج (كانت تطري اخوها ناصر لان منى كانت بنت عمها وحرمة اخوها )
ويرن موبايل مايد في نفس الوقت مايد: هلا ناصر اشحالك
وينك ياريال؟
ناصر: انا في بيتكم بغيت اسلم عليكم
مايد: حياك الله تعال الصاله
ناصر: ان شاء الله
وسكر مايد التيلفون وعلى طول عليا بغت تسير حجرتها لانها ماتبا تشوف ناصر
منى: وين سايره سلمي على ولد عمج
عليا: تعبانه وبسير حجرتي وهى تمشي دش ناصر وسلم ردت عليه وكملت دربها وتقول في خاطرها عنبو يبون يوزوني بالغصب ليش مايفهمون ان احساسي اتجاهه مجرد مشاعر اخويه اه ياربي شو اسوي…


راشد يتمشى على البحر اه ياعليا شو سويتي فيني من عرفتج وانا محتار شو اسوي حتى ربيعي عبدالله ماسلم منج ومن ربيعتج لين ماملج بها ماادري بكن ساحرات سحرتونا انا وبوحميد وتذكر هالابيات


الله عليك الله عليك الله يزيدك ويعطيك
من هالحلا قلبي وقف سميت بأسم الله عليك
ذبحتيني بسهم العيون واسرتني برمش الجفون
والمشكله صعب علي اعرفك انت من تكون
ممكن تجاوبني السؤال هل في حياتك لي مجال
قول بقناعه لاتخاف ريحني ياولد الحلال

*****شعر جمعه بن نايم الكعبي****

وفجأه يرن موبايله شاف الرقم ومارد عليه هاللي ناقصني
كانت بنت خالته متصله هو يدري انها تحبه بس هو مايحبها بالعكس يحس انها شايفه عمرها وقلبها اسود فرق بينها وبين عليا
معقوله احبها لا مااعتقد يمكن مجرد افتتنان او اعجاب لا اكثر
والفكره اللي طيرت النوم من عيونه طرت على باله ياربي انا محتار؟؟ ارمس عبدالله ولا مايستوى الريال توه مالج ومستانس
احسن شي اني انفذ الفكره اللي في بالي وافتك..


بيت عليا

بوسعيد: عليا هالسنه كلهم بيسيرون العمره شو رايج نسير وياهم
عليا: ااكيد ابويه والله من زمان في خاطري اسير
بوسعيد: بخبر سعيد وحرمتة ومايد بنرد قبل شهر ثمانيه لان اخوج محمد بيرد البلاد
عليا: ومنو بعد؟
بوسعيد: وعمتج ام ناصروعيالها وخالتج ام سيف وريلها وعيالها
عليا: خلاص ابويه عيل احجز التذاكر من اللحين واتفقوا ماباقي شي على الاجازه.
بوسعيد: انا باجر ناوي اسير والله كريم..

الجزء التاسع

في نص شهر سته سافروا قوم عليا وهلها العمره وتموا في مكه اسبوعين وساروا المدينه المنوره لمده اسبوع والكل كان مستانس من السفره وقرروا بعد يومين بيردون البلاد كانت عليا اول مره تعتمر وكانت وايد مرتاحه نفسيا سبحان الله الواحد مايرتاح الا في بيت الله .. يوم السبت ردوا البلاد وبدت عليا تفكر في الشغل لانها اتخرجت بس قررت انها ترتاح كم شهر وبعدين ترمس ابوها عن سالفه الشغل.. اتصلت عليا حق فطامي لانها من سافرت ما رمستها

عليا: السلام عليكم والرحمه
فطامي: وعليكم السلام هلا والله
عليا: اشحالج والله ولهت عليج وايد
فطامي: الحمد الله وانتي شو علومج متى رديتي البلاد
علايه: البارحه خبريني شو اخبارج مع ريلج
فطامي: فديته والله هذا حطيه على الجرح يبرى
علايه: هههه صدقنا عيل يوم سميناج حب وغرام 2 بعد مريوم
فطامي: انتي يوم بتملجين وبتحبين بتكونين اخس عنا
علايه: الله كريم انا احاتي الشغل اللحين
فطامي: ان شاء الله خير امم ماتبين تنسألين عن حد؟
علايه: عن منو؟؟ صدق شو اخبار الشله انتي اول وحده اتصل بها
فطامي: كلهن بخير انا اطري حد ثاني
علايه: منو؟
فطامي: راشد مثلا… تدرين نحن وايد ظلمناه عبدالله دوم يمدحه
علايه: شحقه أسأل عنه؟ وبعدين لازم يمدحه مب اربيعه

وتمن يسولفن عن سيرت عليا للعمر واشيا ثانيه بعد ماسكرت عليا من عند فطامي سارت علايه عند ولد اوخوها الصغير تلعب معاه وهى تحاول ماتسولف مع حرمة اخوها لانها دوم تيب طاري ناصر ولانها حامل واخوها موصنها ماتزعلها دقت الباب ودشت الحجره سلمت عليها وخذت حمد اللي في صف الاول وساروا الصاله

علايه: حمد حبيبي تعال نلعب
حمد: اوكي عموه شو رايج نلعب بلي استيشن
علايه: اوكي حبيبي بس انا بغلبك
حمد: هههه عموه انا دوم اغلبج ماتعرفين تلعبين
علايه: بنشوف
حمد:شوفي بابا قاعد في الصاله
علايه: عادي بنخليه يلعب ويانا وبنفوز عليه done
حمد: done
سعيد: اشوفكم تتفقون عليه
حمد: بابا اذا فزت عليك اشتر لي سيكل يديد
علايه: ههه على طول قرر شو تشتريله
سعيد: اوكي حبيبي بس هذا اذا غلبتوني انا دوم افوز على عمتك وبغلبك انت بعد
وتموا يلعبون وفازوا على سعيد وتموا يظحكون عليه وحمد يلعوز ابوه عسب يشتريله سيكل يديد…

بيت راشد

راشد وعبدالله كانوا يالسن في الميلس يسولفون
راشد: ردت البلاد عليا
عبدالله: هيه من اسبوع لعوزتنا ياخي استحي من حرمتي من زود ماأسأل عنها
راشد: شو اسوي عيل كيف بعرف اخبارها
عبدالله: بقول لك شي وماتزعل
راشد: شو؟
عبدالله: انا قلت حق حرمتي انك معجب ب عليا
راشد: شو تقول ومنو قالك اصلا انا معجب فيها
عبدالله: لاوالله شو تسميه عيل مخلني رويتيرز ياراشد انت تكابر اعترف مابيستوى شي
ودش عليهم منصور اخو راشد وغيروا السالفه وتموا يسولفون
منصور: هلا بوحميد اشحالك
عبدالله: بخير وعافيه ربي يسلمك وشو علومك
منصور: تمام متى بتعرس
عبدالله: بعدنا ماحدنا
منصور: ان شاء الله خير عقبال راشد
عبدالله: انا اقوله بيستوى شيبه ومابيعرس ههه
منصور: هههه صدقت والله هذا ونحن نلعوزه عرس مايطيع
عبدالله: ماعليك منه بيبه الدور
راشد: ههه فال الله ولافالك وانتوا الاثنين استلمتوني ماعليه انا اراويكم
منصور: بلاك نسولف وياك
وتموا يسولفون ويظحكون …….

بيت عليا

كانت عليا يالسه في حجرتها سمعت صوت في الممر ظهرت شافت ابوها طايح على الارض
علايه: ابويه فديتك شو فيك
بوسعيد يرد عليها بتعب: احس اني تعبان وايد
علايه تمت تزقر اخوانها سعيد ومايد وعلى طول سعيد اتصل بالدكتور وشافه الدكتور وقال ان السكر وايد مرتفع ويسببله التعب ولازم يرتاح تمت عليا عند ابوها في حجرته تطمن عليه وتعطيه الادويه

بوسعيد: عليا وايد تعبتج وياي سيري ارقدي
عليا: اذا عليك ابويه تعبك راحه انا بيلس عنك لين ماترقد بعدن بسير
بوسعيد يتنهد: تذكريني بالغاليه امج انتي نسخه منها
عليا: آه يابويه محد يقدر ياخذ مكانها

وعطته الادويه وتمت عنده لين مارقد وخلت باب حجرته شويه مفتوحه وقبل لايرقد وصته اذا بغى شي يزقرها دشت حجرتها
وانسدحت عالشبريه حتى انت يابويه مفتقدها شراتي آه يالغاليه يارب يرحمج ويغمد روحج الجنه.

