(املي في الحياة قصة حب رومانسية)(قصة سعودية)

الجـــــــــــ الثاني ـــــــــــزء:

ساره:أموله حبيبتي ويش صار لش ويش فيها عاباتش متوصخه.
أمل اتصيح:أهئ أهئ أبغى أروح البيت..رجعت اتصيح.
حوراء:انزين قولي ويش صاير ؟؟
أمل: اتصيح
ساره سمعت جوالها يرن.......
ساره:ألوه.
سلمان يتكلم بصوت عالي لأنه حده معصب:سارو أنا عند السياره أن ماجيتي بسرعه باخليش وبمشي.
سد سلمان الخط قبل لايسمع ردها.
ساره مستغربه من سلمان لأن مايعصب عليها من دون سبب:أمل حوراء عمي بيوصلني تروحوا معاي.
حوراء اتباعد أمل ألي كانت حاضنتنها:هيه بنروح معاش لأن أمل ماتقدر تمشي و عباتهاجذي.
ساره:عجل يلا بسرعه ماأبغاه يعصب.
أخذو أغراضهم راحوا.

.........

في السياره سلمان كان ينظف نفسه:أف هاذي أتأخرت خلاص بنتظرها برى.
[سلمان شاب وسيم فيه كل الصفات ألا تتمناها أي بنت يعتني بشكله..خلص الجامعه ينتظرقبوله في الشغل]

اتذكرالموقف ألي صار له مع أمل ضحك على نفسه.
سلمان:هههههههه..سمع صوت فالتفت ورى.
ساره:هيه أنت أستخفيت قاعد تضحك لحالك.
سلمان..ماأنتبه لوجه أمل:صديقاتش بروحوا معانا.
ساره:هيه ألا صحيح ويش فيك امبهدل جذي شجاهل ماتعرف تاكل أس كريم ههههه.
أمل سمعت كلام ساره فرفع وجهها وانصمت لما شافت وجهه..من صدمتها طاحوا الأغراض الي عندها.
سلمان وجه نظراته لها اتفاجئ لما شافها لف على جهة ساره:ساره هذي صديقتش.؟؟
ساره مستغربه:هيه ليش تسأل ؟؟
سلمان:أنا مستحيل أوصل هذي..أشرعلى أمل.
أمل تتمسخر:لالا الله أخليك أبغاك اتوصلني لأني باموت أذا ماوصلتني.
سلمان:أصلآ يحصل لش الشرف أنا أوصلش.
(كان لابس قميص فاأفتعل حركه بيده خلت كلرقميصه يرتفع فزداد شخصيه وسامه).

ساره و حوراء كانوا مستغربين من الي يصير.

أمل أشتغل غرورها:تبغاني أني أمل بنت علي أل نبهان أركب مع واحد وقح زيك.(أشرت عليه بصبعها من فوق لتحت بطريقة أستهزاء).

سلمان فقد أعصابه ماحس بعمره ألا ماسك يدها يبغى يضربها بس ظل جامد ماتحرك لأنه حس بشي يجذبه لعيونها ظل ايطالع عيونها. أما أمل ماقدرت تباعد عينها عن عينه كانوا عيونه جنااااااااااان يهبلوا قلبها يدق دق مو طبيعي.

ساره:هايي عمي ويش هلقله الحياه إلي عندك الناس كلها أتطالعكم.

سلمان ترك يدها ركب السياره:دخلوا بسرعه الحين بيأذن.

أمل ظلت ساكته منزله عواينها لتحت مو عارفه ويش هالشعور الي جاها من شافت عيونه.
ساره بصوت واطي:أمل ويش صاير بينكم ؟؟
أمل:هو الي طيحني.
ساره:كيف ؟!
أمل:بعدين أقولش بس مابركب معاكم.
حوراء:ويش اتقولوا؟؟علموني شسالفه.
أمل:أقولش في الطريق يلا أمشي.
ساره:أمل أرجوش أركبي..امسحيها في وجهي.
أمل:ساره لاتظغطي علي.
ساره:ولله اركبي.
أمل:ليش حلفتي ؟؟
ساره:عشان تركبي.
أمل بتفكير:ولله لو ماحلفتي كان ماركبت.
ساره ابتسمت لها وركبوا السياره.

طول ماهم في الطريق وأمل ساكته اتطالع الطريق من الدريشه أما سلمان كان يسأل ساره عن بيت حوراء وأمل.

وصل حوراء أول لأن بيتهم أقرب بعدين وصل أمل.

أول مااتباعد عن بيت أمل.....
ساره:ويش ألا صار بينكم؟! سلمان ببرود:مو هي صديقتش أسأليها.
ساره:أكيد أباسألها بس أبغى أعرف السالفه من الطرفين.
سلمان:ساره ضايق خلقي.
ساره:بس أني أبغى أعرف.
سلمان فكر:خلاص بقولش..أنا رحت أشتري لي كانت هي تشتري بالغلط دست على عباتها فقالتلي اباعد ارجولي أنا باعدتها بس عودت مكاني والأخت عباتها طويله فدست عليها مره ثانيه اتعرقلت طاحت وأنا ماكنت قاصد بس هي افتكرتني قاصد فسبتني رمت علي الأس كريم.
ساره ماسكه بطنها:ياربي ماني قادره هههه بطني هههه.
سلمان عصب:ساره الموقف ما ايظحك.
ساره:هههه أتخيل كيف كان وجه أملوا أكيد صار طماطه الناس كلها اطالعها ههه وله أكيد شكلك بلأس كريم يهبل هههه.

سلمان ظل ساكت تذكر كيف كان وجه أمل وأنه حس بشعور غريب لما ناظر عيونها.

_________________

#في غرفة أمل#

أمل منسدحه على سريرها تفكر في أحداث اليوم تذكرت لما رمت على سلمان أس كريم و بدأت تبتسم و تظحك..ياربي كيف سويت جذي ولله كنت امعصبه..أخاف أكون ظلمته وهو ماكان يقصد..أتذكرت كيف كانت عيونه لما مسكها:أأأه ياربي عيونه أيهبلوا لا مو بس يهبلوا الا أيخلوا الوحده تهوس.
أف بس لو مهو وقح وقليل أدب شان سكتت شوي و قالت بصوت مسموع:صدق أني غبيه قاعده أتعب فكري في واحد مايستاهل.

طفت المبات حاولت اتنام بس لقت نفسها مو قادره تنام من التفكير في الي صار..بدت تقرى ايات عشان تنام ونامت.

_________________

#بيت ساره#

ساره كانت في الصاله تشاهد مسلسل" دنيا القوي"و مندجه عدل.

رن تلفون البيت بس مارفعته وبعد ثواني جى أخوها وليد رد على التلفون.....

وليد:ألو.
.......:ألو السلام عليكم ..موجوده ساره..
وليد:هيه بس لحضه..لف على ساره..ساروا تلفون لش.
ساره متملله:أف منهي ذي الفاظيه داقه ألحين.
وليد ماسك السماعه:أتقول لش مهي فاظيه لش ألحين دقي بعد
ساره قامت أبسرعه لعند التلفون اخذت السماعه من عند وليد:وليدوا أني ماقلت لك قول جذي..أدلف روح ألعب كمبيوتر...غبي ...لف السماعه لأدونها:ألوو.
........:ياسباله ويش يعني منتين فاظية لي.
ساره تحاول تتهرب من الأجابه:هلا بحوراء عمري حبي كل دنيتي.
حوراء:ياااااي كل هلغزل حقي...خجلتيني.
ساره بخبث: أذا ماغازلتش باغازل منو.
حوراء:بعد من بيكون...أكيد زوج المستقبل.
ساره: خله أيجي أول بعدين أغازله...ألا ماقلتي لي ويش صاير متصله؟!
حوراء:شأني ماأتصل علشان تسألي...بس بسألش سألتي عمش ويش صار بينه وبين أملوا...لأني أتصلت لها قالوا نايمه...غريبه مو من عوايدها تنام هلحزه.
ساره: و أني أقول.. مو لله متصله..اسمعي قال لي أنه.....
(قالت لها السالفه كلها).

ساره:أوكي حوحو باروح أتعشى الحين.
حوراء:أنزين...صحيح بتروحي بكره الكوافير عشان عرس فاطمه>>وحده من الأصدقاء.
ساره:هيه باروح...حوروه يالله باي أني مستعجله.
حوراء:باي.

_________________

اليوم التالي

ساره كلمت عمها عشان يوديها الكوافير وراحت معاه..حوراء خلت أخوها قيس يوديها مع أمل لأن أمل ماعندها أخو وأبوها يكون مشغول.

اجتمعوا في الكوافير ولما خلصوا مكياج قعدوا يسلفوا.كانوا ثلاثهم حلوين بس حوراء كانت أحلى خصوصي أن عيونها رهيبه
كانوا مطقمين في البس بس الألوان تختلف..أمل أحمر...حوراء وردي...ساره بنفسجي..

أمل:أف متى بجي أخوش... مليت.
حوراء:ماأدري بس مو الحين.
أمل:باقوم أشرب ماي.راحت.
ساره وقفت:يالله باروح جى عمي.. حوحو ليش ماتجوا معي.
حوراء ناظرت ساره بخبث شدها قعدتها جنبها:تدري أنش ذكيه وااجد.
ساره مو فاهمه:ويش قصدش.
حوراء بخبث:قربي باقول لش...قالت لها الفكره ألي براسها..