بعد اسبوع

كانت عليا يالسه تطالع تلفزيون مع منى وحمد دش عليها ابوها
بوسعيد: عليا تعالى اباج بسالفه
عليا: ان شاء الله
وساورا الحجره الثانيه بوسعيد: ماشاء الله عليج كبيرتي وغديتي عروس
عليا تطالعه ومستغربه من رمسته
بوسعيد: والله مااعرف شو اقولج ناس خطبوج مني وانا ماعندي خلاف
عليا: ابويه انت تعرف رايي في هالموضوع
بوسعيد: ادري بج تتحرين ناصر ولد عمج وانتي فهمتيني انج تعدينه شرات اخوج وماتبينه
عليا: عيل منو؟
بوسعيد: ناس وايد طيبين ونحن نعرفهم من زمان اسمعي يابنتي انتي تشوفيني صحتى مب مثل قبل وانا ابا افرح فيج واطمن عن يستوى بي شي لاتحرميني من هالشى
تأثرت وايد عليا من كلامه وماتبا تكدر ابوها وقالت: بسم الله عليك ابويه خلاص بس عشان خاطرك اذا انت واخواني موافقين انا ماعندي خلاف
استانس بوسعيد من ردها: هذا عشمي فيج يابنتي وانا بشاور اخوانج واذا وافقوا بيون هل المعرس عندنا
عليا: اللي تشوفه يصير انا اهم شي عندي رضاك
بوسعيد: والله انج ريحتي قلبي وانتي تعرفين ياعليا غلاج عندي انتي الجوهره وانا مابعطيج الا مااتأكد انه يصلح لج وانا اخويه بيزعل مني اذا عرف بالسالفه بس اهم شي عندي سعاتج
عليا: ادري وانا ماعندي اغلا منك خلاص عيل ابويه اترخص منك بسير حجرتي
بوسعيد: مرخوصه يابنتي وربي يحفظج

سارت عليا حجرتها وانسدحت على شبريه وتفكر انامابعرس الا عشان خاطر ابويه مااقدر ازعله عن ينفعل ويزعل والدكتور موصنا على راحته وراشد خلاص انتهى من حياتي آه ياحظي ليش افقد كل شي احبه امي واللحين راشد ياكبر همي وكتبت عالورقه
ادور بين القبور قبر يشلني ويشل همي يادنيا وشبلاج عليه بعدني بالهوى صغير يادنيا رحمي ضعفي وكل احولي البكا بالليل صارت عادتي ولهم صار دمه بدمي…

الجزء العاشر

بعد ماشاور بوسعيد اخوان عليا مايد وسعيد وسألوا عن المعرس كان بوسعيد يعرف ابو المعرس من زمان وهم ناس معروفين اصل واخلاق وتربيه وكلهم ماكان عنهم خلاف حتى عليا وحددوا ان هل المعرس بيون عندهم الخميس الياي وبيتفقون عن الملجه والعرس
كانت عليا ترمس عواشي

علايه: خلاص هل المعرس بيون الخميس الياي
عواشي تحاول ترفع معنوياتيها: علايه فديتج لين متى بتمين بدون عرس لازم بي يوم وبتعرسين وانا مع ابوج في كل كلمه قالها
علايه: وانا شو اللي خلاني ارضى غبر ابويه
عواشي: ماعليه الحب بعد الزواج يوم بتعرفون بعض اكثر
علايه: تدرين ماسألت ابويه عنه المهم ابويه يرضى عليه
عواشي: توكلي على الله
علايه: الله كريم
عواشي: خلاص علايه اخويه يزقرني بسكر عنج وبرد ادق لج عقب
علايه: تسلمين عواشي ادري بج تحاتيني
عواشي: وانا كم عليا عندي؟
علايه: ربي يخليج اقول لطيفه عالخط الثاني بخليج يلا باي ولاتحاتين شي
عواشي: اوكي حبي يلا باي
رردت عليا على اختها العوده لطيفه
عليا: هلا والله
لطيفه: هلا بالعروس اشحالج
عليا: ههه خليتيني عروس على طول
لطيفه: هيه بعد شو هل المعرس بيون الخميس الياي
عليا: لطيفه انتي وجواهر تعالوا قبل
لطيفه: اكيد حبيبتي انا وجواهر متفقين نزوركم باجر اخر العنقود ولازم نطمن عليها
عليا: تسلمون لي وربي يخليكم
لطيفه: ابويه وايد يمدح راشد وابوه بومنصور
عليا استغربت :راشد؟
لطيفه: ليش انتي ماتدرين ان المعرس راشد اللي انتي تدربتي عندهم
عليا مب مصدقه اللي تسمعه راشد معقوله: لا والله ماادري انا ادري ان حد خاطبني بس منو مااعرف
لطيفه: زين عيل انا خبرتج خلاص عيل حبيبتي نحن باجر العصر عندكم
عليا: انشا الله بترياكم
سكرت لطيفه من عند عليا وعليا لين اللين مب قادره تستوعب راشد خاطبني لا مستحيل راشد من عرفته عمره مابين انه يحبني او على الاقل معجب فيني بالعكس احس انه يكرهني هالانسان محيرني وايد غامض..

اليوم الثاني كانوا يالسين في الصاله علايه وخواتها ويسولفن عن العرس وعطونها نصايح وخبرهم ابوهم ان بعد يومين بيونهم هل المعرس وعليا احساسها ماتغير تحس انها في حلم حتى خواتها حسوا بها بس قالوا يمكن مستحيه ودوم يسؤلونها اذا مقتنعه فيه لانن هذا زواج ولازم تكون قد المسؤوليه دشت عليهم منى حرمة اخوهم

منى: صدق عليا بتنخطب
لطيفه: هيه نعم وهل المعرس بيون يوم الخميس
منى: واخويه ناصر على مااعتقد هو ولد عمها واحق بها
جواهر: والله ابويه موافق على هالشى مالنا راي بعده
منى: اكيد ابويه بيزعل من عمي
عليا تحاول ترد عليها بهدوء: منى لاتنسين انا كم مره قايلتلج اني احس تجاه ناصر مشاعر اخويه عادتنه شرات اخويه كيف اخذه
منى: وتكسرين خاطر اخويه والله حرام عليج هو شارنج
عليا: كل شي نصيب واتمنى يحصل على وحده يسعدها وانا اول وحده بتستانس بعرسه

ظهرت منى من عندهم وسارت حجرتها هم يحبونها وعمرهم مااختلفوا على شي الاسالفه ناصر لازم بدافع عن اخوها وخوات عليا طمنوها ان سعيد عاقل وبيفهم حرمته كانت عليا خايفه انها تسبب له مشاكل مع حرمته بسبتها…

اليوم الخميس كانوا يالسين في الصاله ام راشد وحرمة اخوه موزه وخواته مع خوات عليا لطيفه وجواهر واتفقوا ان الملجه بتكون بعد شهرين والعرس بعدين بيحددونه لين ما يزهب راشد عمره ويستعد للعرس دشت عليهم عليا عسب تسلم على ام منصور وخواته حست انهم وايد طيبين الا اخته نوره حست بها غير عنهم...

اليوم الثاني كانت عليا في يالسه في الصاله ويرن موبايلها شافت رقم غريب ماردت عليه وطرشولها مسج عليا ممكن تردين وقالت يمكن حد من اربيعاتها متصل بها ردت اتصلت بالرقم
عليا: الو
رد عليها: هلا
عليا: اخويه حد متصل بي من هالرقم
رد عليها: هيه نعم انا شو ماعرفتيني
عليا: لا اخويه منو انت
رد عيلها: لازم انا ناصر ولد عمج
عليا: هلا ناصر خير في شي؟
يرد عليها ناصر بعصبيه: صدق انخطبتي؟
عليا: هيه نعم وبملج شهر الياي
ناصر: وانا؟
عليا: انت شو على مااعتقد يا ناصر انا خبرتك قبل ان شعوري اتجاهك مشاعر اخويه لاغير
ناصر: بس انا ولد عمج واحق بج
عليا: على عيني وراسي وانا عادتنك شرات اخويه
ناصر: صدقيني مابتتهنين في حياتج معاه

وسكر التيلفون في ويها عليا هاللي كان ناقصني بعد لي مايفهم اني مااحبه وانا اتمنى له كل خير شو بقول غير الله يهديه…

مع مرور الايام تمت ملجة عليا وراشد كانت عليا فوق الوصف من حلاتها والكل كان مستانس وحفلة الملجه كانت روعه بكل مقايس بعد الملجة راشد مااتصل بها الا بعد ثلاث ايام حتى يوم الملجه بعد الحفله طرشلها مسج كلمة مبروك وبس
راشد: السلام عليكم
علياك هلا وعليكم السلام والرحمه
راشد: اشحالج عساج بخير
عليا: الحمد الله وشو علومك
راشد: بخير ربي يعافيج
عليا: عساك دووم
راشد: عليا مت تبينا نعرس
عليا: ماادري بك يوم تحجز الفندق واتخلص اشغالك وانا بعد يبالي فتره لين مااتزهب
راشد: صدقتي تدرين عليا الوالده وايد تحبج ودوم تمدحج
عليا: وانا بعد وايد احبها وتقول في خاطرها ياريت بعد ولدها ينطقها بعد