أمل تمشي بتجاهم:كلمتي أخوش؟!
حوراء غمزت لساره:هيه كلمته بس قال أنه مايقدر أيجي..ساروه أتقول أن عمها برى...أني باروح معاها..
أمل بصوت عالي:ماأقدر أروح معاه.
ساره تسوي نفسها معصبه: لاولله...مصختيها عمي ماكان يقصد..غطت وجها:يالله بسرعه تعالوا...حورو روحي ألى ألي تحاسب قالت أن في حسابش غلط..لاتتأخري أحنا بننتظرش.مسكت يد أمل ومشت.
أمل:لحظه صبري بغطي وجهي.
ساره:يلا بسرعه.
أمل غطت وجهها طلعوا مع بعض راحوا عند السياره.

ساره تفتح باب السياره:السلام عليكم.
سلمان لف لها:وعليكم السلام..أوه أوه ساره مغطيه وجها ويش صاير في الدنيا.
طبعآ سلمان ماأنتبه لأمل لأنها دخلت السياره من دون ماتقول ولا حرف وهو كان حاط أغاني فما أنتبه.
ساره تمزح:يعني ويش تبغاني أسوي...حاطه لي مكياج أخاف الرجال لين شافوني يغمى عليهم من جمالي الفواح.
سلمان مبتسم:أوكي خليني أكحل عيوني أبشوفتش.
أمل كانت اطالعهم بس ساكته.
ساره متعمده أتخلي سلمان يحس بوجود أمل:عمي لاتحرجني قدام صديقتي.
سلمان لف لورى شاف أمل عرفها من عباتها لف صوب ساره:تدري صديقتش بنت أصول..دخلت من دون ماتسلم خايفه أسمع صوتها الشفاف<<قالها بطريقة مسخره.

أمل ماردت عليه(أف هذا مايستحي على وجهه صدق أنه وقح)

ساره استغلت فرصة أن أمل تفكر:أوه نسيت..باروح شوي لحوروا باجاي.نزلت من السياره بسرعه.

أمل توها تستوعب أن ساره نزلت:االليش نزلت.
سلمان:هاه أشوف صوتش طلع...كمل كلامه بشمئزاز.. لاتخافي ماباكلش.

أمل كانت بتتكلم بس جتها عطسه عطست تمت تحوس في شنطتها تدور نشاف.
سلمان أنتبه لها فأخذ علبة النشاف مدها لها..
أمل مسكت العلبه بس صارت أطراف أصابعها فوق أصابعه حست برعشه بجسمها أخذت العلبه بسرعه.
أما سلمان دق قلبه بسرعه جنونيه..تموا ساكتين.

حوراء وساره اتعمدوا يتأخروا عشان يحرجوا أمل..بعد ربع ساعه من التأخير طلعوا من الكوافير ركبوا السياره.

وتموا طول الطريق ساكتين حوراء و ساره كانو متحقرصين يغبوا يعرفوا ويش صار.

وصل سلمان عند بيت حوراء نزلت حوراء وأول مادخلت البيت على طول رسلت لأمل رساله كاتبه فيها:
"أسفه أموله أني وساروا أتأخرنا قصد علشان نحرجش مع سلمان بس سامحينا"

أمل لما قرت الرساله عصبت عدل ورسلت لها رساله.
"صدق أنش حماره ياربي أيصير لش موقف أعظم مني"

حوراء قرت الرساله ظحك تركت جوالها ونزلت تحت أدور أخوها قيس.
(قيس عمره24سنه شاب وسيم موظف في أحدى الشركات الكبرى يحب شي أسمه كمبيوتر).
ماشافته راحت المجلس شافته قاعد على الكنبه بس هي كانت وراه.

حوراء اتقدم عشان تصير قدامه:قيسوه ويش رايك فيي أكيد

ماكملت كلامها لأنها أنصدمت من ألي شافته لأن الشاب ألي شافته مو أخوها قيس....



شوراح يصير لحوراء؟؟؟
مين الشاب ألي في المجلس؟؟
هل بتطور علاقة أمل مع سلمان؟؟

الأجابه في الجزء القادم.

الجزء الثالث:

حوراء ظلت واقفه مو عارفه شتسوي.
الشاب ظل يناظرها ماقدر أيبعد عينه عن الملاك الي قدامه.

ظلوا على هلحال لبضع ثواني...بس قطع عليهم صوت ملئ بلغضب.
قيس(مفول من العصبيه):ياكلبه ويش أتسوي هني.

حوراء من سمعت صوته ركضت بسرعه لدور الثاني أوعلى طول راحت غرفة أبوهاوأمها.

حوراء(ماسكه أبوها):أبوي قيسوه بيذبحني(أوتاخذ لها نفس لأنهاكانت تركض).
أبوحوراء(وهوخايف على بنته الوحيده لأنها كانت ترتجف):ويش فيش شصاير؟!ليش قيس بيذبحش؟!ويش سويتي؟!
حوراء(بعدها ترتجف):أف بعدين أقولك... أهم شي قيسوه مايضربني عن لايخترب مكياجي(يحليلها ماخافت ألاعلى المكياج)..

أوفي المجلس كان قيس بيلحق حوراء بس الشاب مسكه أوجلس يهديه.

الشاب:قيس لاتتهور...خلني أفهمك السالفه.
قيس(بعصبيه):يعني في سالفه (يوقف)باروح أذبحها.
الشاب(وهوماسك يده):وشو تذبحها أسمعني أول.
قيس:رائدو أتركني أحسن لك.
رائد(بحزم):ترا وللهي وبكسرالهاءأن ماسمعتني...رجلي ماداني عند بيتكم..أوعمرك ما______
قيس(يقاطعه):لا مايحتاج تكمل..أنا ماأقدر ماأشوفك..(جلس)قول كلي أذان صاغيه.
رائد:ههههه ماتجي ألابلعين الحمره...أسمع أنت لما رحت أتشوف من في الباب.. أناجلست أشاهد تلفزيون .
قيس(بطولة بال عن لايفقد أعصابه):أي والزبده... أدري أنك كنت تشاهد..ألي أبغا أعرفه ليش هلحماره حوروه دخلت أووقفت عندك؟!
رائد(يكلم نفسه):أأأه أسمها حوراء ولله أيناسبها...أكيد هي حوريه من حواري الجنه..
قيس(بصوت عالي):رائدو أسألك وين رحت.
رائد(توه مستوعب):أف... أختك كانت أتفكرني أنت أولما وقفت قدامي أنصدمت أوكانت بتطلع بس أنت دخلت أوعصبت عليها...أوبس.
قيس(هدأ):أمممم(وقف)أوكي اباروح أشوفها(وترك رائد).

(رائد شاب جميل أنيق بمعني الكلمه مغرور بجماله بس حنون أوشخصيته قويه أهم شي عنده أن كبريائه ماينهز)

قيس(وهو يمشي في الدرج):حوراء...حوحو..وينك حبي..(وأيغني)وينك عني ياحبي..وينك أتلتني الغربه..وينك راح يوأف ألبي......
حوراء وأبوها كانو في الغرفه بس لما سمعوه راحو يشوفوه..وكانو مستغربين أنه يغني خصوصي حوراء.
قيس(مبتسم):هاي داد..(يوجه نظراته لحوراء)أوه أوه ماأصدق هذي حوراء..أكيد سوو لش عملية تجميل بلغلط.
حوراء(تتقدم له و تحط يدها على جبهته):غريبه مو متسخن؟!
قيس:ههههه(قربهاله وهمس في أذنها):لاتخافي ماباسوي لش شي..رائد حلفني مأصرخ عليش..(يحك شعره) شكلك سحرتيه.
حوراء(بتطيرمن الفرحه):صحيح قول ولله..
قيس(عافس وجهه):أقول عطيتش وجه واجد...روحي ألبسي عاباتش.
حوراء(مستغربه):ليش ألبس عباتي؟!وين بتوديني؟!
قيس:ياهبله..موأناألي بوصلش عرس صاحبتش لو تبغي تتأخري.
حوراء:أوكى ألحين بجهز.

_________________

أمل بعد مادخلت غرفتها ظلت تعدل نفسها وتلبس باقي أكسسواراتها وبعد ماخلصت كل شي.
أمل(تناظر نفسها في المرأه):ياربي هذا ليش يكرهني (سلمان)ليش أيحاول يستفزني..أأهه..وأني ليش قاعده أفكر فيه..أف أحس أني أبغا أصيح كلامه لي كان جارح..(تهز راسها)لا مستحيل أذرف دمعه من عيني على شان هلحقير.

وتطلع من غرفتها وتنزل لصاله لأبوها.

أمل(بطريقه مؤدبه):أبوي ممكن طلب تكفى لاتردني.
أبوها: تفضلي عيوني أعطيش أياها.
(أمل أكبر وحده في أخوانها وعندها أختين 1/زهراء عمرها 16تحب تقره قصص من شتى الأنواع.2/حنان عمرها13 هاديه أوبعض الأحيان تكون أنطوائيه.
وعندها أخوين تؤم حسن و حسين عمرهم 10سنين.
أمل دلوعة أمهاوأبوها لأنها أول العنقود).
أمل:أبصراحه أني ماأبغا أروح ويا صديقتي العرس(حوراء)أحس أني ظيقت عليها واجد..فاأبغاك أنت توصلني العرس.أبوها:بس أنا وراي دوام بكره
أوماأقدر أرجع لش لما تخلصي.
أمل(محبطه):خلاص أنت وصلني وأني أدبر نفسي بعدين.
أبوها:قومي لبسي عباتش وأنا بنتظرش في السياره.
أمل:أنشالله.

_________________

وفي بيت ساره كان
سلمان جالس في الصاله ينتظر ساره تخلص لأن هو ألي بيوصلها.

سلمان(يكلم نفسه):ياربي أنا ليش قلت ليها جذيه(أمل)ألحين ويش بتقول عني..أف وأنا ليش قاعد أفكر أبها هي أكيد ألحين قاعده تسبني وتلعني..أكيد بتستحقرني..صج أني غبي يعني كان لازم أقول لهاكذا..أنا لازم أتأسف ليها.(يمرر أصابعه على شعره ويسند رأسه للجدار): أأأههه(يتنهد)أنا أول مره أحس بهلأحساس..ولله وقمت تحب ياسلمان......
ساره(تقطع عليه حبل أفكاره):عمممميييي (بصوت عالي).
سلمان(متخرع):شفيش خرعتيي.
ساره(تضحك على شكله): ههههه عسى ألي ماخذه عقلك تتهنى به.
سلمان(يعرف أن ساره تفهم للغة العيون فاماحب أنه يطول معاها بلكلام):جهزتي...يالله نروح.
ساره حست أنه فيه شي بس قالت لنفسها خله براحته.

وفي السياره سلمان كان طول الوقت أفكرأوساكت .

ساره ملت من سكوت سلمان فقررت تسأله.

ساره:عمي شفيك ساكت ؟!
سلمان(أيغير الموضوع):
مافي شي بس أتخيل لو أني مت كيف بتكون حياتش؟!بتعيشيها عادي لو
ساره(تقاطعه):سلمان لاتقول جذي... أني ماأقدر أعيش من دونك.(ساره ماتقول لحد عن مشاعرها أتجاهه أوهذي أول مره تقول لسلمان جذي وتناديه بأسمه).
سلمان وقف السياره وتم أناظرها.
ساره:ليش وقفت السياره؟!أوليش تطالعني جذي؟!
سلمان(مبتسم):هذي أول مره اتقولي لي سلمان مو عمي.وأول مره أكتشف أني غالي عندش...ساره لا تناديني عمي أحس أني كبير مع أني بعدني شباب.
ساره(فهمت قصده):أمممم ويش رايك أناديك قدام الأهل عمي أوقدام الناس سلمان...
يعني مثلآ لما أكون مع صديقاتي أقول سلمان مو(تبتسم).
سلمان:عطيتش وجه واااجد(وحرك السياره).

ظلوا يسولفوا لين سكتت ساره.

ساره تقول في نفسها:ويش فيه سلمان مو على بعضه هليومين دايم يسرح ويفكر...(جات على بالها أمل)..معقوله أيكون حبها...لالا مع الشي ألي صار بينهم ماأتوقع أيحبها...لا يمكن أيكون حب عنفي...أف ويش هلخرابيط ألي قاعده أقولها...أي خلني أختبره وأشوفه ويش يقول(ذكيه).

ساره:أفففففففف.
سلمان:شفيش تتأففين؟!
ساره:أملوا صديقتي كاسره خاطري.
سلمان(ببرود):ليش ويش فيها؟!
ساره:أبوها وراه دوام بكره أومايقدريرجع ياخذها من العرس ..وهي ماتبغى ترجع مع حوراء لأنها تحس أنها ثقلت على قيس أخو حوراء.

سلمان من سمع أن أمل ممكن ترجع مع قيس حس بلغيره وقال:مو مشكله أنا أوصلها مانا مشغول.
ساره(بخبث):بس أنت ماتبغاها تركب سيارتك...واليوم لوما أني حطيتك قدام ألأمر الواقع كان ما وصلتها و
سلمان(يقاطعها):بس أنا غلطان أو أبغا أعتذر منها...حاولي تقنعيها أني أوصلها.
ساره(حست بلأنتصار لأنها عرفت أنه يميل لأمل):أمممم سلمان أعترف قول شسالفه؟!
سلمان(وقف السياره):يالله نزلي لو تبغي تأخريني على أصحابي.
ساره ألتفتت للجهه الثانيه شافت أنه قاعة العرس قدامها وهي ماحست أنهم وصلوا ونزلت من السياره وقالت له:تعال الساعه12 مو تتأخر.
سلمان:أوكي يالله باي.
ساره:باااي.

______في القاعة_____

أمل تنتظر حوراء وساره وهي قاعده بروحها في أحدى الطاولات.
وترجع تفكر في سلمان وفي حوراء وساره كيف أحرجوها معاه وهي بداخلها نار ما بتنطفي ألا لما تنتقم منهم.

وتشوفها ساره وتروح لها.

ساره(واقفه قدامها):القمر بشو تفكر...ها أعترفي.
أمل(عابسه):أمم ألحين صرت قمر..لو تراضيني على الموقف ألي حطيتيني فيه أنتي وحورو
ألا تجي لهم حوراء:أسمعت أسمي ويش تقولو عني(تجلس على الكرسي)أملوا أني شكلي أذا أبغى شي باجي لش تدعي لي لأن دعائش مستجاب.
أمل:مافهمت وضحي أكثر.
حوراء:موأنتي دعيتي أن يصيبني موقف أنحرج منه زيش.
أمل:أي وبعدين.
حوراء:ولا أبلين...صار ألي بغيته.
أمل(فرحانه):صج قولي ولله.

ساره تناظرهم وهي مي فاهمه شي:هايي صبايا أني موفاهمه شي فهموني شصاير
ماأحب أكون زي الأطرش في الزفه.
أمل وحوراء:ههههههههه
وقالت لهم حوراء السالفه.
أمل:ههههه تستاهلي أحسن مو بس أني ألي أنحرج.
حوراء:بس وسيم ويهبل...الله يهني ألا بتاخذه.
ساره:أقول أمل قومي مالينا مكان أهني..الأخت بدت تحب.
حوراء:حلفي أني ماقلت حبيته بس عجبني.

أوجلسوا يسولفوا لين جات العروس وراحو يسلموا عليها ويباركوا لها وبعدها ظلو يرقصو لين تعبو.

والناس ماكانو يطالعوا غيرهم لأنهم كانو أيه من الجمال والابداع في الرقص والكشخه.

وعلى الساعه12كان سلمان ينتظر ساره ويدعي ربه أن أمل توافق تجي معاهم.

ساره كانت تقنع أمل تجي معاها بس أمل مارضيت.

ساره:أموله حبيبتي أرجوش تعالي ويايي.
أمل:لاماأبغى أركب ويا عمش..أخاف أيعكر مزاجي بكلامه ألي زي العسل.
ساره:بس هوألي قالي أنه يبغى أيوصلش على شان يعتذر لش على ألي قاله.

أمل تقول لنفسها:ياااااي يبغى يعتذر..،خلاص باروح باشوفه أوباشوف عيونه ألي تهبل واااااي وحشني وااااجد(وترجع تفكر)لالا خله يولي يعني أني مره باموت أذاماأعتذر لي ولا أذا ماشفته
لا أبغاه ولا أبغا أعتذاره.

أمل:لا ساره مايحتاج أروح وياش لأن زوجة خالي هني أوأكيد خالي بجي ياخذها فاباروح وياهم.
ساره(بخيبة أمل):خلاص على راحتش...يالله باي.
أمل:باي.

_________________

سلمان مل من تأخر ساره وأخذ جواله ودق عليها ألا ويسمع نغمة جوالها ويلف يلقاها راكبه السياره.
ساره:السلام .
سلمان(بسرعه):وين أمل؟!مارضيت مو؟!أكيد بعدها زعلانه مني.
ساره(متفاجئه منه):بل بل شفيك كنك كنت تنتظر نتيجه أختبار و
سلمان(يقاطعها):أف كن هذه وقت مسخرتش قولي ويش قالت؟!
ساره:أوكى باقول لك بس أنت أمشي أول لأني تعبانه حدي.
سلمان(حرك السياره):يالله قولي لأني قاعد على أعصابي.

ساره قالت له كل الكلام ألي دار بينها وبين أمل.

سلمان(أرتاح):أشوه يعني بترجع مع خالها.
ساره:ليش تبغاها ترجع مع خالها؟!
سلمان:لأني ماأبعاها ترجع مع البطيخه قيس.
ساره(فهمت بس تستهبل):أي وليش ماتبغاها تروح ويا قيس؟!
سلمان:لأني أغار.
ساره(تستهبل عدل):أي ليش أتغار.
سلمان(عصب):أووه ويش فيش هبله يعني واحد يغار على وحده ليش؟!
ساره:أي ليش؟!
سلمان:لأني أحبها ياذكيه.
ساره:ههههههههه
سلمان(يصرخ):أنا ماقلت شي يضحك.
ساره:أنت من صجك تحبها توك أمس شايفنها أو غير جذي هزئتها وألحين تقول تحبها بلله عليك هذه شي مايضحك.
سلمان:الحب مايعرف حاجه أسمها أمس واليوم...خلاص سدي الموضوع.

ساره ظلت ساكته بس فرحانه لأمل لأنها حست أن أمل تبادل سلمان نفس الشعور.

________________

وفي جهه ثانيه وعالم ثاني
كان رائد منسدح على سريره يفكر بلملاك ألي شافها مو قادر ينام كل ما غمض عينه يشوفها قدامه.
رائد:أخ مو قادر أنام خلاص بكره باروح بيت قيسوه يمكن أشوفها بلغلط مره ثانيه.
ولف على الجهه الثانيه أوراح في سابع نومه.
________
اليوم ألي بعده كان عادي حتى رائد ماقدر يشوف حوراء
________
يوم السبت في المدرسه
___________
حوراءوساره رايحين لأمل في الفصل لأنها مانزلت لهم
وهذي من غير عوايدها وصلو لفصلها أولقوها قاعده بروحها وحاطه راسها على الطاوله. قربوا لها.
ساره وحوراء:أمل ويش فيس ؟!
أمل رفعت راسها وحوراء وساره شهقوا أول ما شافوها.
ساره:ويش في عواينش جذي؟!
صار لش شي أمس؟!
حوراء:باجيب لش اكحلي على شان ايخفف من مضهرش.

أمل كان تحت عيونها هالات سوده وكانت رابطه شعرها على غير عادتها وموحاطه لها
الكريم ألي تحطه كل يوم.