وتموا يسولفون عليا مستغربه منه حتى بعد الملجه عمره مانطق بكلمة احبك او كلمه اعجاب وحتى يوم يطرشلها مسجات وتموا على هالحال كانت عليا تحب راشد ومع الايام ازداد حبها وتعلقا به تحس انه مافي حد احسن منه بس محتاره منه اذا يحبها ولا لأ؟

بيت راشد

ام منصور: نوره لاترمسن عنها هاي اللحين حرمة اخوج ماادري ليش مب عايبتنج
نوره: ماادري احس انها وايد شايفه عمرها
ام منصور: بالعكس انا ماشفت منها الا كل خير ولا عشان راشد ماخذ شوق ترمسين عنها( شوق بنت خالها وربيعتها ونوره وايد وياها كانت تتمنى ان راشد ياخذها )
نوره تحاول تنكر: لا عادي الزواج قسمه ونصيب بس هذا رايي فيها
ام منصور: عليا بتسكن معانا لان بيت اخوج منصور صار زاهب واللحين يأثثونه ومحد بيتم من اخوانج معانا غير راشد فكوني وياها زينه ولاتزعلين راشد
نوره: انشا الله
دش عليهم راشد وسلم
ام منصور: هلا يا نظر عيني حددت متى العرس؟
راشد: لا بعدني اقول الوالده وين بنسكن انا وعليا
ام منصور: اسمع ياوليدي انت بتاخذ حجرتين اللي فوق مع خواتك وحده خلها حجره والثانيه صاله صغيره حقكم عسب تاخذ عليا راحتها
نوره: كل هذا حق الشيخه عليا
راشد: هيه اكيد شيختج وتاج راسج بعد من اللحين اقولج نوره ماابيج تضايقينها
واظهر نوره وتسير حجرتها والله ياراشد اتمنى لك الخير بس لو خذت شوق كان احسن وتذكرت شوق اوتصلت بها
نوره: مرحبا مليون وبكل بون
ترد عليها شوق بدون نفس: هلا نواري
نوره: شو فيج؟
شوق: يعيني ماتعرقين شو فيني وتمت تصيح راشد حق غيري
نوره: صدقيني شوق مابخليها تتهنى وياه بس خليها تسكن ويانا وانا براويها نجوم الظهر
شوق: شو الفايده خلاص ماشي امل

الجزء الحادي عشر

كانت عليا يالسه مع فطامي في الصاله بعد مرور اكثر من شهرين على ملجة عليا وراشد ويسولفن

فطامي: شو راشد وياج زين
عليا: هيه زين احسن عن قبل
فطامي: علايه انت تحبينه صح
عليا: ليش يبين عليه
فطامي: حست بج مب انا اربيعتج
عليا: وانتي وعبادي
ترد عيلها بغيره: محد يقوله عبادي غيري
علايه تغايضها: انزين مافيها شي لو قلت له عبادي
فطامي: انزين عيل انا بقول رشودي
عليا: لا لا فديتج في هي هاي غلبتيني
فطامي: ياعيني عالحب والغيره
عليا: شو بعد تبين تدلعين ريلي عندج ريلج ودلعيه على كيفيج
فطامي: علايه ياريت لو نعرس في يوم واحد
علايه: ياربي حتى في العرس لاحقتني
فطامي: ههه انا وراج وراج مابيوز عنج
ويرن موبايل فطامي
فطامي: فديته عبادي
علايه: لحظه وانتي مب مصدقه تردين على طول شو رايج لاتردين عليه
فطامي:لا حرام
علايه: اتغلي شويه بلاج انتي
فطامي: وحليله راشد اكيد وايد تتغلين عليه
علايه: اممممم يعني
فطامي: انزين اذا اتصل راشد انتي بعد لاتردين عليه اتفقنا
علايه: بفكر
فطامي: مسوده الويه وتقدلها انتي بلاج اتغلي عليه شويه
علايه: ههه لا خلاص مابرد عليه
فطامي: اتحرى بعد مشكله النذاله تسري بالدم
علايه: هذا بعض ما عندكم
فطامي: عاد انتي عندج شهاده دكتوراه وتتنهد على طاري الشغل ماشي وظايف اللحين
علايه: صدقتي والله نص اللي تخرجوا لين اللحين يتريون الوظايف اذا عندج واسطه اليوم الثاني اشتغلتي واذا لا خيسي واتعفني
فطامي: شو نسوي بعد صح الحكومه مب مقصره بس اعداد المتخرجين اكثر عن الشواغر والوظايف المتوفره ماتعيبنا
علايه: تدرين يبالنا نشارك في المجلس الوطني لدفاع عن حقوق المتخرجين
فطامي: اجل ولما لا فنحن من ابناء هذا الوطن المعطاء
علايه: هههههه والحمد الله والشكر الله يعين راشد وعبدالله علينا
فطامي: اصلا يحمدون ربهم انا نحن رضينا فيهم
علايه: ياويلي على اللي شايفين اعمارهم
هالمره رن موبايل علايه وكانت راشد اللي متصل على طول فطامي ركضت وخذت الموبايل من على الطاوله عسب علايه ماترد عليه
فطامي: عن تنسين الاتفاق
علايه: لا مانسيته بس خليني اشوف يمكن مب راشد اللي متصل
ترد عيلها فطامي بخبث: وليش حد غير راشد تسيفين اسمه بنبض قلبي
علايه استحت وماردت عليها….

كانوا عبدالله وراشد ظاهرين مع بعض
راشد مستغرب حتى حرمتي ماترد عليه
عبدالله: شسالفه لايكون فيهن شي؟
راشد: الظاهر يلسوا مع بعض ونسونا
عبدالله: ماادري بهن تدري بعد سوالف الحريم ماتخلص
راشد: يمكن يتغلون علينا ماتعرف حركاتهم
عبدالله: صدقت ويمكن بعد يتفقون علينا بس وحليلهم مايدرون عنا بنتغدى فيهن قبل لايتعشون فينا
راشد: يبالهن تأديب أي وقت بتسأل فيه حرمتك عن العرس سوي عمرك مب مهتم وانا بعد
عبدالله: ههه يبالهن شويه عين الحمره..


يوم الاثنين

بيت عليا اليوم بيوصل اخوها محمد من لندن بوسعيد وسعيد وماد ساروا المطار عسب يستقبلونه وكانت علايه وخواتها يتريونهم وصلوا حزة المغرب ودشوا الصاله
جواهر: هلا والله بالحبايب
دش محمد يسلم على خواته علايه لطيفه وجواهر
محمد: واخيرا رديت البلاد والله اني متوله على كل شي فيها
بوسعيد: حمد الله على سلامتك ياولدي
سعيد: توه نور البيت
محمد: منور بوجودكم
لطيفه: نحن وايد متولهين عليك بس ندري بك تعبان راد من السفر
حمد: حمود يبت لي الالعاب
محمد: انا عمك تقولي حمود خلاص مابعطيك شي
حمد: خلاص عمي ولاتزعل ويحبه على راسه
محمد: اكيد وانا اقدر انسى
علايه: خلاص عيل بنخليك ترتاح
محمد: من رخصتكم ياجماعه بسير حجرتي
بوسعيد: مرخوص الغالي

وتموا الكل بوسعيد وعياله يسولفون ويظحكون وكانوا مستانسين من محمد رد بشهادته العليا وبامتياز شرات ماوعد بوسعيد يشوف عياله واحفاده حواليه ويقول في خاطره ياريتج ياام سعيد عايشه وتشوفين عيالج واحفادج وتستانسين ويانا بس اراده الله فوق كل شي بعد ماتوفت ام سعيد بوسعيد رفض الزواج مره ثانيه من زود حبه لحرمته وحتى مايظلم عياله يمكن ماتكون زينه حقهم.0

بعد يومين

في بيت خالة عليا ام سيف كانت تسأل هند عن محمد اذا رد البلاد ولا لأ عسب يسيرون عندهم
هند: هيه رمست علايه وقالت انه واصل من يومين
ام سيف: من يومين ونحن ماسرنا عنده نتحمد له بسلامه الوصول
هند: صدق لازم نسير عندهم
ميره: عندهم ولا عند مايد
اام سيف: يوزي عن اختج وتطالع هند ماعليج منها اتصلي حق علايه وخبريها انا نحن العصر عندهم
هند: ان شاء الله
اتصلت هند ورمست عليها وخبرتها انهم بيزورونهم العصر وعلى طول عليا سارت خبرت اخوها مايد ان خطيبته هند وامها بيون عندهم يسلمون على محمد اخوهم