ساره:متى نمتي؟!
أمل(بصوت مبحوح):الساعه 3.
ساره:بااااال حرام عليش ليش
جذي.

أمل في نفسها:أأأأهه ويش تبغيني أقول...أقول أني حبيت سلمان وظليت طول اليل أفكر كيف أني حبيت واحد ماعنده أخلاق و
ساره(تقطع حبل أفكارها):أموله ما جاوبتيني ويش فيش؟!
أمل(تكذب):ما في شي بس أمس بعد ماأنتهت حفلة ستارأكاديمي سهرت أشاهدهم ومانمت .
ساره (ماصدقتها):أممم تدري أني ماشاهدته. من هو ألي فاز؟!
أمل(أرتبكت وماعرفت شتقول):أأ ساره راسي أيعورني.
ساره(فهمت أن أمل تتهرب):
أمل أذا الشي ألا خلاش ماتنامي عائلي ماأجبرش تقولي بس أذا كان شي غير فالازم تقولي لي.
أمل ماتحملت وحضنت ساره وقامت تصيح.
في هلحضه جات حوراء وتقدمت لساره وأشرت لها بطريقة أنها تبغى تعرف شنوصاير وفي هللحضه صفرت لطابور حوراءوساره راحو طابورهم وقالو لأمل أنهم بجو ليها في الفسحه.

في الفسحه حوراءوساره ظلو يبحثو على أمل بس مالقوها.

وفي أخر الدوام ماشافوها لأنها على طول راحت بيتهم.

حوراء وساره كانوا مستائين لحال صاحبتهم.

________________

ساره رجعت البيت وصلت وأتغذت وأستأذنت من أمها أنها تروح لأمل واتصلت على سلمان.
ساره:ألو السلام عليكم.
سلمان: هلاولله وعليكم السلام
ساره:أبغاك توصلني بيت أمل
(سلمان من سمع أسم أمل فز قلبه)
سلمان:ألحين الساعه3 بتروحي ويش بتسوي في بيت الناس؟!
ساره:أنت بتوديني لولأ؟!
سلمان(يمزح):لا ما باوديش
ساره:خلاص باروح مشي.
سلمان:هايي أمزح بعد10دقايق باكون عندش.باي
ساره:باي

_________________

أمل كانت في غرفتها تفكر بلاصار الصبح ويرن جوالها.

أمل:نعم
ساره:هلاولله
أمل:هلا
ساره:حبي أباجي لش بعد اشوي
أمل:حياش في أي وقت
ساره:تسلمي يالله باي
أمل:باي
وتسكر الخط وتنزل لتحت تروح المطبخ تجهز شي تقدمه لساره ولماخلصت راحت للمجلس تجهزه بس أول مادخلت أنصدمت شافت أبوها منسدح على الأرض بطريقه غريبه أمل خافت على أبوها
وراحت جلست بجنبه وحطت راسه في حضنها وقعدت تصحيه بس ماصحى و ظلت تظربه بلخفيف وتناديه .
أمها كانت في الصاله ولما سمعتها تصرخ ركضت لها.

ظلو ثنتيتنهم يصحوه بس ما صحى.
أمل أتصلت لخالها جاسم(ألي
وصلها من العرس).
جاسم:ألو
أمل(تصيح):ألحقني أبوي ماأدري ويش فيه أنصحيه بس مايصحى
جاسم:خلاص ألحين باجي

وترجع أمل لأبوهاوتقعد تصيح والعائله كلها تصيح وبعد ربع ساعه جا جاسم وسلمان وساره كانو توهم واصلين
ساره(قبل لاتنزل من السياره):مشكور وماقصرت وعساني أقوم وأقعد وأرقص في عرسك.
سلمان:هههههههه توني أدري أنش مصلحشيه.
ساره:الله يسامحك الحي
سلمان(يقاطعها):ساره (ويأشر على جهة باب بيت أمل)مو هذي أمل.
ساره(مستغربه):أي بس هي ما قالت لي أنها بتطلع...يوه هذا أبوها.
سلمان طلع من سيارته أوراح عند أمل وخالها
سلمان:تحتاج مساعده أخوي.
جاسم كان حامل أبو أمل بس كان ثقيل عليه
جاسم:مشكور بس لو تحمله ويايي .
سلمان حمل أبو أمل ولأنه قوي حمله بروحه وقال لجاسم يفتح باب السياره على شان يحطه داخلها(سياره جاسم).
أمل من خوفها على أبوها ماعارت أهتمام لسلمان وركبت السياره بسرعه.

سلمان سأل جاسم في أي مستشفى بيروح وبعد ماقاله راح لسيارته وحركها وقال لساره عن كل ألي صار.

_________________

وفي المستشفى كانت أمل تصيح وجاسم يهديها ويحضنها.
وساره ما كانت تقدر تروح لأمل لأن جاسم كان وياها.
أماسلمان كان قلبه يتقطع على حبيبته وكان بيموت من الغيره على أن جاسم حاضننها.

سلمان:ساروا(يأشر على جاسم) من هو هذا ألي حاضننها؟!
ساره(بضيقه خلق):وأني ويش عرفني به...صج أنك فاظي.

وبعد بضع دقائق جا الدكتور وجاسم وسلمان راحو له وساره راحت لأمل تهديها.

جاسم يسأل الدكتور:لو سمحت أخوي المريض ألي داخل ويش حالته ألحين.
الدكتور(مصري):هو بيقرب لك أيه.
جاسم:أنا أخو زوجته وولد عمه.
سلمان(يتدخل):هو المريض فيه أيه.
الدكتور:هو معاه السكري...أطمنو هو دلوئتي بخير وحتاخذوه لما يصحى.
جاسم:مشكور والله يعطيك العافيه.
الدكتور:ولو دا واجبنا.

ويروح الدكتور ويترك جاسم مع سلمان بروحهم.

جاسم أتعرف على سلمان وشكره وسلمان طلب من جاسم أنه يوصل أمل بيتهم وجاسم مارفض لأن ساره بتكون معاهم ولأنه أعجب بأخلاق سلمان.

جاسم بقى في المستشفى يخلص أجرأت الخروج.

_________________

ومن جهه ثانيه حوراء حرقت جوال أمل وساره من كثر ماتتصل.
أمل كانت ناسيه جوالها في غرفتها وساره كانت حاطته على الصامت.
وأول ماركبت ساره السياره طلعت جوالها ودقت على حوراء تطمنها.
أما سلمان كان بين دقيقه ودقيقه يناظر أمل من مراية السياره.
وأمل كبر في عينها سلمان وكبر حبها له.

لما وصل سلمان بيت أمل وقف السياره وقبل ماتنزل أمل قالت:مشكور و
سلمان(يقاطعها):مايحتاج تشكريني هذا واجبي.
أمل أبتسمت له أبتسامه خفيفه ونزلت وسلمان ظل ساهي في جمالها ويفكر كيف يقول لها عن حبه.

ساره تدق هرن سيارة سلمان وسلمان يتخرع وساره تظحك عليه.

_________________

_________________

يوم الأحد في المدرسه في الفسحه أمل وحوراءوساره مع بعض يسولفو ألا تجي لهم بنت (بكامل أنوثتها جميله وحلوه وصابغه شعرها بلياج).

شيماء:السلام عليكم...ويش حالكم صبايا(وتسلم عليهم)
ساره ويش حال عمتي(أم ساره).
ساره(مبتسمه):الحمدلله بخير ويش حال خالي(أبو شيماء).
شيماء:بخير الحمد لله...أي قولي لعمتي تجي لنا يوم الأربعاء لأن جواد(أخوها)توه راجع من السفر(أمريكا)أوبنسوي له حفله...مو تنسي أبغاش تجي وياها.
ساره:لا مابنسى.
شيماء:أوكي باي
ساره:باي

ومن راحت شيماء هلت الأسئله على ساره من قبل أمل وحوراء.
(شيماءتصير بنت خال ساره بس علاقتها بها مو لديك الدرجه لأن أم ساره ماتزورهم واجد بس بحكم أن شيماء أجتماعيه حبت أن ساره تكون معاهم).

حوراء:ساروا هذي شيماء بنت خالش.
ساره:أي.
أمل:حليوه وااجد تشبهش ساروا.
ساره:تدرو أنها أحلى وحده في عائلتها.
حوراء:أخوها ألي راجع من السفر كم عمره وحليو.
ساره:عمره يمكن26وأذا عن جماله فكلمة جميل ماتوصف جماله.
أمل:أوه أوه تطورنا ساره تغازل واحد مو معقوله!
ساره:لاأغازله ولاشي بس أني ماشفت واحد زيه.
أمل(من غير وعي):أكيد سلمان أحلى منه.
ساره وحوراء ناظرو أمل وهم مستغربين.
أمل أستوعبت ألا قالته وعلى شان تبري نفسها قالت:ويش فيكم تناظروني جذي أني قصدي أن سلمان احليو.
وفي هللحظه تجي لهم بنت(معجبه لحوراء) وتقول:لو سمحتي حوراء أبغا أمشي أياش شوي.
حوراء كانت تبغى تكمل السوالف ومن حرتها قامت وهي تدزأمل وساره عن لا يكملوا السوالف وأمل وساره ميتين ظحك عليها.

حوراء مشت مع المعجبه بس ظلت المعجبه ساكته وحوراء تتحرطم وتقول:أف هذي بتظل ساكته مللتني أني أبغا أكمل السوالف أياهم(أمل وساره).
وأخيرآ نطقت المعجبه:حوراء.
حوراء(من غيرنفس):نعم
المعجبه:أني معجبه بش واجد.
حوراءفي نفسها:أدري عجل ليش تمشي أياي ألحين.
حوراء:مشكوره.
المعجبه:وأني ماأعجبش؟!
حوراء(ماسكه نفسها عن لا تظحك ياربي تحلف دي كيف بعجب أبها وأني أول مره أمشي أياها وحتى أسمها ماأعرفه صج هبله):أي حتى أنتين جميله.

أو ظلت تسولف المعجبه لين صفرت وحوراء تتحرطم على أن فسحتها ضاعت.

________________

كان جالس على مكتبه يفكر
رائد:أف هذي مي حاله صارلي4أيام أفكر فيها ومو قادر أنساها...أنا ليش ماأخطبها وأريح نفسي...خلاص باقول لقيس.

_________________

مكالمه بين ساره وسلمان.
ساره:ويه بتوديني بيت أملوا
سلمان:اليوم شفتيها ليش بتروحي؟!
ساره:موأبوها مريض لازم أتحمد له بسلامه.
سلمان:أنزين باجي بعد نص ساعه.
ساره(شهقت):باااااااااال مابيمديك توديني أشتري ورد.
سلمان:حلفي كني فاظي لش روحي لمحل الورد ألي قريب من بيتكم..يالله باي أنا مشغول.
ويسد الخط.

_________________

#في محل الورد#

ساره دخلت المحل وظلت تنظر ألي الورد ولفتت أنتباها باقة ورد يلفها الهندي
قربت منه وسألته:تقدر تسوي لي باقه مثلها.(كان في شاب واقف بس ساره ما أنتبهت له).
الهندي:أي في سوي ماما.
ساره:بس ماأبغاها لون واحد تالي تطلع مو احليوه
الشاب(الي كان وراها):لو سمحتي أختي يعني ذوقي موحلوا.
ساره(من غير ماتلتفت له):أخوي الناس أذواق وأني ماقلت مواحليوه.
الشاب:اشكله ذوقش حلو.
ساره ماردت وأنتظرت لين مايخلص الهندي من باقة الشاب أوصارت باقته جذابه كتير بس الشاب ماراح أنتظر لين تخلص باقتها أوصارت باقتها جذابه وناعمه وتبين على ذوق صاحبها.

وطلعت ساره من المحل وطلع الشاب وراها.

الشاب راح لسيارته وحط الباقه بداخلها وقفل السياره وراح مشى وراء ساره وساره ماحست له الا لما قربت توصل للبيت.

ساره(تلف له وهي معصبه):أنت ماتستحي عل

وتسكت ساره لأنها أنصدمت من ألي شافته......



شو راح يصير ومن الشاب ألي شافته ساره؟!وهل رائد بيقول لقيس أنه يحب حوراء؟!وشوأخر التطورات بين أمل وسلمان؟!

هاي هذ الجزء واتنمى ان يعجبكم

الجزء الرابع عشر:

ساره بخوف:سلمان فيه شي؟؟؟؟
جواد:عظم الله أجرش.
ساره حطت يدها على فمها مو قادره تصدق:لا تكذب علي سلمان ما مات
جواد بسرعه:لا مو سلمان..نزل راسه..جدتش

راحت له مسكت كتوفه اتهزه و ادموعها أتطيح أربع أربع:جواد تكفى قولي أنك تكذب علي ريحني
جواد مسك ايدينها حرك وجهه بطريقة نفي.
ساره بدى اصياحها يعلى صارت اتصيح بطريقه تقطع القلب..جواد ماقدر يستحمل منظرها.
جواد بحنان:ساره الي تسويه مايصير هذا
ساره تقاطعه:هذي أمي تعرف ويش معنى أنها أمي أنت ماتحس أبوي مات أمي وجودها زي عدمه مابقى لي الا هي..رجعت تصيح.
جواد ماتحمل اصياحها و بحركه عفويه مايقصد منها أي شي غلط حضنها..ساره ماحست بلي حواليها لأنها في قمة الصياح..بعد ثواني أغمى عليها جواد أبتلش ابها ماعرف شيسوي و مو معقول بيتركها جذي فحملها دخلها داخل البيت كان بيبطحها على الكنبه بس الكنب حقهم الواحد مايرتاح فيه{يعني كنب حق الزينه}..ركب فوق شاف غرفه مفتوح بابها و اليتات امشغله فدخلها و حط ساره على السرير غطاها بالبطانيه و طلع من الغرفه..طلع جواله من مخباه أتصل على شيماء

شيماء:هلا
جواد:أبوي في البيت؟؟
شيماء أستغربت:هيه بس ليش تسأل؟! فيك شي؟؟
جواد:جدتت ساره ماتت
شيماء شهقت:أنت شقاعد تقول
جواد:قولي لأبوي يجيبكم بيت جد ساره بسرعه
شيماء بعدها منصدمه:زين
جواد:شيماء لاتتأخرو..باي
شيماء:زين..باي

قالت لأبو جواد و راحو كلهم ماعدا أم جواد تمت في البيت.

.....

وصلو البيت و كان جواد قاعد في الصاله.

أبو جواد و شيماء و دانه:السلام عليكم.
جواد:و عليكم السلام..شيماء..دانه أركبو لساره فوق.

ركبو دانه و شيماء...أبو جواد:ويش صار؟؟
جواد:ساره أتصلت لسلمان و قالت له أنها بتجي بس قبل ما تجي تعبت جدتها واجد سلمان وداها المستشفى بس أول مادخلت المستشفى ماتت مالحقو عليها.
أبو جواد: ويش دراك بهذا كله؟؟
جواد:أنا أشتغل في نفس المستشفى الي سلمان راحها..لما شافني قالي أجي أخذ ساره وأوديها البيت.
أبو جواد:لا حول و لا قوة الا بالله..أنا لله و أنا له لراجعون..أنا باروح لسلمان و أنت أقعد مع خواتك

أول ما طلع أبوجواد سمع جواد صراخ فركب فوق.

في طريقه لغرفة ساره شاف دانه جايه له تركض

دانه:جواد ساره كسرت العطور الي عندها و جرحت ايدها و الدم يسيل من ايدها.
جواد بصراخ:وانتي ويش تنتظري روحي جيبي لفه و ديتول و هالأشياء.
دانه:زين زين..وتنزل بسرعه.

جواد دخل الغرفه شاف شيماء ماسكه ساره تهديها و أيد ساره مليانه دم بس مو لذاك الزود.
جواد:ساره جيبي أيدش بشوفها.
ساره:أطلع برى مابغاك اهني.
جواد:ساره بلا عناد جيبي أيدش
ساره بطريقه هستيريه:أنت ماتحس قلت لك اطلع برى أنت سبب عذابي أكيد ماتت بسبتك..أطلع برى مابغى أشوفك ولا مره اشوفك اصير بخير أنت أكيد تكذب تكفى قولي أنك تكذب شيماء قوليله أني أحبها ماأقدر أعيش بدونها هي أمي عمري ماحسيت بالحنان الا بجنبها..أنتو ماتفهمون..قعدت اتصرخ شيماء اتحاول تهديها بس مو فايد حتى جواد حاول فيها بس مافاد.
لين جت دانه و معها كل المستلزمات...جواد مسك أيد ساره بالغصب و بدى يعقمها و يلفها..ساره كانت اتصارخ بس لما مسك ايدها بدت اتصيح بهدوء بس تشهق لما خلص طلب من شيماء تقعد معها لين اتنام.

جواد راح مع دانه الصاله قال لها كل الي صار.

جواد:دانه لما رحتو لساره ويش كانت اتسوي.
دانه:كانت نايم بس لما فتحنا الباب قعدت و صارت اتصارخ بطريقه مو طبيعيه..ليش صابها جذي؟؟
شيماء تدخل:يمكن من أثر الصدمه..حولت نظرها لجواد..نامت
جواد:زين قعدي وياها يمكن تقعد لازم تلاقي حد جنبها لأنها في حالة هستيريا<<hysterical.
شيماء:يعني ويش؟؟
جواد:هذا نوع من الأضطراب يصيب الأنسان اذا اتعرض للقلق أو الصدمه ممكن أنه يسبب اضطرابات في الوظائف الحسيه أو الحركيه أو الداخليه و هي صابها جذي لأني غبي مامهدت لها الموضوع على طول صدمتها.
دانه:عاد توك تدري أنك غبي.
جواد عصب:دانه مو هذا وقت مسخرتش.
دانه سكتت ولاقالت شي.

في المغرب رجع سلمان البيت وهو حالته حاله...شيماء و دانه كانو في غرفة ساره بس طلعو الصاله لأن سلمان دخل لها.

سلمان مسح ادموع ساره و حضنها:ساره لاتسوي في نفسش جذي ادعي لها بالرحمه هي محتاجه دعاش مابيفيدها اصياحش.
ساره رفعت راسها:بس أني أحبها.
سلمان:أنتي صليتي؟؟
ساره هزت راسه بالنفي.
سلمان:اذا اتحبيها قومي صلي واقري قران ادعي ليها بالرحمه و المغفره
ساره بوجه حزين:انشالله
سلمان باسها مابين عيونها و طلع من الغرفه...شيماء و دانه ساعدوها على أن هي اتروح تتمسح و اتصلي.

بعد ساعه امتلاء البيت بالناس..ساره رفضت أن أمها تقعد معها..قعدت جنب شيماء و دانه و حوراء و أمل الي أول ماسمعو بالخبر جوا على طول

أبوجواد وجواد و عمام وخوال سلمان قامو بالواجب يعني حضرو الدفن و قدمو الماي و القهوه الى الجو يعزوهم.

....

بعد أيام العزا...طول الأيام الي مرت وشيماء دانه أمل حوراء ماتركو ساره اي شي تبغاه يجيبوه لها مع أنها ماتطلب شي حتى الأكل ماتاكل الا لما يغصبوها لأن هي مارجعت البيت تمت في بيت جدها عشان سلمان و عشان ذكرى جدتها لأن كل زاويه في هالبيت تذكرها بها

أمل:ساره مو زين الي تسويه في نفسش لازم تاكلي أنتي ماتاكلي زين.
حوراء:وجهش شاحب لازم تاكلي.
شيماء:باسوي لش عصير ليمون..توها بتطلع.
دانه:لحضه أنتظريني باروح معاش...و نزلو تحت للمطبخ.