الجزء الثاني عشر

بيت عليا

بوسعيد: اللحن يابويه انت في البلاد لابس تلبس كنادير
محمد: ادري يابويه بس شو اسوي ضاري على البناطلين
بوسعيد: ماعليه شرات ماتعودت على البناطلين بتتعود عى الكنادرير
محمد: ان شاء الله ابويه لاتنسى اني عايش اكثر عن خمس سنوات في لندن
بوسعيد: ادري يا محمد بس هالشي لازم ماينسيك عاداتك وتقاليدك
عليا: صدقت ابويه.. محمد قدمت طلب وظيفه
محمد: هيه نعم وبعد اسبوع ان شاء الله بداوم
مايد: وين؟
محمد:في شركه خاصه تدري لان تخصصي نادر وكلهم يبوني
مايد: الله يوفقك
محمد: آمين الله يسمع منك
بوسعيد: ناقصنك شي واحد
محمد: شي واحد شو؟
بوسعيد: العرس
محمد: لا ابويه دخيلك بعدين توني راد البلاد خلني اشتغل واستقر ويصير خير بعدين
بوسعيد: بنشوف
محمد يحاول يغير السالفه: وعروستنا متى بتعرس؟
استحت عليا وردت عليه: ان شا ءالله جريب

وهم يسولفون دشت عليهم ام سيف وسيف وبناتها سلموا على بعض وتمت البنات والحريم يسولفن والرياييل ساروا الميلس وتموا عندهم لين بعد صلاه العشا تعشو امع بعض بعدين ساروا قوم ام سيف بعد ماساروا اتصل راشد لعليا

راشد: مرحبا
عليا: مرحبا ملايين هلا وغلا
راشد: اشحالج
عليا: بخير ربي يعافيك وانت؟
راشد الحمد الله بخير وعافيه
عليا: دووم ان شاء الله
راشد: ساروا قوم قالتج
عليا: هيه تقريبا من نص ساعه
راشد: عليا عندي لج خبر
عليا: خير ان شاء الله
راشد: كل خير حددت موعد العرس
عليا: صدق متى ووين.؟
راشد: حجزت في فندق ميلينيوم بعد شهرين
عليا: شهرين!! وايد جريب
راشد: خلاص اللحين انا حجرت
عليا: عاد بشوف اذا حصلت مصمم يفصلي الفستان
راشد: اصلا انتي اللي بتحلين الفستان لاتحاتين

عليا استانست اول مره يقولها كلام حلو وتموا يتفقون عن تجهيزات العرس بعد ماسكرت عنه عليا ماباقي شي على عرسي شهرين بس

بعد ماعرفوا الاهل عن موعد العرس الكل كان مشغول بالعرس خصوصا البنات كل وحده تدور احسن مصمم ومرت الايام بسرعه محد حس بالوقت وبعد يومين العرس
كانت عليا يالسه مع خواتها في حجرتها

لطيفه: شفتي الفستان العرس روعه الصراحه
جواهر: حتى فساتينا الصراحه ابدع المصمم
عليا يالسه وياهم وتحس انها عالم ثاني
لطيفه: علايه فديتج لاتحاتين كل شي تمام
تبتسم ابتسامه توتر : ان شاء الله
جواهر: تدرين الكل متحمس للعرس ويتريونه
لطيفه: عاد نحن خوات العروس منو قدنا
جواهر: ههههه لازم بعد شو
لطيفه: اربيعاتج كلهن بين
عليا: قولي نص بنات التقنيه بتشوفينهن
جواهر: تدري عيل يبالنا نحجز لهن طاولات جدام الكوشه عشان يشجعونج
عليا: هههه يشجعوني ليش بلعب كره قدم
لطيفه: لاغير يوم انتي عروس وتشوفين حد تعرفينه تحسين راحه انا جربت هالشئ
جواهر: ياويلي على اللي مجرب
لطيفه: استحي على ويهج انا اختج العوده وام عيال
جواهر: ان شاء الله عموه
عليا: ههههه زين والله وجودكم وايد فادني مشكورين

بعد مرور يومين كلهم كانوا في قاعة العرس والقاعه بكبرها بلون وردي الكوشه وكل شي فيها والكل كان مستانس ويتريون متى يشوفون عليا كانت عليا قمر في عرسها ودخلتها كانت رومانسيه سكروا اليتات ودشت على موسيقى كلاسيكيه وشموع ورديه حتى فستانها دخلت اللون الوردي فيه وطبعا الميك اب وردي بعد حتى باقه الورد اختارتهم وردود غريبه بلون الوردي عليا كانت مصممه ان عرسها يكون مميز وكان جو العرس وايد رومانسي حتى هل راشد قالوا صدق راشد عرف يختار وكلهم مدحوا العرس بس نوره كانت تضحك وتقول واخيرا بتين بيتنا عليا وشوق بنت خالتها ماحضرت الاعرس لانها مابغت تشوف راشد وهو معرس…

بعد شهر العسل ردوا البلاد كانت عليا تحس انها عايشه بحلم راشد كان يعاملها احسن معامله صدق انه ماقالها انه يحبها بس يهتم فيها ويحاتيها كانت عليا يالسه مع عمتها وراشد

ام منصور: فديتج عليا تراج وايد تستحين عادي يالغاليه خذي راحتج البيت بيتج
عليا: تسلمين عموه يبالي فتره لين مااتعود
راشد: خلاص الاهتمام كله لعليا وانا وليدج وين سرات
ام منصور: غلاها من غلاك يانظر عيني
راشد: خلاص عيل انا بترخص عنكم وبسير عند الوالد
ام منصور: مرخوص يالغالي
راشد: في خاطركم شي؟
ام منصور+عليا: سلامتك

ظهر راشد وتمت عليا وام منصور يسولفن كانت نوره تجنب عليا بس هالمره يت وقالت لأمها ان خالتها متصله فيها وتباها بعد ماسارت

نوره: مستانسه مع راشد
عليا: الحمد الله نوره انا لاحظت انج تجنبيني ليش؟
نوره: ماتعرفين ليش ؟انا بقولج مب حرام عليج تاخذينه من حبيبته
عليا : حبيبته؟
نوره : هيه حبيبته بنت خالي شوق لين اللحين تعبانه بسبتج
عليا: ماكنت ادري عنها والزواج قسمه ونصيب
نوره: تدرين ان راشد خذاج بس عشان يغايضها

ونشت وسارت حجرتها وتمت عليا معقوله اللي تقوله نوره
خذاني بس عشان يغايض شوق ليش هو يحبها ؟ اللحين عرفت ليش ماقال لي كلمه احبك وسارت حجرتها تصيح..

بعد مارد البيت راشد شاف اخته نوره يالسه روحها في الصاله

راشد: السلام عليكم وين عليا؟
نوره: ماادري بها اصلا انت يوم تظهر من البيت ماتيلس ويانا على طول تسير حجرتها ماادري شو عندها
راشد: شو قصدج
نوره ومصممه انها تفرقهم : ماادري بها راشد انت كنت تدري انها مخطوبه لولد عمها
راشد تفاجأ من السالفه بس سوى عمره يدري عشان اخته ماتحس ورد عليها: هيه خبرتني
نوره: ايوااا خبرتك ليش افتوقوا
راشد: وانتي ليش مهتمه خلاص اللحين حرمتي

وظهر من الصاله ساير صوب حجرته انا ماادري عن ولد عمها عمرها ماقالت لي عنه دش الحجره سلم عليها شاف عيونها وارمات من الصياح بس ماسألها على طول رقد ويوم عن يوم المسافه بين راشد وعليا تكبر يوم عن يوم كل واحد بحاله عليا استغربت من تغير راشد عليها تحاول تسأله عن السبب بس مايلس وياها رواحهم …

كانت عليا يالسه في حجرتها وراشد طالع طرشت له مسج
راشد ممكن اعرف ليش متغير عليه؟
بعد فتره رد عليها مافي شي سلامتج
ردت عليه بسمج ثاني
بذمتك لوكنت تدري شلي بخافقي
لكنت حسيت بلوعتي وبحبك داخلي
بس هالمره مارد عليها ويقول في خاطره أي حب حبج لي ولا لولد عمج….