ساره:أمل بطلب منش طلب بس لاترديني.
أمل:أمري ادللي لو تبغي عيوني بعطيش أياها.
ساره:هذا الغذا واجد علي ماباكله كله أبغاش تجيبي صحن وتحطي لسلمان تعطيه اياه.
أمل:باروح اجيب صحن و بحط له بس مو أني الي بعطيه اياه أنتي وديه له.
ساره:أنتي مابتسوي شي غلط بس بتوديه له..أدري أنك تبغي تتطمني عليه.
أمل:بس
ساره:خلاص اذا مابتروحي أني باروح.
حوراء تدخل:لالالا لاتقومي من مكانش أنتي ماأكلتي شي لو بتقومي بتطيحي..خلاص أني بوديه له.
أمل بسرعه:لا عيوني قاعده تحلمي أخليش تروحي له هذا الاناقص...أخذت الصحن وطلعت من الغرفه..حوراء ظحكت عليها:أمبين عليش تبغي تشوفيه..ساره ابتسمت.
حطت له الغذى في صحن وركبت لما وصلت لغرفته اترددت بس بعدين دقت الباب.
سلمان افتكرها ساره:دخلي الباب مفتوح.
أمل(فشله مستحيل ادخل)ردت دقت الباب.
سلمان(ويش فيها دي ماتسمع)قام عن سريره بتثاقل وهو بعده بيجامة النوم..فتح الباب
سلمان:أمل!!!!!!!!!!!!!
أمل مو عارفه شتقول:ااعظم الله أجرك.
سلمان اتسند على الباب اتأملها اشوي وتنهد:اجرنا و اجرش.
أمل قلبها يدق بقوه :ساره قالتلي اجيب لك الغذى..مدت الصحن له..طالعها اشوي اخذه.
سلمان:أمل.
أمل:لازم اروح.
سلمان:أمي كانت تتمنى تعرفش أكثر قبل ماتموت..أنا قلت لها أني ابغى أخطبش.
أمل نزلت راسها:الله يرحمها.(تمنت أنها تخفف عنه وأن يكون يحق لها أتكون معاه في محنته)
تركته ورجعت غرفة ساره..ساره خافت من شكل أمل:ويش فيش؟؟؟سلمان فيه شي؟؟؟
أمل صاحت:حالته تقطع القلب اهئ اهئ.
ساره:عشان جذي قلت لش تروحي له لأنه حالته اعظم مني صحيح هو ماسوى مثلي بس هو يتعذب من داخله.{وعلى قلبي صار وحيد}

_________________

بعد سبوعين#غرفة جواد#

جواد يكلم البنت الي كلمته في مجمع الواحه.

جواد:ليش ماأتصلتي من ذاك اليوم.
البنت:لسببين الأول:اني حسيت بتأنيب الضمير الثاني:اني ماأبغى اشغلك بس أبغى اسمع صوتك.
جواد:يعني الحين ماتحسي بتأنيب الضمير.
البنت: ساكته
جواد:الوو
البنت:جواد بسكر
جواد:لحظه أنتي انزعجتي من سؤالي
البنت:أني مو زي البنات الي تكلمهم.
جواد:أنتي تكلميني يعني زيهم.
البنت:لا أنا غير
جواد:كيف يعني؟؟
البنت:أنت ماتعرفني و لا حتى بتقدر تعرفني الا اذا اضعفت و قلتلك اسمي اذا صار هالشي ماراح اكلمك و بغير رقمي.
جواد:اهاا عشان جذي ماتحسي بتأنيب الضمير الحين..زين دام أني ماأعرفش كيف تعرفيني؟؟؟
البنت:أنا أعرف كل شي عنك.
جواد:زي ويش

البنت قالت له كل شي تعرفه حتى سالفة سالي أتكلمت عنها يعني كأنها عايشه معاه

جواد متفاجئ:أنتي كيف تعرفي كل الي قلتيه.
البنت:الي يحب لازم يعرف كل شي عن حبيبه.
جواد:زين انا شفتش من قبل؟؟
البنت:في حدود ثلاث لو اربع مرات.
جواد:يعني ممكن تكوني وحده من صديقات شيماء لو دانه.
البنت:مو شرط
جواد سمع دق على الباب:لحظه..فتح باب غرفته.
جواد:نعم
شيماء:مشغول؟
جواد:ويش تبغي؟؟
شيماء:ابغاك اتوديني لساره
جواد:ليش؟؟
شيماء:بقى ثلاثة ايام على الأختبارات وهي طول الأيام الي طافو غايبه.
جواد:اوكى هي في بيت جدها لو
شيماء تقاطعه:بعدها ماترجع بيتهم.
جواد:اوكى روحي اجهزي.
دخل الغرفه وسكر الباب
جواد:اسف طولت عليش.
البنت:لا عادي بس شكلك مشغول وأنا ماأبي اعطلك..باي
جواد:متى اكلمش؟؟
البنت:لا أنت لا ادق أنا بدق عليك.
جواد:على راحتش..باي
سد الخط و راح يبدل ملابسه.

....

في السياره

جواد:شيماء جيبي جوالش.
شيماء:حق ويش تبغاه؟؟؟
جواد:جيبيه و خلاص..عطته الجوال..شاف ارقام جوالها و رقم البنت مو عندها.
جواد عطاها جوالها:ساره ويش حالها؟
شيماء اتنهدت:زينه الحمدلله
جواد:طبعآ بتأجلي خطوبتك مو؟
شيماء:اكيد أني ابغى ساره تحضر خطوبتي.

وصلو بيت جد ساره ..جواد قال لشيماء أنه بعد ساعه بيجي لها.

ساره كانت تنتظر شيماء في الحديقه و أول مادخلت سلمت عليها دخلو داخل.

ساره:ماأبغى أكمل
شيماء:بلا غباء باقي بس هالأمتحانات و تخلص المدرسه تبغي اضيعي تعب هالسنه كله
ساره: سلمان يقولي أكمل بس أحس اني مابقدم عدل.
شيماء:لا انشالله اتقدمي عدل.

علمتها الأشياء الي طافت عليها و حلت معاها أسئلة الكتاب{الأسبوعين الي غابت فيهم ساره كانو للمراجعه لأنهم خلصوا المناهج}

بعد ما خلصو كل شي...ساره:شيماء أني أبغى أعرف ويش صار يوم وفاة جدتي الله يرحمها أني ماأذكر شي.
شيماء:ويش الي ماتذكريه؟؟
ساره:كل شي أني ماأذكر كيف جرحت يدي و من الي وداني غرفتي و يعني ماأذكر شي.
شيماء:لماسمعتي بالخبر أغمى عليش جواد حملش وداش غرفتش
ساره:جواد!!!!!!!!!!!
شيماء:هيه جواد...المهم انك قعدتي تصارخي كسرتي كل العطور الي عندك جرحتي ايدك اني و جواد حاولنا انهديش بس مافاد و اذكر انش سبيتي جواد
ساره:شو قلت له؟؟
شيماء:ماأذكر بس هو ماهمه الكلام الي قلتيه أخذ يدش و لفها.
ساره: ساكته
شيماء: ساكته
رن جوال شيماء
شيماء:هلا
جواد:اهلين يالله اطلعي أنا أنتظرش.
شيماء:اوكى الحين جايه.
جواد:باي
شيماء:باي

شيماء:ساره اذا احتجتي شي اتصليلي.
ساره:انشالله
وصلتها لين الباب..ساره:سلمي عليهم.
شيماء:كلهم{قصدها حتى جواد}
ساره:هيه.
شيماء ابتسمت:الله يسلمش..طلعت راحت ركبت السياره.
شيماء:اتسلم عليك.
جواد:زين سكري الباب ابغى امشي لأني مشغول.
شيماء سكرت باب السياره:أنت ويش فيك ماتعطي خلق هاالأيام.
جواد:اسف بس ولله مشغول.
شيماء:زين زين امشي.

.....

أول ماطلعت شيماء على طول راحت غرفتها..جواد حملني[احمرو اخدودها لمجرد انها اتخيلت الموقف]طالعت غرفتها..يوووه فشله أكيد شاف اصوري(كانت امعلقه اصورها في الغرفه)جلست على سريرها مسكت دبدوبها حضنته(سلمان جابه لها من بيتهم لأنها ماتقدر اتنام بدونه)..سمعت دق على الباب
ساره:اتفضل
سلمان دخل جلس على سريرها:باقي كم يوم على الامتحانات؟؟؟
ساره:يوم السبت
سلمان:يعني باقي ثلاثة ايام..ويش هي الماده
ساره:جغرافيا و مكتبه.
سلمان:يالا قومي بذاكر لش جغرافيا ومكتبه أنتي ذاكريه.
ساره:انت تتكلم جد
سلمان:لا أتمسخر..يالله قومي توني ادري انش كسلانه.
ساره:امشي خلني أشوف كيف الشاطر بيذاكر لي.
سلمان:ههههههههههه.

_________________

اليوم التالي#بيت أبو قيس#

حوراء تكلم رائد
حوراء:رائد تكفى ابغى اذاكر.
رائد:يعني اسكر.
حوراء:ماأدري
رائد:ويش بتفيدش المذاكره دامش بتتزوجي.
حوراء(افف):مابتفيدني بس ابغى اذاكر ممكن.
رائد:خلاص بسكر بس بشرط
حوراء:قول
رائد:قولي حبيبي رائد بعد قلبي ممكن تسكر.
حوراء بدلع و خجل:رائد
رائد:اذا ماقلتي مابسكره.
حوراء:خلاص بقول..تاخذ نفس.
رائد:هههههه كأنش رايحه حرب.
حوراء:رائد استحي.
رائد:مو شغلي لازم اتقولي.
حوراء:زين..حبيبي رائد بعد قلبي ممكن تسكر>> عشان أشتاق لك و تشتاق لي.<<
رائد:عجبتني أخر جمله..خلاص عمري فمان الله.
حوراء:فمان الكريم.

*غرفة قيس*

مل وهو ينتظر دانه تدخل الماسنجر فتصل لها.

دانه:هلا
قيس>>دلع:اهلين..كيف الحال.
دانه:يعني كيف بكون اكيد زفت.
قيس:ليش
دانه:علي امتحان جغرافيا و توحيد فأكيد بكون مزاجي زفت لا والأزفت من جذي أن أبوي قالي أذا شافني على الكمبيوتر بيحرمني منه.
قيس(افف ويش هالحظ):يعني مابكلمك على المسن.
دانه:نهي
قيس:عجل مابعطلك مع السلامه.
دانه:الله يسلمش.سدت الخط و طلعت من الغرفه عشان تغير جو...وهي طالعه شافت جواد وشيماء يشاهدو.

دانه:مايصير كيف ابوي يرضى انش تشاهدي وأني مانعني من الكمبيوتر.
شيماء:ابوي مو هني وهذي فرصتي اشاهد الفلم.
دانه:لا ولله انتي ثانويه عامه يعني لازم تجيبي مجموع.
شيماء:ولازم أخذ لي قسط من الراحه.
جواد مندمج بالفلم:ممكن تسكتو ابغى اسمع.

انظمت لهم دانه و قعدو يشاهدو.

_________________

أول يوم في الأختبارات كان يوم تعب بنسبه للبنات و أول مارجعو بيوتهم صلو و على طول نامو ولما صحو ذاكرو الماده الثانيه و هذي حالتهم طول فتره الأمتحانات.

*أخر يوم في الأمتحانات*

ساره قاعده مع شيماء أمل حوراء..هم يسولفو وهي ساهيه..لاحظت سكوتها أمل.
أمل:ساره ويش فيش ساكته؟؟
ساره اتطالع جهه ثانيه:شوفي مرام تطالعني بنظرات حقد.
شيماء سمعتها:وين هي؟؟
ساره:عند الشجره.
شيماء طالعت مرام بس مرام حولت نظرها لجهه ثانيه.
شيماء:ماعليش منها خلها اتولي.
حوراء:صبايا بتسافرو؟؟
شيماء:أكيد لأني مابسجل في الجامعه.
أمل:وليش مابتسجلي؟؟
ساره ترد عن شيماء:لأنها بتتزوج هادي عن قريب فما له داعي الجامعه.
شيماء:مو بس عشان جذي..لأني ماحب الدراسه ماورى علي افتكيت من المدرسه تبغيني أروح الجامعه.
حوراء:راي من رايش.
أمل:بس اني ابغى اروح الجامعه.
شيماء:لازم الأراء تختلف...وانتي ساره تبغي تروحي الجامعه لو لا؟؟
ساره بوجه حزين:ماعندي طموح ليش اروح الجامعه..حتى نسبتي أكيد نزلت.
حوراء تغير الموضوع:هيه ماقلتولي وين بتسافرو؟؟
شيماء:يمكن سوريا.
أمل:أما أحنا مابنسافر لأن أبوي ماعنده أجازه.

بعد لحظات فتحو باب المدرسه عشان يطلعو الطالبات..لما كانو يلبسو عباياتهم جت وحده و عطت ساره ورقه على طول راحت..ساره قرت الورقه واتفاجأت.

شيماء:ويش مكتوب فيها؟؟
ساره عطتها الورقه و شيماء قرت المكتوب وانصدمت.

المكتوب:
"بنتقم وبحرق قلبش زي ماحرقتي قلبي على الكف الي عطيتيني اياه و ماأكون أني مرام اذا ماأنتقمت"
شيماء عصبت:هالحيوانه و تهدد بعد.
ساره بلا أهتمام:ماعليش منها أصلآ لو ماكانت خايفه كان جابت الورقه بنفسها أو قالت هالكلام بلسانها.
أمل:تتوقعو ويش بتسوي؟؟
ساره:ولاشي مابتقدر تسوي شي لأني ماأشوفها الا في المدرسه و أصلآ ماعندي شي تحرق قلبي عليه.

__________________

#بيت ابو جواد#

*غرفة جواد*

جواد يكلم البنت الي كلمته ذاك اليوم.

جواد:يعني انتي تدرسي من جذي ماقدرتي تكلميني.
البنت:ياريتني كلمتك كان احسن.
جواد:ليش؟؟
البنت:لأني كنت محتاجه لصوتك و ماقدمت في الأمتحان عدل.
جواد:اي سنه انتي؟؟
البنت:هذي أخر سنه.
جواد:يعني بعمر شيماء.
البنت:و معاها بنفس المدرسه.
جواد:عسى بس في نفس الفصل.
البنت:ماراح اقولك تالي تعرفني.
جواد:لهدرجه ماتبغيني أعرفش.
البنت:وأكثر..ياللا باي بسكر
جواد:هااا لحظه مو تسكري.
البنت:نعم
جواد:ازعلتي؟؟
البنت:يهمك اذا ازعلت؟؟
جواد:ماأحب أحد يزعل مني.
البنت:ماأزعلت بس أنت أكيد مشغول
جواد:انتي كل شاكه اني مشغول..قلت لش مو مشغول.
البنت:انت مشغول و الدلاله انك بعد ماتسد الخط بتروح لخواتك و بتتنزهو بسيارتك لأنك قبل كنت تمشيهم في أخر يوم للأمتحانات عاد ماأدري اذا لحد الحين تمشيهم أو لا.
جواد:انتي تفاجئيني من وين تعرفي هالمعلومات؟؟
البنت: مو مهم..مع السلامه.
جواد:الله يسلمش.
جواد(اكيد وحده من صديقات شيماء..ماعليه بكره بعرفش)

طلع من غرفته و راح قال لشيماء انه بيمشيهم طبعآ وافقو..اتمشو في الكرنيش بعدين راحو مطعم و اتعشو.

بعد نص ساعه رجعو البيت دانه على طول راحت الماسنجر كلمت قيس>>دلع.

أحبك:هلا عمري وحشتيني واااااجد.
أحب أعيش حياتي و أعيش في قلوب اعز ناسي:هلا ولله..ليش غيرتي أسمش؟؟
أحبك:ماأدري حسيته أحلى.
أحب أعيش حياتي و أعيش في قلوب أعز ناسي:عجل لحظه بغير النيك نيم.

غيرت النيك نيم.

وحشونا الغالين:ها شرايش؟؟
أحبك:حلوه..شو أخبارك.
وحشونا الغالين:الحمدلله زينه وانتي؟؟.
أحبك:زفت زفت زفت.
وحشوناالغالين:لييييييش؟؟؟
أحبك:دانه..أني أحب.
وحشونا الغالين:!!!!!!!!!!
أحبك:ادري أنش مستغربه بس لا تفهميني غلط.
وحشونا الغالين:فهميني الصح.
أحبك:حبيته من دون ماأدري..أحبه حب عذري صدقيني.
وحشونا الغالين:قوليلي كيف حبيتيه و من هو؟!
أحبك:ولد جيرانا..كيف حبيته ماأذكر لأني حبيته من ثلاث اسنين.
وحشونا الغالين:وهو يحبش؟؟
أحبك:اهني المشكله.
وحشونا الغالين:مافهمت.
أحبك:هو يعرف اني أحبه..عطاني رساله كتب فيها انه يحبني و يبغى يكلمني..وأني محتاره أصدقه واكلمه لو اتركه.
وحشونا الغالين:طبعآ و بدون مناقشه لاتكلميه ماعندنا بنات يكلمو شباب.
أحبك:بس يمكن يحبني.
وحشونا الغالين:لو يحبش كان طلبش من ابوش مو يقولش اتكلميه..أنتي هبله أكيد يلعب عليش وأنتي تصدقيه..أحسن شي أنك تحقريه.
أحبك:يعني لو كنتي مكاني ويش بتسوي.
وحشونا الغالين:ولا شي.
قيس(يابرودش)

_________________

مرت الأيام عاديه بس ان ساره بقت مع سلمان ولا رجعت بيتهم...لين عطوها نتيجتها ودها سلمان البيت بعد ماأطمن على نتيجة أمل.

لما قالت لأمها عن نسبتها أمها ماجابت خبرها يعني عادي ولاكأن شي صار..هالشي حز في خاطرها فركبت قعدت في غرفتها أحسن لها.

"نسبة ساره 81..وحوراء 90..شيماء 93 أمل 97"

سمعت صوت أمها تناديها فراحت لها.

ساره:نعم.
أم وليد:ساره أنتي عارفه ان وليد نجح هالسنه فأني قلت بكأفه بنسافر و مابنرجع الا لما تخلص الأجازه(لان وليد كل يرسب)..بتسافري ويان لو بتقعدي مع عمش؟؟
ساره(أفهم من سؤالش أنش ماتبغيني أروح معاكم..الحين أني صج بنتش صرت أشك في هالشي)
أم وليد:ساره سألتش ليش ماتجاوبين؟؟
ساره:متى بتسافرو؟؟
ام وليد:يوم الأثنين يعني ورى بكره.
ساره:اتروحو و اجو بسلامه.
رجعت غرفتها أخذت شنطه و حطت فيها ثيابها و الأغراض الي تحتاجهم..عشان توديهم بيت جدها.

بعد يومين سافرو ودعتهم ساره ورجعت مع سلمان.