بعد فتره كانت فطامي يايه عند عليا تزورها

فطامي: خبريني شو العرس تنصحيني اعرس بسرعه
عليا: اكيد انصحج وانت متى عرسج
فطامي: خبرتج ولا نسيتي بعد شهر ونص تقريبا
عليا: الله يتممه على خير
فطامي: علايه فيج شي
عليا تحازل تكون عاديه: لا ليش تسألين
فطامي: ماادري احس انج متغيره
عليا: صدق مافيني شي
فطامي: لايكون حامل
عليا: هه لا توه الناس علينا وانت اشحالج مع عبدالله
فطامي: وايد زين معايه فديته والله
دشت عليهم ام منصور
ام منصور: حيا الله بنتي اشحالج واشحال قوم امج
فطامي: بخير ربي يعافيج تسلج عليج وايد
ام منصور: الله يسلمها ويسلمكم خلاص عيل بخليكم تسولفون على راحتكم
عليا: افا عليج عموه مابينا شي عادي سولفي ويانا
ام منصور: تسلمين فديتج الله رزقتي ببنت مب حرمة ولد الله يحفظج
عليا: وانا الله عوضني بام حنونه

وتموا يسولفون حتى خوات راشد ميره وفاطمه يلسوا وياهم الا نوره ماكانت تقعد وياهم وتجنب اليلسه مع عليا بعدين تعشوا وفطامي ردت بيتهم و عليا ردت حجرتها وتفكر ان سبب حزنها وفاة امها واللحين راشد بس صدق ام راشد كانت وايد زينه وياها تعاملها شرات ماتعامل بناتها وظهرت صوره امها وتمت تصيح والله اني محتاجه لج محتاجه حد فهمني راشد تغير عليه لمنو كنت اقدر اشكي له همي غيرج يالغاليه دش عليها وماحست فيه عليا اشتغرب يوم شافها تصيح

راشد: عليا فيج شي؟
عليا: لا ماشي بس تذكرت الوالده
راشد: تحريت حد مزعلنج
عليا: لا محد مزعلني وتمسح دموعها وسارت الحمام تمسح دموعها
شافها راشد بهالحاله كان يتمنى يعرف شو فيها يمسح دموعها ويخفف حزنها مايدري انه هو السبب..

الثالث عشر

كانت عليا يالسه مع اخت راشد العوده خلود وياهم ولدها الصغير
وعليا وايد تحب اليهال كانت تلعب وياه وتقول في خاطرها فديتك والله بسبتك شفت راشد حذال باتشي لانه كان بيشترى لاخته لانها مربيه

خلود: شكلج وايد تحبين اليهال
عليا: وايد وتبتسم
خلود: الله بيرزقج ان شاء الله
عليا: الله كريم
دشت عليهن فاطمه وام منصور
ام منصور: عيل وين وفايه

تذكرت عليها انها شافت صورتها في مكتب راشد خلاف عرفت انها بنت اخته وفا

فاطمه: في حجرتي تلعب بالكمبيوتر
خلود: عن تخرب الكمبيوتر انتي تعرفين وفايه
فاطمه: بالعكس فديتها تعرف قلتلها بحطلج سي دي الالعاب وانتي
اللعبي قالت لي خالوه اعرف يعمونا في المدرسه
ام منصور: خلود تمي لين المغرب خالتج بتزورنا مع بناتها
خلود: لا فديتج مااقدر سلطان وراه دوام باجر والعيال بعد مااقدر اسمحيلي
فاطمه: مب ملاحظين على ابويه شي احس به تعبان
ام منصور: صدقتي يابنيتي مايريح عمره في الشغل وتعرفونه ابوكم قلت ماقلت له شي يقول بعدني بصحتي ومايدري اني احاتيه
عليا: عمووه شو هالحب كله قوليله حبيبي ريح عمرك على طول بيسمع كلامج
ام منصور: هههه عاد نحن كبرنا على هالسوالف
فاطمه: هه صدقتي علايه دلعيه ابويه عادي مافيها شي

خلاف سارت خلود مع ريلها وردت البيت وحزة المغرب وصلت اخت ام منصور مع بناتها

ام منصور: هلا والله بالغاليه
ام سعود: هلا فيج اشحالج واشحال العيال وابو العيال
ام منصور: كلهم بخير ويسلمون عليج
ام سعود: يعلكم دوم ياربي
ام منصور: وياج ان شاء الله شوق وعزه اقربن بلاكن واقفات بعيد

وسلمت على بنات اختها اول مره تيهم شوق من بعد عرس راشد
وسلموا على فاطمه وعليا وتمن يسولفن

شوق ترمس بدلع: خالوه فديتج وين نواري عيل
ام منصور: نواري في حجرتها بخلى البشكاره تزقرها
شوق: عادي خالوه انا بسير عندها
وظهرت شوق من الصاله اف منها هذي راشد شو يحب فيها وسارت عند نواري
شوق: السلام عليكم
نوره: هلا شواقه متى وصلتوا
شوق: من ربع ساعه ماتحملت اقعد وياهم مجابله العقربه
نوره: ههههههه ومنوو العقربه اكيد عليا صح
شوق: ومنو غيرها ها شو اخبارهم
نوره: خبرتها عنج يوم درت شويه وبتصيح
شوق: يزاها واقل من يزاها
نوره: وبعد خبرت راشد عن ولد عمها ناصر وشفته وايد تكدر
شوق: زين تسوين فيها العقربه

وتمت يخططون ويحاولون باي طريقه يكدرون عليا ويفرقون بينها وبين راشد ..ظهرن من حجرت نوره وهن يمشن كان راشد ظاهر من حجرته وسلم على شوق وتم يسولف وياها كانت عليا سايره حجرتها وشافتهم يظحكون في الممر

عليا: نوره شوق ترى يتريونكم في الصاله
واستغلت نوره الفرصه وردت: راشد يسولف مع شواقه هو اللي محيرنا
راشد: خلاص عيل بترخص عنكم

شافت عليا ان نوره وشوق يحاولون يغايضونها بس مابخليهم ردت عليه بدلع ربي يحفظك يالغالي
بعد ماسار راشد ونوره وشوق دشت عليا الحجره ياربي نسيت شو كنت بسوي كله منهن هههه يتحروني بسكت لهن اوه صح بغيت اتصل في مايد ومالفته وردت الصاله وسوت عمرها عادي كانت تطنش شوق ونوره كلما حاولوا يغايضونها وبعد ماتعشوا تمن يسولفن لين سعود مر عليهن وردوا بيتهم..

كانت عليا في حجرتها تتريا راشد عسب ترمسه وملت تمت تقرا مجله وصل راشد

راشد: هلا بعدج مارقدتي
عليا: هلا فيك حاولت ارقد بس ماقدرت
استغرب راشد
عليا: راشد شو بينك وبين شوق؟
راشد: ماشي
ترد عليا بغيره: كل هالسوالف والضحك ومافي شي
راشد: عادي بنت خالتي اسولف وياها ويبتسم شو تغارين؟
ماردت عليه
راشد: لازم تحبيني اول شي بعدين تغارين
عليا منصدمه من كلامه
عليا: انت ريلي ولا نسيت
راشد: لا مانسيت س ذكري عمرج
عليا: راشد انا دوم احاول افهمك بس للاسف مااقدر
راشد: انا شرات البحر غامض
عليا: والبحر غدار بعد لاتنسى
راشد: وانتي شو بينج وبين ناصر
عليا: ناصر؟
راشد: هيه نعم ناصر ولد عمج
عليا: مابينا شي
راشد: خلاص عيل حتى انا وشوق مابينا شي
عليا: اذا انت ماتحبني ليش تزوجتني ماظن حد غصبك
راشد: يعني انتي اللي تموت فيني
عليا: اكيد وانا لي حد غيرك

هالمره مارد عليها راشد وحط راسه على الشبريه يغمض عيونه تحبني معقوله ؟؟؟ من بعد ماقلتله عليا انها تموت فيه وتحبه تغيرت طريقه معامله راشد لها للاحسن صارت تحس انه على الاقل مهتم فيها ودوم يسأل اذا كانت محتايه شي ….

كانوا يالسين كلهم في الصاله اتصل فيهم منصور وقال ان ابوهم تعب في الشركه ودوه المستشفى

ام منصور وهى تصيح: يعلني فداك يابو منصور
فاطمه: لاتسوين بعمرج جذه ازمه وبتعديني ان شاء الله
نوره: ماادري شو هالنحس اللي صابنا
عليا طنشت نوره وتحاول تخفف عن عمتها: عموه لاتحاتين ان شاء الله خير

كانوا كلهم منصدمين ويصيحون مر عليهم راشد وساروا المستشفى كانوا مرقدينه في العنايه المركزه فيه تسدد شرايين القلب ويباله عمليه ضروريه بس منصور وراشد مارضوا وقالوا انهم بيسافرون برع البلاد يوم بتستقر حالته شويه على طول جهزوا تذاكر وبيسافرون اليوم الثاني وكان لازم حد يسير وياه منصور معابل الشركه ومرتبط بالصفقه تجاريه يعني راشد لازم يسافر وياه وفعلا سافروا اليوم الثاني لندن راشد وابوه…


بعد مرور اسبوع

كانت عليا في حجرتها تحاول تتصل في راشد بس مايعلق الخط دشت عليها نوره

نوره: اتصلتي في راشد
عليا: الناس اول شي يستأذنون قبل لايدشون
نوره: ماعليه المره اليايه عموه مارديتي عليه اتصلتي ولا لأ؟
عليا: من الصبح وانا احاول موبايله مغلق
نوره: كله منج يالنحس بعد ماخذتي راشد يبتي النحس لبيتنا
عليا: انا مايخصني هذا امر الله