_________________

#بيت ابو فؤاد#

كانو امسوين تجمع عائلي.. جنان ما كانت تبغى اتروح معهم لأنها تبغى تشتري لها اثياب حق حفلة صديقتها بس أبوها قال لها اتروح معهم و من اهناك بيوديها اتروح تشتري لها الي تبغاه.

جنان راحت لأبوها في المجلس و كان معاه أبو فؤاد و رائد.

جنان:ابوي أنت قلتلي أنك بتوديني ليش غيرت رايك؟؟
أبوها:ماغيرت رايي بس انا مشغول مع ابو فؤاد.
جنان:بس أنت وعدتني انك تخليني أشتري الأغراض اليوم.
أبوها:خلاص عجل..رائد
رائد:نعم.
ابو جنان:أبغاك تودي جنان {المارينا}.
رائد مندهش:هاااا
جنان برتباك:لا غيرت راي ماأبغى أروح.
أبوها:أنا وعدتش و لازم اتروحي و رائد زي ولدي وأنا واثق فيه.
رائد:بس أنا ماأحب أحد يركب ورى(قصده المقعد الوراني)مو سواق لها عشان أركبها ورى.
أبو فؤاد:بس ياولدي مايصير تركب جنبك.
رائد:خلاص خلو فؤاد يوديها.
جنان(لهدرجه مو طايقني):لا مايحتاج خلاص أني ماأبغى أروح.
أبوها:لا بتروحي..يللا رائد روح سخن سيارتك.
رائد(أوفففف)

_________________

#بيت أبو قيس#

حوراء أتحاول في أبوها عشان يوديها تشتري لها شنط حق السفر.

حوراء:يللا أبوي قوم عاد.
أبو قيس:بس يمكن مانسافر.
حوراء:تفائلو بالخير تجدوه..يللا قوم.
أبوقيس:ليش ماتستخدمي الشنط الي عندش.
حوراء:كلهم صارو مو زينين.
أبو قيس:خلاص بوديش و أمري لله الله يعين رائد عليش مابتخلي عنده قرش..
حوراء:عادي اصلا بيقول على قلبه مثل العسل و أبغى نمر على {المارينا}.
أبوقيس:انزين بس روحي قولي لفاطمه.
حوراء:من اعيوني.

_________________

أمل راحت بيت سلمان{صار ملكه} لأن ساره كانت مستمله فقالت لها تجي وطبعآ ساره خلت سلمان يطلع من البيت عشان أمل تاخذ راحتها.

ماعرف وين ايروح فتصل لصديقه وائل.

وائل:هلا بأبو الشباب..وينك ماتسأل ولاتتصل بالمره قاطعنا.
سلمان:ويش اسوي بعد أشغال الدنيا.
وائل:أنت وين الحين؟؟
سلمان:اتمشى بالسياره.
وائل:خوش شي عجل تعال بيت باسلو..هو عازم الشباب كلهم حتى راشد بيجي.
سلمان:أحلف من زمان ماشفته.
وائل:عجل ويش تنتظر تعال لنا.
سلمان:خلاص الحين جاي..باي

( يقصدون خال أمل و خطيب فاطمه..سلمان مايعرف أنه خال أمل بس هم أصحاب من زمان)

راح بيت باسل<<واحد من معارفه..سلم على الشباب الي هناك و قعد معاهم..لين جى راشد{اتأخر لأنه وده أمل بيت سلمان} سلم على سلمان و أعتذر له على أنه ماقدر يحضر العزه لأنه كان امسافر..قعد معاه في زاويه بروحهم و قعدو يسولفو لين أتصلت أمل لراشد .

راشد:هلا و لله بناعم الصوت كيفك حبيبتي.
أمل:هههههه أكيد قاعد مع صدقانك و تبغى تتفاخر قدامهم.
راشد:أدري أنش أشتقتي لي بس ماأقدر أجي الش الحين.
أمل:خالي مو تقعد تخرف علي عندك خطيبتك خلها تتصل لك و غازلها على راحتك..متى بتجي تاخذني؟؟
راشد:خلاص عمري ثواني وبكون عندش..باي.

سلمان:هذي خطيبتك؟؟
راشد:لا هذي وحده من معجباتي.
سلمان:ياخي عندك خطيبتك و شلك بنات الناس.
راشد:هههههه هي اتلاحقني في كل مكان تبغى موعد قلت بلبيه لها اليوم.
سلمان:مابصدقك أنت دايم تتمسخر و غير جذي أنت تحب خطيبتك فأكيد الا كلمتها خطيبتك.
راشد:قسم بالله مو خطيبتي..عطاه جواله..أنا بروح أغسل يدي اذا أتصلت مو ترد عليها.

في الحظه الي راح فيها راشد اتصلت أمل
سلمان طالع في شاشة الجوال لقى أسم أمولتي طالع الرقم..بعد رقمها مميز بس كني شفته من قبل..ذكر رقم أمل..لا مو معقول شكلي مخربط برقم..طلع جواله و طابق الأرقام..لا أكيد أنا أخذت الرقم خطأ ماأبغى أضلمها و أشك فيها مستحيل أمل تكون جذي..أتصلت مره ثانيه..عشان يتأكد ظغط على زر الرد عشان يسمع صوتها.

أمل:هلا ليش ماترد
سلمان أنصدم و سد الخط على طول..حس بدوخه ماعرف يتنفس فطلع برى..وهو طالع شافه راشد

راشد:سلمان ويش فيك؟؟
سلمان بصعوبه:ما ماي
دخل راشد و جاب له ماي...شرب الماي و أيده ترتجف سند راسه على الجدار.
راشد:ها بويش اتحس الحين؟؟
سلمان طالعه بوجه خالي من الحياه
راشد:اوديك المستشفى؟؟
سلمان أشر بوجهه النفي.
راشد:خلاص بوديك البيت..ماأنتظر من سلمان أجابه و على طول حمله على كتفه وداه سيارته و سلمان لا حياه لمن تنادي.

_________________

#مجمع المارينا مول#

جنان و رائد وصلو قبل حوراء و أهلها بس لأن جنان مهلت في أختيار الشي الي تباه من جذي وصلوا حوراء و فاطمه وأبوهم قبل مايطلعو رائد و جنان.

بعد ماخلصت من الشراء قالت لرائد أنها خلصت بس قبل مايطلعو راح رائد يشتري ايس كريم له و لها {من باب الذوق}
وهو رايح يشتري شافته حوراء بس هو ماأنتبه لها.
حوراء(رائد أهني..غريبه هالمجمع مايدخلوه شباب بروحهم أكيد جاي مع خواته)..شافته وهو رايح لجنان طبعآ أول نظره ماعرفتها لأن جنان متغطيه بس بعد مادققت عرفتها لأن غطاها تقريبآ شفاف...جاي معاها بروحهم لا لا لا أكيد خواته في جهه ثانيه..شافتهم بيطلعو من المجمع.
حوراء:فاطمه باروح اشوي و باجي.
فاطمه:تعالي باروح معاش.
حوراء:لا مايحتاج..وراحت بسرعه.

راحوا عند موقف السيارات وهم مو منتبهين لحوراء.

شافوا بنت صغيره تركض لأبوها و طاحت على الأرض صار شكلها يظحك فظحكو عليها اثنيهم..حوراء ماأنتبهت للبنت و أفتكرتهم يظحكو على شي غير وصلت حدها بس الي خلها تنصدم أكثر لما شافت جنان تقعد في المقعد الأمامي و رائد بجنبها وماحد معاهم..وقفت مكانها و لاعرفت شتسوي هي تروح لهم وتمسكهم بالجرم المشهود و له تبقى في مكانها أحسن لها.

_________________

#بيت سلمان#

راشد وقف عند البيت طلع من السياره راح عند باب سلمان حمله على كتفه دخله داخل الحديقه.
راشد:روح غرفتك و أرتاح قول لبنت أخوك تقول لأمل تطلعلي برى..على فكره كنت أمزح معاك هذي بنت أختي.
سلمان ماأنتبه لكلام راشد لأنه كان في عالم ثاني.

راشد راح ينتظر أمل في السياره.

أول مادخل شاف أمل و ساره في وجهه..ساره خافت عليه لأن امبين من وجهه أنه تعبان.
ساره:سلمان شفيك؟؟
سلمان باعدها عنه وجه كلامه لأمل:أطلعي برى ماأبغاش في بيتي.
ساره:أنت شق
سلمان يقاطعها بعصبيه:أنتي سكتي أحسن لش...ماأبغى وحده صايعه في بيتي.
أمل مع أنها متفاجئه بس هذا مامنعها أنها تدافع عن نفسها:ماأسمح لك تقول عني جذي.

فجئه طراااااااااااااخ عطاها كف جامد.

عم الهدوء على المكان الكل متفاجئ حتى سلمان ماأتوقع أنه يسوي جذي.

أمل وصلت حدها:أنت ماتستحي مايحق لك تضربني أبوي الا هو أبوي عمره مامد يده علي
سلمان:لأنه ماعرف يربيش..رن جوالها..ردي ليش ماتردي أكيد هذا حبيبش راشد هو ينتظرش برى.
أمل فهمت أنه فاهم الموضوع خطأ:هذا خالي..سلمان انصدم..حسافه الحب الي ضيعته فيك.

طلعت..ساره كانت بتلحقها بس سمعت صوت شي يطيح ورجعت شافت سلمان طايح على الأرض.......


شو راح يصير في سلمان؟؟
هل أمل بتسامحه وله بيفترقو؟؟
شو راح يصير بين حوراء و رائد بعد الي شافته حوراء؟؟
هل بتنفذ مرام تهديدها لساره وشو تتوقعون بتسوي؟؟
هل تتوقعون أن جواد بيحب البنت الي تكلمه؟؟