وسكرت باب الحجره عنبو من بنيه ماتصدق تحصل فرصه وتحقرني
بس شرات مايقولون الحقران يقطع المصران وسارت الصاله عند عمتها

عليا: عموه سيري حطي راسج وريحي عمرج
ام منصور: مااقدر
عليا: عموه بيبلج على الاقل ما تشربينه
ام منصور: تسلمين يالغاليه بتعبج ويايه
عليا: افا عليج عموه تعبج راحه

وسارت تيب لها ماي وسوت لها سندويجات خفيفه

عليا: عموه بتاكلين بعد
ام منصور: مالي خاطرك
عليا: سويتها بيدي يعني لازم تاكلين من الصبح ماكلتي شي
ام منصور تلوى عليها وحبت عليا راسها
ام منصور: يعلم الله اني عادتنج شرات بنتي واكثر
عليا: ادري عموه وانا بعد وايد اغليج

ويرن تلفون البيت على طول ام منصور سارت ترد على التلفون
راشد: السلام عليكم
ام منصور: هلا والله بالغالي
راشد: هلا الغاليه انا بخير دامج بخير
ام منصور: اشحال ابوك
راشد: الحمد الله بخير بعد العمليه يباله فتره نقاهه
ام منصور: اكيد
راشد: الغاليه لاتحاتين انا معاه هو بخير صدقيني
ام منصور: تسلم عليك عليا فديتها مب مقصره معايه
راشد: والله في خاطري ارمسها الغاليه السستر تبا ترمسني من رخصتج وسلمي عليها وايد وسكر
عليا: عموه بغيت ارمسه
ام منصور: هو بعد بس السستر كانت تبا ترمسه وسكر بس سلم عليج وايد اكيد متوله عليج بعد
استحت عليا وقالت : وشالحال على عمي بومنصور
ام منصور: الحمد الله بخير بس قال يباله وقت
عليا: الله يشفيه ان شاء الله ريرده
ام منصور: آمين الله يسمع منج

وسارت عليا حجرتها شافت موبايلها ان فطامي داقتلها على طول ردت تدق لها

عليا: هلا وغلا
فطامي: هلاف فيج وينج ماتنشدين عني
عليا: انشغلت السموحه يالغاليه
فطامي: مشكله بعد المعرسات سمعت بسالفه عمج اشحاله
عليا: الحمد الله بخير
فطامي: ومنو الي سافر وياه
عليه: راشد
فطامي: وحليلج علايه الحبيب مسافر
عليا تتنهد: فديته وفديت طاريه
فطامي: ياويلي ماتصبرين عنه شحقه ماسافرتي وياه
عليا: ياماما سايرين علاج مب سياحه وراشد 24 ساعه في المستشفى
فطامي: هه الله يعينج ومتى بيردون
عليا: ماادري يمكن يطولون لانه اللحين هو في العناه المركزه لين ثلاث ايام بعد العمليه يباله وقت
فطامي: الله يشفيه ان شاء الله
عليا: آمين يارب العالمين

بعد ماسكرت عليا من عند فطامي تمت تفكر يوم راشد يستوى زين معايه لازم شي يستوى اه الله يردك البلاد راشد وعمي والله اني متوله عليك وايد وحاولت تتصل به وبعد كان موبايله مغلق طرشتله مسج
تغيب وتبتعد وتحسبني عديم احساس
وانا في غيبتك ضايق من الدنيا ومافيها

وحطته على التقرير عسب تتأكد من وصول المسج لراشد

الجزء الرابع عشر

بعد مانش راشد من الرقاد فتح موبايله وشاف المسج اللي طرشتله عليا تنهد فديتج ياعليا مع كل اللي اسويه فيج تحبيني وانا بعد احبج خلاص من بعد ماارد البلاد بقول اني احبها ونحل سوء التفاهم اللي بينا بس خل ابويه يقوم بالسلامه ويصير خير خلاف بدل ثيابه وسار المستشفى عند ابوه شاف ان حالته الصحيه تحسنت وظهروه من العنايه المركزه اللي تم فيها اسبوع كامل وسأل الدكتور متى يقدرون يطمنون عليه ويردون البلاد بس الدكتور قال ان ابوه بعده مايقهر السفر وضغط الطياره بيأثر عليه في هالوقت ويباله فتره بعدها بيقرورن الدكاتره متى يرجع البلاد.

بيت بوسعيد

سعيد: منى حبيبتي شكلج وايد تعبانه خلينا نسير المستشفى
ترد منى بصعوبه: ماعليه خلنا نصبر ربع ساعه
سعيد: انزين لين مانوصل المستشفى انتي بتربين
منى: شورتك وهداية الله

ظهروا من حجرتهم وفي الممر شافهم بوسعيد

بوسعيد: سايرين المستشفى
سعيد: هيه ابويه منى تعبانه
بوسعيد: خلاص خلوا حمد عندي ولاتحاتونه
سعيد: تسلم ابوي كنت بوديه بيت عمي عند خالاته
بوسعيد: خلاص عيل توكلوا على الله ولاتحاتون حمد في عيوني

بعد ماظهرا من البيت سيده ساروا المستشفى واتصل سعيد في هل منى ويخبرهم انها في المستشفى وبعد اكثر من ساعتين ربت منى ويابت ولد وسعيد استانس وايد واتصل في ابوه وخبره.

بعد يومين عليا سارت عند هلها بعد ماردت منى البيت وهالمره ماسارت عند امها
عليا: فديته ماشاء الله عليه قمر
سعيد: اكيد طالع على ابوه
منى: وامه بعد
عليا : وشو سميتوه
سعيد: سلطان على اسم ابويه ربي يطول بعمره
عليا: فديت سلطان الصغير
منى: تصدقون كان في خاطري بنيه بس الواحد شو يقول غير الحمد الله
رن موبايل سعيد وترخص عنهم
عليا: معقوله اللحين الكل يتمنى الاولاد وانتي العكس
منى: بالعكس البنوتات احلى تعدلينهم وتكشخينهم وتلبسينهم غير عن الاولاد
عليا: ههه عيل حاولي مره اخرى
منى: هههه سكتت وتذكرت كيف كانت تعامل عليا ببرود بسبة سالفه ناصر اخوها عليا اسمحيلي كنت جاسيه عليج
عليا: مسموحه الغاليه ادري بقلبج طيب وانتي بنت عمي وحرمة ااخويه ومعزتج من معزة سعيد
منى: تسلمين والله والبيت ظلم من دونج
عليا: هه ماعليه قولي حق سعيد يغير ليتات البيت ويبدلهن بكشافات
منى:هههههه
عليا: خلاص انا تعبتج ويايه من هذرتي بترخص عنج
منى: تو الناس على وين
عليا: ماعليه المره اليايه بتملين مني

حبت سلطان الصغير وسلمت على امه وسارت الصاله عند اخوانها

مايد: هلا علايه وينج ماتبينين
عليا: مزيده المخفي عسب جى ماابين ههه
مايد: ههههه مايضحك
محمد: تولهنا عليج عاد انا يوم رديت من السفر انتي عرستي
تذكرين قبل شو كنا نسوي
مايد: وتذكرون اني كنت اضربكم
محمد: لا والله كنا نلعب مصارعه الحره واونه علايه الحكم
عليا: صدقت ايام حلوه ماتنرد
مايد: الا ليت الشباب يعود يوما
عليا: لا وحياتك بعدني صغيره فديتني
محمد: خلاص عرستي وباجر بتسيرين ام
مايد: وانا متى بعرس مايرزا عليه والله
عليا: ياربي من هالانسان مافيك صبر
مايد: سنه ونص وانا صابر لاعت جبدي
محمد: على شو مستعيل عيش حياتك
عليا: هانت باجي ثلاث شهور وبتتخرج هنوده
مايد: الله كريم
عليا: وين ابويه عيل
محمد: في حجرته
عليا: بسير اسلم عليه

دشت عليا حجرت ابوها يقرأ جريده وحبته على راسه
عليا: السلام عليكم والرحمه
بوسعيد: وعليج السلام هلا بالغاليه
عليا: هلا فيك ابويه اشحالك عساك الابخير
بوسعيد: بخير عساج بخير شو علومج واخبار راشد وابوه
عليا: الحمد الله بخير ونعمه راشد وعمي بخير ظهروه من العنايه المركزه
بوسعيد: الحمد الله عيل متى بيردون البلاد
عليا: يباله وقت لان عمي مايقهر السفر
بوسعيد: ربي يشافيه
عليا: ابويه شو رايك انسير الصاله عند مايد ومحمد

ساروا الصاله وتموا يسولفون لين حزة المغرب وبعد ماردوا من المسيد مايد وصل عليا بيتهم وسار عند ربعه صاله السنوكر..

دشت الصاله ولقت عمتها ميوده التلفون

ام منصور: هلا يابنيتي فيج شي؟
عليا: لا عموه مافيني شي ليش؟
ام منصور: راشد يتصل بج وموبايلج كله مغلق وانا قمت احاتيج ردت اتصلت بج وموبايلج بعد كان مغلق
عليا: راشد متصل بي متى
ام منصور: من ربع ساعه تقريبا
عليا: مغلق لان البطاريه مفضيه
ام منصور: الحمد الله قلت يمكن فيج شي
عليا: لافديتج مافيني شي خلاص عموه اترخص عنج وبسير حجرتي
ام منصور: مرخوصه فديتج

سارت عليا حجرتها وهى تتحرطم مالته عليه راشد يتصل بي وموبايلي مافيه جرج المره اليايه بجرج بطاريتين بدلت ملابسها ودقت على راشد

راشد: آلو
عليا: مرحبا بالغلا كله
راشد: هلا وغلا
عليا: اشحالك عساك الابخير
راشد: بخير ربي يعافيج
عليا: واشحال عمي عساه طيب
راشد: الحمد الله تحسنت احواله ويمكن جريب نرد البلاد
عليا: صدق والله هذا احلى خبر سمعته اليوم
راشد: تدرين في خاطري اشيا وايد اقولها بس ماينفع اللحين خليني ارد البلاد بس
عليا: ليش في شي مستوى لايكون عمي فيه شي ولا بتخبرنا
راشد: لا ابويه مافيه شي والحمد الله
عليا: الحمد الله ريحتني …كانت تبغي تعرف شو اللي في خاطره
راشد: ماعلينا كل شي في وقته حلو اقول الغاليه انا بترخص عنج بسير عند ابويه
عليا: مرخوص يالغالي سلم على عمي وايد
راشد: يوصل ماتامريني على شي من لندن
عليا: سلامتك ردتك البلاد اهم شي عندي

بعد ماسكر راشد اه ياعليا متى ارد البلاد واكسر هالحواجز اللي بينا والله اني تولهت عليج فوق ماتتصورين…


بيت فطامي

كانت فطامي يالسه في حجرتها وترمس عبدالله
فطامي:لا عبادي خلنا نتريا ردت راشد وابوه بعدين احجز عسب نضمن
عبدالله: بقولج شي بس لاتخبرين عليا اوكي
فطامي: اوكي خبرني
عبدالله: راشد بعد ثلاث ايام بيردون البلاد
فطامي: صدق والله
عبدالله: هوخبرني وابو بومنصور يقدر يسافر عادي
فطامي: الحمد الله خلاص عيل احجز الفندق لازم علايه تحضر عرسي ولامابعرس
عبدالله: انزين جنه باجر بنعرس يبالي وقت لين احصل حجز
فطامي: شو عبادي اتغار من علايه
عبدالله: واغار من عمري عليج
فطامي: لا لا انا جذه مااقدر
عبدالله: فديتج حرمتي اللي تستحي
وتموا يسولفون وبعد ماسكرت من عنده فكرت فطامي اتمر على علايه باجر اتصلت وخبرتها ..

مرت عليها فطامي العصر وكانوا يالسات في الملس ويسولفن

فطامي: علايه شو رايج نسير الصالون
عليا: صالون شحقه
فطامي: انتي بس قولي اوكي وبنسير
عليا: انزين بخبر عموه وبرد لج مايصير اظهر من البيت وهى ماتدري
فطامي: اوكي والبسي عباتج لاتبطين عليه
عليا: دقايق وبرد
وصلوا الصالون
فطامي: علايه شو رايج تقصين شعرج
عليا: ونحن يايين الصالون حقج ولا حقي
فطامي: ياماما انا اقصد انج ترتبين شعرج يعني تغيرين اللوك شرات مايقولون
عليا: والله فكره انا فكرت بهالشي بس قلت راشد يخبرني متى يوصل وانا بقص شعري
فطامي: وهذي فرصه نحن في الصالون
عليا: فطامي لايكون عبدالله مخبرنج وماتبين تخبرني
فطامي: حشا لا خبرني ولاشيات
عليا: ماعلينا تعالى نشوف القصات اليديده بس مابقص شعري وايد راشد يحب شعري الطويل

قصت شعرها عليا وتغير شكلها للاحلى وخلاف فطامي وصلت عليا وردت بيتهم..

دشت عليا وشافت عمتها ونوره معاهم شوق سلمت
ام منصور: وين فطيم عيل
عليا: سارت البيت
نوره: ظاهره مع فطامي اختي
عليا: لا مع فطامي اربيعتي
نوره: لين اللحين تظهرين مع اربيعاتج نسيتي انج معرسه
عليا: وليش ترمسن بهالطريقه جني اسوى شي غلط
بغت ترد عليها نوره بس ام منصور هزبتها
ام منصور:نوير وبعدين وياج يوزي عن حرمة اخونج

سارت عليا حجرتها عنبو من هاي البنيه شو اسوي وياها
اسكت لها ولا اطنشها احسن فديت عموه والله ماترضى عليه وانا شو اللي مصبرني غيرها وبددلت ملابسها ويلست تقرى مجله

سمعت حد يدق الباب نشت تبطله وشافت فاطمه
عليا: هلا فطيم بغيتي شي
فاطمه: هلا فيج عليا بغيت ارمسج
عليا: حياج
يلست فاطمه على الكرسي وجابلتها عليا
فاطمه: خبرتي الوالده عن اللي صار بينج وبين نوره
عليا: تدرين انا محتاره وياها ماادري ليش تكرهني
فاطمه: انا استسمح منج بدالها وانتي من عيشتي ويانا ماشفت منج الا كل خير بس نوره الله يهدها شوق لاعبه بمخها اظن تعرفين السالفه
عليا: بس هالشي راح وانتهى ليش تصرف بهالطريقه
فاطمه: لاتتحرين اني اسكت لها دووم انصحها
عليا: ماشا الله عليج فطيم صج انج اصغر من نوره بس اعقل عنها
فاطمه: اخجلتم تواضعنا تدرين كلنا نحبج حتى نوره بس لو تيوز عن شوق مافي احسن منها

بعد ماظهرت فطيم من عندها عليا وايد ارتاحت من رمستها ماشا الله عليها يبالي ايوزها محمد ههههه صرت خطابه وانا ماادري….

باجر بيوصل راشد البلاد ياترى بيقول الكلمه اللي عليا تتمنى تسمعه منه ولا لأ؟

الجزء الخامس عشر

اليوم الثاني بيت بومنصور

حزة العصر كانت فاطمه ونوره وام منصور يالسات في الميلس يطالعون تلفزيون فاطمه شافت البرنامج اللي يتريونه هى وعليا وعلى طول سارت فوق تزقرها

فاطمه: عليا تعالى حطوا المحاضره
عليا: محاضرة عبدالمحسن احمد
فاطمه: هيه على قناة مجد يلا نسير
على طول نزلن وجابلوا التلفزيون
نوره: حشا بلاكن شويه وبدشون في التلفزيون
فاطمه: لانها محاضره دينيه جى تقولين لو كان برنامج تافه بتصخين وبتجابلين التلفزيون
نوره: من متى هالتدين ياشريفات مكه
فاطمه: الله يسمع منج ويهدينا
ام منصور: ومنو اللي يحاضر فيها
عليا: واحد اسمه عبدالمحسن الاحمد محاضراته وايد مؤثره
ام منصور: خلاص عيل بلا هذره زايده وخلونا نستفيد

كانت المحاضره عن كيف الواحد يشكر ربه عن النعيم اللي عايش فيه وغيره محروم والكل كان متأثر حتى نوره

ام منصور: هالاشيا اللي واحد يرزا يصيح ويتأثر عشانها مب هالخرابيط اللي في المسلسلات
عليا: صدقتي عموه والله يهدينا ان شاء الله

بعد ما خلصت المحاضره اذن المغرب والكل سار يصلي
كانت عليا في الحمام تغسل ويها سمعت حد دش الحجره تحرت فاطمه وقالت: فطيم لاتسيرين دقايق وبظهر
واول ماظهرت شافت جدامها راشد تمت تطالعه وهى مستغربه

راشد: هههه بلاج تقولين شايفه جني
عليا وللين اللحين مب مصدقه ان راشد واقف جدامها
راشد: منصور خطف علينا من المطار
عليا: لو خبرتني قبل كنت بستعد ادري شكلي مبهدل
راشد: بالعكس غديتي احلى عن قبل
عليا: وقوم عموه كانوا يدرون
راشد: هيه يدرون خبرتهم قبل يومين
عليا: عيل ماخبروني
راشد: انا وصيتهم مايخبرونج
عليا: ماعيله كلكم متفقين عليه وحليلي والله صليت ولا لأ
راشد: هيه في المسيد
عليا: خلاص عيل بصلى وبنكمل سوالفنا
راشد: صلي ولاتنسين انا رديت البلاد وفي خاطري اشيا وايده
عليا: ان شاء الله

صاله بومنصور

ام منصور: هلا والله بالغالي البيت مايسوى بدونك
فاطمه: ونحن وين سرنا عيل
منصور: خلاص ماتبغينا اللحين الغالي موجود
ام منصور مستحيه : والله انكم اغلى شي عندي
نوره: بس حب الحبيب غير
بومنصور: خلاص ياعيال تغارون من ابوكم
منصور: افا عليك ابويه انت تستاهل زود
بومنصور: سلمت يالغالي
فاطمه: وشو اللحين ابويه ان شاء الله اهون عن قبل
بومنصور: الحمد الله انا بخير وعافيه ومااشكي من باس بفضل الله
نوره: عساك دوم ان شاء الله
فاطمه: والعلاج في البلاد كيف بيكون
بومنصور: اراجع المستشفى واعطيهم تقارير العمليه وهم بيعطوني ادويه ومراجعات
فاطمه: عسى الله يشفيك ان شاء الله
بومنصور: ان شاء الله
منصور: ابويه شو السسترات اكيد كلهن شقر وعيون زرق
بومنصور: مالي حايه فيهن ام منصور تسد عنهن ولايسونها
منصور: لا لا ابويه شو هالحب وانا اقول على منو طالع رومانسي ثرني طالع عليك…

وتموا يسولفون ويظحكون وخبرهم بومنصور عن الاسبوعين اللي قضاها في لندن..


عليا: وانت من متى حاشرني في خاطري اشيا اقولها يلا اسمعك
راشد: صدقتي بس مااعرف من وين ابتدي
عليا: ولاتستحي؟! كلمه تستحي منها بدها
راشد: شو استحي!! انتي اللي مصعبه عليه لاتطالعيني بهالنظرات
عليا: هههه خلاص بصد صوب الثاني وانت ارمس

كان راشد فعلا مرتبك ومب عارف من وين يبتدى من اول يوم شافها عند باتشي ولا يوم الورك بليسمنت ولا عن ناصر وشوق ولا على طول يقول انه يحبها ولا ولا ولا!!

راشد:اممم شو رايج نبتدي صفحه يديده
عليا: ماعندي خلاف
راشد: وعن شوق صدقيني عمري ماخطبتها ولاقلتلها اني احبها هى متوهمه والمشكله انها مصدقه عمرها
عليا: خلاص ماتهمني
راشد: وناصر؟؟
عليا: حالي من حالك صدقني تدري ان عمي زعل من ابويه لاني رفضت ولده وقلت اني عادتنه شرات اخويه بس الحمد الله اللحين الخلاف زال
راشد: لازم شو بيقول بديتي الغريب على ولده
عليا: ومنو الغريب انت اقرب القريب
راشد: فديت حرمتي تذكرين اول يوم شفتج فيه
عليا: وهو يوم يتنسى بس ليش كنت معصب وهزبتني؟
راشد: انا روحي استغربت من عمري صح اني كنت متحير بس بعد كان لازم ارمسج بأدب ياانسه اتيكيت
عليا: حلوه هاي انسه اتيكيت
راشد: خلاص اللحين مدام اتيكيت وبعد بخبرج شي ثاني
عليا: خير يالغالي
راشد: تدرين في عيد ميلادج انا اللي طرشت الباقه مع باتشي
عليا: صدق !!!!! وانا اتحرى مريوم اربيعتي
راشد: ههههه لا انا
عليا: جيف عرفت؟
راشد: وانا خا طف الممر سمعت فاطمه اربيعتج ترمس فرح
عليا: تسلم مع انها يت متأخره
راشد: لو كنتي تدرين انها مني اكيد كنتي بتعقينه في الزباله
عليا: ههههههه يمكن ليش لا
راشد يقلدها: وحليلي
عليا: ههههه
راشد: فديت هالضحكه عليا تدرين اني عمري ماحبت حد كثرج
احبج انا هالكلمه كنت استكثر ها لحد غيرج بس انتي بتملين وانتي تسمعينها ولازم اعترف بعد اني وايد ظلمتج وهملتج قبل كنت اكابر واكابر كنت اتحراج تحبين ناصر ادري بعمري اني غلطان اسمحيلي

كانت عليا تسمع كل كلمه منه صدق طالعه من خاطره معقولهه هذا راشد اللي يقول كل هالكلام اه ياراشد مافي اغبى عنا نحب بعض ونكابر ماعليه بنعوض الايام اللي راحت…

مر الاسبوع مثل الحلم بالنسبه لعليا اربيعاتها اتفقن انهن يزورونها لانها من عرست وماشافوها اكثر عن ستة شهور بسبب ظروف عمها الاخيره..

عليا: عموه ممكن اربيعاتي يون بيتنا
ام منصور: حياهن في أي وقت ومايحتاي تخبريني اعزميهن البيت بيتج
عليا: تسلمين عموه خلاص عيل الاربعاء انسب يوم
ام منصور: برايج يالغاليه
عليا: تسلمين الغاليه بسير بخبرهن من رخصتج

سارت عليا ويلست تتصل على وحده وحده من اربيعاتها فطامي عواشي عنادي مريومه وخبرتهن ان يوم الاربعاء عازمتنهن في بيتهم

يوم الاربعاء

كانت عليا ترتب الميلس وفاطمه تساعدها
عليا: فطيم تعالي وسولفي ويانا
فاطمه: لا انا استحي من اربيعاتج مااعرف غير فطامي
عليا: عادي بالعكس كلهن حبوبات على الاقل يلسي شويه واذا ماعيبج الوضع برايج
فاطمه: اوكي
عليا: خلاص عيل خلينا نسير نتزهب ماباجي غير ساعه
سارت عليا وتزهبت وراشد قرر يظهر مع عبدالله فرصه بعد من زمان ماشافه وتلاقوا في مكانهم المعتاد ستار بوكس بعد ماعليا خلصت تمت تترايهم وبعد صلاة العشا تيمعن

عواشي تتنهد : من زمان ماتيمعنا تذكرون ايام الكليه
عنادي: كنا مجابلين بعض ليل نهار واللحين نادرا
فطامي: ماعليه بعد شهرين عرسي اباكن تربشون العرس
عليا: بالكعس بنسوي اعمارنا جنا مانعرفج بعد
فطامي: عادي نذاله
مريوم: هههه شلتنا شو معروف عنها غير النذاله
فطامي: علايه شو تنصحيني بالعرس
عليا: يالله اللي يسمع اللحين اذا قلت لج لا جنج مابتعرسين
فطامي: اوف منج عرستي لسانج طول
مريوم: وهذه احدى مميزات الزواج
عليا: عنادي شو فيج هاديه اليوم
سكتن وكل وحده تمت تطالع الثانيه
عليا: بلاكن اكيد مستوي شي خبروني
عواشي: مافي شي
عنادي: عادي علايه من الشله انتوا تدرون بالسالفه ومايصير علايه ماتعرف
عليا: خير شوفي روعتيني
عنادي: انخطبت
عليا: الف مبروك شحقه زعلانه
عنادي: انا بخبرج السالفه هذا واحد من هلنا خطبني وانا احس اني احبه بس هلي ماوافقوا عليه
عليا: من هلكم وماوافقوا عليه غريبه؟
عنادي: يقولون انه راعي سوالف ومايصلح لي
عليا: عنادي حتى لوكنتي تحبينه واذا خذيتيه دون شور هلج صدقيني مابترتاحين في حياتج اصلا مابيهونون عليج هلج ومااظن بتبيعينهم عشان واحد ماتضمنين يكون زين لج فليش تخسرين هلج
عنادي: هلي اول البادي وقلبي خله يولي
فطامي: هذا عشمنا فيج عنادي
مريوم: ويمكن انتي ماتحبينه مجرد اعجاب بيزول مع الوقت
عليا: توكلي على الله واشغلي نفسج بذكر الله والطاعات
لانه هالحب الاسمى
مريومه: اطهر حب بعد الزواج فلا تعورين قلبج
عواشي: صدقيني الله بيعوضج خير
عنادي: الله كريم خلاص انا نسيت السالفه وخلونا نرتبش
فطامي: صدقتي نحن يايين وبنستانس

في هالوقت دشت عليهم فاطمه وسلمت وتعرفت على اربيعات عليا وشافتهن انهن شرات ماقالت عنهن عليا حبوبات وبسرعه يدخلون القلب يسلت وياهم ساعه تقريبا وقررت انها تسير عنهن بعد العشا


تتوقعون سعادة عليا وراشد بطول ولا!!!

قصة رائعه بالفعل\\
و لكن نحن بانتظار التكلمة

بأحر من الجمر

يعطيك العافيه